Eitem ar yr agenda

Ystyried cais am Drwydded Eiddo newydd, a gyflwynwyd yn unol ag Adran 17 o Ddeddf Trwyddedu 2003 (amlinelliad o'r cais a phapurau cysylltiedig ynghlwm).

9.30 a.m.

 

PENDERFYNWYD bod y cais yn cael ei ganiatáu, yn amodol ar amodau a gostyngiad yn yr oriau a ganiateir fel y gwnaed cais amdano.

 

Cyflwynwyd adroddiad gan Bennaeth Cynllunio a Gwarchod y Cyhoedd (a ddosbarthwyd yn flaenorol) ynglŷn â –

 

(i)        chais wedi dod i law gan Mr. Steven Evans am Drwydded Safle newydd mewn perthynas â Prince of Wales, Llangollen;

 

(ii)      yr ymgeisydd  a oedd wedi gofyn am ganiatâd i ddarparu’r gweithgareddau trwyddedadwy canlynol:

 

GWEITHGAREDD TRWYDDEDIG	DYDDIAU PERTHNASOL	AMSER O	AMSER I
Darparu cerddoriaeth fyw wedi’i seinchwyddo (tu mewn yn unig)	Dydd Llun – dydd Sul	19:00	01:00
Darparu Cerddoriaeth wedi’i Recordio (tu mewn yn unig – peiriant recordiau)	Dydd Llun – dydd Sul	19:00	01:00
Darparu Perfformio Dawns (Tu mewn yn unig)	Dydd Llun – dydd Sul	19.00	01.00
Darparu Alcohol (i’w yfed ar ac oddi ar yr eiddo)	Dydd Sul a dydd Llun Dydd Mawrth a dydd Mercher Dydd Iau – dydd Sadwrn	11:00 11:00 11:00	00:00 23:00 01:00
*Oriau y bydd y safle ar agor i’r cyhoedd	Dydd Sul a dydd Llun Dydd Mawrth a dydd Mercher Dydd Iau – dydd Sadwrn	11.00 11.00 11.00	01.00 00.00 02.00

 

(iii)     *mae’r ymgeisydd hefyd wedi gofyn bod y safle yn cael aros ar agor i'r cyhoedd o 11.00am tan 2.00am ar Noswyl Nadolig a Gŵyl San Steffan, ac yn ychwanegol at yr amseroedd a nodir uchod, mae'r ymgeisydd wedi gofyn awdurdodiad i ddarparu alcohol o 1.00am tan 2.00am ar Ŵyl San Steffan a Noswyl Nadolig;

 

(iv)     un sylw (Atodiad A i'r adroddiad) wedi'i dderbyn gan ddau sydd â diddordeb ac yn byw ger y safle sydd wedi tynnu sylw at agweddau sy'n peri pryder mewn perthynas â sŵn, ymddygiad afreolus a sbwriel;

 

(v)      Gwasanaethau Tân ac Achub Gogledd Cymru wedi cyflwyno sylwadau (Atodiad B i'r adroddiad) yn rhoi gwybod bod yna faterion sydd heb dal heb gael sylw yn nhermau darpariaethau diogelwch tân yn y safle y dylid eu datrys cyn i'r drwydded gael ei chyhoeddi;

 

(vi)     Heddlu Gogledd Cymru, ar ôl cyflwyno sylwadau ar y cais ond yn dilyn trafodaethau gyda'r ymgeisydd wedi llunio nifer o amodau sydd wedi eu cynllunio i hyrwyddo'r amcanion trwyddedu ymhellach (Atodiad C i’r adroddiad) ac ar y sail honno gofynnodd yr Heddlu, pe bai’r aelodau o blaid cymeradwyo’r cais, eu bod yn ystyried cynnwys yr amodau hynny o fewn Atodlen Weithredu’r eiddo (Atodiad E i’r adroddiad);

 

(vii)    Adran Rheoli Llygredd y Cyngor wedi cyflwyno sylwadau (Atodiad D i'r adroddiad) gan godi pryderon ynghylch agosrwydd y safle i eiddo preswyl a chynigiwyd nifer o amodau (a gytunwyd gan yr Ymgeisydd) i gael ei osod pe bai'r drwydded yn cael ei rhoi;

 

(viii)  yr angen i ystyried y cais gan roi ystyriaeth ddyledus i Bolisi Datgan Trwyddedu y Cyngor; Canllaw a gyhoeddwyd gan yr Ysgrifennydd Gwladol; deddfwriaeth berthnasol arall a sylwadau perthnasol a dderbyniwyd, a

 

(ix)     yr opsiynau sydd ar gael i'r pwyllgor wrth benderfynu ar y cais.

 

Arweiniodd y Rheolwr Busnes Gwarchod y Cyhoedd yr aelodau trwy’r adroddiad ac amlinellodd ffeithiau'r achos.  Roedd cyfryngu wedi bod yn digwydd rhwng yr Ymgeisydd a'r trigolion cyfagos er mwyn mynd i'r afael â'u pryderon.  Darllenwyd e-bost gan un o'r trigolion hynny, Mr. Simon Proffitt, yn cynghori bod yr Ymgeisydd wedi cytuno i ystyried diogelwch cadarn a gwell ar gyfer y ffenestri ochr ac i orfodi'r gwaharddiad ar gario diodydd agored oddi ar y safle.

 

CYFLWYNIAD YR YMGEISYDD

 

Roedd yr ymgeisydd, Mr. Steven Evans yn bresennol yn y cyfarfod i gefnogi ei gais.  Mae problem dechnegol gyfreithiol yn golygu na fu'n bosibl i drosglwyddo’r drwydded safle presennol ac roedd angen felly cyflwyno cais newydd.  Dywedodd Mr Evans bod yr eiddo wedi bod yn gweithredu mewn ffordd gyfrifol o dan y drwydded flaenorol ac na fu unrhyw faterion gyda'r Heddlu neu Iechyd yr Amgylchedd a’i fod hefyd wedi cytuno i’r holl fesurau y gofynnwyd amdanynt.  Gofynnodd bod y cais yn cael ei gymeradwyo yn unol â'r drwydded safle blaenorol ac fel y gwnaed cais amdano.

 

SYLWADAU GWASANAETH TÂN AC ACHUB GOGLEDD CYMRU

 

Mynychodd Mr. David Roberts, Rheolwr Cydymffurfio a Mr. Nigel Day, Swyddog Cydymffurfio ar ran Gwasanaeth Tân ac Achub Gogledd Cymru.

 

Ymhelaethodd y Swyddogion Tân ar bryderon mewn perthynas â'r adeilad fel y manylir yn eu sylwadau ysgrifenedig (Atodiad B i'r adroddiad) ac yn dilyn yr archwiliad Diogelwch Tân diweddaraf, gan dynnu sylw at faterion yr oedd angen rhoi sylw iddynt cyn y rhoddir trwydded.  Eglurwyd bod materion diogelwch tân a nodwyd yn dilyn arolygiad ym Mehefin 2015 heb gael sylw llawn, gan gynnwys y mater gyda'r giât ddwbl i ochr yr adeilad a oedd wedi’i gloi pan oedd pobl ar y safle gan achosi oedi i fynd allan mewn achos o orfod gadael mewn argyfwng.  Yn ogystal, nid oedd y materion a nodwyd yn yr Asesiad Risg Tân ym mis Mai 2016 heb gael eu blaenoriaethu, eu gweithredu neu gwblhau.  Mae llawer o faterion wedi cael eu nodi fel risg uchel ac angen mynd i'r afael â nhw mewn amser byr iawn neu cyn i’r eiddo gael ei feddiannu.  Er bod yr Ymgeisydd wedi rhoi sicrwydd y byddai'r gwaith angenrheidiol yn cael ei wneud, nid oes unrhyw dystiolaeth wedi ei ddarparu yn y cyswllt hwnnw.  Mae'r ffaith bod rhai materion heb eu datrys ers Mehefin 2015 yn achosi pryder i’r Awdurdod Tân.

 

Mewn ymateb i gwestiynau ynghylch y materion sy'n weddill esboniodd yr Ymgeisydd fod gwaith wedi ei wneud o ran profi a dyddio diffoddwyr tân a byddai'r rhan fwyaf o'r gwaith arall yn cael ei wneud yn ystod yr wythnosau nesaf.  Bu oedi cyn datrys y larwm tân a materion gyda’r giatiau dwbl o gofio bod yna gynlluniau i greu fflatiau uwchben y safle.  Yn ogystal, mae'r Heddlu wedi mynnu bod y giatiau dwbl yn cael eu cloi fel mesur rheoli a bod cynllun wedi cael ei rhoi ar waith i ganiatáu i’r giât i gael ei agor mewn achos o dân.  Mynegodd y Swyddogion Tân bryder ynghylch effeithiolrwydd y cynllun hwnnw ac awgrymodd fecanwaith electronig i sicrhau bod modd agor y giât yn hawdd.

 

CYFLWYNIAD GAN BARTÏON Â DIDDORDEB

 

Derbyniwyd un sylw ysgrifenedig (Atodiad A i'r adroddiad) gan Simon Proffitt a Jen Sandiford o Stryd y Rhaglaw yn nodi eu pryderon a oedd yn cynnwys sŵn, ymddygiad afreolus a sbwriel.  Roedd Mr. Proffitt a Ms. Sandiford yn bresennol yn y cyfarfod.

 

Cyfeiriodd Mr Proffitt at y sylwadau ysgrifenedig yn manylu ar ei bryderon.  Tra'n derbyn bod rhai materion y tu hwnt i reolaeth y trwyddedai, mynegwyd pryderon ynghylch pa mor uchel oedd y gerddoriaeth yn dod o'r eiddo hyd oriau mân y bore a oedd yn achosi aflonyddwch.  Cyfeiriodd hefyd at aflonyddwch wrth i gwsmeriaid adael yr adeilad gan ymgynnull ger yr eiddo ynghyd â phryderon dros daflu sbwriel, gan gynnwys gwydrau a photeli yn cael eu taflu.  Nodwyd bod y gwaharddiad ar gwsmeriaid i fynd â diodydd oddi ar safle’r eiddo yn ystod y pythefnos diwethaf wedi lleihau’r broblem honno yn sylweddol.

 

Atebodd Mr Proffitt gwestiynau'r aelodau fel a ganlyn-

 

·         cwynion wedi eu gwneud i’r Heddlu yn ymwneud â (1) difrod i arwydd yn eu gardd, a (2) gwydr yn yr eiddo, y ddau ohonynt wedi eu cofnodi ond heb gymryd camau ar wahân i gyngor a roddwyd gan yr heddlu i gysylltu â nhw os oedd rhagor o broblemau

·         mae wedi byw yn yr eiddo tua dwy flynedd a hanner ac  methu â chofio os oedd problemau wedi gwella neu waethygu ers i’r Ymgeisydd gymryd drosodd y gwaith o redeg yr eiddo ddwy flynedd yn ôl.  Ers i’r eiddo fod yn gweithredu o dan Hysbysiadau Digwyddiadau Dros Dro mae pethau wedi gwella.

 

Aelodau hefyd yn gofyn cwestiynau i'r Ymgeisydd wnaeth -

 

·         egluro trefniadau rheoli ar y safle a chadarnhaodd ei bresenoldeb o 11.00pm ar ddiwrnodau lle'r oedd trwydded hwyr yn berthnasol

·         gynghori fod safleoedd ar hyn o bryd yn gweithredu oriau caniataëdig o flaen y drwydded flaenorol gyda cherddoriaeth yn gorffen am 12.30am; tua 20/30 munud i orffen yfed; cwsmeriaid yn cael eu hannog i adael y safle erbyn 1.00am, a'r safle wedi’i glirio yn gyfan gwbl erbyn 1.10am.

·         esbonio fod yr arfer blaenorol yn ymwneud â dosbarthu gwydrau plastig i gwsmeriaid ond bod gwaharddiad llwyr ar gwsmeriaid yn gadael gydag unrhyw gynwysyddion agored wedi ei gyflwyno yn ddiweddar - awgrymwyd bod posibilrwydd eu bod yn dod â chynwysyddion o safleoedd trwyddedig eraill a oedd yna’n cael eu taflu gan nad oedd y cwsmeriaid yn gallu cael mynediad i'r eiddo gyda’r gwydrau

·         cadarnhau ei fod wedi siarad â Mr. Proffitt ynghylch ei bryderon ac eglurodd y byddai'n gosod gwydr dwbl/triphlyg ar y ffenestri ochr fel yr argymhellwyd gan arbenigwr sain er mwyn lleddfu pryderon ynghylch hynny; cytunodd hefyd i fesurau rheoli sŵn gyda Swyddog Rheoli Llygredd y Cyngor; mewn perthynas â chyfyngwyr sŵn, tra byddai'n edrych i mewn i'r mater ymhellach, gall fod yn gost waharddol;

·         dywedodd fod y safle wedi ei hen sefydlu ac yn adnabyddus fel lleoliad cerddoriaeth, a heb hynny byddai'n anymarferol.

 

CYFLWYNO RHEOLI LLYGREDD

 

Cyfeiriodd Mr. Sean Awbery o Adain Rheoli Llygredd y Cyngor at ei sylwadau ysgrifenedig (Atodiad D i'r adroddiad) yn cynnig gosod nifer o amodau ar y drwydded, os y'i caniateir, er mwyn lleihau'r risg o niwsans cyhoeddus.  Cytunwyd ar yr amodau hynny gyda'r Ymgeisydd.  Ers dod yn ymwybodol o'r pryderon sŵn a godwyd gan y partïon â diddordeb, awgrymodd Mr Awbery y gellir cyflwyno amod pellach ar y drwydded mewn perthynas â gosod cyfyngwyr sŵn os yw'r newidiadau a gytunwyd arnynt ddim yn cynnwys lefelau sŵn fel y bo'n briodol.

 

CYFLWYNIAD HEDDLU GOGLEDD CYMRU

 

Nid oedd cynrychiolydd o Heddlu Gogledd Cymru yn bresennol.  Nododd yr aelodau eu sylwadau ysgrifenedig a nifer o amodau a gytunwyd arnynt rhwng yr Ymgeisydd a Heddlu Gogledd Cymru er mwyn hyrwyddo'r amcanion trwyddedu (wedi eu hailgyflwyno yn Atodiad C i'r adroddiad).   Roedd yr Heddlu wedi gofyn pe bai’r aelodau yn penderfynu caniatáu'r cais eu bod yn ystyried ymgorffori'r amodau hynny o fewn yr Atodlen Weithredu.

 

DATGANIAD TERFYNOL YR YMGEISYDD

 

Wrth wneud datganiad terfynol atgoffodd yr Ymgeisydd yr Is-bwyllgor fod y safle wedi ei hen sefydlu fel lleoliad trwyddedig.  Er ei fod yn derbyn bod problemau o bryd i'w gilydd yr oedd wedi gwneud pob ymdrech i'w datrys.   Ailadroddodd ei fod yn barod i ymgymryd â'r gwaith angenrheidiol yn unol â chais yr Awdurdod Tân a Rheoli Llygredd ond gofynnodd ei fod yn cael cymaint o amser ag y bo modd i wneud y gwaith angenrheidiol o ystyried y gost, gan bwysleisio'r anawsterau wrth redeg safle trwyddedig yn yr hinsawdd economaidd bresennol.  Ailadroddodd ei barodrwydd i weithio gyda phob parti dan sylw er mwyn datrys y materion a godwyd.

 

EGWYL I YSTYRIED Y CAIS

 

Yn y fan hon (10.15am) gohiriwyd yr Is-bwyllgor Trwyddedu i ystyried y cais.

 

PENDERFYNIAD A RHESYMAU DROS Y PENDERFYNIAD

 

PENDERFYNWYD, yn amodol ar yr amodau fel y nodir isod, bod y Drwydded Safle yn cael ei chaniatáu ar gyfer y canlynol -

 

GWEITHGAREDD TRWYDDEDIG	DIWRNODAU PERTHNASOL	AMSER O	AMSER I
Darparu Cerddoriaeth Fyw wedi’i seinchwyddo (Tu mewn yn unig)	Dydd Sul - dydd Iau Dydd Gwener a dydd Sadwrn	19:00 19.00	00:00 01.00
Darparu Cerddoriaeth wedi'i Recordio (Tu mewn yn unig – peiriant recordiau)	Dydd Sul - dydd Iau Dydd Gwener a dydd Sadwrn	19:00 19.00	00.00 01:00
Darparu Perfformio Dawns (Tu mewn yn unig)	Dydd Sul - dydd Iau Dydd Gwener a dydd Sadwrn	19.00 19.00	00.00 01.00
Cyflenwi Alcohol (I'w yfed ar ac oddi ar yr eiddo)	Dydd Sul - dydd Iau Dydd Gwener a dydd Sadwrn	11:00 11:00	00:00 01:00
*Oriau y bydd y safle ar agor i’r cyhoedd	Dydd Sul - dydd Iau Dydd Gwener a dydd Sadwrn	11.00 11.00	00.30 01.30

 

Rhoddwyd awdurdodiad hefyd i’r safle i aros ar agor i'r cyhoedd o 11.00am tan 02:00am ar Noswyl Nadolig a Gŵyl San Steffan.

 

Yn ychwanegol at yr oriau a ganiateir ar gyfer darparu alcohol, rhoddwyd awdurdodiad i ddarparu alcohol o 11.00am tan 01:30am ar Ŵyl San Steffan a Noswyl Nadolig.

 

AMODAU

 

Gwasanaeth Tân ac Achub Gogledd Cymru -

 

Rhaid datrys y sylwadau a roddwyd gan Wasanaeth Tân ac Achub Gogledd Cymru yn eu cyflwyniad, ac fel manylwyd yn Atodiad B i'r adroddiad, i’w boddhad cyn y cyflwynir y drwydded.

 

Fel y cawsant eu cyflwyno gan Heddlu Gogledd Cymru -

 

Atal Trosedd ac Anhrefn

 

1)    TCC

 

a)    Bydd system teledu cylch caeedig yn cael ei gosod yn yr adeilad a bydd ar waith pryd bynnag y bo’r safle ar agor.

b)    Bydd gan y system teledu cylch caeedig gamerâu yn monitro tu mewn a thu allan yr adeilad.  Yn achos tu mewn yr eiddo bydd digon o gamerâu wedi eu gosod i weld pob rhan o’r adeilad y mae gan y cyhoedd fynediad iddynt, ac eithrio ardal y toiledau. Yr holl bwyntiau mynediad ac ymadael i’w gweld gan y TCC a rhaid iddo ddangos pen ac ysgwyddau yn glir

c)    Bydd y system teledu cylch caeedig yn ddigon safonol i fedru darparu delweddau o ansawdd tystiolaethol ac yn gallu adnabod wynebau mewn pob math o olau

d)    Bydd gan y system teledu cylch caeedig gyfleuster i recordio delweddau o bob camera a chaiff y lluniau hyn eu cadw am o leiaf 28 diwrnod

e)    Bydd y  system teledu cylch caeedig yn cynnwys cyfleuster sy’n cynnwys y dyddiad a'r amser cywir ar y delweddau sy’n cael eu recordio

f)     Bydd gan y system teledu cylch caeedig gyfleuster er mwyn gallu llwytho delweddau i ryw fath o gyfrwng cludadwy. Cyfrifoldeb deiliad y drwydded yw darparu cyfryngau cludadwy ac os bydd cyfryngau cludadwy yn cael eu hatafaelu, cyfrifoldeb y sefydliad yw sicrhau bod fformatau ychwanegol o gyfryngau cludadwy ar gael

g)    Bydd delweddau o'r system teledu cylch caeedig ar gael i’r Heddlu neu swyddogion yr Awdurdod Lleol ar gais

h)    Bydd o leiaf un aelod o staff a fydd wedi'i hyfforddi i weithredu’r system teledu cylch caeedig ac a fydd yn gallu darparu'r delweddau a recordiwyd o'r system teledu cylch caeedig ar ddyletswydd ar bob achlysur pan fo’r eiddo ar agor.

i)     Mae’n rhaid i’r Goruchwylydd Eiddo Dynodedig sicrhau gwiriadau dyddiol bod y system teledu cylch caeedig yn gweithio ar ddechrau busnes bob dydd - bydd unrhyw ddiffygion yn y system yn cael sylw ar unwaith. Rhaid i hyn gynnwys gweithrediad y camerâu, y cyfleusterau recordio, cyfleusterau ar gyfer darparu delweddau a chywirdeb yr amser a'r dyddiad. Rhaid cadw cofnod ysgrifenedig o'r archwiliadau hyn, gan gynnwys llofnod y person sy'n cynnal yr archwiliad. Rhaid i'r cofnod ysgrifenedig gael ei gadw ar y safle bob amser a’i wneud ar gael i gynrychiolydd o unrhyw awdurdod cyfrifol ar gais.

 

2)    CYN cael caniatâd i werthu alcohol bydd pob aelod o staff heb drwydded bersonol, gan gynnwys unrhyw aelodau di-dâl o staff, aelodau'r teulu a phobl achlysurol a allai fod yn gysylltiedig â gwerthu alcohol ar y safle, yn cael eu hyfforddi yn eu cyfrifoldebau o dan y Ddeddf Trwyddedu 2003 ac unrhyw ddiwygiadau dilynol i'r Ddeddf honno - yn benodol byddant yn cael hyfforddiant o ran rhoi alcohol i bobl sy'n feddw

 

3)    Cynhelir hyfforddiant diweddaru mewn perthynas â’r hyfforddiant cychwynnol y sonnir amdano yn 2) uchod ar gyfer pob aelod o staff sy'n ymwneud â gwerthu alcohol bob chwe mis

 

4)    Dylid cadw cofnod o'r hyfforddiant cychwynnol a’r hyfforddiant diweddaru dilynol a dderbyniwyd a dylid gallu eu cyflwyno i heddlu neu swyddogion yr Awdurdod Lleol ar gais

 

5)    Llyfr Achosion a Gwrthodiadau - rhaid cadw llyfr achosion a gwrthodiadau (gyda’r tudalennau wedi’u rhifo) ar y safle a bydd ar gael i'w archwilio gan yr awdurdodau cyfrifol. Rhaid defnyddio'r llyfr achosion a gwrthodiadau i gofnodi'r canlynol -

 

a)            Unrhyw achos o drais neu anhrefn ar neu yn union y tu allan i'r safle.

b)            Unrhyw ddigwyddiad sy'n ymwneud â chyffuriau (cyflenwi / meddiant / dylanwad) ar y safle.

c)            Unrhyw drosedd neu weithgarwch troseddol arall ar y safle.

d)            Unrhyw wrthodiad i weini alcohol i bobl sy'n feddw.

e)            Unrhyw wrthodiad i weini alcohol i rai dan 18 oed neu unrhyw un sy'n ymddangos o dan 18 oed.

f)             Unrhyw alwad am gymorth yr heddlu i'r eiddo.

g)            Unrhyw un sy’n cael eu taflu allan o’r safle

h)            Unrhyw gymorth cyntaf / gofal arall a roddwyd i gwsmer.

 

6)    Mae’n rhaid i'r llyfr achosion a gwrthodiadau fod ar gael i'w archwilio gan awdurdodau cyfrifol ar gais. Gall yr wybodaeth hon hefyd gael ei chofnodi yn electronig trwy ddefnyddio system til neu system debyg.

 

7)     Dylid adolygu’r llyfr achosion a gwrthodiadau bob pythefnos gan reolwr yr eiddo a’i lofnodi/dyddio i gadarnhau cydymffurfiaeth

 

8)     Bydd cofnod y llyfr achosion a gwrthodiadau ar gael i'w archwilio ar gais swyddogion Heddlu Gogledd Cymru neu'r Awdurdod Lleol

 

9)    Bydd y safle’n cynnal asesiad risg ar gyfer yr angen am staff drws.  Yn ychwanegol at fasnach y penwythnos bydd hyn yn cynnwys unrhyw achlysur, Gwyliau Banc, Noswyl Nadolig a Nos Calan.

 

Atal Niwsans Cyhoeddus.

 

1)    Pan fydd y safle yn cynnal cerddoriaeth fyw ac adloniant yn yr eiddo y tu hwnt i 9pm, gan gynnwys digwyddiadau chwaraeon a DJs, bydd rheolwyr yn sicrhau bod drysau allanol wedi eu cau bob amser gan gynnal gwiriadau rheolaidd i sicrhau nad oes gormod o sain yn gadael yr eiddo.

 

2)    Bydd y rheolwyr yn sicrhau bod pobl y tu allan i'r adeilad sy'n defnyddio'r ardal ysmygu a’r ardd gwrw ddim yn creu gormod o sŵn a niwsans

 

3)    Bydd y rheolwyr yn sicrhau bod cwsmeriaid yn gadael yr eiddo yn dawel ac yn drefnus, gan eu hatgoffa i gadw lefelau sŵn i lawr os oes angen.

 

Amddiffyn Plant Rhag Niwed

 

1)    1) Bydd y safle yn gweithredu polisi gwirio oedran Her 25

 

2)    Bydd yr holl staff, gan gynnwys unrhyw aelodau di-dâl o staff, aelodau'r teulu a phobl achlysurol sy'n ymwneud â gwerthu alcohol yn cael eu hyfforddi yn y polisi Her 25 CYN cael caniatâd i werthu alcohol a byddant yn ymgymryd â hyfforddiant gloywi o leiaf bob chwe mis.

 

3)    Bydd cofnodion o'r hyfforddiant Her 25 yn cael ei gadw a bydd ar gael i'w archwilio ar gais gan swyddogion Heddlu Gogledd Cymru neu'r Awdurdod Lleol.

 

Fel a gyflwynwyd gan Adran Rheoli Llygredd y Cyngor -

 

1)    Rhaid i'r holl fynedfeydd ac allanfeydd, gan gynnwys y drws i’r ardal ysmygu fod gyda mynedfeydd lobi, pob un gyda 2 set o ddrysau sy'n cau eu hunain, er mwyn lleihau'r sŵn sy’n gadael yr adeilad; ac ar unrhyw adeg o leiaf un set o ddrysau ar gau pryd bynnag y mae cerddoriaeth yn cael ei chwarae ar lefel a ystyrir uchod fel sŵn 'cefndir'

 

2)    Rhaid i'r holl ddrysau a ffenestri gael eu cadw ar gau pa fydd cerddoriaeth yn cael ei chwarae ar lefel a ystyrir yn uwch na’r sŵn 'cefndir' uchod er mwyn lleihau'r sŵn sy’n dianc o’r eiddo.

 

3)    Os oes angen awyru ychwanegol, bydd yr eiddo yn cael ei osod â system awyru / aerdymheru  er mwyn osgoi'r angen i agor drysau a ffenestri pa bryd bynnag y mae cerddoriaeth yn cael ei chwarae ar lefel a ystyrir uchod fel sŵn 'cefndir'

 

4)    Ni chaniateir chwarae cerddoriaeth fyw / wedi’i recordio tu allan yn yr ardd gwrw / ardal ysmygu

 

5)    Rhaid cau yr ardal ysmygu i'r cyhoedd ar gyfer yfed alcohol ar ôl 11pm

 

6)     Dim ond rhwng 9am a 9pm y caniateir rhoi poteli mewn cynwysyddion tu allan i'r eiddo er mwyn lleihau aflonyddwch i eiddo cyfagos

 

7)    Bydd hysbysiadau amlwg, clir a darllenadwy yn cael eu harddangos ar bob allanfa yn gofyn i gwsmeriaid barchu anghenion trigolion lleol ac i adael y safle a'r ardal yn dawel

 

8)    Ni chaniateir i unrhyw fflachio neu oleuadau llachar gael eu lleoli ar neu du allan i'r eiddo a dylai unrhyw oleuadau diogelwch neu fynediad gael eu gosod a'u gweithredu fel nad ydynt yn achosi niwsans i eiddo cyfagos.

 

Mae'r amodau sŵn i'w cyflawni fel yr uchod ac i gael eu cwblhau i foddhad Swyddog Rheoli Llygredd y Cyngor o fewn chwe mis i ddyddiad y gwrandawiad.  Os, ym marn y Swyddog Rheoli Llygredd bod yr amodau sŵn ddim yn cyfyngu ar y sŵn i lefel a fyddai'n cael ei ystyried yn dderbyniol, yna bydd yn rhoi cyngor lle byddai gosod cyfyngwyr sŵn o fudd i'r eiddo, ac mewn amgylchiadau o'r fath y bydd yr ymgeisydd yn gosod cyfyngwyr yn yr eiddo.  Mewn achos lle na chynghorir gosod cyfyngwyr sŵn, bydd y Swyddog Rheoli Llygredd yn cynghori pa gamau eraill y bydd yn ofynnol i leihau effaith sŵn sy’n achosi aflonyddwch ac annifyrrwch i gymdogion lleol.

 

Amod Ychwanegol -

 

Yn ogystal â'r uchod bydd yn rhaid i’r Ymgeisydd sicrhau nad yw cwsmeriaid yn gadael yr adeilad gydag unrhyw gynwysyddion diod agored.

 

Cyflwynodd y Cadeirydd benderfyniad yr Is-bwyllgor i'r rhai a oedd yn bresennol ac adroddodd y Cyfreithiwr y rhesymau dros y penderfyniad fel a ganlyn -

 

Clywodd yr Is-bwyllgor am yr effaith y mae’r eiddo wedi ei gael ar drigolion lleol, o dan y gweithrediad presennol o Hysbysiadau Digwyddiadau Dros Dro.  Roedd hyn yn cynnwys poteli gwydr yn cael eu canfod yn eiddo cymdogion; sbwriel gan gwsmeriaid, gan gynnwys bonion sigaréts, ymhlith pethau eraill.   Clywyd hefyd dystiolaeth bod y lefelau sŵn y gellir eu priodoli i'r eiddo yn uchel ac yn annerbyniol ac yn achosi niwsans ac aflonyddwch, yn enwedig yn ystod oriau mân y bore.  Clywodd yr Is-bwyllgor fod cwsmeriaid yn gadael y safle yn y fath fodd a fyddai'n tarfu ar drigolion lleol, yn enwedig y rhai gyda theuluoedd ifanc. 

 

Ystyriwyd ei bod yn briodol i gyfyngu ar yr oriau a ganiateir ar gyfer gweithgareddau trwyddedig, ynghyd ag oriau y byddai'r safle ar agor i'r cyhoedd er mwyn lleihau effaith sŵn yn dod o'r adeilad yn hwyr yn y nos ac yn oriau mân y bore ac felly hyrwyddo'r amcanion trwyddedu .

 

Clywodd yr Is-bwyllgor dystiolaeth hefyd gan Wasanaeth Tân ac Achub Gogledd Cymru, er gwaethaf ymweld â'r safle yn wreiddiol ym mis Mehefin 2015, bod yr argymhellion a wnaed bryd hynny heb eu cwblhau'n llawn a bod hyn yn hanfodol ar gyfer gweithrediad effeithiol ac i sicrhau cydymffurfiad â'r amcan trwyddedu ar gyfer Diogelwch y Cyhoedd.

 

Mae’r Is-bwyllgor yn rhoi ystyriaeth i amodau a awgrymwyd gan Heddlu Gogledd Cymru ac yn ystyried y byddent yn hyrwyddo'r amcanion trwyddedu yn y rownd y cafodd y rhain eu derbyn gan yr Ymgeisydd ac felly yn cael eu cyflwyno ar wyneb y drwydded.

 

Yn ogystal, ystyriodd yr Is-bwyllgor y cynrychioliadau a gyflwynwyd gan Swyddog Iechyd yr Amgylchedd a ystyrir y byddant yn cael effaith gadarnhaol ar liniaru lefel y sŵn yn dod o'r safle ac felly hyrwyddo'r amcan trwyddedu sy'n ymwneud â Niwsans Cyhoeddus, a Throsedd ac Anrhefn yn benodol .  Derbyniodd yr ymgeisydd yr amodau a osodir ar wyneb y drwydded, i'w gweithredu o fewn 6 mis ar ôl caniatáu'r drwydded.