Eitem ar yr agenda
ADRODDIAD BLYNYDDOL CYFARWYDDWR Y GWASANAETHAU CYMDEITHASOL: 2015/16
Ystyried
adroddiad gan y Pen Reolwr: Cymorth i Fusnesau (copi ynghlwm) i alluogi'r
Aelodau i archwilio’r adroddiad drafft cyn iddo gael ei gyflwyno i Arolygiaeth
Gofal a Gwasanaethau Cymdeithasol Cymru (AGGCC).
11.00 a.m. – 11.30 a.m.
Cofnodion:
Cyflwynodd yr
Aelod Arweiniol dros Ofal Cymdeithasol (Gwasanaethau Oedolion a Phlant), y
Cynghorydd Bobby Feeley, yr adroddiad (a ddosbarthwyd eisoes) er mwyn galluogi'r
Aelodau i graffu ar yr adroddiad drafft cyn iddo gael ei gyflwyno i Arolygiaeth
Gofal a Gwasanaethau Cymdeithasol Cymru (AGGCC).
Pwysleisiodd yr
Aelod Arweiniol nad oedd darparu gwasanaethau gofal cymdeithasol i drigolion y
sir, a newid moderneiddio’r gwasanaethau
hynny, yn destun cyfyngiadau cyllidebol yn unig. Mae gofynion y Deddf Gwasanaethau Cymdeithasol a
Lles (Cymru) 2014 yn golygu bod angen nifer o newidiadau i'r ffordd y cafodd
gwasanaethau eu cyflwyno yn y gorffennol. Yn y dyfodol byddai mwy o bwyslais ar gefnogi pobl
i fyw mor annibynnol â phosibl am gyhyd ag y bo modd, gydag ymagwedd fwy
rhagweithiol, ataliol, ymyrryd at ddarparu gwasanaeth yn hytrach na chreu
diwylliant o ddibyniaeth ar wasanaethau
math gofal preswyl.
Yn ei rôl yn
Gyfarwyddwr Corfforaethol: Cymunedau, manylodd ar gynnwys ei hadroddiad, gan
bwysleisio, er bod yr adroddiad yn ei henw, roedd y gwaith a grynhowyd oddi
mewn yn ffrwyth y gwasanaeth gofal cymdeithasol cyfan. Mynegodd
ddiolch arbennig i Bennaeth Gwasanaethau Plant a Theuluoedd, Leighton Rees a
ymddeolodd yn ddiweddar, ac i’r Pennaeth Addysg, Karen Evans am eu holl
ymdrechion i baratoi'r ffordd ar gyfer uno Gwasanaethau Addysg a Gwasanaethau
Plant a sicrhau trosglwyddiad mor esmwyth i un Gwasanaeth Plant ac Addysg.
Dywedodd y
Cyfarwyddwr Gwasanaethau Cymdeithasol wrth yr Aelodau:
·
bod
ei hadroddiad ar gyfer 2015/16 wedi cael ei gyflwyno mewn fformat diwygiedig er
mwyn cydymffurfio â newidiadau deddfwriaethol a darparu fframwaith newydd er
mwyn mesur perfformiad gofal cymdeithasol;
·
roedd yn ofynnol i'r Cyfarwyddwr ddynodi cryfderau a
gwendidau'r Gwasanaeth yn yr adroddiad, ac amlinellu cynlluniau i gryfhau'r
gwendidau a nodwyd;
·
roedd
y Gymraeg yn bwysig i'r Gwasanaeth a derbyniwyd fod darparu gwasanaethau trwy
gyfrwng dewis iaith y defnyddwyr gwasanaeth yn egwyddor ganolog o wasanaeth
gofal cymdeithasol da; ac
·
roedd
ei ffocws ar wneud gwahaniaeth i fywydau pobl a chadw pobl yn annibynnol am gyn
hired ag y bo modd. Gwella ansawdd bywydau yw’r nod yn y pendraw, osgoi'r angen
am wasanaethau statudol am gyhyd ag y bo modd yn amodol ar sicrhau diogelwch y
defnyddwyr gwasanaethau.
Llongyfarchodd yr
Aelodau waith yr Adran Gwasanaethau Cymdeithasol o ran ymdrechu i ddarparu
gwasanaethau trwy gyfrwng y Gymraeg i oedolion. Fodd bynnag, roedd ganddynt bryderon mewn perthynas
â gwasanaethau tebyg ar gyfer plant, yn enwedig gan fod Twf wedi ei dynnu'n ôl. Wrth ymateb i'r
pryderon hyn, dywedodd y Cyfarwyddwr mai dim ond yn ardal Cyngor Bwrdeistref
Sirol Conwy roedd Twf yn gweithredu yn y gogledd erbyn hyn. Roedd Dechrau'n
Deg yn brosiect blynyddoedd cynnar arall oedd yn cael ei fygwth gan doriadau
cyllid. Serch hynny, roedd Sir Ddinbych yn hyderus y byddai
ei ddull o ran dwyn Gwasanaethau Addysg
a Phlant ynghyd yn cynorthwyo gydag ymgorffori sgiliau ieithyddol drwy gydol
addysg y blynyddoedd cynnar, addysg prif ffrwd a gwasanaethau ieuenctid.
Wrth ymateb i bwyntiau eraill a godwyd gan Aelodau, dywedodd y Cyfarwyddwr:
·
mewn perthynas â'r adolygiad o wasanaethau gofal i
oedolion yn fewnol, byddai'r manylion y gofynnodd y Pwyllgor Archwilio a’r
Cabinet amdanynt mewn perthynas â phob sefydliad yn cael eu cyflwyno i’r
Pwyllgor Archwilio cyn gynted ag y bo modd, unwaith y byddai’r gwaith a’r
dadansoddi sydd ei angen yn cael ei gwblhau. Roedd yn debygol na fyddent yn
cael eu cyflwyno i'r Pwyllgor Craffu gyda'u gilydd, ond rhagwelir y byddai pob
un yn cael ei gyflwyno cyn diwedd y flwyddyn galendr;
·
bod angen cydbwysedd yn yr adroddiad rhwng cyfleu
negeseuon pwysig a chynnwys y lefel briodol o fanylder, h.y. gwybodaeth am nod
adolygiad darpariaeth gwasanaethau gofal cymdeithasol i oedolion yn fewnol yn y
dyfodol a’r nifer o bobl sy’n defnyddio
gwasanaethau sy’n cael eu rhedeg gan y cyngor o gymharu â gwasanaethau
preifat/annibynnol. Roedd y wybodaeth olaf ar gael am ddim i’r cyhoedd yn
nogfennau eraill y cyngor sydd wedi’u cyhoeddi;
·
bu cydweithrediad rhagorol ar bob lefel yn ystod y gwaith
i ddod â'r Gwasanaeth Addysg a'r Gwasanaeth Plant a Theuluoedd at ei gilydd fel
un gwasanaeth. Roedd staff yn
y ddau wasanaeth wedi bod yn hynod gadarnhaol am yr uno ac ar lefel strategol,
roedd yr Aelodau Arweiniol a’r Arweinydd yn rhan o gyfarfodydd rheolaidd gyda’r
bwriad o sicrhau uno llyfn;
·
roedd hi’n ymwybodol o erthyglau diweddar yn y wasg mewn
perthynas â chynnydd yn nifer yr hunanladdiadau ymhlith y boblogaeth o ddynion
ifanc yn y Gogledd a'r pryderon a godwyd gan Grwner Ei Mawrhydi mewn perthynas
ag achosion unigol. Roedd gan Gyfarwyddwyr Gwasanaethau Cymdeithasol ar draws y
rhanbarth hefyd bryderon o ran y digwyddiadau hyn ac roeddynt yn sefydlu bwrdd
i archwilio mynediad i wasanaethau iechyd meddwl aciwt. Dywedwyd wrth yr
Aelodau fod Llywodraeth Cymru (LlC) wrthi’n adolygu darpariaeth iechyd meddwl
acíwt ar draws Cymru, a bod y Cyfarwyddwr a chydweithwyr wedi cyfarfod â
swyddogion LlC yn Ysbyty Glan Clwyd yn ddiweddar i drafod eu pryderon am y
ddarpariaeth iechyd meddwl yn y rhanbarth. Roedd Bwrdd Iechyd Prifysgol Betsi Cadwaladr
(BIPBC) wedi penodi Cyfarwyddwr Gweithredol gwasanaethau Iechyd Meddwl newydd
yn ddiweddar. Mae
dadansoddiad cychwynnol o'r achosion o hunanladdiad ymhlith dynion ifanc yn
dangos nad oedd gan yr unigolion broblemau iechyd meddwl tymor hir, ond
roeddynt yn fwy tebygol o fod wedi wynebu sefyllfa “argyfwng” yn syth cyn lladd
eu hunain yn hytrach na dioddef o broblem iechyd meddwl;
·
roedd oedi wrth drosglwyddo gofal o ysbytai i gartref
defnyddwyr gwasanaeth yn dueddol o ddigwydd pan fo angen pecynnau gofal
cymhleth iawn oherwydd iechyd a/neu anghenion gofal defnyddwyr gwasanaeth. Nid yw'r broblem hon yn unigryw i Sir Ddinbych,
mewn gwirionedd, mae gan Sir Ddinbych un o'r cyfraddau oedi wrth drosglwyddo
gofal isaf yng Nghymru;
·
mi chafodd unrhyw gyfeiriadau penodol eu cynnwys yn yr
adroddiad drafft ar ddarpariaeth gofal ychwanegol posibl yn ardal Dyffryn
Dyfrdwy gan fod tai gofal ychwanegol yn yr ardal benodol yma o’r sir yn nodwedd
o'r Cynllun Corfforaethol cyfredol. Serch hynny, petai Aelodau'n dymuno, gellir cyfeirio at gyfleusterau gofal
ychwanegol arfaethedig yn ardal Corwen.
Cyn diwedd y drafodaeth, dywedodd y Swyddogion wrth symud ymlaen, roedd
angen brys am Wasanaethau Gofal Cymdeithasol a Gwasanaethau Gofal Iechyd i
weithio'n agos gyda'i gilydd i ddod o hyd i ateb ar sut i integreiddio
Gwasanaethau Iechyd a Gofal Cymdeithasol yn effeithiol. Nid am
ddibenion ariannol yn unig, ond i ateb y galw yn y dyfodol, a oedd oherwydd
newidiadau demograffig, yn alw cynyddol ar y ddau wasanaeth.
Diolchodd yr Aelodau i'r Cyfarwyddwr am ei adroddiad manwl a:
PENDERFYNWYD
cymeradwyo Adroddiad
Blynyddol y Cyfarwyddwr Gwasanaethau
Cymdeithasol 2015/16 i'w gyflwyno i'r Arolygiaeth Gofal a Gwasanaethau
Cymdeithasol Cymru (AGGCC).
Dogfennau ategol:
- DofSS Annual Report 2015-16 090616 Cover Report W, Eitem 9. PDF 84 KB
- Draft Annual Report 2015-16, Eitem 9. PDF 799 KB