Eitem ar yr agenda
FFRWD WAITH TWRISTIAETH A’R LLAIN ARFORDIROL
Ystyried adroddiad gan Reolwr Rhaglen
Y Rhyl yn Symud Ymlaen (copi’n
amgaeëdig), sy’n amlinellu cynnydd o ran gweithredu’r Ffrwd Waith, gan gynnwys
unrhyw lithriant yn erbyn yr amserlen
a’r gyllideb, y goblygiadau ariannol a’r cynnydd
neu’r rhagolygon o ran gwireddu manteision.
11.55 a.m.
Cofnodion:
Roedd copi o adroddiad gan Reolwr Rhaglen y Rhyl yn
Symud Ymlaen, a oedd yn rhoi diweddariad ar weithredu’r Ffrwd Waith Twristiaeth
a'r Llain Arfordirol yn Strategaeth Adfywio’r Rhyl yn Symud Ymlaen, y
goblygiadau ariannol a’r cynnydd neu’r rhagolygon o ran gwireddu manteision,
wedi ei ddosbarthu gyda’r papurau ar gyfer y cyfarfod.
Roedd
y Llain Arfordirol o Harbwr Foryd i Splash Point wedi bod yn ganolbwynt ar
gyfer gweithgareddau twristiaeth yn y Rhyl ers amser. Yr agwedd oedd adeiladu
ar enw’r Rhyl fel cyrchfan i’r teulu ac amlinellwyd manylion cynigion i’r
dyfodol a ffocws byrdymor ar gyfer y Pwyllgor. Roedd cynnydd ar y ffrwd waith
yn cael ei fonitro gan Fwrdd Rhaglen Cymdogaethau a Lleoedd y Rhyl yn Symud
Ymlaen.
Cyfeiriwyd
yn yr adroddiad a’r atodiadau cysylltiedig at y prosiectau allweddol a oedd yn
rhan o’r ffrwd waith hon, sef:
·
Ailwampio Sinema Apollo.
·
Gwaith Gwarchod y Glannau yn y Rhyl.
·
Harbwr Foryd a’r Bont – a oedd yn cynnwys pont i gerddwyr a beicwyr, sgwâr
cyhoeddus, adeilad ar y cei a muriau cei newydd.
·
Ailwampio’r Honey Club.
·
Ocean Plaza.
·
Tŵr Awyr y Rhyl.
·
Prosiectau a gweithgareddau eraill.
·
Cynlluniau i’r Dyfodol.
Byddai’r
ffrwd waith hon yn cyfrannu tuag at y Flaenoriaeth Gorfforaethol newydd arfaethedig,
Datblygu’r Economi Lleol a’n Cymunedau, a phrif amcan y rhaglen yw cynyddu
nifer ymwelwyr a chreu mwy o gyfleoedd busnes a swyddi yn y sector twristiaeth.
Nid oedd gan y ffrwd waith twristiaeth gyllideb benodol, gyda chyllid wedi ei
ddyrannu i brosiectau penodol, gan ddefnyddio yn bennaf ffynonellau ariannu
allanol, ac roedd y gwaith yn cael ei fonitro yn ôl prosiect. Roedd mewnbwn
rheolaidd a chyfraniad tuag at at y cynlluniau adfywio yn cael eu derbyn gan y
Gwasanaethau Hamdden, Parth Cyhoeddus, Gwasanaethau Eiddo a Chynllunio.
Hysbyswyd
y Pwyllgor, er mwyn creu economi twrisitaeth cryfach a delio â delwedd negyddol
y Rhyl, y byddai angen cydnabod a delio gyda nifer o faterion a risgiau, a
amlinellwyd yn yr adroddiad.
Cyfeiriwyd at yr adroddiad a
gynhwyswyd fel Atodiad 4, a oedd yn rhoi gwybodaeth ar sefyllfa bresennol a
dyfodol Tŵr Awyr y Rhyl. Rhoddodd Rheolwr y Rhaglen
grynodeb o’r adroddiad a thrafododd yr Aelodau y 3 prif opsiwn, a oedd yn
cynnwys:-
Opsiwn
1 – Ailwampio ac adsefydlu fel reid.
Opsiwn
2 – Tynnu i lawr a symud ymaith.
Opsiwn
3 – Cadw’r strwythur ar gyfer defnydd newydd.
Roedd
strwythur y tŵr yn gadarn a oedd yn rhoi opsiwn i’w gadw. Opsiwn 3, i
gadw’r strwythur ar gyfer defnydd newydd, oedd yr Opsiwn a argymhellwyd gan y
swyddogion yn y adroddiad, a rhagwelwyd y byddai hyn yn ffurfio sylfaen
adroddiad i’r Cabinet ym mis Hydref 2012. Gofynnwyd i Grŵp Aelodau Ardal y
Rhyl nodi pa un o’r opsiynau manwl, neu opsiynau amgen, yr oeddynt hwy yn eu
hystyried fel y rhai mwyaf priodol ar gyfer y tŵr. Cyfleodd y Cynghorydd
W. Mullen–James y farn a fynegwyd gan Grŵp Aelodau Ardal y Rhyl, yn ei
gyfarfod y noson flaenorol, ac esboniodd bod y Grŵp o blaid Opsiwn 1.
Trafodwyd
y materion canlynol mewn perthynas ag opsiynau ar gyfer y tŵr i’r dyfodol:-
·
Ni ellid cyfiawnhau’r goblygiadau ariannol arfaethedig ar gyfer adfer y
tŵr fel reid weithredol gan y byddai'n anodd llunio achos busnes o blaid
yr opsiwn hwn
·
Dylid ystyried defnyddiau eraill ar gyfer y tŵr a chael opsiynau i
gael cytundebau noddi
·
Dylid gofyn am farn trigolion y Rhyl o ran defnyddio’r tŵr yn y
dyfodol.
·
Dylid ystyried hysbysebu ar gyfer cyflenwi reid olwyn fawr, o bosibl ger
y Marine Lake, fel y lleolir mewn atyniadau eraill a lleoliadau i dwristiaid.
·
Yr angen i
ystyried yr opsiynau ehangach mewn perthynas â dyfodol y tŵr a sut byddant
yn cael eu cynnwys yng Nghynllun y Rhyl yn Symud Ymlaen.
Pwysleisiodd yr Arweinydd
bwysigrwydd rhoi eglurhad mewn perthynas ag agwedd, pwrpas ac amcanion
Strategaeth y Rhyl yn Symud Ymlaen, a hefyd rôl Bwrdd y Rhaglen a’i gylch
gorchwyl o ran cyfrifoldebau penodol. Cyfeiriodd at yr angen i gysylltu pob
prosiect o fewn y cynllun ehangach ac adnabod amcanion cyffredinol o ran
amcanion a thargedau a ragwelwyd. Pwysleisiwyd hefyd y byddai brandio’r Rhyl yn
bwysig ynghyd â’r angen i feithrin hyder er mwyn annog buddsoddiad sector
preifat yn y dref.
Amlinellodd y Cadeirydd yr
angen i gael neu ddenu gwesty enwog neu sefydliad tebyg i’r Rhyl. Pwysleisiodd
hefyd yr angen i fonitro ac arfarnu datblygiad y prosiectau a sicrhau bod
Rhaglen y Rhyl yn Symud Ymlaen yn cydgysylltu
â’r rhaglen adfywio ehangach ar gyfer Sir Ddinbych.
Yn ystod y drafodaeth a
ddilynodd, roedd y Pwyllgor yn cefnogi’r farn a fynegwyd gan y Cadeirydd bod y
Pwyllgor yn cael adroddiadau monitro chwarterol ar Raglen y Rhyl yn Symud
Ymlaen er mwyn arfarnu cynnydd y Rhaglen. Fe:
BENDERFYNWYD:-
(a) Yn amodol ar y sylwadau uchod, derbyn yr adroddiad a
chydnabod y cynnydd a wnaed mewn perthynas â’r Ffrwd Waith Twristiaeth a’r
Llain Arfordirol;
(b) Cyflwyno adroddiad monitro mewn perthynas â Rhaglen
y Rhyl yn Symud Ymlaen i’r Pwyllgor er mwyn ei alluogi i arfarnu’r cynnydd o
ran cyflawni’r Rhaglen;
(c) Gofyn i’r Cabinet argymell bod cylch gorchwyl Bwrdd
Rhaglen y Rhyl yn Symud Ymlaen yn cael ei ehangu i gynnwys sicrhau bod pob
ymdrech yn cael ei gwneud fel rhan o’r Rhaglen i ddenu a chreu cyfleoedd gwaith
cynaliadwy gyda sgiliau yn yr ardal;
(d)
Bod yr holl brosiectau yn cysylltu gyda, yn cefnogi ac yn cydfynd
â'i gilydd ar agenda adfywio ehangach ar gyfer y Sir ac ardal Gogledd Cymru
gyfan, a
(e) Bod y nodau cyffredinol a’r
weledigaaeth ar gyfer dyfodol cynaliadwy’r Rhyl yn cael eu hesbonio a’u cyfleu
yn eang.
Dogfennau ategol:
- Tourism Report 130912, Eitem 7. PDF 110 KB
- Tourism Report 130912 - App 1, Eitem 7. PDF 204 KB
- Tourism Report 130912 - App 2, Eitem 7. PDF 204 KB
- Tourism Report 130912 - App 3, Eitem 7. PDF 112 KB
- Tourism Report 130912 - App 4, Eitem 7. PDF 264 KB
- Tourism Report 130912 - App 5, Eitem 7. PDF 250 KB