Agenda, decisions and draft minutes

Ni chafwyd unrhyw ymddiheuriadau.

Ni chafwyd unrhyw ymddiheuriadau.

Aelodau i ddatgan unrhyw gysylltiad personol neu gysylltiad sy’n peri rhagfarn yn gysylltiedig ag unrhyw fater sydd i’w ystyried yn y cyfarfod hwn.

Ni ddatganwyd unrhyw gysylltiad.

Ni ddatganwyd unrhyw gysylltiad.

Penodi Cadeirydd y Pwyllgor Trwyddedu ar gyfer y flwyddyn i ddod.

PENDERFYNWYD penodi’r Cynghorydd Bobby Feeley yn Gadeirydd y Pwyllgor Trwyddedu ar gyfer y flwyddyn sydd i ddod.

Gofynnwyd am enwebiadau ar gyfer Cadeirydd y Pwyllgor Trwyddedu ar gyfer 2025/26.  Cynigodd y Cynghorydd Andrea Tomlin y dylid penodi’r Cynghorydd Bobby Feeley yn Gadeirydd, ac fe eiliwyd hynny gan y Cynghorydd Brian Jones.  Ni chafwyd unrhyw enwebiadau eraill.

PENDERFYNWYD penodi’r Cynghorydd Bobby Feeley yn Gadeirydd y Pwyllgor Trwyddedu ar gyfer y flwyddyn sydd i ddod.

Ar y pwynt hwn, talodd y Cadeirydd deyrnged i gyn Is-gadeirydd y Pwyllgor, y Cynghorydd Hugh Irving, a fu farw’n anffodus y mis blaenorol.  Roedd y Cynghorydd Irving wedi bod yn deg, yn ddibynadwy, ac yn ddiwyd yn ei asesiad o unrhyw sefyllfa drwyddedu, yn gefnogaeth wych dros y tair blynedd diwethaf, a byddai colled fawr ar ei ôl.

Achubodd y Cadeirydd ar y cyfle hefyd i groesawu’r Cynghorydd Justine Evans fel aelod newydd ar y Pwyllgor, a thalodd deyrnged i’r Cynghorydd Delyth Jones am y gwaith rhagorol a gyflawnwyd yn ystod ei chyfnod ar y Pwyllgor.

Penodi Is-Gadeirydd y Pwyllgor Trwyddedu ar gyfer y flwyddyn i ddod.

PENDERFYNWYD penodi’r Cynghorydd Brian Jones yn Is-gadeirydd y Pwyllgor Trwyddedu ar gyfer y flwyddyn sydd i ddod.

Gofynnodd y Cadeirydd am enwebiadau ar gyfer swydd Is-gadeirydd y Pwyllgor Trwyddedu ar gyfer 2025/26.  Cynigiodd y Cynghorydd Justine Evans y dylid penodi’r Cynghorydd Brian Jones yn Is-gadeirydd, ac fe eiliwyd hynny gan y Cynghorydd Andrea Tomlin. Ni chafwyd unrhyw enwebiadau eraill.

PENDERFYNWYD penodi’r Cynghorydd Brian Jones yn Is-gadeirydd y Pwyllgor Trwyddedu ar gyfer y flwyddyn sydd i ddod.

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B(4) Deddf Llywodraeth Leol 1972.

Ni chodwyd unrhyw faterion brys.

Ni chodwyd unrhyw faterion brys.

Derbyn cofnodion cyfarfod y Pwyllgor Trwyddedu a gynhaliwyd ar 4 Mawrth 2025 (copi ynghlwm).

PENDERFYNWYD derbyn cofnodion y cyfarfod a gynhaliwyd ar 4 Mawrth 2025 a chadarnhau eu bod yn gywir.

Cyflwynwyd cofnodion cyfarfod y Pwyllgor Trwyddedu a gynhaliwyd ar 4 Mawrth 2025.

PENDERFYNWYD derbyn cofnodion y cyfarfod a gynhaliwyd ar 4 Mawrth 2025 a chadarnhau eu bod yn gywir.

Ystyried adroddiad gan y Pennaeth Cynllunio, Gwarchod y Cyhoedd a Gwasanaethau Cefn Gwlad (copi ynghlwm) yn gofyn i aelodau adolygu’r tabl o brisiau presennol ar gyfer Cerbydau Hacni.

PENDERFYNWYD y dylai’r Pwyllgor Trwyddedu gymeradwyo Cynnig 2, a nodir yn Atodiad D yr adroddiad ac a gyflwynwyd gan gynrychiolydd o’r fasnach drwyddedig, i amrywio tabl prisiau’r Cyngor ar gyfer Cerbydau Hacni fel y’i nodir yn Atodiad F yr adroddiad, ac awdurdodi swyddogion i ddechrau ymgynghoriad statudol gyda’r nod o weithredu cyn gynted â phosibl, yn amodol ar unrhyw wrthwynebiadau a dderbynnir.

Cyflwynodd y Swyddog Arweiniol (Trwyddedu) adroddiad (a ddosbarthwyd ymlaen llaw) yn gofyn i'r aelodau adolygu'r tabl prisiau presennol ar gyfer Cerbydau Hacni.  Cafodd y prisiau presennol eu diwygio ddiwethaf ym mis Mehefin 2022, yn weithredol o 1 Gorffennaf 2022.

Darparwyd rhywfaint o gefndir i'r gofynion deddfwriaethol gyda’r prisiau wedi’u pennu ar yr uchafswm y gellid ei godi ac yn gysylltiedig â phrisiau ar gyfer teithiau a wneir yn gyfan gwbl o fewn y sir.  Nid oedd y Cyngor dan rwymedigaeth gyfreithiol i osod y cyfraddau uchaf ond gwnaethpwyd hynny gan 341 o 345 o awdurdodau trwyddedu.  Y tro diwethaf i’r aelodau adolygu’r prisiau oedd ym mis Mehefin 2024 ac roeddent wedi cytuno i gadw'r prisiau presennol ac adolygu'r sefyllfa ymhen 12 mis gyda gwaith yn cael ei wneud i ddatblygu'r gyfrifiannell brisiau.  Ers hynny, nid oedd unrhyw ymatebion wedi dod i law gan ddeiliaid trwyddedau, a heb eu mewnbwn ni fyddai'r gyfrifiannell brisiau yn gywir ar gyfer gosod y prisiau.  Fodd bynnag, roedd dau gais wedi dod i law gan berchnogion cerbydau hacni i adolygu'r prisiau.

Tynnwyd sylw'r aelodau at y wybodaeth yn yr adroddiad yn ymwneud â'r tabl prisiau presennol, penderfyniadau blaenorol, y gyfrifiannell brisiau, gohebiaeth ymgynghori, tabl cymharu'r tariff presennol a’r tariff arfaethedig a chymharu prisiau awdurdodau lleol Gogledd Cymru (gan gynnwys cynnydd diweddar ym mhris 2 filltir Conwy i £7.60).  Ar ôl gwerthuso'r ddau gais, argymhellodd swyddogion y dylid cymeradwyo Cynnig 2 (ar ran 42 o yrwyr trwyddedig) ar gyfer ymgynghoriad statudol gyda'r bwriad o'i weithredu yn amodol ar unrhyw wrthwynebiadau a dderbynnir.

Diolchodd y Cadeirydd i’r swyddogion am yr adroddiad cynhwysfawr a manwl.

Mynegodd y Cynghorydd Brian Jones ei fod yn cefnogi argymhelliad yr adroddiad o ystyried yr angen i gefnogi'r diwydiant tacsis yng ngoleuni'r newid mewn amgylchiadau ers yr adolygiad prisiau diwethaf ym mis Mehefin 2024, gyda chynnydd sylweddol mewn costau sy'n gysylltiedig â'r fasnach dacsis.  Roedd yn hyderus y byddai'r fasnach yn cyd-drafod prisiau is ar gyfer cwsmeriaid rheolaidd a diamddiffyn wrth ddarparu'r gwasanaeth hwnnw.  Eiliodd y Cynghorydd Andrea Tomlin y cynnig ar sail y gefnogaeth sylweddol gan y fasnach tacsis i gynyddu prisiau a oedd wedi bod yn ansicr ar adeg yr adolygiad prisiau diwethaf, ac o ystyried bod y tariff wedi gosod y pris uchaf a ganiateir ac y gellid codi ffi is.

Cefnogodd y Cynghorydd Gwyneth Ellis y cynnig hefyd, ond cwestiynodd sut y gellid ceisio barn y rhai yn Ne'r sir o ystyried y diffyg cerbydau hacni sy’n gweithredu yn yr ardal honno oherwydd nad yw'n fenter broffidiol.  Esboniodd swyddogion y byddai’r cynnydd arfaethedig yn y prisiau yn fuddiol ar gyfer teithiau byrrach ac yn annog gweithwyr nos, a dywedwyd mai dim ond un tabl prisiau y gallai fod ar gyfer y sir gyfan.  Darparwyd rhagor o fanylion am y broses ymgynghori statudol a oedd yn cynnwys ymgynghoriad cyhoeddus yn ogystal â gyda'r fasnach drwyddedig a rhoddwyd sicrwydd y byddai swyddogion yn mynd ati’n rhagweithiol i sicrhau y byddai'r ymgynghoriad mor eang â phosibl ac yn targedu grwpiau / unigolion perthnasol yn ôl yr angen er mwyn sicrhau ymgysylltiad llawn ar draws y sir gyfan.

PENDERFYNWYD y dylai’r Pwyllgor Trwyddedu gymeradwyo Cynnig 2, a nodir yn Atodiad D yr adroddiad ac a gyflwynwyd gan gynrychiolydd o’r fasnach drwyddedig, i amrywio tabl prisiau’r Cyngor ar gyfer Cerbydau Hacni fel y’i nodir yn Atodiad F yr adroddiad, ac awdurdodi swyddogion i ddechrau ymgynghoriad statudol gyda’r nod o weithredu cyn gynted â phosibl, yn amodol ar unrhyw wrthwynebiadau a dderbynnir.

Ystyried adroddiad gan y Pennaeth Cynllunio, Gwarchod y Cyhoedd a Gwasanaethau Cefn Gwlad (copi ynghlwm) yn rhoi’r wybodaeth ddiweddaraf i aelodau am ganlyniad yr ymgynghoriad ar y gofynion trwyddedu presennol ar gyfer Cerbydau sy’n Hygyrch i Gadeiriau Olwyn a cheisio barn yr aelodau am y newidiadau posibl i’r gofynion hynny wrth symud ymlaen.

PENDERFYNWYD –

(a)       dileu dros dro y gofynion oedran presennol ar gyfer Cerbydau Hygyrch i Gadeiriau Olwyn a’u disodli am gyfnod o 12 mis gyda’r angen i bob Cerbyd Hygyrch i Gadeiriau Olwyn gyrraedd safonau allyriadau Ewro 6, gyda phrawf cydymffurfio ychwanegol bob blwyddyn unwaith y bydd y cerbyd yn 12 oed h.y. 3 phrawf y flwyddyn bob 4 mis, a

(b)      bod swyddogion yn adrodd yn ôl i’r Pwyllgor Trwyddedu ym mis Mehefin 2026 ynglŷn â p’un a yw’r newidiadau dros dro a nodir yn (a) uchod wedi cael effaith gadarnhaol ar nifer y Cerbydau Hygyrch i Gadeiriau Olwyn ac i ystyried ymhellach a oes angen newid y polisi yn barhaol o ganlyniad i’r newidiadau dros dro hynny.

Cyflwynodd y Swyddog Arweiniol (Trwyddedu) adroddiad (a ddosbarthwyd ymlaen llaw) yn rhoi'r wybodaeth ddiweddaraf i'r aelodau am ganlyniad yr ymgynghoriad â'r fasnach drwyddedig ar y gofynion trwyddedu presennol ar gyfer Cerbydau Hygyrch i Gadeiriau Olwyn, ac yn gofyn am farn yr aelodau am newidiadau posibl i'r gofynion hynny yn y dyfodol.

Ym mis Mehefin 2024, adolygodd y Pwyllgor Trwyddedu'r gofynion presennol ar gyfer Cerbydau Hygyrch i Gadeiriau Olwyn sydd wedi'u trwyddedu gan y Cyngor oherwydd diffyg argaeledd cerbydau o'r fath, a phenderfynodd ymgynghori ar welliannau arfaethedig i'r gofynion presennol gyda'r bwriad o fynd i'r afael â'r mater.  Darparwyd manylion y pum ymateb, o safbwyntiau cymysg, i'r ymgynghoriad ynghyd â barn Adran Cludiant Teithwyr y Cyngor a groesawodd fesurau i gynyddu nifer y Cerbydau sy’n Hygyrch i Gadeiriau Olwyn.  Gallai'r newid ymestyn oes weithredol Cerbydau Hygyrch i Gadeiriau Olwyn gan gynyddu argaeledd ar y farchnad ac o bosibl lleihau costau cludiant ysgol.  Roedd cynnal y polisi presennol hefyd yn berygl o roi rhai defnyddwyr gwasanaeth ag anghenion hygyrchedd dan anfantais.

Gan ystyried yr adroddiad a'r ymateb i'r ymgynghoriad, gofynnwyd i'r aelodau ystyried dileu'r gofyniad oedran presennol ar gyfer cerbydau sy’n hygyrch i gadeiriau olwyn dros dro a'i ddisodli, am gyfnod o 12 mis, gyda'r gofyniad bod yn rhaid i bob cerbyd sy’n hygyrch i gadeiriau olwyn fodloni safonau allyriadau Ewro 6, gyda phrawf cydymffurfio ychwanegol unwaith y flwyddyn ar ôl i’r cerbyd gyrraedd 12 oed.  Awgrymwyd y dylid adolygu'r sefyllfa ym mis Mehefin 2025 i ganfod a oedd y newid dros dro wedi cael effaith gadarnhaol ar nifer y cerbydau sy’n hygyrch i gadeiriau olwyn ac i ganfod a oedd angen newid parhaol.

Bu’r aelodau yn ystyried yr adroddiad ac yn trafod gyda swyddogion rhinweddau posibl argymhellion yr adroddiad, y posibilrwydd o ddulliau eraill o gynyddu argaeledd cerbydau sy’n hygyrch i gadeiriau olwyn yn y sir, a'r effaith ar y fflyd tacsis yn gyffredinol.  Roedd barn gymysg ynghylch yr argymhellion o ystyried na fyddai pob cerbyd yn destun yr un meini prawf trwyddedu gyda'r un safonau diogelwch yn berthnasol i bawb.  Cwestiynwyd y rhesymeg y tu ôl i newid gofynion trwyddedu i gynorthwyo i ddarparu cludiant ysgol ac nid oedd barn glir gan y fasnach tacsis ar y mater o ystyried y diffyg ymatebion i'r ymgynghoriad.  Teimlai aelodau eraill fod achos wedi'i wneud i gyflwyno'r newidiadau dros dro i'r gofynion trwyddedu o ystyried y prinder cerbydau sy’n hygyrch i gadeiriau olwyn yn y sir, a fyddai, pe baent yn llwyddiannus, o fudd nid yn unig i ddarpariaeth cludiant ysgol ond i'r gymuned ehangach a defnyddwyr gwasanaeth sydd angen cerbydau o'r fath, a byddai effeithiolrwydd y newid dros dro yn cael ei adolygu ymhen 12 mis cyn gwneud penderfyniad terfynol ar y mater.

Ymatebodd y swyddogion i gwestiynau a sylwadau’r aelodau fel a ganlyn –

·       roedd prinder cerbydau sy’n hygyrch i gadeiriau olwyn yn y sir wedi’i amlygu gan yr Adran Cludiant Teithwyr gyda chontractau ysgolion yn cael eu dyfarnu y tu allan i Sir Ddinbych o ganlyniad; byddai cynyddu argaeledd y cerbydau hyn yn Sir Ddinbych o bosibl yn arwain at fwy o gystadleuaeth a phrisiau tendr is ar gyfer y contractau hynny.

·       byddai’r posibilrwydd o’r Cyngor yn caffael ei Gerbydau sy’n Hygyrch i Gadeiriau Olwyn ei hun yn fater i’w ystyried gan y Gwasanaethau Fflyd a’r Adran Cludiant Teithwyr

·       nid oedd y gyfradd ymateb isel i'r ymgynghoriad yn annisgwyl o ystyried nifer isel y cerbydau hyn ar y fflyd ar hyn o bryd; y gobaith oedd y byddai'r cynnig i ganiatáu cerbydau hŷn sy’n hygyrch i gadeiriau olwyn ar y fflyd, sydd yn gyffredinol yn gwneud llai o filltiroedd,  ...  view the full Cofnodion text for item 8.

Ystyried rhaglen waith y Pwyllgor Trwyddedu (copi ynghlwm).

PENDERFYNWYD derbyn a chymeradwyo’r rhaglen waith.

Cyflwynodd y Swyddog Arweiniol (Trwyddedu) raglen waith y Pwyllgor Trwyddedu i’w hystyried (a ddosbarthwyd ymlaen llaw).

PENDERFYNWYD derbyn a chymeradwyo’r rhaglen waith.

RESOLVED that under Section 100A of the Local Government Act 1972, the Press and Public be excluded from the meeting for the following items of business on the grounds that it would involve the likely disclosure of exempt information as defined in Paragraphs 12 and 13 of Part 4 of Schedule 12A of the Act.

Ystyried adroddiad cyfrinachol gan y Pennaeth Cynllunio, Gwarchod y Cyhoedd a Gwasanaethau Cefn Gwlad (copi ynghlwm) yn gofyn i aelodau adolygu trwydded cerbyd hacni a cherbyd hurio preifat mewn perthynas â Gyrrwr rhif 517116.

PENDERFYNWYD bod Gyrrwr Rhif 517116 yn unigolyn cymwys ac addas i feddu ar Drwydded Gyrrwr Cerbyd Hacni a Hurio Preifat a bod rhybudd ysgrifenedig yn cael ei roi mewn cysylltiad â’r euogfarnau goryrru parhaus a gafodd a’i fethiant i’w datgelu.  Gosodwyd amod hefyd ar Drwydded y Gyrrwr Cerbyd Hacni a Hurio Preifat yn ei gwneud yn ofynnol i'r Gyrrwr gwblhau cwrs ymwybyddiaeth o gyflymder i gynnwys asesiad ymarferol yn ogystal ag unrhyw hyfforddiant theori a ddarperir o fewn 3 mis i ddyddiad yr hysbysiad penderfyniad.  Gallai methu â chydymffurfio â’r amod hwn arwain at atal y drwydded.

Cyflwynwyd adroddiad cyfrinachol gan y Pennaeth Cynllunio, Gwarchod y Cyhoedd a Gwasanaethau Cefn Gwlad (a ddosbarthwyd ymlaen llaw) ynglŷn â’r canlynol –

(i)             addasrwydd Gyrrwr Rhif 517116 i ddal trwydded i yrru cerbydau hacni a cherbydau hurio preifat yn dilyn euogfarnau goryrru a gafwyd ym mis Chwefror 2024 nad oeddent wedi'u datgan o'r blaen, ac ym mis Mehefin 2021 nad oeddent wedi'u datgan cyn cyflwyno ei gais adnewyddu;

(ii)            bod gwybodaeth gefndirol a dogfennau cysylltiedig wedi'u darparu gan gynnwys manylion yr euogfarnau moduro, cofnod o'r cyfweliad â'r Gyrrwr, ynghyd â'i hanes gyrru blaenorol a'i ymddangosiadau gerbron y Pwyllgor mewn perthynas â'i gais gwreiddiol yn 2017;

(iii)          penderfyniad swyddogion i atgyfeirio'r mater at y Pwyllgor Trwyddedu i benderfynu arno oherwydd amgylchiadau penodol yr achos;

(iv)          polisi’r Cyngor mewn perthynas â pherthnasedd euogfarnau ac addasrwydd yr ymgeiswyr a thrwyddedau; a

(v)           gwahoddwyd y Gyrrwr i fynychu’r cyfarfod i gefnogi’r adolygiad o’r drwydded ac i ateb cwestiynau’r aelodau wedi hynny.

Roedd y Gyrrwr yn bresennol i gefnogi’r adolygiad o’i drwydded.

Cyflwynodd y Swyddog Gorfodi Trwyddedu (NS) yr adroddiad a ffeithiau’r achos.

Cyflwynodd y Gyrrwr ei fod wedi newid yn sylweddol ers yr euogfarnau moduro gwreiddiol a gafodd pan oedd yn ifanc o 1998 ac nid oedd yn derbyn bod camgyfathrebu wedi bod â Llys yr Ynadon yn 2017 fel y manylwyd yn yr adroddiad.  Esboniodd nad oedd wedi datgan bod ganddo bwyntiau cosb yn 2021 oherwydd ei fod wedi newid galwedigaeth ond ei fod wedi datgan y pwyntiau cosb hynny yn ddiweddarach.  Esboniwyd yr amgylchiadau o amgylch euogfarn mis Chwefror 2024 hefyd.  Yn olaf, rhoddodd y Gyrrwr sicrwydd ynghylch ei ymddygiad fel gyrrwr trwyddedig, cyflwynodd nifer o eirdaon yn tystio i'w gymeriad da, ac ymddiheurodd am beidio â datgan y pwyntiau cosb fel sy'n ofynnol.  Mewn ymateb i gwestiynau, ymhelaethodd y Gyrrwr ar amgylchiadau'r euogfarn am oryrru a'r 3 phwynt cosb a'i gyfrifoldebau rheoli yn ei swydd bresennol.

Gohiriwyd y Pwyllgor er mwyn ystyried yr achos a –

PENDERFYNWYD bod Gyrrwr Rhif 517116 yn unigolyn cymwys ac addas i feddu ar Drwydded Gyrrwr Cerbyd Hacni a Hurio Preifat a bod rhybudd ysgrifenedig yn cael ei roi mewn cysylltiad â’r euogfarnau goryrru parhaus a gafodd a’i fethiant i’w datgelu.  Gosodwyd amod hefyd ar Drwydded y Gyrrwr Cerbyd Hacni a Hurio Preifat yn ei gwneud yn ofynnol i'r Gyrrwr gwblhau cwrs ymwybyddiaeth o gyflymder i gynnwys asesiad ymarferol yn ogystal ag unrhyw hyfforddiant theori a ddarperir o fewn 3 mis i ddyddiad yr hysbysiad penderfyniad.  Gallai methu â chydymffurfio â’r amod hwn arwain at atal y drwydded.

Dyma resymau’r Pwyllgor Trwyddedu dros y penderfyniad –

Roedd yr aelodau wedi ystyried y dystiolaeth yn ofalus wrth wneud eu penderfyniad.  Roedd penderfyniad aelodau’r Pwyllgor yn gytbwys iawn ond credwyd bod y Gyrrwr yn dal i fod yn unigolyn addas a phriodol i barhau i ddal trwydded yrru ddeuol.

Bu i’r Pwyllgor ganfod fod y methiant i ddatgelu'r euogfarn arfaethedig yn y cais adnewyddu ym mis Rhagfyr 2023 yn anonest gyda'r Gyrrwr yn gwybod am euogfarn arfaethedig o ystyried ei fod wedi derbyn y cynnig o ddirwy a phwyntiau cosb ar unwaith.  Bu i’r Pwyllgor hefyd ganfod fod y methiant i ddatgelu’r pwyntiau cosb o fewn 7 diwrnod fel sy’n ofynnol ar ôl iddynt gael eu derbyn yn fwriadol ac yn anonest.

Er bod y Pwyllgor wedi canfod bod y Gyrrwr wedi ymddwyn yn anonest fel y disgrifiwyd uchod, roedd y Pwyllgor o'r farn bod amgylchiadau lliniarol a oedd yn cyfrannu at egluro pam nad oedd yr euogfarn wedi'i ddatgelu o fewn y cyfnod amser priodol fel sy'n ofynnol.  Roedd y Pwyllgor yn pryderu ynghylch goryrru parhaus  ...  view the full Cofnodion text for item 10.