Eitem ar yr agenda
RHIF Y CAIS 16/2016/1045/PF - PLAS LLANBEDR, LLANBEDR DYFFRYN CLWYD, RHUTHUN
- Meeting of Pwyllgor Cynllunio, Dydd Mercher, 11 Ionawr 2017 9.30 am (Item 5.)
- View the declarations of interest for item 5.
Ystyried cais i amrywio amod rhif 12 caniatâd cynllunio 16/2016/0545 er
mwyn parhau i ddefnyddio’r ddwy fynedfa ar gyfer y datblygiad, gan ddileu’r
angen i gyfyngu defnydd mynedfa Lôn y Mynydd ym Mhlas Llanbedr, Llanbedr Hall,
Dyffryn Clwyd, Rhuthun (copi ynghlwm).
Cofnodion:
[Datganodd y
Cynghorydd Huw Williams gysylltiad personol yn yr eitem hon oherwydd bod yr Asiantiaid
oedd yn gweithredu ar ran Llanbedr Hall hefyd yn gweithredu fel ei Asiantiaid o
ran gwaith yn ymwneud â’i ffarm].
Roedd cais wedi’i gyflwyno i amrywio amod rhif 12
caniatâd cynllunio 16/2016/0545 er mwyn parhau i ddefnyddio’r ddwy fynedfa ar
gyfer y datblygiad, gan ddileu’r angen i gyfyngu defnydd mynedfa Lôn y Mynydd
ym Mhlas Llanbedr, Llanbedr Hall, Dyffryn Clwyd, Rhuthun.
Siaradwr Cyhoeddus -
Ms G Crawley (o blaid) – cyfeiriodd at hanes
cynllunio blaenorol a chanfyddiadau apêl yr Arolygydd na fyddai unrhyw effaith
sylweddol ar draffig sy’n defnyddio’r rhodfa gefn ac amlygodd welliannau i’w
gwneud i’r rhodfa o flaen y datblygiad i annog defnydd. Byddai holl draffig adeiladu yn
defnyddio’r rhodfa o flaen y datblygiad. Dadleuwyd nad oedd yn rhesymol gwrthod yr amrywiad
o ystyried yr hanes cynllunio a hawliau defnydd presennol.
Trafodaeth Gyffredinol – Tynnodd y Cynghorydd Huw Williams (Aelod
Lleol) sylw at y pwynt mynediad o'r cefn a rhwydwaith ffordd fel y nodwyd ar y
cynlluniau ac a ddangoswyd yn sleidiau’r cyflwyniad ac amlygodd bryderon
arbennig ynglŷn â’r briffordd. Roedd pryderon yn cynnwys annigonolrwydd y
llwybr mynediad cefn a Lôn y Mynydd / Lôn Cae Glas ac ar Gefnffordd yr A494 gan
gynnwys dim neu welededd gwael yn y gyffordd yn arwain o’r cefn, goryrru ar hyd
ffyrdd mynediad cefn a Chefnffordd yr A494 rhwng Rhuthun a’r Wyddgurug a oedd
yn gul ac yn beryglus ac yn lle gwael am ddamweiniau. Hefyd amlygodd ran o lwybr mynediad cefn wedi’i arwyddbostio’n benodol yn
anaddas i gerbydau a nifer o ddamweiniau ffordd ar hyd y llwybr cefn. Yn olaf, cyfeiriwyd at y nifer fawr o wrthwynebiad
lleol ar sail priffordd ac o ystyried y cynnydd posibl mewn traffig o ganlyniad
i’r datblygiad cadarnhaodd y Cynghorydd Williams na allai gefnogi’r cais.
Yn ystod trafodaeth bu’r aelodau’n ystyried y
ffactorau o blaid ac yn erbyn yr amrywiad, gan bwyso a mesur yr hanes cynllunio
a phryderon diogelwch ffordd. Cadarnhaodd y Cynghorwyr Merfyn Parry,
Dewi Owens a Huw Hilditch-Roberts eu bod yn gyfarwydd â’r ardal a dywedwyd am
eu profiadau eu hunain a phryderon am ddiogelwch traffig yn y cyswllt hwn. Teimlwyd y dylid rhoi llawer o ystyriaeth i wybodaeth leol a’r llu o
wrthwynebiadau a dderbyniwyd oedd yn manylu pryderon diogelwch priffordd. Tra’n cydnabod yr hanes cynllunio a’r tebygolrwydd o apêl yn erbyn y
penderfyniad i wrthod y cais roedd yr aelodau hynny’n teimlo bod pryderon
diogelwch yn hanfodol yn yr achos hwn, yn arbennig o ystyried bod y rhodfa o
flaen y datblygiad yn cynnig llwybr mwy diogel a digonol.
Nid oedd y Swyddogion Cynllunio a Phriffyrdd yn
herio cyfyngiadau’r llwybr rhodfa gefn ac yn cydnabod y pryderon a godwyd
ynglŷn a’i annigonolrwydd. Fodd bynnag, ailadroddwyd bod hanes
cynllunio sylweddol yn yr achos hwn yn cynnig cefnogaeth gyfyngedig i wrthod y
cais a manylodd y swyddogion oblygiadau oedd yn codi o ganiatâd cynllunio
blaenorol gan y pwyllgor yn 2006 [Rhif. 16/206/0872 – apêl
wedi’i gefnogi yn ymwneud â’r defnydd o’r un rhodfeydd], 2015 [Rhif 16/2014/1020 – caniatâd cynllunio ar gael
ar gyfer 9 annedd heb unrhyw gyfyngiadau], a 2016 [Rhif. 16/2016/0545 – cymeradwyaeth ddilynol i drefniant yn ymwneud ag amod 10 yn
cyfyngu llwybr cerbydau adeiladu i’r rhodfa o flaen y datblygiad]. O wybod yr hanes nid oedd swyddogion yn
ystyried bod effaith 2 annedd ychwanegol o dan y caniatâd cynllunio diweddaraf
yn caniatáu cyfiawnhad digonol i wrthod y cais ar gyfer amrywiant. O ran tystiolaeth un ddamwain yn unig a
gofnodwyd ar hyd y ffordd rhwng Hydref 2011 – Hydref 2016, er y derbyniwyd na
roddwyd gwybod am bob damwain. Mewn ymateb i gwestiynau pellach eglurodd y swyddogion bod y ddwy dramwyfa
yn eiddo preifat i fyny at y briffordd gyhoeddus. O ran gorfodi amod rhif 12 roedd yn ofynnol i’r
ymgeisydd ddangos ffyrdd o atal mynediad i’r rhodfa gefn i’r awdurdod lleol ei
gymeradwyo a byddai torri unrhyw amod yn fater gorfodi.
Cynnig – Roedd y Cynghorydd Huw Williams yn
ystyried bod defnyddio mynediad Lôn y Mynydd yn beryglus ac nid yn addas i'r
diben, ac roedd yn cynnig, ac eiliwyd gan y Cynghorydd Dewi Owens bod y cais yn
cael ei wrthod, yn groes i argymhelliad y swyddog, ar sail diogelwch priffordd.
PLEIDLAIS:
CYMERADWYO - 6
GWRTHOD - 16
YMATAL - 0
PENDERFYNWYD i WRTHOD
caniatâd, yn groes i argymhelliad y swyddog, ar sail diogelwch priffyrdd.
Os bydd yna apêl yn erbyn penderfyniad y pwyllgor,
cytunwyd fel cynigydd ac eilydd bod y Cynghorwyr Huw Williams a Dewi Owens yn
mynychu unrhyw wrandawiad apêl dilynol. Nodwyd hefyd na fyddai’r Swyddog
Priffyrdd yn gallu amddiffyn y penderfyniad mewn apêl a chytunodd yr aelodau i
gynnwys Ymgynghorydd Priffyrdd os bydd angen. Hefyd penderfynwyd i
gytuno ar eiriad y rheswm dros wrthod gyda’r aelod lleol.
Dogfennau ategol:
- ITEM 6 - LLANBEDR HALL (VARIATION), Eitem 5. PDF 37 KB
- ITEM 6 - LLANBEDR HALL (VARIATION) - APPENDIX, Eitem 5. PDF 312 KB