Penderfyniadau

PENDERFYNWYD cymeradwyo’r cais am Drwydded Cerbyd Hurio Preifat yn amodol ar amodau ychwanegol fel y nodwyd yn Atodiad 3 o’r adroddiad.

PENDERFYNWYD –

(a)      nodi cynnwys yr adroddiad, a

(b)      chymeradwyo’r rhaglen gwaith i’r dyfodol ddiwygiedig ar gyfer 2023 fel yr amlinellir yn Atodiad A yr Adroddiad.

PENDERFYNWYD –

(a)      rhoi awdurdod i swyddogion ymgynghori â gyrwyr trwyddedig a gweithredwyr a pherchnogion trwyddedig ynghylch gweithredu safonau meddygol Grŵp 2; a

(b)      lle na dderbyniwyd unrhyw wrthwynebiadau yn dilyn y cyfnod ymgynghori, rhoi awdurdod i swyddogion weithredu gofyniad am dystysgrifau meddygol Grŵp 2 ar gyfer gyrwyr trwyddedig fel a nodir ym mharagraff 4.5 yr adroddiad, a ddaw i rym o 1 Rhagfyr 2023 ar gyfer ymgeiswyr newydd, ac 1 Mehefin 2024 ar gyfer deiliaid trwydded presennol, a

(c)      os bydd unrhyw un yn gwrthwynebu’r cynigion yn ystod y cyfnod ymgynghori, bydd swyddogion yn cael cyfarwyddyd i baratoi adroddiad i’w gyflwyno yng nghyfarfod y Pwyllgor Trwyddedu er mwyn ystyried y gwrthwynebiadau.

PENDERFYNWYD –

(a)      bod Is-ddeddfau Enghreifftiol arfaethedig yr Adran Drafnidiaeth (fel a nodir yn Atodiad A yr adroddiad) yn cael eu cefnogi, a

(b)      rhoi awdurdod i swyddogion ddechrau ymgynghoriad ffurfiol gyda phob perchennog cerbyd hacni a gyrwyr trwyddedig.

PENDERFYNWYD, trwy bleidlais fwyafrifol –

(a)      bod yr Aelodau'n cyfarwyddo'r swyddogion i ymgynghori ar weithredu cynnydd i'r tariff o 5% (wedi'i dalgrynnu i'r ganran gyfan agosaf) yn unol â'r Mynegai Prisiau Manwerthu ar gyfer Moduro;

(b)      awdurdodi swyddogion i fwrw ymlaen â hysbysiad statudol sydd â dyddiad gweithredu o leiaf 28 diwrnod ar ôl cyhoeddi'r hysbysiad, a

(c)      rhoi cyfarwyddyd i swyddogion baratoi adroddiad ar gyfer cyfarfod nesaf y Pwyllgor Trwyddedu os ceir unrhyw wrthwynebiadau i’r hysbysiad statudol.

PENDERFYNWYD derbyn cofnodion y cyfarfod a gynhaliwyd ar 19 Mehefin 2023 a chadarnhau eu bod yn gywir.

Ni chodwyd unrhyw faterion brys.

Y Cynghorydd Brian Jones – Cysylltiad Personol – Eitem Rhif 5 ar y Rhaglen: Newidiadau arfaethedig i Dabl Ffioedd Cerbydau Hacni.

Y Cynghorydd Delyth Jones

Byddai’r Cynghorydd Win Mullen-James yn hwyr yn cyrraedd y cyfarfod.

Cymeradwyaeth i ymestyn prosiect Adferiad Lake Avenue ymhellach er mwyn i ni ystyried cyfleoedd ailfodelu gwasanaethau iechyd meddwl a ariennir gan y Grant Cymorth Tai.  Mae hyn yn golygu edrych ar yr opsiwn o uno nifer o gontractau iechyd meddwl mewn i un, er mwyn cynnig gwasanaeth mwy hyblyg sy’n cael ei arwain gan anghenion.

Cymeradwyo ymestyn prosiect tai â chymorth Adferiad Lake Avenue a ariennir gan y Grant Cymorth Tai

Y gwrthwynebiadau a gafwyd mewn cysylltiad â’r Gorchymyn Traffig arfaethedig uchod. Mae’r Gorchymyn Traffig yn cynnwys cynigion i wneud y terfyn cyflymder yn 30mya ar gyfer y ffyrdd a restrir yn Atodiad A yr adroddiad hwn. Bydd y darnau hyn o ffyrdd yn Eithriadau i’r terfyn amser 20 mya diofyn sy’n dod i rym ar draws Cymru ar 17 Medi 2023.

Gwrthod gwrthwynebiadau i Orchymyn (Amryw Ffyrdd) (Terfynau Cyflymder 30mya) Cyngor Sir Ddinbych 2023, sef y Gorchymyn Rheoleiddio Traffig sy’n cynnwys eithriadau i’r terfyn cyflymder 20 mya diofyn.

PENDERFYNWYD bod y Cabinet yn –

(a)      nodi perfformiad swyddogaeth Rheoli Trysorlys y Cyngor yn ystod 2022/23 a’i chydymffurfiaeth â’r Dangosyddion Darbodus gofynnol, fel yr adroddwyd yn Adroddiad Rheoli Trysorlys Blynyddol 2022/23 (Atodiad 1 yr adroddiad), a

(b)      chadarnhau ei fod wedi darllen, deall ac ystyried yr Asesiad o Effaith ar Les (Atodiad 2 yr adroddiad) fel rhan o’i ystyriaethau.

PENDERFYNWYD bod y Cabinet yn –

(a)      cadarnhau ei fod wedi darllen, deall ac ystyried yr Asesiad o Effaith ar Les (Atodiad 2 yr adroddiad) fel rhan o’i ystyriaethau, a

(b)      chymeradwyo’r Strategaeth Gaffael ddiweddaraf (Atodiad 1 yr adroddiad) sy’n cefnogi blaenoriaethau a nodau lles Sir Ddinbych, a’i rôl ym mharatoadau Sir Ddinbych ar gyfer y newidiadau i reoliadau caffael cyhoeddus sydd ar y gweill.

PENDERFYNWYD bod y Cabinet yn cymeradwyo’r Cynllun Cyfalaf Strategol 10 Mlynedd Bwrdd Partneriaeth Rhanbarthol Gogledd Cymru a chytuno gyda blaenoriaethau cyfalaf Sir Ddinbych ar gyfer gwella iechyd a gofal cymdeithasol integredig i ddiwallu anghenion y dyfodol.

PENDERFYNWYD, trwy bleidlais fwyafrifol, bod y Cabinet yn –

(a)      cymeradwyo’r safle a ffefrir ar gyfer adeiladu ysgol newydd ar gyfer Ysgol Plas Brondyffryn ar safle Ffordd Ystrad, a ddangosir fel safle A ar y cynllun atodedig yn Atodiad 2 yr adroddiad a chytuno i gefnogi symud ymlaen trwy gyflwyno cais cynllunio;

(b)      cytuno bod yn rhaid i’r cais cynllunio ddangos yn glir y bydd darpariaeth awyr agored amgen o fudd cymunedol cyfwerth neu fwy yn cael ei hadeiladu yn lle’r gofod hamdden a gollir drwy ddatblygu ar gae chwarae’r ysgol, a

(d)      chadarnhau ei fod wedi darllen, deall ac ystyried yr Asesiad o Effaith ar Les, yn Atodiad 3 yr adroddiad, fel rhan o’i ystyriaethau.

PENDERFYNWYD bod y Cabinet yn –

(a)      nodi cynnwys Cynllun Busnes yr AGB (Atodiad 1 yr adroddiad) ac yn cefnogi’r argymhelliad nad oes unrhyw sail i roi feto ar y cynigion o dan Ddeddfwriaeth AGB Cymru (2005) (gweler paragraffau 4.8 a 4.9 yr adroddiad);

(b)      awdurdodi swyddogion i gyflawni unrhyw gytundebau cyfreithiol angenrheidiol ar gyfer gweithredu Ardoll yr AGB, trefniadau gwasanaeth a’r bleidlais ac unrhyw faterion angenrheidiol eraill ar gyfer yr AGB arfaethedig;

(c)      cadarnhau y bydd CSDd yn defnyddio un o’i bleidleisiau ym mhleidlais AGB o blaid yr AGB, a

(d)      chadarnhau ei fod wedi darllen, deall ac ystyried yr Asesiad o Effaith ar Les (Atodiad II yr adroddiad) fel rhan o’i ystyriaethau.

PENDERFYNWYD nodi rhaglen gwaith i’r dyfodol y Cabinet.

PENDERFYNWYD bod y Cabinet yn nodi’r cyllidebau a bennwyd ar gyfer 2023/24 a’r cynnydd yn ôl y strategaeth y cytunwyd arni.

PENDERFYNWYD derbyn cofnodion y cyfarfod a gynhaliwyd ar 18 Gorffennaf 2023 a chadarnhau eu bod yn gywir.

Caniataodd yr Arweinydd gwestiwn mewn perthynas â fandaliaeth ar yr arwyddion ffordd 20mya a gyflwynwyd yn ddiweddar.

Y Cynghorydd Gill German – Cysylltiad Personol – Eitem 6 ar y Rhaglen

Y Cynghorydd Pauline Edwards – Cysylltiad Personol – Eitem Rhif 6 ar y Rhaglen

Y Cynghorydd Brian Jones – Cysylltiad Personol – Eitem Rhif 5 ar y Rhaglen

Y Cynghorydd Rhys Thomas – Cysylltiad Personol – Eitem Rhif 6 ar y Rhaglen

Y Cynghorydd Emrys Wynne – Cysylltiad Personol – Eitem Rhif 6 ar y Rhaglen

Y Cynghorydd Mark Young – Cysylltiad Personol – Eitem Rhif 6 ar y Rhaglen

Ni chafwyd unrhyw ymddiheuriad.

Mae Polisi Casgliadau Gwastraff diweddaraf wedi’i gynhyrchu gan y Gwasanaeth Gwastraff. Mae’r polisi wedi’i ddiweddaru ar gyfer y gwasanaeth cyfredol i gadarnhau agweddau o gynnig y gwasanaeth, hefyd mae wedi’i ddiweddaru i adlewyrchu’r model gwasanaeth newydd sydd heb ei weithredu hyd yma. Mae’r Polisi wedi’i rannu i wasanaeth cyfredol a gwasanaeth newydd.

Mae’r prif newidiadau i’r polisi cyfredol yn cynnwys cryfhau cyfrifoldebau / egluro’r polisi a’r newidiadau sylweddol i’r gwasanaeth, fel a ganlyn:

a)    Mae adrannau 1a ac 1b yn manylu ar amlder y gwasanaeth casglu ailgylchu a heb fod yn ailgylchu a’r math o gynwysyddion a ddefnyddir.  Mae adran 2 yn ymwneud â chasgliadau amgen ar gyfer eiddo sy’n anaddas ar gyfer y gwasanaeth safonol.  Mae adran 3 yn ymwneud â biniau cymunedol swmpus.

b)    Mae adran 4 yn egluro’r gofyniad cyfreithiol yng Nghymru i ailgylchu gwastraff bwyd (o fis Hydref 2023 ymlaen). Mae adran 5 yn ymwneud â’r gwasanaeth casglu cyfarpar electronig a thrydanol a’r gwasanaeth casglu batris.

c)     Mae Adran 7 ‘cyflwyno’ ac Adran 8 ‘ffyrdd preifat heb eu mabwysiadu’ wedi’u hatgyfnerthu yn nhermau beth sy’n dderbyniol a’r hysbysiad ffurfiol o fannau casglu ar gyfer eiddo gyda mynediad wedi’i gyfyngu.

d)    Mae adran 18 yn egluro’r gwasanaeth Gwastraff Hylendid nad yw’n Heintus o 2024 ymlaen.

e)    Mae adran 22 yn amlinellu’r newidiadau i’r gwasanaeth casglu gwastraff swmpus.

I gymeradwyo’r Polisi Casgliadau Gwastraff wedi’i ddiweddaru fel ei fod yn gallu dod i rym.