Eitem ar yr agenda
CAIS RHIF 01/2019/0752 - 8 LÔN NANT, DINBYCH
Ystyried cais i godi estyniad arfaethedig a gwneud addasiadau i annedd (copi
ynghlwm).
Cofnodion:
Cyflwynwyd cais i godi estyniad ac addasiadau i annedd yn 8 Lôn Nant Dinbych.
Siaradwyr Cyhoeddus –
Mr Dyfrig Berry (Yn erbyn) - Yn deall pam fod y cymdogion wedi cyflwyno'r cais, ond yr unig
reswm iddo wrthwynebu'r cais yw oherwydd yr
effaith ormesol y byddai'r cais yn
ei chael ar breifatrwydd yng ngardd ei
eiddo. Roedd yr eiddo'n anarferol
gan fod ei
dŷ wedi'i
osod mewn triongl rhwng dau
eiddo arall, a oedd ymhellach yn ôl na'i
gartref, ac felly'r ardd gefn oedd
yr unig le â phreifatrwydd, ni fyddai gwrych yn
lliniaru unrhyw bryderon preifatrwydd. Dywedwyd bod yr ymgeisydd wedi honni bod ceisiadau tebyg wedi'u caniatáu
o'r blaen, ond ni chyflwynwyd unrhyw geisiadau tebyg eraill. Roedd tri mater cynllunio yn peri
pryder, ond nododd swyddogion cynllunio mai'r unig sail dros wrthod oedd natur
ormesol y datblygiad arfaethedig.
Dywedodd Mr Richard Jones (O blaid) - ei fod yn byw
yn 8 Lôn Nant gyda'i deulu, dau
o blant a fynychodd ysgolion lleol a bod ganddynt gysylltiad cryf â'r gymuned
leol. Nid oedd yr eiddo
wedi'i wella ers 30 mlynedd, a byddai'r datblygiad arfaethedig yn dod â'r tŷ i safonau modern. Atebwyd mwyafrif y gwrthwynebiadau yn yr adroddiad fel
rhai nad
oeddent yn berthnasol i'r cais. Yr unig
fater oedd heb ei ddatrys,
oedd y canfyddiad o fod yn ormesol
ar yr eiddo
cyfagos. Yn y nodiadau canllaw cynllunio atodol, nodwyd y dylid atal effaith ormesol
ar eiddo cyfagos yn enwedig
os oedd ffenestr
i'r drychiad ochr i'r eiddo
cyfagos y mae'r estyniad yn mynd
i’w gyfeiriad. Er nad oedd bob amser yn gyraeddadwy, dylid ystyried bwlch un metr rhwng
yr estyniad arfaethedig a'r ffin. Hysbyswyd yr aelodau nad oedd yr estyniad arfaethedig
yn cynyddu ôl troed yr
adeilad presennol, ac nad oedd ffenestri
i'r drychiad deheuol, a oedd yn mynd i gyfeiriad
10 Lôn Nant. Hysbyswyd yr aelodau bod 10 a 12 Lôn Nant wedi cael
caniatâd cynllunio blaenorol wedi'i gymeradwyo a oedd yn lleihau maint
cefn yr ardd
a oedd yn ychwanegu at y canfyddiad o gael ei gau i mewn. Dywedwyd
y byddai'n annheg pe bai'r cais
yn cael ei
wrthod pan fo
ceisiadau eraill wedi cael eu
caniatáu o'r blaen, ac yn dymuno
i'r cais gael ei ganiatáu
fel y gallai ei deulu barhau
i fod yn rhan o'r gymuned
leol.
Trafodaeth Gyffredinol –
Amlygodd y Cynghorydd
Christine Marston a fynychodd yr
ymweliad safle natur gymhleth cynllun y safle a oedd yn
fwy amlwg na'r manylion yn
yr adroddiad, ond roedd y ceisiadau
a roddwyd yn flaenorol wedi gwneud yr ardd
y tu ôl i 10 Lôn Nant yn llai.
Nodwyd hefyd bod y ffenestri y tu ôl i rif
10 yn wydr tywyll, a nodwyd gan ei bod yn
amlwg bod tros-edrych yn broblem.
Canmolodd y Cynghorydd Mark
Young (aelod lleol) y siaradwyr cyhoeddus am siarad ar gais
mor anodd, a gofynnodd am eglurder ynghylch a oedd dyfarniad ar fater
gormesol yn fater o bolisi neu farn, ac a ellid cynnwys unrhyw
amodau ar unrhyw ffenestri ar yr estyniad
pe bai'r cais yn cael
ei gymeradwyo, a fyddai'n cynorthwyo i leddfu unrhyw bryderon.
Dywedodd yr aelodau y dylai'r adroddiad nodi cyngor tref ac nid cyngor cymunedol.
Gofynnwyd hefyd a fu asesiad ar
yr effaith ar olau ar
gyfer eiddo cyfagos. Codwyd ceisiadau hanesyddol ag effaith ormesol
na thrafodwyd yn y Pwyllgor Cynllunio
a sut roedd angen cysondeb â'r term ar gyfer
unrhyw geisiadau yn y dyfodol.
Eglurodd swyddogion cynllunio fod dyfarniad
ar fater gormesol yn fater
o farn yn seiliedig ar gymhwyso
canllawiau a oedd yn cynorthwyo
i asesu ceisiadau. Nid oedd unrhyw
reol gyffredinol ac y byddai angen asesu
pob achos yn unigol. Gallai
ffenestr yr ystafell wely gefn
yn 8 Lôn Nant achosi problemau gyda throsedrych, ond mater o farn eto oedd
faint o effaith fyddai'r ffenestr yn ei
gael. Gellid cynnwys amodau i'w gwneud yn
ofynnol cyflwyno manylion pellach. Awgrymwyd na
fyddai unrhyw olau yn cael
ei golli'n niweidiol oherwydd y cais.
Dywedodd y Cynghorydd Mark
Young (Aelod Lleol) nad oedd
Cyngor Tref Dinbych wedi codi unrhyw
bryder ynghylch y cais, amlinellodd y cynllun corfforaethol y dylai'r cyngor annog teuluoedd ifanc i addasu eu cartrefi i sicrhau
y gallant aros yn Sir Ddinbych. Ni fyddai'r estyniad yn cynyddu
ôl troed yr adeilad presennol,
ac ni fyddai
unrhyw ffenestr ar ochr yr
estyniad ac roedd y tŷ 6 metr i ffwrdd o 10 Lôn Nant.
Cynigwyd - Cynigiodd y Cynghorydd Mark Young y dylid caniatáu’r cais yn groes i argymhelliad
y swyddog gan nad oedd
yr estyniad yn cael effaith
ormesol ar amwynderau’r cymdogion, a chynigiwyd y dylid gosod amod ar
fanylion ffenestr yr ystafell wely
i leddfu unrhyw bryderon a godwyd gan breswylwyr. Eiliwyd gan y Cynghorydd
Alan James.
Dywedodd y Cynghorydd Rhys
Thomas (Aelod Lleol) y byddai effaith ormesol yn digwydd
mewn perthynas â gardd fach yr
eiddo cyfagos. Nid oedd y ceisiadau
hanesyddol yn uniongyrchol berthnasol, a dylid penderfynu ar geisiadau cynllunio
yn ôl eu
rhinweddau. Y prif fater gyda'r datblygiad
oedd natur cynllun y tai.
PLEIDLAIS:
CANIATÁU – 14
GWRTHOD – 4
YMATAL – 0
PENDERFYNWYD y dylid CANIATÁU’R
cais, yn groes i argymhelliad y swyddog, ar y sail na fyddai'r
eiddo'n ormesol ar eiddo cyfagos.
Dogfennau ategol: