Eitem ar yr agenda
CAIS RHIF 02/2016/0422/PF – TIR AR FFERM GLASDIR, RHUTHUN
- Meeting of Pwyllgor Cynllunio, Dydd Mercher, 14 Medi 2016 9.30 am (Item 9.)
- View the declarations of interest for item 9.
Ystyried cais i
ddymchwel ffermdy presennol a thai allan cysylltiedig, ac adeiladu ysgol newydd
sy’n cynnwys dwy ysgol gynradd gyda gwaith allanol cysylltiedig, gan gynnwys
creu mynedfeydd newydd i gerbydau ac i gerddwyr, gwelliannau i lwybr troed
presennol, parcio ar y safle gyda man gollwng teithwyr, ardaloedd chwarae a
gemau y tu allan, cae chwarae, gerddi a llochesi bywyd gwyllt, tirlunio a
ffensio o amgylch y terfyn, a gwaith draenio dŵr wyneb sy'n cynnwys
draeniau hidlo a ffosydd cerrig ar dir ar Fferm Glasdir, Rhuthun (amgaeir
copi).
Cofnodion:
Datganodd y Cynghorydd Huw Hilditch-Roberts fuddiant personol yn yr
eitem hon gan ei fod yn Gadeirydd y Llywodraethwyr yn Ysgol Pen Barras ac yn
rhiant i blentyn yn yr ysgol. Datganodd y Cynghorydd Huw Williams fuddiant personol oherwydd ei fod yn
riant i blentyn sy’n mynychu Ysgol Pen Barras. Datganodd y Cynghorydd Julian Thompson-Hill fuddiant
personol a rhagfarnol oherwydd ei fod yn aelod o Fwrdd y Prosiect ac yn Aelod
Arweiniol dros gyflwyno'r cais. Gadawodd y cyfarfod tra bod y cais yn cael ei
ystyried.
Cyflwynwyd cais i ddymchwel ffermdy presennol a
thai allan cysylltiedig, ac adeiladu ysgol newydd gyda dwy ysgol gynradd a
gwaith allanol cysylltiedig, gan gynnwys creu mynedfeydd newydd i gerbydau ac i
gerddwyr, gwelliannau i’r llwybr troed presennol, parcio ar y safle gyda mannau
gollwng teithwyr, ardaloedd chwarae a gemau y tu allan, cae chwarae, gerddi a
llochesi bywyd gwyllt, tirlunio a ffensio o amgylch y terfyn, a gwaith draenio
dŵr wyneb yn cynnwys draeniau hidlo a ffosydd cerrig ar dir ar Fferm
Glasdir, Rhuthun.
Dadl Gyffredinol – Roedd y Cynghorydd Huw Hilditch-Roberts
(Aelod Lleol) yn cefnogi'r datblygiad i’r ysgol yn llwyr, er mwyn darparu
amgylchedd dysgu rhagorol er budd plant lleol a oedd angen ei wneud ers peth
amser. Canmolodd y ddwy ysgol a oedd yn perfformio'n dda er gwaethaf amodau anodd
yn y cyfleusterau presennol. O ystyried lleoliad yr ysgol newydd arfaethedig, ceisiodd y Cynghorydd Huw
Hilditch-Roberts nifer o sicrwydd ynghylch (1) materion priffyrdd a rheoli
traffig - yn benodol nifer y traffig a thagfeydd, materion yn ymwneud â’r
gylchfan a’r mynediad o Glasdir; (2) draenio dŵr a llifogydd o ystyried
bod y datblygiad wedi ei leoli mewn parth llifogydd, a (3) sut mae pryderon
cymdogion wedi cael sylw. Croesawodd y Cynghorydd David Smith (Aelod Lleol) ddatblygiad yr ysgol
hefyd, gan dynnu sylw at ddiffygion y cyfleusterau presennol a’r gwaith parhaus
dros nifer o flynyddoedd er mwyn troi'r weledigaeth yn realiti. Ailadroddodd y Cynghorydd Eryl Williams,
Aelod Arweiniol dros Addysg yr angen ar gyfer yr ysgolion newydd er mwyn
darparu cyfleusterau addysgol modern, addas at y diben, ac fe adroddodd ar
raglen moderneiddio addysg y Cyngor a gweledigaeth ar gyfer Sir Ddinbych. Cyfeiriodd at 'Ddiwrnod Agored' ar gyfer
trigolion lleol a oedd wedi cael eu cynnal i ddarparu manylion am y datblygiad
a lleddfu pryderon, gan gynnwys llifogydd a phriffyrdd.
Ymatebodd Swyddogion Cynllunio a Phriffyrdd i'r
cwestiynau a godwyd fel a ganlyn -
(1) Priffyrdd – roedd gwaith wedi bod yn mynd
ymlaen ers nifer o flynyddoedd ynghylch amrywiol opsiynau am briffordd.
(2) Cyfeiriwyd at nifer o waith priffyrdd i’w cwblhau
cyn defnyddio'r ysgol, gan gynnwys croesfan a reolir newydd ar Ffordd Dinbych a
lledu'r llwybr troed ar ochr safle'r briffordd, a chreu gorchymyn am
gyfyngiadau parcio gerllaw'r safle. Mewn ymateb i awgrym Cyngor Tref Rhuthun y dylai cerbydau sy'n gadael y
safle droi i'r chwith yn unig, cafodd yr opsiwn hwnnw ei ystyried fel rhan o'r
asesiad trafnidiaeth a chanfuwyd iddo gael effaith andwyol ar gylchfan yr A525. Roedd y maes parcio mawr a’r ardal gollwng
a gynigiwyd o fewn y safle yn cydymffurfio â safonau parcio. O ganlyniad, ystyriodd y swyddogion na
fyddai'r cynigion yn cael effaith annerbyniol ar rwydwaith priffyrdd lleol - yn
ogystal, byddai'r pwysau ar gefnffordd yr A494 yn cael ei iniaru gan y mesurau
priffyrdd arfaethedig. Ceisiodd y Cynghorydd Huw Hilditch-Roberts sicrwydd pellach bod effaith y
farchnad da byw wedi cael ei ystyried a bod mesurau diogelwch digonol wedi eu
cynnwys er mwyn sicrhau llwybr cerdded diogel i blant. Eglurwyd mai ar benwythnosau oedd y brif
broblem gyda'r farchnad wartheg a bod gwaith yn mynd rhagddo i weithio gyda nhw
i wella rheolaeth safle, a chyfyngiadau parcio'n cael eu hystyried fel rhan o'r
cynllun. Ystyriwyd bod y mesurau a gyflwynwyd i ddiogelu cerddwyr ar y llwybr troed
yn dderbyniol. Draeniad (gan gynnwys llifogydd) - adroddodd y swyddogion ar y
gwaith modelu helaeth ar lifogydd a wnaed ar gyfer y cynllun a'r strategaeth
ddraenio ar gyfer y safle, ac ymhelaethwyd ar y mesurau sy'n cael eu cyflwyno i
ddiogelu rhag llifogydd, gan gynnwys mesurau cadw dŵr ar y maes chwaraeon,
byndio ychwanegol i ddargyfeirio llifddwr a chodi’r ysgol i dir uwch –
darparwyd sicrwydd bod llawer o waith amlasiantaeth wedi cael ei wneud i
baratoi ar gyfer y cais, a bod y cynllun rheoli llifogydd wedi’i gynllunio’n
benodol ar gyfer yr ardal gyfan ac nid dim ond safle datblygu’r ysgol
(3) Amwynder Preswyl - cyfeiriwyd at gyfoeth
ymgysylltu â'r cyhoedd ac ymgynghori ar y datblygiad arfaethedig, ac roedd yn
dyst i’r broses honno mai dim ond dau lythyr yn gwrthwynebu a ddaeth i law o
ystyried maint y cynllun - cafwyd trafodaethau gyda’r trigolion hynny a chafodd
camau eu cymryd i liniaru eu pryderon, gan gynnwys cael gwared ar ddwy ffenestr
o ddrychiadau allweddol ac ychwanegu byndiau a rhwystrau acwstig gyda thirlunio
ychwanegol. Y farn oedd na fyddai'r cynigion yn cael effaith annerbyniol ar amwynder
preswyl a dylid sylweddoli bod y tir wedi ei glustnodi ar gyfer datblygiad yr
ysgol.
Ceisiodd y Cynghorydd Mark Young sicrwydd ynghylch
cynnal a chadw'r dyfrffyrdd, gan amlygu'r angen am ymrwymiad i gyflawni'r
cyfrifoldeb hwnnw. Cyfeiriodd y Cynghorydd Stuart Davies at amwysedd blaenorol yn yr ardal
hon, yn enwedig yn dilyn llifogydd Ystâd Glasdir yn 2012, gan gynghori ei fod
wedi ei sefydlu mai'r tirfeddiannwr oedd yn gyfrifol. Teimlai ei bod yn hanfodol dangos yn glir
o fewn y broses pwy oedd yn gyfrifol, yn enwedig o ystyried digwyddiadau’r
gorffennol a bod y datblygiad arfaethedig mewn parth llifogydd. Tra'n cydnabod pryderon aelodau,
cynghorodd swyddogion nad oeddent yn faterion cynllunio i'w hystyried gyda'r
cais ac awgrymwyd mai'r pwyllgor craffu perthnasol oedd yn y sefyllfa orau i
graffu ar drefniadau cyfrifoldeb a chynnal cyrsiau dŵr yn yr ardal. Dywedodd y swyddogion hefyd fod y
wybodaeth dechnegol, yr ymatebion ymgynghorai statudol a’r ddogfen lliniaru
llifogydd, yn dangos y gallai'r datblygiad fynd yn ei flaen. Rhoddwyd sicrwydd hefyd bod deialog
parhaus rhwng y Cyngor, Cyfoeth Naturiol Cymru a'r datblygwr tai yng Nglasdir
ynghylch nodweddion lliniaru llifogydd yn yr ardal.
Ymatebodd swyddogion i gwestiynau a godwyd yn
ystod trafodaeth bellach gan nodi’r canlynol -
·
byddai
ffens ddiogelwch o amgylch y safle a reolir gan yr ysgol
·
roedd
gwaith i godi’r tir wedi'i ddisgrifio yn yr Asesiad Canlyniadau Llifogydd a'i
gynnwys o fewn yr amodau fel y nodir ar dudalennau 54 a 55 o'r adroddiad
·
roedd
yswiriant ymbarél yn cwmpasu portffolio asedau ac eiddo'r Cyngor, ac
·
o
ystyried y cyfarwyddebau y tu allan i'r broses gynllunio ar gyfer ymdrin â
rhywogaethau gwarchodedig, bu i swyddogion rybuddio rhag awgrym y Cynghorydd
Huw Hilditch-Roberts i ddileu'r amod yn ymwneud â rhoi'r gorau ar unwaith i
waith pe gwelir unrhyw Fadfallod Dŵr Cribog (fel y manylir yn y papurau
atodol) - yn lle hynny, rhoddodd swyddogion sicrwydd y byddent yn gweithio'n
agos gyda'r awdurdodau perthnasol i sicrhau deialog barhaus a lliniaru unrhyw
risg o oedi
Cynnig – Cynigodd y Cynghorydd Huw Hilditch-Roberts,
i gymeradwyo’r cais, ac fe’i eiliwyd gan y Cynghorydd Barry Mellor.
PLEIDLAIS:
CYMERADWYO - 22
GWRTHOD - 0
YMATAL - 1
PENDERFYNWYD y dylid CYMERADWYO’r cais yn unol ag argymhelliad y swyddog fel y nodwyd
yn yr adroddiad a’r papurau ategol.
Dogfennau ategol:
- ITEM 6 - LAND AT GLASDIR FARM, Eitem 9. PDF 115 KB
- ITEM 6 - LAND AT GLASDIR FARM APPENDIX, Eitem 9. PDF 1 MB