Rhaglen

Aelodau i ddatgan unrhyw fuddiannau personol neu niweidiol mewn unrhyw fusnes sydd wedi ei nodi i’w ystyried yn y cyfarfod yma.

Hysbysiad o eitemau y dylid, ym marn y Cadeirydd, eu hystyried yn y cyfarfod fel mater o frys yn unol ag Adran 100B(4) Deddf Llywodraeth Leol 1972.

I dderbyn cofnodion cyfarfod y Pwyllgor Craffu Cymunedau a gynhaliwyd ar 19^eg Ionawr 2012.

I ystyried adroddiad (copi’n amgaeedig) gan Brif Swyddog Adfywio a Strategaeth Fuddsoddi sy’n rhoi manylion y trefniadau ar gyfer digwyddiad Etape Cymru 2011 a’r effaith a gafodd ar y gymuned leol, ac yn gofyn am arsylwadau’r Pwyllgor i gynorthwyo gyda gwella strategaethau cynllunio a chyfathrebu ar gyfer unrhyw ddigwyddiad tebyg yn y dyfodol.

I ystyried adroddiad gan Reolwr Prosiect y Rhyl yn Symud Ymlaen a’r Rheolwr Adfywio a Datblygu Morwrol (copi’n amgaeedig) sy’n ceisio arsylwadau’r Pwyllgor a chefnogaeth i’r trefniadau rheoli arfaethedig a’r taliadau am angori yn Harbwr y Foryd.

I ystyried adroddiad (copi’n amgaeedig) gan y Rheolwr Cefnogi Pobl sy’n ceisio barn y Pwyllgor ar y Strategaeth Cefnogi Pobl ar gyfer 2012 i 2014 a’r Cynllun Gweithredol cysylltiedig ar gyfer 2012/13.

I ystyried adroddiad (copi’n amgaeedig) gan y Swyddog Gwella Corfforaethol sy’n darparu canfyddiadau’r Arolwg Preswylwyr ac sy’n ceisio barn y Pwyllgor ynglŷn â sut y dylid gweithredu’r argymhellion sy’n deillio o’r arolwg a’u monitro wedi hynny.

I ystyried adroddiad (copi’n amgaeedig) gan y Cyfarwyddwr Corfforaethol: Dysgu a Chymunedau sy’n darparu Aelodau â throsolwg o’r system ar gyfer dyrannu cyllid i Grwpiau Aelodau Ardal a manylion cyllid cymunedol potensial yn y dyfodol.  Yn ogystal mae’r adroddiad yn amlinellu cynigion i ddatblygu Cronfa Waddol Gymunedol ac yn ceisio barn y Pwyllgor ar effeithiolrwydd y cyllid a ddyrannwyd i Grwpiau Aelodau Ardal ac ar y cynigion i greu Cronfa Waddol.

I ystyried adroddiad gan y Cydlynydd Craffu (copi’n amgaeedig) sy’n ceisio adolygiad o flaenraglen waith y pwyllgor ac yn diweddaru aelodau ar faterion perthnasol.

I dderbyn unrhyw ddiweddariadau gan gynrychiolwyr y Pwyllgor ar wahanol Fyrddau a Grwpiau’r Cyngor