Eitem ar yr agenda
CYLLIDEBAU CEFNOGI I BOBL AG ANGHENION GOFAL A CHEFNOGAETH CYMWYS
Ystyried
Adroddiad gan y Prif Reolwr: Gwasanaethau Cymorth Cymunedol yn ymwneud â
gwneud newidiadau i ddyraniad cyllid i
unigolion sy'n gymwys am ofal wedi'i reoli a chynllun gofal yn Sir Ddinbych.
11.00 a.m. – 11.45 a.m.
Cofnodion:
Cyflwynodd y
Cynghorydd Bobby Feeley, Aelod Arweiniol Lles ac Annibyniaeth, y Pennaeth
Gwasanaethau Cymunedol a Chymorth a'r Pen Reolwr: Gwasanaethau Cymorth
Cymunedol yr adroddiad (a gylchredwyd yn flaenorol) yn ymwneud â newidiadau i
ddyraniad cyllid i unigolion sy'n gymwys am gynllun gofal a chymorth wedi'i
reoli yn Sir Ddinbych. Roedd y
newidiadau mewn prosesau a dull o ran dyrannu arian wedi’i wneud yn unol â
Deddf Gwasanaethau Cymdeithasol a Llesiant (Cymru) 2014, er mwyn cynyddu dewis,
llais a rheolaeth yr unigolyn a gefnogir.
Fe wnaeth yr
adroddiad ddangos camau at ddull newydd gyda staff yn cael sgyrsiau gwahanol
gyda dinasyddion, sy'n cael eu disgrifio fel arfer fel sgyrsiau 'beth sy'n
bwysig' - gan holi beth oedd yn bwysig iddyn nhw a sut roeddent yn dymuno
cyflawni eu canlyniadau dymunol, yn hytrach na beth oedd yn bod gyda nhw, i
benderfynu a oeddent yn gymwys am ofal a chymorth drwy gymhwyso'r olwyn
adnoddau. Lle nad oedd modd cyflawni
canlyniadau gofal cyflawn, byddai cyllidebau cymorth yn cael eu darparu mewn un
o dair ffordd (1) cyllideb wedi’i hunan-reoli (taliad uniongyrchol), (2)
cyllideb trydydd parti wedi’i rheoli (broceriaeth), a (3) cyllideb wedi'i
rheoli gan awdurdod lleol, a chydnabuwyd y byddai llawer o bobl hŷn yn dal
eisiau pecyn gofal cartref traddodiadol wedi'i reoli gan yr awdurdod lleol. Fodd bynnag, lle dyrannwyd arian drwy daliad
uniongyrchol i unigolion, gellid ei ddefnyddio’n greadigol, ar yr amod bod y
canlyniadau dymunol ac y cytunwyd arnynt yn cael eu cyflawni, e.e. prynu
gwasanaethau mewnol, cyflogi aelodau teulu, a thalu am docyn awyr/tymor i aelod
teulu roi gofal seibiant. Os byddai
cyllidebau uniongyrchol yn cael eu defnyddio’n effeithiol, gellid cyflawni
canlyniadau mewn ffordd well a gallai arwain at ostyngiadau cost mewn rhai
achosion. Yn olaf, cyfeiriwyd at y
newidiadau system gofynnol a fyddai'n effeithio ar staff gofal cymdeithasol,
swyddogion cyllid a gwasanaethau a darparwyr cymorth eraill, yr oedd angen eu
rheoli’n addas.
Mewn ymateb i
gwestiynau a sylwadau’r aelodau, fe wnaeth yr Aelod Arweiniol a swyddogion -
·
gyfeirio
at y potensial o system broceriaeth gofal Iaith Gymraeg, i gysylltu â gofalwyr,
a chydnabuwyd nifer y siaradwr Cymraeg ar draws y sir gyfan, gyda galw mewn
trefi mawr yn ogystal ag ardaloedd gwledig
·
adrodd
ar gamau diogelu i amddiffyn yn erbyn camreoli arian, gyda gwasanaeth cyfrif
wedi’i reoli’n fewnol ar gyfer taliadau uniongyrchol a dalir bob mis – nododd
Deddf Gwasanaethau Cymdeithasol a Llesiant (Cymru) y dylid adolygu cyllidebau
yn y chwe mis cyntaf; roedd y cynllun gofal a chymorth yn manylu ynghylch
canlyniadau penodol a fyddai’n cael eu hasesu drwy’r broses adolygu a byddai
disgwyliadau'n cael eu hegluro i unigolion a monitro trylwyr o'r contract yn
digwydd. Os canfyddir bod arian wedi’i
gamddefnyddio, roedd dull ar gyfer adfachu
·
cadarnhau
nad oedd taliadau uniongyrchol wedi’u hyrwyddo’n dda hyd yn hyn, gyda thua 90
allan o 1500 o unigolion yn cael taliadau uniongyrchol; roedd y mwyafrif o’r
rhai hynny a gafodd daliadau uniongyrchol yn oedolion ieuengach gydag
anableddau cymhleth, ond roedd esiamplau lle gellid bodloni anghenion pobl
hŷn gartref, gyda chymorth y teulu a gofal cymdeithasol, yn hytrach na
lleoliad cartref gofal preswyl, gan roi mwy o ddewis felly i'r unigolyn
·
rhoi
gwybod bod opsiynau i godi ymwybyddiaeth o daliadau uniongyrchol yn cael eu
harchwilio ar hyn o bryd, ac mai taliad uniongyrchol fyddai’r sefyllfa ddiofyn
o’r cychwyn cyntaf (os yw’n addas), i’r rhai hynny sy’n gymwys yn dilyn
asesiad, a gellid cael sicrwydd o weithrediad buan systemau a gweithdrefnau
addas sydd yn eu lle
·
egluro’r
defnydd o’r olwyn adnoddau fel offeryn i sicrhau dull yn seiliedig ar asedau,
gan wneud y gorau o gyfraniad cryfderau pobl a’r cymorth a allai fod ar gael yn
eu teulu a’r gymuned; roedd unigedd yn fater allweddol ac roedd yr Un Pwynt
Mynediad a Phwyntiau Siarad yn allweddol i gysylltu pobl unig, a oedd hefyd yn
ffocws i'r Llywiwr Cymunedol
·
egluro
os nad oedd unigolyn yn gymwys ar gyfer gofal cymdeithasol a chynllun gofal a
chymorth wedi’i reoli, gall fod yn bosibl o hyd mewn amgylchiadau penodol i
gynnig taliad uniongyrchol ar gyfer cyfarpar fel mesur ataliol
·
ailadrodd
bod tri opsiwn cyllideb cymorth i fodloni anghenion unigolion cymwys – os nad
oedd unigolyn â’r sgiliau angenrheidiol neu'r gallu meddyliol i reoli taliad
uniongyrchol, byddai system broceriaeth trydydd parti'n darparu lefel o gymorth
i'r unigolyn hwnnw a rhywfaint o annibyniaeth.
Roedd y trydydd opsiwn yn darparu ar gyfer cyfrifon a reolwyr gan
awdurdod lleol. Byddai dewis mwyaf addas
i’r unigolyn yn ffurfio rhan o’r sgwrs ‘beth sy’n bwysig’ gychwynnol – roedd
pob opsiwn yn cynnwys cynllun gofal a chymorth gyda chanlyniadau wedi’u nodi’n
glir
·
cytuno
i ddarparu adroddiad gwybodaeth ar Grant Cyfleusterau i’r Anabl/Gwasanaeth
Addasiadau’n amlinellu proses y Cyngor ar gyfer delio â cheisiadau grant, a’i
berfformiad wrth brosesu a darparu addasiadau cartref sy’n gysylltiedig â grant
(i gynnwys gwybodaeth am y Gwasanaeth Gofal a Thrwsio, y nifer sy'n manteisio
ar ei wasanaethau a manylion cyfraniad ariannol y Cyngor tuag at y gwasanaeth).
Roedd Aelodau’n
awyddus i adolygu effaith y newidiadau a chynnydd wrth ddatblygu, hyrwyddo a
chyflwyno cyllidebau cymorth i bobl gymwys mewn tua deuddeg mis. Awgrymwyd hefyd y byddai’n ddefnyddiol
cynnwys arolwg boddhad defnyddwyr gwasanaeth ac astudiaethau achos fel
esiamplau.
PENDERFYNWYD bod y Pwyllgor yn -
(a) cadarnhau ei fod wedi darllen a deall y newidiadau i’w gwneud;
(b) wedi darllen, deall ac ystyried yr Asesiad o Effaith ar Les (Atodiad 1 yr
adroddiad) fel rhan o'i ystyriaethau;
(c) gofyn am adroddiad cynnydd ar Gyllidebau Cymorth i Bobl ag Anghenion Gofal
a Chymorth cymwys, i’w gyflwyno i'r Pwyllgor yn ei gyfarfod ym Mai 2019, a
(d) gofyn bod adroddiad gwybodaeth ar Grant Cyfleusterau i’r Anabl/ Gwasanaeth
Addasiadau’n cael ei roi i’r Pwyllgor cyn y cyfarfod nesaf ym Mehefin 2018.
Dogfennau ategol:
- SUPPORT BUDGETS REPORT, Eitem 5. PDF 225 KB
- SUPPORT BUDGETS - APP 1, Eitem 5. PDF 93 KB
- SUPPORT BUDGETS REPORT - APP 2, Eitem 5. PDF 104 KB
- SUPPORT BUDGETS REPORT - APP 3, Eitem 5. PDF 205 KB
- SUPPORT BUDGETS REPORT - APP 4, Eitem 5. PDF 273 KB