Penderfyniadau

PENDERFYNWYD bod y Cabinet yn cadarnhau ei fod wedi darllen a deall y trefniadau llywodraethu a sicrwydd a ddisgrifir ac yn fodlon bod y trefniadau hynny wedi’u hintegreiddio’n ddigonol i fusnes y Cyngor.

PENDERFYNWYD bod y Cabinet yn –

(a)       cadarnhau cychwyn y prosiect i gaffael Cam 3 Fframwaith Adeiladu Gogledd Cymru, a

(b)       chadarnhau ei fod wedi darllen, deall ac ystyried yr Asesiad o Effaith ar Les (Atodiad 1 yr adroddiad) fel rhan o’i ystyriaethau.

PENDERFYNWYD bod y Cabinet yn –

(a)       cymeradwyo’r Polisi Gweithio’n Hyblyg, a’r dogfennau canllaw ategol, a

(b)       chadarnhau ei fod wedi darllen, deall ac ystyried yr Asesiad o Effaith ar Les (Atodiad 6 yr adroddiad) fel rhan o’i ystyriaethau.

PENDERFYNWYD bod y Cabinet yn –

(a)       cytuno bod y premiymau ail gartrefi safonol, ac eiddo gwag hirdymor yr un fath, i leihau effaith trethdalwyr yn osgoi talu (a fyddai efallai’n gwneud cais i symud i’r categori mwyaf ffafriol) ac i sicrhau nad yw’r baich gweinyddol yn cael ei gynyddu’n sylweddol, ac eithrio ar gyfer eiddo sy’n gorwedd o fewn yr argymhelliad;

(b)       cytuno â’r cynigion canlynol a fydd yn hysbysu ymgynghoriad cyhoeddus cyn i’r Cabinet a’r Cyngor wneud eu penderfyniadau terfynol:

·         bod y Premiwm a godir ar ail gartrefi ac eiddo gwag hirdymor yn aros ar 50% o Ebrill 2023 ac yna’n cynyddu i 100% o Ebrill 2024 ac i 150% o Ebrill 2025

·         bod eiddo sydd wedi bod yn wag a heb ddodrefn ers 5 mlynedd neu fwy yn talu premiwm o 50% yn fwy na’r Premiwm safonol, a

(c)        bod y penderfyniad yn cael ei weithredu ar unwaith, yn unol â pharagraff 7.25 o gyfansoddiad y Cyngor, o wybod bod angen cwblhau’r ymgynghoriad angenrheidiol mewn modd amserol.

PENDERFYNWYD bod y Cabinet yn –

(b)       cadarnhau ei fod wedi darllen, deall ac ystyried yr Asesiad o Effaith ar Les (Atodiad 2 yr adroddiad) fel rhan o’i ystyriaethau;

(b)       cefnogi’r ffordd ymlaen a ffefrir i gwblhau gwaith Cam 2 yn yr Orsaf Trosglwyddo Gwastraff newydd ar Ystâd Ddiwydiannol Colomendy, Dinbych a

(c)        chydnabod y pwysau diweddaraf ar y gyllideb a chytuno i barhau i weithio ar risg wrth i drafodaethau am ffynonellau cyllid posibl ar gyfer y pwysau gael eu cynnal â Llywodraeth Cymru.  Roedd hyn yn hanfodol er mwyn lliniaru’r risg o oedi pellach fyddai’n effeithio eto ar gostau a’r rhaglen, yn cynnwys y rhaglen ehangach o newid mewn gwasanaeth y mae cwblhau’r Orsaf yn hanfodol ar ei chyfer.

PENDERFYNWYD bod y Cabinet yn –

(a)       cydnabod bod y Pwyllgor Craffu Partneriaethau yn parchu penderfyniad y Cabinet ar 25 Ebrill 2023, i’r graddau y mae’n ymwneud â’r prosiectau ar y rhestr fer a luniwyd gan y Grŵp Partneriaethau Craidd i’w cymeradwyo, a

(b)      mewn ymgynghoriad gyda’r Swyddogion arweiniol perthnasol, ystyried y mecanweithiau ar gyfer gweithredu argymhellion y Pwyllgor Craffu, fel y cyfeirir atynt ym mharagraffau 3.2 - 3.6, mewn modd priodol ac amserol.

PENDERFYNWYD nodi rhaglen gwaith i'r dyfodol y Cabinet.

PENDERFYNWYD bod y Cabinet yn –

(a)       nodi’r sefyllfa refeniw derfynol ar gyfer 2022/23;

(b)       cymeradwyo'r driniaeth arfaethedig o gronfeydd wrth gefn a balansau fel y manylir yn yr adroddiad ac yn Atodiadau 1 a 2, a

(c)        nodi manylion y trosglwyddiadau i’r Cronfeydd Wrth Gefn a Glustnodwyd ac allan ohonynt fel y nodwyd yn Atodiad 3.

PENDERFYNWYD derbyn cofnodion y cyfarfod a gynhaliwyd ar 25 Ebrill 2023 a chadarnhau eu bod yn gywir.

Ni chodwyd unrhyw faterion brys.

Ni chafodd unrhyw gysylltiad ei ddatgan.

Ni chafwyd unrhyw ymddiheuriadau.