Eitem ar yr agenda
YSBYTY CYMUNED GOGLEDD SIR DDINBYCH – PROSIECT CYFLEUSTER IECHYD
- Meeting of Pwyllgor Craffu Partneriaethau, Dydd Iau, 7 Gorffennaf 2016 9.30 am (Item 4.)
- View the declarations of interest for item 4.
Ystyried diweddariad
gan Fwrdd Iechyd Prifysgol Betsi Cadwaladr ar y cynnydd
gyda’r Prosiect Ysbyty Cymuned Gogledd Sir Ddinbych / Cyfleuster Iechyd.
9.35 a.m. – 10.10 a.m.
Cofnodion:
Cyflwynodd Mr
Gareth Evans yr eitem hon yn rhinwedd ei swydd fel Cyfarwyddwr y
Prosiect. Trwy gyflwyniad PowerPoint, rhoddodd fanylion ar y gwahanol
gamau gofynnol yn y broses achos busnes i wireddu’r prosiect, gan esbonio eu
bod bellach yn y cam Achos Busnes Amlinellol.
Byddai’r gwaith o
baratoi'r Achos Busnes Amlinellol, a fyddai'n cynnwys nodi dewisiadau dylunio a
datblygu'r safle a chynhyrchu’r achos busnes ei hun, yn parhau drwy gydol yr
haf i'r hydref yn barod i'w gyflwyno i Lywodraeth Cymru yn hwyr yn 2016 neu'n
gynnar yn 2017 am gymeradwyaeth i symud ymlaen i'r cam Achos Busnes
Llawn. Yn ystod y cyflwyniad pwysleisiodd fod BIPBC wedi’i ymrwymo i gyflawni'r
prosiect. Roedd cwmpas y prosiect wedi cael ei adolygu yn dilyn
ymgynghoriad eang a byddai bellach yn cynnwys, ynghyd â gwasanaethau eraill, y
ddarpariaeth ar gyfer mân anafiadau mewn uned a allai helpu i gefnogi
gwasanaethau gofal iechyd sylfaenol ehangach yn yr ardal, Gwasanaethau Iechyd
Meddwl Plant a'r Glasoed (CAMHS) a gwasanaethau iechyd rhywiol ar safle hen
Ysbyty Brenhinol Alexandra y Rhyl.
Rhagwelwyd hefyd
y byddai Gwasanaeth Pwynt Mynediad Sengl yn cael ei leoli ar y safle yn ogystal
â Gwasanaeth Cleifion Allanol Iechyd Meddwl Pobl Hŷn. Fodd bynnag,
er byddai 28 o welyau i gleifion mewnol ar y safle, ni fyddai unrhyw un o'r
rhain ar gyfer pobl â phroblemau iechyd meddwl tymor hir. Roedd BIPBC
wedi ymrwymo i gyflawni'r Prosiect ar safle hen Ysbyty Brenhinol Alexandra, er
gwaethaf y cymhlethdodau o ailddatblygu adeilad rhestredig a'r premiwm cost
sy'n gysylltiedig â'r gwaith, gan mai hwn oedd yr unig safle addas yn yr
ardal.
Y cysyniad y tu
ôl i'r prosiect oedd datblygu cyfleuster gwasanaeth iechyd modern a oedd yn
gallu delio ag anghenion iechyd corfforol a meddyliol pobl hŷn, darparu
gofal undydd brys lle bo angen, darparu gofal hygyrch ar gyfer cleifion allanol
yn agosach i gartref y claf a lle’r oedd ystod o bartneriaid sy'n ymwneud ag
iechyd a lles dinasyddion yn gweithio’n ddi-dor gyda'i gilydd er lles y claf,
wrth ddarparu mynediad hefyd at wybodaeth am les ac atal.
Mewn ymateb i
gwestiynau gan yr Aelodau, dywedodd swyddogion BIPBC:
·
Byddai'r
Achos Busnes Amlinellol yn cynnwys manylion ar sut y bwriada’r Bwrdd Iechyd
gyflawni'r prosiect a'r amserlenni a ragwelir unwaith byddai’r Achos Busnes
Llawn yn cael ei gymeradwyo;
·
Byddai
uned cleifion mewnol 28 gwely yn cael ei chynnwys yn yr Achos Busnes
Amlinellol, fodd bynnag, nid oedd penderfyniad wedi'i wneud eto ar gyfluniad yr
uned cleifion mewnol;
·
Byddai
cyfleusterau parcio ceir a threfniadau cludiant cyhoeddus i'r cyfleuster i gyd
yn cael eu cynnwys yn yr Achos Busnes Amlinellol;
·
Roedd
Llywodraeth Cymru wedi cymeradwyo’r Achos Busnes Amlinellol ym mis Medi 2013 ac
roedd yn dal yn awyddus i weld y prosiect yn dwyn ffrwyth.
Roedd £24 miliwn wedi’i ymrwymo gan
Lywodraeth Cymru tuag at y prosiect ar y pryd. Oherwydd y treigl amser a
newidiadau i frîff y prosiect yn dilyn ymgynghori gyda'r cyhoedd a
rhanddeiliaid, byddai angen mireinio’r cyllid ar gyfer y prosiect hwn
rhywfaint;
·
Roedd
strategaeth ymgysylltu yn y broses o gael ei llunio ar gyfer y diben o hysbysu
preswylwyr a rhanddeiliaid ar gynnydd y prosiect;
·
Byddai
rhai rhanddeiliaid yn cymryd rhan yn y broses o lunio'r Achos Busnes
Amlinellol;
·
Byddent
yn croesawu unrhyw syniadau gan gynghorwyr o ran cyfathrebu ac ymgysylltu â
phreswylwyr ar gynlluniau’r cyfleuster;
·
Unwaith
y bydd y cyfleuster newydd yn weithredol, byddai gwybodaeth am y gwasanaethau
sydd ar gael yn cael ei rhannu yn eang gyda phreswylwyr a rhanddeiliaid;
·
Byddai
staff sydd eisoes yn gweithio yn rhywle arall yn y gwasanaethau a fydd yn y pen
draw ar gael yn safle Cyfleuster Gofal Iechyd Gogledd Sir Ddinbych yn cael eu
trosglwyddo yno, tra byddai gwasanaethau 'newydd' yn destun ymgyrch recriwtio;
·
Byddai
materion yn ymwneud â'r agweddau ymarferol o ddefnyddio adeilad ysbyty
Fictoraidd rhestredig ar gyfer arferion gofal iechyd modern, yn cael eu
harchwilio yn drylwyr yn y cam Achos Busnes Amlinellol. Un opsiwn posibl
fyddai defnyddio'r adeilad 'rhestredig' ar gyfer gweinyddu a gwaith arall nad
yw'n llawfeddygol, gyda gwaith meddygol / llawfeddygol yn cael ei wneud mewn adeiladau
modern o'r radd flaenaf;
·
Gallai
datblygu’r cyfleuster gofal iechyd hwn gael ei ddefnyddio fel glasbrint ar
gyfer datblygu gwasanaeth gofal iechyd yn y dyfodol ar draws Gogledd Cymru;
·
Byddai'r
rhan fwyaf o wasanaethau a fyddai ar gael ar safle’r Rhyl yn wasanaethau ar
gyfer ardal leol Gogledd Sir Ddinbych, gyda rhai o'r gwasanaethau mwy arbenigol
ar gael ar gyfer poblogaeth ehangach Gogledd Cymru;
·
Er y
byddai'r safle yn gyfleuster iechyd yn bennaf, roedd cydnabyddiaeth eang y
byddai'n lleoliad delfrydol i gyflawni gwasanaethau iechyd, gofal cymdeithasol
a lles integredig;
·
Byddai’r
cyfleuster yn gwasanaethu poblogaeth Gogledd Sir Ddinbych, gyda’r ardal
ddaearyddol yn cael ei diffinio’n gyffredinol fel yr ardal i'r gogledd o'r A55
tuag at y morlin gan gynnwys y Rhyl, Prestatyn, Llanelwy, Bodelwyddan, Dyserth
a'u hardaloedd gwledig anghysbell;
·
Byddai’r
math o gyfleuster gofal iechyd sy'n cael ei gynllunio ar gyfer yr ardal yn
ategu at fathau eraill o ddarpariaeth iechyd a gofal cymdeithasol megis trin
cleifion o fewn eu cartrefi eu hunain a’u cefnogi i fyw'n annibynnol ac yn
ddiogel am gyhyd ag y bo modd; ac
·
Roeddent
mewn cysylltiad rheolaidd â swyddogion cynllunio awdurdod lleol mewn perthynas
â'r effaith bosibl ar y Gwasanaeth Iechyd o ganlyniad i gynigion y Cynllun
Datblygu Lleol ar gyfer ardal Gogledd Sir Ddinbych.
Cyn casgliad y
drafodaeth, gofynnodd yr Aelodau am sicrwydd y bydd y Capel yn adeilad Ysbyty
Brenhinol Alexandra yn cael ei gadw. Diolchodd y Cadeirydd i
swyddogion y Bwrdd Iechyd am fynychu a briffio aelodau ar gynnydd y Prosiect,
a:
PHENDERFYNWYD:-
(i)
yn amodol ar y sylwadau uchod, i dderbyn y
cyflwyniad ar Ysbyty Cymuned Gogledd Sir Ddinbych – Prosiect Cyfleuster Iechyd;
a
(ii) bod adroddiad diweddaru pellach ar y Prosiect a chynhyrchu Achos Busnes
Amlinellol yn cael ei gyflwyno i'r Pwyllgor yn ei gyfarfod ym mis Tachwedd
2016.