Agenda and draft minutes

Derbyniwyd ymddiheuriadau gan y Cynghorwyr Bill Cowie, David Simmons a Hugh Evans (Arweinydd ac Aelod Arweiniol yr Economi).

Dylai’r Aelodau ddatgan unrhyw gysylltiad personol neu gysylltiad sy'n rhagfarnu mewn unrhyw fater a nodwyd i'w ystyried yn y cyfarfod hwn.

Datganodd y Cynghorydd Huw Hilditch-Roberts gysylltiad personol yn eitem rhif 8 fel perchennog busnes yn Rhuthun.

Nid oedd unrhyw fater brys

Derbyn cofnodion cyfarfod y Pwyllgor Archwilio Cymunedau a gynhaliwyd ar 8 Medi 2016 (copi ynghlwm).

Cyflwynwyd Cofnodion cyfarfod y Pwyllgor Archwilio Cymunedau a gynhaliwyd ar 8 Medi, 2016:-

PENDERFYNWYD – y dylid derbyn a chymeradwyo’r Cofnodion fel cofnod cywir.

1.    Trafod gweledigaethau'r ddau sefydliad ar gyfer trigolion Sir Ddinbych, sut maen nhw’n bwriadu darparu eu gweledigaethau i wella deilliannau i ddefnyddwyr gwasanaethau, y rhesymau dros y penderfyniad i ail-leoli gwasanaethau'r Adran Gwaith a Phensiynau i'r Fflint a chanlyniad yr asesiadau effaith a wnaed i gael gwybodaeth i benderfynu.

2.    Trafod gyda'r Adran Gwaith a Phensiynau y Rhaglen Gwaith ac Iechyd newydd a sut y gall y Cyngor fod yn gysylltiedig â'r rhaglen hon er budd trigolion y Sir

Cyflwynodd Rheolwr Tîm Cynllunio Strategol ei hadroddiad (a ddosbarthwyd yn flaenorol) oedd yn hysbysu’r Pwyllgor ynglŷn â’r cefndir ar gyfer adleoli gwasanaethau a gomisiynir gan yr Adran Gwaith a Phensiynau i gynorthwyo pobl ddi-waith i dderbyn gwaith o'r Rhyl i’r Fflint. Eglurodd bod yr Adran Gwaith a Phensiynau wedi comisiynu Rehab Jobfit i ddarparu’r gwasanaethau hyn ar eu rhan, ac roeddent hwythau wedi is-gontractio’r gwaith i PeoplePlus.  Roedd y contract ar gyfer darparu’r rhaglen bresennol o wasanaethau yn dod i ben ddiwedd mis Mawrth 2017. O fis Ebrill 2017 roedd yr Adran Gwaith a Phensiynau yn bwriadu darparu Rhaglen Waith ac Iechyd newydd, ac nid oedd y contract ar gyfer y Rhaglen wedi’i ddyfarnu eto. 

Croesawodd y Cadeirydd y canlynol i’r cyfarfod; Mr John Bisby (Rheolwr Rhanbarthol, Gogledd a Chanolbarth Cymru ar gyfer yr Adran Gwaith a Phensiynau), a Mr Joel Payne (Rheolwr Rhanbarthol, Gogledd a De Cymru, PeoplePlus) a Mr Brett Smith (Rheolwr PeoplePlus, y Fflint).   Eglurodd Rheolwr Rhanbarthol PeoplePlus, gyda chymorth cyflwyniad PowerPoint, y rhesymau dros benderfyniad y sefydliad i adleoli rhan o’i waith o’r Rhyl i’r Fflint. Pwysleisiodd eu bod yn parhau i weithredu gwasanaeth allgymorth yn y Rhyl at ddibenion darparu cymorth cyflogaeth a hyfforddiant sgiliau. 

Mae llwyddiant gwasanaethau PeoplePlus i gael mwy o bobl i dderbyn gwaith yn golygu bod llai o unigolion yn cael eu hatgyfeirio i’r ganolfan yn y Rhyl.  Roedd unrhyw un yn yr ardal sy’n cael eu hatgyfeirio yn cael eu hatgyfeirio i swyddfa’r Fflint, lle'r oedd mwy o wasanaethau ar gael.  Byddai’r rhai sy’n cael eu hatgyfeirio i’r Fflint yn derbyn eu costau teithio a byddai staff yn gweithio gyda nhw mewn ymgais i’w cynorthwyo i dderbyn mynediad at wasanaethau a'r farchnad swyddi. 

Eglurodd y Rheolwr Rhanbarthol bod sawl ‘chwedl’ wedi codi yn dilyn cyhoeddiad y penderfyniad i adleoli’r gwasanaethau o’r Rhyl i’r Fflint, gan bwysleisio y byddai pobl nad oeddent yn gallu teithio i’r Fflint yn cael eu gweld yn swyddfa allgymorth y Rhyl, a oedd wedi’i leoli yng nghanol y dref yn awr, wrth ymyl 'Canolfan y Rhyl’.  Hysbyswyd yr Aelodau hefyd, er y bu'n rhaid i'r sefydliad adael eu heiddo blaenorol yn y Rhyl yn gynharach na’r disgwyl roeddent wedi ymgynghori’n helaeth gyda’r landlord a’r staff ynglŷn ag adleoli i safle arall yn y dref am gyfnod sylweddol gan eu bod yn teimlo nad oedd yr eiddo yn ‘addas i bwrpas’. 

Darparodd y Rheolwr Rhanbarthol fanylion:

·         ynglŷn â sylfaen cwsmeriaid y sefydliad yn ardal y Rhyl (gan gynnwys eu hadborth ynglŷn â’r newidiadau ar ôl adleoli mwyafrif y gwasanaethau i’r Fflint, a oedd yn gadarnhaol yn gyffredinol); ac

·         ynglŷn ag ystadegau cyfanswm y cyfraddau trawsnewid swyddi a pherfformiad yn erbyn y targedau a osodwyd (roedd y mwyafrif ohonynt wedi'u diwallu neu eu rhagori)

Yna amlinellodd Rheolwr Rhanbarthol yr Adran Gwaith a Phensiynau’r trawsnewidiad yn ei wasanaeth ar hyn o bryd fel rhan o gyflwyno 'Rhaglen newydd Iechyd a Gwaith’, a fyddai'n weithredol ym mis Ebrill 2017. Roedd gan y rhaglen hon ymagwedd llai cyfyngol a byddai'n canolbwyntio ar anghenion yr unigolyn a’r cyflogwr. 

Byddai'r gwasanaeth newydd yn canolbwyntio ar gynorthwyo a chefnogi pobl i dderbyn gwaith, gan weithio gyda nhw a'u cyflogwyr a'r sgiliau sydd eu hangen mewn marchnad swyddi sy'n newid yn barhaus.  Eglurodd o ddiwedd mis Mawrth 2017 byddai’r Adran Gwaith a Phensiynau yn rhoi’r gorau i atgyfeirio pobl at PeoplePlus ar gyfer gwasanaethau rhaglenni gwaith, ond byddai’n parhau i gefnogi cwsmeriaid presennol i dderbyn  gwasanaethau PeoplePlus.

Mewn ymateb i gwestiynau’r aelodau, ymatebodd cynrychiolwyr y ddau sefydliad:

• drwy bwysleisio eu bod bob amser yn fodlon gwrando a chynorthwyo unigolion sy’n  ...  view the full Cofnodion text for item 5.

Amlinellu'r manteision posibl o fabwysiadu dull symlach o reoli’r gwasanaethau hyn ar gyfer y ddau ddefnyddiwr gwasanaeth a'r Cyngor, a'r llinell amser ar gyfer ei fabwysiadu.

Cyflwynodd Aelod Arweiniol Gofal Cymdeithasol (Gwasanaethau Oedolion a Phlant) adroddiad, gan gynghori bod yr adroddiad yn amlinellu buddion posibl  symleiddio rheolaeth Gwasanaethau Cefnogi Byw'n Annibynnol ac Ailalluogi, tra'n cadw annibyniaeth elfen darpariaeth weithredol y gwasanaethau.  Cynghorwyd yr aelodau fod dangosyddion cyllid ar gyfer y Gwasanaeth Cefnogi Byw’n Annibynnol, drwy Grant Cefnogi Pobl gan Lywodraeth Cymru (LlC), ar gyfer 2017/18 yn ymddangos yn ffafriol.  Ymatebodd Pennaeth Gwasanaethau Cymorth Cymunedol a’r swyddogion i gwestiynau’r Aelodau:

·         gan egluro’r termau yn yr adroddiad mewn perthynas â gwahanol swyddi 'darparwyr gofal’, gan bwysleisio y gallai Gweithwyr Cefnogi Iechyd a Gofal Cymdeithasol integredig ddarparu elfennau o wasanaethau iechyd a gofal cymdeithasol.

·         Nodwyd, yn ogystal â darparu arbedion ariannol ar gyfer y Cyngor drwy gael un rheolwr yn lle dau, dylai uno'r gwasanaethau o dan un rheolwr wella darpariaeth gwasanaeth a darparu gwasanaeth di-dor i'r defnyddiwr gwasanaeth;

·         cadarnhawyd y gallai achosi mwy o gyfleoedd dilyniant gyrfa ar gyfer y staff;

·         gan gydnabod bod symleiddio rheolaeth y gwasanaethau yn cael ei gymell yn rhannol gan y gyllideb, cynghorwyd hefyd y dylai’r strwythur newydd ddarparu gwasanaethau ymyrraeth o well ansawdd a gwella gwydnwch defnyddwyr gwasanaeth o ganlyniad i hyn.  Byddai hefyd yn cefnogi’r gwaith o gyflawni blaenoriaethau corfforaethol y Cyngor o ddiogelu pobl ddiamddiffyn ac yn eu cynorthwyo i fyw’n annibynnol am gyn hired â phosibl a sicrhau fod gan bobl fynediad at dai o ansawdd da;

·         cynghorwyd y byddai pob swydd wag yn cael ei hadolygu i benderfynu a oedd yn diwallu gofynion Safonau'r Gymraeg;

·         Cadarnhawyd bod 7 allan o'r 21 o argymhellion yn Adolygiad Gwasanaeth Cefnogi Pobl yn weddill ar hyn o bryd, roedd mwyafrif y camau sy’n weddill yn gysylltiedig â’r ailstrwythuro presennol ac felly dylid eu darparu o fewn y terfyn amser a gytunwyd;

·         eglurwyd pan yr ystyrir rhyddhau cleifion mewnol mewn ysbytai roedd gweithdrefn rhyddhau o’r ysbyty yr oedd yn rhaid ei dilyn i sicrhau eu bod yn ddigon iach i gael eu rhyddhau ac y byddent yn ddiogel yn eu cartref eu hunain;

·         Hysbyswyd y Pwyllgor pe bai preswylwyr, gofalwyr neu gynghorwyr eisiau cyflwyno ymholiad ynglŷn â’r gwasanaethau sydd ar gael dylent gysylltu â’r Gwasanaeth Pwynt Mynediad Sengl fel cam cyntaf.  Roedd cysylltu â’r Pwynt Mynediad Sengl yn dechrau’r sgwrs “Beth sy’n Bwysig" gan arwain at flaenoriaethu gwasanaethau ar gyfer pob unigolyn i ddiwallu eu hanghenion penodol.  Roedd hefyd yn borth ar gyfer unigolion oedd heb deulu neu gyfeillion gerllaw i’w cefnogi i gael cymorth a chefnogaeth; a

·         cadarnhawyd y byddai ymgynghoriad gyda’r staff ynglŷn â’r strwythur newydd a’r amodau a thelerau cysylltiedig yn dechrau ar 8 Tachwedd 2016.

Ar ddiwedd y drafodaeth gofynnodd y Pwyllgor :

• bod gwybodaeth am y dangosyddion a ddefnyddir i fesur effeithlonrwydd y gwasanaeth o ran darparu'r canlyniadau yn cael ei chyflwyno i'r Pwyllgor yn gynnar yn y gwanwyn 2017;
• bod yr aelodau yn derbyn gwybodaeth ynglŷn â dyfarniad cyllid grant Cefnogi Pobl ar gyfer y gwasanaethau uchod cyn gynted ag y bo ar gael; ac
• y gwneir pob ymdrech i sicrhau bod yr holl achosion unigol a atgyfeirir i’r gwasanaethau yn derbyn ystyriaeth lawn i dderbyn y gwasanaethau a geisiwyd ac eraill a allai fod yn briodol ar eu cyfer.

Felly:

PENDERFYNWYD:-

(i)            yn amodol ar yr arsylwadau uchod ac ar dderbyn sicrwydd na fyddai symleiddio rheolaeth y gwasanaethau yn effeithio ar ddarpariaeth gwasanaethau’r rheng flaen ac y byddai’n cefnogi darpariaeth integredig effeithiol gwasanaethau gofal iechyd a chefnogaeth i breswylwyr, y dylid derbyn yr adroddiad; a

(ii)          bod adroddiad cynnydd pellach o ran symleiddio’r strwythur rheoli, gan gynnwys gwybodaeth am y dangosyddion a ddefnyddir i fesur effeithiolrwydd y gwasanaethau i ddarparu’r canlyniadau arfaethedig yn  ...  view the full Cofnodion text for item 6.

Dealltwriaeth o'r gweithgareddau y mae'r Cyngor yn eu cyflawni i reoli risg llifogydd yn y sir a phenderfynu a yw'r rhain yn ddigonol ac yn briodol i gyflawni amcanion y Strategaeth

Wrth gyflwyno adroddiad Swyddfa Archwilio Cymru ar ‘Reoli Risg Llifogydd Arfordirol ac Erydu yng Nghymru’ (a oedd ynghlwm fel atodiad 1 i’r adroddiad a ddosbarthwyd yn flaenorol) pwysleisiodd Aelod Arweiniol y Parth Cyhoeddus fod hwn yn adroddiad cenedlaethol.  Tynnodd y Pennaeth Gwasanaethau Priffyrdd a’r Amgylchedd, fel dirprwy’r Rheolwr Risg Llifogydd, sylw’r aelodau at baragraff 4.1 yr adroddiad eglurhaol a oedd yn amlygu prif bwyntiau’r adroddiad cenedlaethol o safbwynt Sir Ddinbych.  Eglurodd hefyd fod diweddariad cynnydd o ran gweithredu'r amcanion, canlyniadau a mesurau Strategaeth Rheoli Risg Llifogydd y Cyngor ynghlwm i'r adroddiad fel atodiad 2 hefyd er gwybodaeth i’r Aelodau. 

Yn ogystal â’r camau a nodwyd yn y Strategaeth at ddibenion lliniaru risg llifogydd yn Sir Ddinbych, roedd mesurau eraill wedi’u cymryd mewn ymgais i leihau’r risg, er enghraifft, mesurau gweithredol megis arolygu ceuffosydd yn rheolaidd, gwagio rhigolau ac ati.

Gan ymateb i gwestiynau’r aelodau, eglurodd Aelod Arweiniol y Parth Cyhoeddus, Pennaeth Gwasanaethau Priffyrdd a’r Amgylchedd a Chyfarwyddwr Corfforaethol:  yr Economi a'r Parth Cyhoeddus:

• Roedd ‘glannau afon’ yng nghyd-destun yr adroddiadau yn golygu tir ger afon.  Cyfrifoldeb y perchennog tir yw mesurau lliniaru llifogydd yn yr ardaloedd hyn fel arfer;
• roeddent o dan yr argraff fod system mapio risg llifogydd Cyfoeth Naturiol Cymru wedi’i ddiwygio i adlewyrchu unrhyw waith lliniaru llifogydd a wnaed;
• er bod ‘ail-alinio arfordirol’ a 'cilio a reolir’ yn dermau a ddefnyddiwyd yn adroddiad Swyddfa Archwilio Cymru fel dulliau o reoli digwyddiadau dŵr dros ben a llifogydd yn y dyfodol, roedd nifer o gwestiynau heb eu hateb mewn perthynas â chynigion o’r fath;
• er bod adroddiad Swyddfa Archwilio Cymru yn canolbwyntio ar lifogydd arfordirol ac erydiad tir, roedd llifogydd mewndirol ac erydiad tir hefyd yn broblem yn Sir Ddinbych ac felly roedd mesurau lliniaru llifogydd wedi'u gweithredu h.y. yn ardal Corwen.
• roedd mapiau risg llifogydd wedi’u hystyried fel rhan o’r broses gynllunio pan dderbynnir ceisiadau am ganiatâd cynllunio;
• Byddai’n rhaid i geisiadau cynllunio ar gyfer datblygiadau mawr, megis y rhai yn y Cynllun Datblygu Lleol (CDLl), amlinellu cynlluniau/strategaethau rheoli risg llifogydd a rheoli dŵr yn eu ceisiadau manwl, ynghyd ag effaith ganlyniadol eu ceisiadau datblygu;
• roedd proses gynllunio'r awdurdod lleol yn ystyried asesiadau llifogydd Cyfoeth Naturiol Cymru wrth benderfynu ar geisiadau cynllunio. Gellir gwrthod caniatâd cynllunio ar sail risg llifogydd perthnasol;
• mae'n rhy gynnar i benderfynu a fyddai colled terfynol cyllid Ewropeaidd ar gyfer gwaith lliniaru llifogydd, o ganlyniad i bleidlais Brexit, yn cael ei ddisodli gan gyllid Llywodraeth y DU neu Lywodraeth Cymru (LlC) maes o law.
• roedd trafodaethau ar y gweill gydag arbenigwyr cynnal a chadw pontydd ar lefel y gwaith sydd ei angen i gynnal safonau diogelwch pontydd y sir;
• roedd pryderon mewn perthynas â’r ffaith nad oedd afonydd yn cael eu carthu’n rheolaidd a oedd yn cynyddu risg llifogydd ac roedd pwysau ychwanegol ar bontydd y sir yn ystod cyfnodau o law trwm a llanw uchel.

Roedd Aelodau yn credu y byddai’n ddefnyddiol pe gellir ffurfio partneriaeth rhwng y Cyngor, perchnogion tir lleol a Chyfoeth Naturiol Cymru at ddibenion carthu a chynnal dyfrffyrdd i leihau risg llifogydd.  Felly teimla’r Pwyllgor y byddai’n ddefnyddiol gwahodd Cyfoeth Naturiol Cymru i gyfarfod yn y dyfodol i drafod materion rheoli dŵr.

Yn ystod y drafodaeth gofynnodd y Cadeirydd i’r Aelodau oedd wedi codi materion mewn perthynas â phryderon llifogydd lleol penodol iawn neu fesurau lliniaru gyda Rheolwr Risg Llifogydd ac i adrodd unrhyw broblemau sy’n hysbys gyda cheuffosydd (gan gynnwys ceuffosydd wedi gordyfu neu eu rhwystro) i’r Ganolfan Gwasanaethau Cwsmer er mwyn eu rhestru ar system Rheoli Cyswllt Cwsmer ar unwaith a'u rhestru ar gyfer arolwg.

Byddai cwestiynau ychwanegol a godwyd yn ystod y cyfarfod  ...  view the full Cofnodion text for item 7.

Archwilio’r effaith y mae’r cynnydd mewn taliadau parcio ceir yn ei gael ar ganol trefi’r sir.

Yn ei gyflwyniad, atgoffodd y Cadeirydd y Pwyllgor fod y fethodoleg ar gyfer gosod prisiau parcio priodol ar draws y sir wedi’i archwilio gan y Pwyllgor ym mis Gorffennaf 2015 a bod y Pwyllgor wedi argymell bod y pris parcio is o'r ddau a gynigiwyd yn cael ei weithredu.  Roedd penderfyniadau ynglŷn â ffioedd a phrisiau parcio yn bŵer wedi’i ddirprwyo i'r Prif Swyddog ac ar ôl ystyried yr holl wybodaeth berthnasol roedd y Swyddog Arweiniol wedi penderfynu y byddai’n well codi’r pris uchaf o’r ddau. 

O ganlyniad, pan weithredwyd y penderfyniad derbyniwyd rhyw faint o ymatebion anffafriol gan breswylwyr a busnesau.  Mewn ymateb i'r pryderon hyn roedd y Pwyllgor wedi gofyn fod adroddiad ar effaith y cynnydd mewn prisiau ar drefi’r sir yn cael ei gyflwyno i’w ystyried gan yr aelodau.  Croesawodd y Cadeirydd ddau aelod o’r cyhoedd a oedd yn bresennol yn y cyfarfod ac fe’u cynghorwyd y gallant rannu eu sylwadau gyda’r Pwyllgor ar ôl cyflwyno’r adroddiad ffurfiol. 

Gan gyflwyno’r adroddiad a’r atodiadau cysylltiol, atgoffodd Aelod Arweiniol y Parth Cyhoeddus y Pwyllgor mai’r cynnydd mewn prisiau parcio a gyflwynwyd ym mis Ebrill 2016 oedd y cynnydd cyntaf yn Sir Ddinbych ers 2009. Pwysleisiodd nad oedd yr holl brisiau wedi cynyddu, er enghraifft roedd cost trwydded parcio flynyddol wedi parhau'r un fath. 

Roedd y fenter hirsefydlog sy’n caniatáu i bob cyngor tref enwebu pum diwrnod parcio am ddim yn eu tref bob blwyddyn wedi’i gadw hefyd, ynghyd â’r arfer o ganiatáu parcio am ddim ym mhob tref o 3pm yn ddyddiol yn y 4 wythnos cyn y Nadolig. 

Hysbysodd yr Aelod Arweiniol y Pwyllgor fod dau gyngor tref, ar ôl clywed am y prisiau parcio newydd, wedi bod yn arloesol ac wedi penderfynu rhoi cymhorthdal ar gyfer prisiau parcio yn eu trefi penodol o’u harian eu hunain, roedd eraill o’r farn nad oedd hyn yn hanfodol.

Wrth annerch y Pwyllgor nododd aelod o’r cyhoedd:

• ei bod hi wedi synnu mai dim ond 35 cwyn a dderbyniwyd, yn enwedig gan ei bod yn ymwybodol o ddeiseb a gyflwynwyd o ardal Rhuthun a oedd yn cynnwys dros 1,100 o lofnodion;
• roedd prisiau parcio meysydd parcio arhosiad byr wedi cynyddu 300%, a oedd yn golygu bod meysydd parcio Sir Ddinbych yn ddrytach na’r rhai mewn awdurdodau cyfagos;
• gan mai dim ond mewn meysydd parcio arhosiad hir y gellir prynu trwyddedau parcio roedd yn cyfyngu opsiynau parcio ar gyfer pobl anabl.

Yn dilyn trafodaeth, codwyd y pwyntiau canlynol gan yr Aelodau:

• roedd angen hyrwyddo argaeledd trwyddedau parcio blynyddol yn ehangach;
• pryderon y byddai cynnydd mor sylweddol mewn prisiau parcio yn golygu y byddai pobl yn mynd i siopa ymhellach i ffwrdd, lle’r oedd y prisiau yn is.
• roedd gan bob tref ei anghenion unigol, ac roedd yr effaith yn waeth yn Rhuthun gan fod y gost ar gyfer gyrwyr wedi'i gymorthdalu gan arian a roddwyd gan gronfa a sefydlwyd gan aelodau lleol yn ystod cyfnod swydd y Cyngor blaenorol tan eleni.  Fodd bynnag, roedd y gronfa wedi dod i ben yn awr ac roedd hyn wedi digwydd yr un pryd â chyflwyno’r prisiau newydd, felly roedd Rhuthun wedi profi effaith ddwbl.  Roedd Cyngor Tref Rhuthun wedi penderfynu peidio â mabwysiadu'r ymagwedd a fabwysiadwyd gan Gynghorau Tref Dinbych a Phrestatyn o gymorthdalu'r costau parcio yn eu trefi;
• er bod incwm mwyafrif y meysydd parcio wedi cynyddu ers cyflwyno’r prisiau newydd, roedd llai o docynnau wedi’u gwerthu;
• y ffaith fod prisiau parcio yn llawer is yn yr Wyddgrug nac yn Rhuthun;
• teimlad nad oedd parcio ceir yn broblem fawr yn y Rhyl oherwydd y ffaith fod y siopau mawr wedi adleoli i  ...  view the full Cofnodion text for item 8.

Archwilio’r broses, y fethodoleg a’r meini prawf ar gyfer ymgymryd ag archwiliadau diogelwch ar y ffyrdd mewn perthynas â cheisiadau cynllunio.

Cyflwynodd Aelod Arweiniol y Parth Cyhoeddus yr adroddiad a’r atodiadau (a ddosbarthwyd yn flaenorol) ac eglurodd y Rheolwr Traffig, Parcio a Diogelwch ar y Ffyrdd y broses a’r fethodoleg a ddefnyddiwyd ar gyfer ymgymryd ag archwiliadau diogelwch ar y ffyrdd mewn perthynas â cheisiadau cynllunio, gan gynnwys y meini prawf ar gyfer y gofynion ar gyfer archwilio diogelwch ar y ffyrdd.  Mewn ymateb i gwestiynau aelodau eglurodd yr Aelod Arweiniol, Pennaeth y Gwasanaeth a’r Rheolwr Traffig, Parcio a Diogelwch ar y Ffyrdd:

·         y byddai datblygwr sy’n cyflwyno cais am ganiatâd cynllunio yn penodi ymgynghorydd dylunio ar gyfer y datblygiad arfaethedig.  Fel rhan o’r broses ddylunio gynnar byddai archwiliad rhagarweiniol diogelwch ar y ffyrdd yn cael ei gyflawni.  Byddai’r archwiliad rhagarweiniol hwn yn ystyried materion megis gwelededd mewn cyffyrdd ffordd ac ati.

·         byddai’n rhaid dogfennu’r holl bwyntiau diogelwch ffyrdd a godwyd gan y swyddogion cynllunio yn ystod y broses ymgeisio yn y cais cynllunio terfynol, gan gynnwys y mesurau fyddai’n cael eu cynnwys yn y cynlluniau datblygu i liniaru unrhyw risgiau a nodwyd;

·         roedd canllaw ‘Llawlyfr Dylunio Ffyrdd a Phontydd’, yr oedd copi ohono ynghlwm i’r adroddiad, yn ddogfen dechnegol y cedwir ati wrth ymgymryd ag archwiliadau diogelwch ar y ffyrdd.  Mae’r ddogfen hon yn nodi fod yn rhaid i o leiaf un person sy’n ymgymryd â’r archwiliad feddu ar ‘Dystysgrif Cymhwysedd’.  Ar ôl derbyn yr adroddiad archwilio byddai un o beirianwyr diogelwch ar y ffyrdd cymwys y Cyngor yn sicrhau ansawdd yr asesiad, ac os oes angen byddai’n ei atgyfeirio yn ôl i’r datblygwr gyda chais eu bod yn mynd i’r afael â’r ymholiadau cyn symud y cais yn ei flaen i’r cam nesaf;

·         byddai unrhyw farciau ffordd neu gynlluniau draenio sydd wedi’u cynnwys mewn ceisiadau cynllunio'n cael eu hasesu o ran ansawdd gan beirianwyr cymwys a gyflogir gan y Cyngor;

·         unwaith y bydd caniatâd cynllunio wedi’i roi, ac os yw gwaith ar briffyrdd yn un o‘r amodau a nodwyd ar gyfer cymeradwyo’r caniatâd, byddai’r broses o archwilio diogelwch ar y ffyrdd yn symud ymlaen i Gam 2. Ar y cam hwn byddai’n rhaid i’r datblygwr geisio cymeradwyaeth priffyrdd ar gyfer newidiadau i’r briffordd e.e. adeiladu cylchfan, peintio llinellau ac ati;

Eglurodd y Cynghorydd Alice Jones i’r Pwyllgor, er gwaethaf y sicrwydd a roddir gan y swyddogion ynglŷn â chadernid ac annibyniaeth archwiliadau diogelwch ar y ffyrdd, roedd hi’n bendant eu bod wedi methu ar gyfer preswylwyr Bodelwyddan yn ystod cais cynllunio diweddar yng nghanol y pentref.  Rhoddodd fanylion i’r Pwyllgor ynglŷn ag amgylchiadau’r cais cynllunio penodol hwn, gan bwysleisio ei safbwynt nad oedd yr Archwiliad Diogelwch ar y Ffyrdd a baratowyd ar gyfer y cais hwn wedi cydymffurfio â’r holl feini prawf a awgrymir sydd wedi'u rhestru yn yr adran ar ‘Briff Archwilio Diogelwch ar y Ffyrdd’ yn nogfen ‘Llawlyfr Dylunio Ffyrdd a Phontydd.  Teimla’r Cynghorydd Jones fod nifer o ffactorau pwysig wedi’u hepgor neu eu diystyru yn yr archwiliad diogelwch ar y ffyrdd ar gyfer y cais penodol hwn e.e. mynediad i bobl anabl, llwybr diogel i’r ysgol ac ati.

Yn dilyn trafodaeth fanwl cafwyd consensws y byddai’n ddefnyddiol pe gellir trefnu gweithdy hyfforddiant ar gyfer holl aelodau’r Pwyllgor Cynllunio er mwyn egluro’r broses, y fethodoleg a’r meini prawf ar gyfer y broses archwilio diogelwch ar y ffyrdd a’u defnydd mewn perthynas â’r ceisiadau cynllunio.  Dylai’r gweithdy fod yn sesiwn hanner diwrnod ac wedi’i gadeirio gan Aelod Arweiniol y Parth Cyhoeddus a dylid defnyddio enghraifft Bodelwyddan a nodwyd gan y Cynghorydd Alice Jones fel un o’r enghreifftiau yn y gweithdy.  Dylid cyflwyno unrhyw argymhellion sy’n deillio o’r gweithdy ac sydd angen cymeradwyaeth ffurfiol gan aelodau etholedig  ...  view the full Cofnodion text for item 9.

Ystyried adroddiad gan y Cydlynydd Archwilio (copi ynghlwm) yn gofyn am adolygiad o raglen waith i’r dyfodol y pwyllgor a rhoi’r diweddaraf i’r aelodau ar faterion perthnasol.

A copy of a report by the Scrutiny Coordinator (SC), which requested the Committee to review and agree its forward work programme and which provided an update on relevant issues, had been circulated with the papers for the meeting.

A copy of the ‘Member’s proposal form’ had been included in Appendix 2 The SC requested that any proposals be submitted to herself.   The Cabinet Forward Work Programme had been included as Appendix 3, and a table summarising recent Committee resolutions and advising on progress with their implementation, had been attached at Appendix 4. 

The Committee considered its draft Forward Work Programme for future meetings, Appendix 1 and the following amendments and additions were agreed:-

·         Natural Resources Wales be invited to attend Communities Scrutiny Committee at their earliest convenience;

·         Supporting Independent Living and Car Parking items be added to the 23^rd March 2017 agenda.

RESOLVED that, subject to the above additions and agreements, the Forward Work Programme as set out in Appendix 1 to the report be approved.

Derbyn unrhyw ddiweddariadau gan gynrychiolwyr ar wahanol Fyrddau a Grwpiau’r Cyngor

There were no reports to be presented.

The meeting concluded at 13:50