Penderfyniadau

PENDERFYNWYD y byddai’r Cabinet yn –

 (a)      cymeradwyo dyfarnu Contract ar gyfer Cam 1 Gwaith Galluogi – Estyniad Ystâd Ddiwydiannol Colomendy gan gynnwys Gorsaf Trosglwyddo Gwastraff CSDd i’r contractwr a enwyd fel yr argymhellwyd o fewn yr adroddiad ac yn unol â’r Adroddiad Argymhellion Dyfarnu Contract (Atodiad 1 i’r adroddiad), a

 (b)      cadarnhau ei fod wedi darllen, deall ac wedi ystyried yr Asesiad o Effaith ar Les (Atodiad 3 yr adroddiad) fel rhan o'i ystyriaethau.

PENDERFYNWYD bod y Cabinet yn cymeradwyo’r strategaeth gaffael i benodi prif gontractwr ar gyfer Cam 1 datblygiad Adeiladau’r Frenhines y Rhyl.

PENDERFYNWYD nodi Rhaglen Gwaith i'r Dyfodol y Cabinet.

PENDERFYNWYD y byddai’r Cabinet yn –

 (a)      nodi’r cyllidebau a bennwyd ar gyfer 2020/21 a'r cynnydd yn erbyn y strategaeth gyllidebol y cytunwyd arni;

 (b)      cymeradwyo sefydlu cronfa wrth gefn benodol a throsglwyddo £200,000 i helpu i ariannu'r gwaith dros yr haf fel rhan o Gynllun Rheoli Cyrchfan (nodir yn adran 6.3 yr adroddiad), a

(c)        cymeradwyo sefydlu cronfa wrth gefn benodol a throsglwyddo £59,000 i helpu i ariannu costau prosiect yn ymwneud â’r prosiect Ffyrdd Newydd o Weithio (nodir yn adran 6.4 yr adroddiad).

PENDERFYNWYD derbyn cofnodion y cyfarfod a gynhaliwyd ar 23 Mawrth 2021 a’u cadarnhau fel cofnod cywir.

Ni chodwyd unrhyw fater brys.

Ni ddatganwyd unrhyw gysylltiad.

Ni chafwyd unrhyw ymddiheuriadau.

Bu i Gyngor Sir Ddinbych (CSDd ) gefnogi Ail Adolygiad y Datganiad Technegol Rhanbarthol (DTRh 2) ar 26 Ionawr 2021. Mae DTRh 2 yn rhagweld y galw am agregau yn y dyfodol er mwyn i Awdurdodau Cynllunio Lleol (ACLl) allu cynllunio datblygiad mwynau mewn modd rheoledig a chymesur. Mae’n darparu argymhellion strategol i bob ACLl o ran eu dosraniadau, ac yn dynodi tebygolrwydd unrhyw ddyraniadau newydd allai fod angen eu gwneud yn y CDLl nesaf, er mwyn diwallu’r galw a ragwelir yn y dyfodol drwy gydol cyfnod perthnasol y cynllun.

Er diben cynllunio mwynau’n strategol, mae DTRh 2 yn nodi set o is-ranbarthau yng Nghymru sydd wedi’u seilio ar nifer o ffactorau, megis math o fwynau, patrymau cyflenwi, symud cyn lleied ag sy’n bosib ar yr agregau neu feysydd marchnad neilltuol. Mae Siroedd Dinbych, Fflint a Wrecsam yn llunio is-ranbarth ‘Gogledd Ddwyrain Cymru’, ac mae Siroedd Conwy, Gwynedd, Ynys Môr ac Awdurdod Parc Cenedlaethol Eryri wedi’u grwpio fel is-ranbarth ‘Gogledd Orllewin Cymru’.

Mae DTRh 2, gweler paragraff 1.27, yn cyflwyno’r gofyniad ar bob ACLl ym mhob is-ranbarth i baratoi Datganiad o Gydweithrediad Is-ranbarthol (DGIS), sydd nid yn unig yn sicrhau bod y dosraniadau isranbarthol cyffredinol, fel y’u nodir yn y ddogfen ar gyfer pob sir gyfansoddol, yn cael eu bodloni, ond eu bod hefyd yn cael eu defnyddio fel tystiolaeth hanfodol i ddangos y bydd y Cynllun Datblygu Lleol a fabwysiadwyd (neu sydd ar ddod) yn cyflenwi’r angen a aseswyd yn wrthrychol am fwynau dros gyfnod y cynllun. Bydd unrhyw Ddatganiad o Gydweithrediad Is-ranbarthol yn ystyriaeth gynllunio faterol wrth benderfynu ar geisiadau cynllunio.

Mae’r Aelodau’n cefnogi cydweithio rhwng awdurdodau mewn perthynas â chyflenwi mwynau agregau yn is-ranbarth Gogledd Ddwyrain Cymru, drwy gymeradwyo’r Datganiad o Gydweithrediad Is-ranbarthol (DGIR).

Rhoddir pwerau dirprwyedig i’r Aelod Arweiniol Cynllunio, Diogelu'r Cyhoedd a Chymunedau Mwy Diogel mewn perthynas â diwygiadau golygyddol, h.y. ansylweddol, i’r DGIR DRAFFT pe bai’r angen yn codi o ganlyniad i argymhellion a wneir gan Sir y Fflint neu Wrecsam ar ôl cwblhau’r adroddiad hwn.