Eitem ar yr agenda
BLAENORIAETHAU LLES A COVID-19
Trafod y blaenoriaethau lles gan roi ystyriaeth i
Covid-19 ac ystyried a oes angen gwneud newidiadau (copi ynghlwm).
Bydd y Cadeirydd yn arwain yr eitem hon.
2.25 p.m - 3.35 p.m.
Cofnodion:
Cyflwynodd Iolo
McGregor (CSDd) yr adroddiad (dosbarthwyd yn flaenorol) i alluogi aelodau’r BGC
i gyrraedd cytundeb ar yr ymrwymiad i’w flaenoriaethau presennol yn sgil
pandemig Covid-19 a pha un a oes angen newidiadau. Cafodd yr Aelodau eu harwain drwy’r adroddiad
a’r ddau atodiad gan gynnwys y broses os cytunir ar newidiadau.
Roedd
Sian Williams (Cyfoeth Naturiol Cymru) wedi amlygu’r blaenoriaethau LRS ac
Adferiad ar ôl Covid-19, gyda chais i’r BGC edrych ar gyd-nerthu cymunedol a
chefnogaeth i gymunedau lleol. Rhoddodd
y Cadeirydd gefndir byr i’r aelodau ar y Bwrdd Adferiad Rhanbarthol
(BARh). Dywedwyd bod y bwrdd yn edrych
ar ddull dramatig i faterion a sefyllfaoedd yn dilyn pandemig Covid-19 gan
gynnwys edrych ar adferiad a chynllunio posibl ar gyfer ail don o
achosion. Roedd gan y BARh 4 prif faes
ffocws oedd yn cynnwys:
1 –
Gwaith Tracio, Olrhain a Diogelu;
2 –
Adfer Iechyd a Gofal Cymdeithasol;
3 –
Economi a Thwristiaeth;
4 -
Cydnerthu cymunedol
Byddai’r
BARh yn gofyn i’r BGC ystyried cyd-nerthu cymunedol ynghyd â’i flaenoriaethau i
ychwanegu gwerth i adferiad cymunedol.
Diolchodd
yr Aelodau i’r swyddogion am yr adroddiad manwl a’r atodiadau. Roeddent yn
cydnabod yr anhawster i newid blaenoriaethau.
Roedd yr Aelodau yn cytuno bod y blaenoriaethau BGC presennol yn gywir
ac yn parhau’n berthnasol i’r gymuned leol.
Teimlwyd bod elfennau o’r blaenoriaethau presennol hyd yn oed yn fwy
pwysig ac yn berthnasol yn yr hinsawdd presennol. Rhoddwyd pwyslais cryf ar iechyd meddwl o
fewn y gymuned.
Roedd
Bethan Jones (Cyfarwyddwr Rhanbarth - Bwrdd Iechyd Prifysgol Betsi Cadwaladr)
yn gwneud awgrym bod angen pwysais gwahanol o fewn y blaenoriaethau, gan
gyfeirio’n benodol at allgau digidol, iechyd meddwl ac ymfudiad Roedd Aelodau
yn trafod yr awgrymiadau hyn yn fwy manwl.
Nodwyd pwysigrwydd technoleg ac roedd ymgysylltu digidol wedi’i arsylwi
yn ystod y misoedd diwethaf. Roedd aelodau yn mynegi pryderon nad oedd gan bob
aelod o’r cyhoedd fynediad i dechnoleg neu’n gallu cysylltu â thechnoleg. Cyfeiriwyd at faterion yn ymwneud â
chymunedau gwledig heb fynediad i TG a thechnoleg.
Pwysleisiwyd
yr effaith tymor hir ar iechyd meddwl pobl o bob oed o fewn y gymuned. Trafodwyd yr effaith ar addysg tymor hir
plant ifanc a’r anghenion datblygu a allai godi o’r pandemig.
Roedd
yr aelodau yn trafod y gall y cynnydd mewn pobl yn symud i Ogledd Cymru gynyddu
materion fel digartrefedd, cyflogaeth a’r effaith ar breswylwyr lleol.
Teimlwyd
y gall y rhain i gyd ddod o fewn y blaenoriaethau presennol gan y BGC.
Roedd
y Cadeirydd yn atgoffa’r aelodau am y dair flaenoriaeth bresennol gan y BGC
oedd yn cynnwys:
a. Pobl – Cefnogi lles meddyliol da i rai o bob oed b. Cymuned - Rhoi
grym i gymunedau Lle – cefnogi cadernid amgylcheddol.
Amlygwyd bod
Llywodraeth Cymru wedi anfon llythyr at bob BGC, i ofyn am gyfrannu at y
trafodaethau ynglŷn â chynllunio rhanbarthol ar gyfer adferiad mewn ymateb
i Covid.
Roedd yr
Aelodau yn cytuno bod y tri maes lefel uchel o’r blaenoriaethau presennol yn
parhau’n briodol ac yn berthnasol. Roedd
y pwyllgor yn edrych ar bob un o’r dair blaenoriaeth yn unigol ac yn trafod
unrhyw newidiadau.
Pobl – roedd yr
Aelodau yn cytuno i gynnwys lles meddyliol unigolion yn arbennig edrych ar les
meddyliol pobl ifanc, teimlwyd bod gan y BGC rôl i fonitro ac ymchwilio effaith
Covid. Yn yr un modd, teimlwyd bod angen
y cydbwysedd cywir o ymchwil i’r effaith ar iechyd meddwl pob oedran o fewn y
gymuned. Teimlwyd y byddai’n bwysig
edrych ar hyn ar lefel leol a lefel ranbarthol.
Roedd yr
aelodau yn cytuno i ofyn am ymchwil pellach i’r pedwar prif faes ar gyfer
darparu blaenoriaeth Iechyd Meddwl fel y manylwyd yn yr adroddiad
blynyddol. Roedd y Cadeirydd yn
cadarnhau bod gwaith wedi’i gomisiynu gan y Grŵp Adferiad Iechyd a Gofal
Cymdeithasol o amgylch lles plant, awgrymwyd i ofyn am ddiweddariad ac adrodd
yn ôl i’r BGC yn ddiweddarach.
Cymuned – Helen
Wilkinson (Cyngor Gwasanaethau
Gwirfoddol Sir Ddinbych) - crynodeb byr o’r gwaith hyd yma. Roedd hyn yn cynnwys diweddariad o’r rhaglen
ymwybyddiaeth Dementia a ddarperir o bell ar hyn o bryd. Darparwyd cadarnhad o waith parhaus yn
ymwneud â digartrefedd. Byddai gwaith yn
ymwneud â blaenoriaeth cymunedol yn symud ymlaen yn gorfod edrych ar ymrymuso'r
gymuned ac ymgysylltu yn arbennig gydag adferiad yr economi leol.
Trafododd yr aelodau a oedd dal angen haen ar gyfer
digartrefedd o dan y flaenoriaeth hon. Sylwyd ar gynnydd mawr i gynorthwyo
unigolion i gael llety a sylwyd ar ganlyniad cadarnhaol. Gyda chymorth ariannol, disgwylir cefnogaeth
a gwaith pellach i gefnogi unigolion.
Roedd aelodau yn cefnogi’r awgrym i newid yr haen digartrefedd o fewn y
flaenoriaeth gymunedol. Trafodwyd
cynnwys allgáu digidol ar gyfer ymrymuso'r gymuned o fewn y flaenoriaeth. Roedd
y Rhaglen Ymwybyddiaeth Dementia ac elfennau rhagnodi cymdeithasol o’r
flaenoriaeth wedi datblygu’n dda ac roedd gwaith ar y gweill, cytunwyd i barhau
â’r ddwy elfen hyn yn y flaenoriaeth. Cytunwyd i newid yr elfen gwaith o
amgylch digartrefedd i elfen o amgylch allgáu digidol a symud i’r platfform
gwaith digidol.
Lle – clywodd yr aelodau fod llawer o waith wedi’i
wneud yn y maes blaenoriaeth hwn yn gweithio’n dda i’r addewidion
cymunedol. Roedd lansio’r addewidion
wedi ei ohirio oherwydd y pandemig.
Mynegwyd bod y sefyllfa bresennol yn rhoi cyfle i adfer y gymuned
leol. Roedd yr effaith ar yr
amgylchedd o ganlyniad i unigolion yn gweithio gartref wedi darparu allyriadau
carbon isel. Sylwyd bod y cyfnod clo lleol wedi galluogi pobl i aros yn lleol
ac archwilio’r ardal leol. Roedd aelodau yn cytuno i’r flaenoriaeth hon o’r BGC
i barhau a rhoi diweddariad i’r aelodau fel bo’r angen.
PENDERFYNWYD
I.
Roedd y dair elfen uchel o’r blaenoriaethau BGC yn parhau;
II.
Gwneud cais i’r grŵp Iechyd a Gofal Cymdeithasol, ynglŷn ag
effaith ar les pobl ifanc ar ôl Covid;
III.
I
newid elfen blaenoriaeth gymunedol i ddisodli digartrefedd gydag allgau
digidol;
IV. Parhau â’r elfennau fel y maent o fewn y flaenoriaeth lle, a
V. Derbyn fersiwn diwygiedig o’r blaenoriaethau BGC yn y cyfarfod BGC nesaf.
Dogfennau ategol:
- Item 3. Cover report - PSB’s Well-being Priorities & Covid-19, Eitem 4. PDF 200 KB
- Item 3 Appendix 1 PSB Covid-19 Priorities Reponses, Eitem 4. PDF 376 KB
- Item 3 Appendix 2 - spsf-3-collective-role-public-services-boards, Eitem 4. PDF 1 MB