Eitem ar yr agenda
ADOLYGIAD AC YMGYNGHORIAD GWASANAETHAU GOFAL MEWNOL
Ystyried
adroddiad gan y Cynghorydd Bobby Feeley, Aelod Arweiniol dros Ofal
Cymdeithasol, Gwasanaethau Oedolion a Phlant (copi'n amgaeedig) yn rhoi
dadansoddiad o'r ymatebion i'r ymgynghoriad ar ddyfodol gwasanaethau gofal
cymdeithasol mewnol y Cyngor ar gyfer pobl hŷn ac yn ceisio cymeradwyaeth
y Cabinet ar gyfer swyddogion i edrych ar y dewisiadau ar gyfer pob un o'r
pedwar sefydliadau gofal yn fanylach gyda golwg ar wneud penderfyniadau
terfynol ar ba opsiynau ddylai cael eu gweithred.
Penderfyniad:
PENDERFYNWYD
bod y Cabinet yn cymeradwyo’r canlynol –
(a) Hafan Deg (y Rhyl) – Bod y cyngor yn archwilio
partneriaeth posibl gyda sefydliad allanol gyda golwg ar drosglwyddo'r adeilad
iddynt, comisiynu gwasanaeth gofal dydd o fewn yr adeilad ac, yn ogystal â
hynny, alluogi asiantaethau 3ydd sector i ddarparu gweithgareddau ymyrryd
cynnar ar gyfer pobl hŷn a lleihau arwahanrwydd cymdeithasol, cefnogi
annibyniaeth a hybu gwydnwch. Dylai’r
gwaith mewn cysylltiad â'r opsiwn hwn gynnwys cost, ansawdd y gofal a
dadansoddiad darpariaeth iaith Gymraeg rhwng y darparwr presennol ac unrhyw
wasanaeth posibl yn y dyfodol.
(b) Dolwen (Dinbych) – Bod y cyngor yn archwilio
partneriaeth bosibl gyda sefydliad allanol gyda'r bwriad o drosglwyddo’r
adeilad a'r gwasanaeth cyfan iddynt, tra'n sicrhau bod Dolwen wedi'i gofrestru
i ddarparu gofal preswyl a dydd EMH.
Dylai’r gwaith mewn cysylltiad â'r opsiwn hwn gynnwys cost, ansawdd y
gofal a dadansoddiad darpariaeth iaith Gymraeg rhwng y darparwr presennol ac
unrhyw wasanaeth posibl yn y dyfodol.
(c) Awelon (Rhuthun) – bod y Cyngor yn ystyried yn fanwl y tri
opsiwn a gyflwynwyd mewn perthynas â’r sefydliad hwn a bod y gwaith mewn
perthynas â’r dewisiadau hyn yn cynnwys costau cymharol, ansawdd y gofal a
dadansoddiad darpariaeth iaith Gymraeg rhwng y gwasanaeth presennol a phob un
o'r tri opsiwn.
Yr opsiynau
yw –
·
Opsiwn 1 (yr opsiwn mae’r Cabinet yn ei
ffafrio): Bydd y Cyngor yn ymuno mewn partneriaeth â pherchennog Llys Awelon i
ddatblygu mwy o fflatiau Gofal Ychwanegol ar y safle, gan ddisodli'r
ddarpariaeth breswyl a chymunedol bresennol.
Fodd bynnag, dylid nodi bod y Cabinet wedi cytuno na fydd yn rhaid i
unrhyw breswylydd adael os nad ydynt eisiau gadael a bod eu hanghenion yn cael
eu diwallu yn y ddarpariaeth breswyl
·
Opsiwn 2: I weithio mewn partneriaeth gyda
landlord cymdeithasol cofrestredig, gwasanaethau iechyd a'r 3ydd sector i
ddatblygu amrywiaeth o wasanaethau, trosglwyddo hanner yr adeilad i ddatblygu
mwy o fflatiau gofal ychwanegol, o bosibl fel estyniad i Lys Awelon, gan
ddefnyddio’r gweddill fel uned breswyl fach y gellid ei defnyddio i ddiwallu’r
angen am ofal seibiant a sicrhau nad oes rhaid i unrhyw breswylydd presennol
symud oni bai eu bod yn dewis gwneud hynny.
·
Opsiwn 3:
(Awgrym gan rai Aelodau) Dylai’r Cyngor ymgysylltu â Bwrdd Iechyd Prifysgol
Betsi Cadwaladr i ymchwilio i ba mor ymarferol yw datblygu capasiti gofal
nyrsio ychwanegol yn Rhuthun a fyddai yn ei dro yn gwella’r cynnig i bobl
hŷn yn ardal Rhuthun.
(d) Cysgod y Gaer (Corwen) – Mae'r cyngor yn edrych ar
ymuno mewn partneriaeth â rhanddeiliaid perthnasol (gan gynnwys BCU a'r 3ydd
sector) i ddatblygu'r safle i 'ganolfan gymorth' sy’n cynnig cyfleusterau
preswyl a gofal ychwanegol yn ogystal â gwasanaeth allgymorth gofal cartref a
gwasanaeth cefnogi i denantiaid Cynlluniau Tai Gwarchod lleol phoblogaeth
ehangach Corwen a'r ardal gyfagos; ac
(e) O gwblhau'r uchod, cyflwynir dadansoddiad o bob un o'r
opsiynau mewn perthynas â phob sefydliad i’r Pwyllgor Archwilio Perfformiad i’w
archwilio cyn gwneud penderfyniad gan y Cabinet, gyda bob un yn cael ei
gyflwyno fel y caiff ei ddatblygu.
Cofnodion:
Nododd yr Arweinydd y byddai’n ddefnyddiol darparu peth cyd-destun, gan fod
y broses adolygu yn un gymhleth oedd yn cymryd amser. O
ganlyniad, gwahoddodd y rheiny sy’n ymwneud â’r broses i siarad gyda’r Cabinet.
Eglurodd y
Cynghorydd Meirick Daves, aelod a chyn Gadeirydd y Grŵp Tasg a Gorffen a
sefydlwyd i gynorthwyo gyda’r adolygiad, am aelodaeth y Grŵp, ei bwrpas,
ei sgôp a’i amserlenni a oedd wedi arwain at eu hargymhellion i’r Pwyllgor
Archwilio Perfformiad. Gofynnwyd i’r
Grŵp Tasg a Gorffen archwilio’r opsiynau gwerth am arian ar gyfer darparu
gwasanaethau gofal cymdeithasol o ansawdd uchel yn y Sir. Manylodd y Cynghorydd Davies ar rôl y
Grŵp wrth arolygu’r broses gynllunio ar gyfer yr ymgynghoriad ac archwilio
opsiynau posib dros y ddwy flynedd diwethaf, gan arddangos natur gymhleth a
gwytnwch y broses. Talodd deyrnged hefyd
i waith y diweddar Gynghorydd Richard Davies a’i gyfraniad tuag at y broses.
Adroddodd y Cynghorydd Barry Mellor, Cadeirydd y Pwyllgor Archwilio
Perfformiad ar archwiliad craff y pwyllgor o ganfyddiadau, casgliadau a
chynigion y Grŵp Tasg a Gorffen yn ystod eu cyfarfod ar 12 Ebrill 2016.
Roedd wedi ei siomi mai ymateb gwael gafwyd gan y cyhoedd i’r broses ymgynghori
er bod y mater yn un uchel ei broffil. Yn gyffredinol roedd y Pwyllgor
Archwilio Perfformiad yn fodlon â chanfyddiadau ac argymhellion y Grŵp Tasg a Gorffen. Wrth greu argymhelliad y pwyllgor i’r Cabinet
cynhwyswyd cafeatau ychwanegol o safbwynt cynnwys dadansoddiad cymharol o
gostau, safon gofal a darpariaeth cyfrwng Cymraeg rhwng y darparwr cyfredol ac
unrhyw wasanaeth posib. Cadarnhaodd y
Cynghorydd Mellor ei fod yn gyfforddus gyda’r argymhellion sydd wedi eu rhoi
gerbron y Cabinet.
Diolchodd y
Cynghorydd Bobby Feeley i aelodau a swyddogion am eu mewnbwn i'r broses hyd yma
ac am eu holl waith caled. Amlinellodd
yr achos dros newid gan gymryd i ystyriaeth ofynion Deddf Gwasanaethau
Cymdeithasol a Llesiant (Cymru) 2014 a’r angen i foderneiddio gwasanaethau mewn
ymateb i ddemograffeg newidiol ac anghenion y cyhoedd mewn amgylchiadau
ariannol anodd. Roedd yr adroddiad yn
crynhoi’r wybodaeth gafodd ei gasglu o’r ymgynghoriad cyhoeddus a barn y
Pwyllgor Archwilio Perfformiad wrth ystyried adroddiad y Grŵp Tasg a
Gorffen a sefydlwyd i ddadansoddi’r wybodaeth ac argymell ffordd ymlaen. Roedd gwybodaeth a thystiolaeth a ystyriwyd
fel rhan o’r adolygiad wedi ei gynnwys mewn atodiadau i’r adroddiad.
Ar y pwynt hwn
rhoddodd Pennaeth Gwasanaethau Cymorth Cymunedol a Phrif Reolwr – Cymorth
Busnes gyflwyniad PowerPoint ar y dystiolaeth o’r ymgynghoriad cyhoeddus oedd
yn canolbwyntio ar y meysydd allweddol canlynol -
·
eglurwyd sut roedd yr egwyddorion cyfreithiol o amgylch
yr ymgynghoriad wedi eu cwrdd, a natur yr ymgynghoriad
·
manylodd
ar yr achos dros newid gan gymryd i ystyriaeth y gofyn am fathau o ofal
cymdeithasol ac anghenion trigolion lleol a darparu deilliannau gwell, gan
alluogi pobl i fod yn annibynnol am fwy o amser a chymryd cost darparu
gwasanaeth i ystyriaeth
·
manylodd ar yr opsiynau am bob un o’r pedwar sefydliad
gofal yn ogystal â’r rhesymau dros bob dewis
·
rhoddodd
grynodeb o’r ymgynghoriad cyhoeddus yn ogystal â throsolwg o’r ymatebion a dderbyniwyd, y prif
bryderon a godwyd ac ymateb y Cyngor i hynny a oedd wedi ei nodi o fewn yr
atodiadau i’r prif adroddiad.
Trafododd y
Cabinet yr adroddiad gyda’r Aelod Arweiniol a swyddogion a cheisiwyd sicrwydd
ynghylch nifer o faterion a chodwyd cwestiynau pellach fel a ganlyn -
·
os
bydd Cabinet yn cymeradwyo’r argymhellion rhoddwyd sicrwydd y byddai
gwasanaethau yn parhau fel arfer yn y cyfamser, gan gynnwys derbyniadau i
gartrefi gofal cyn belled ag y gellid cwrdd gofynion yr unigolion hynny.
·
ymhelaethodd
swyddogion ymhellach dros yr achos am newid gan gynghori bod galw am
wasanaethau gofal dydd a gofal preswyl safonol yn lleihau ond bod galw’n
cynyddu am wasanaethau iechyd meddwl a chartrefi nyrsio arbenigol yn ogystal â gwasanaethau eraill sy’n hyrwyddo
annibyniaeth.
·
derbyniwyd
llythyr gan Gomisiynydd y Bobl Hŷn am ddyfodol gwasanaethau gofal a darparwyd ymateb manwl i’r materion a
godwyd – nid wedi nodi nad oes galw bellach am ofal preswyl safonol oedd y
Cyngor, ond dweud mai nifer fechan o bobl sy’n gofyn am y ddarpariaeth honno a
bod y galw yn lleihau. Fodd bynnag roedd
cynnydd mewn galw am ofal preswyl a gofal nyrsio arbenigol nad oedd y Cyngor yn
ei ddarparu. Byddai'r opsiynau a
argymhellwyd yn cynyddu’r amrywiaeth o wasanaeth a ddarperir
·
Nodwyd
bod gwrthwynebiad i’r cynigion ac y byddai ansicrwydd ynghylch dyfodol cartrefi
gofal yn achosi pryder a straen.
Ceisiodd Cabinet sicrwydd na fyddai unrhyw unigolyn o dan anfantais o
ganlyniad i’r broses ac y byddai eu hanghenion yn dal i gael eu cwrdd. Oherwydd yr effaith bosib ar ddefnyddwyr
gwasanaeth, eu teuluoedd, staff a’r gymuned ehangach, amlinellwyd pwysigrwydd
sicrhau bod pawb yn cael gwybod beth sy’n digwydd yn ystod y broses gyfan fel
blaenoriaeth allweddol. Pwysleisiodd
swyddogion y byddai’r gwasanaethau yn parhau fel ag y maent yn y cyfamser a bod
y Cabinet eisoes wedi penderfynu na fyddai angen i unrhyw un symud os nad
oeddent am wneud hynny ac y gellid cwrdd eu gofynion yno hefyd. Cytunodd Swyddogion bod cyfathrebu yn fater
allweddol ac y byddai pawb yn cael gwybod am unrhyw ddatblygiadau wrth iddynt
ddigwydd
·
diolchwyd
i Unison am gefnogi staff drwy’r broses a dywedodd swyddogion bod cynnig amgen
Unison wedi ei ystyried yn ofalus ond nad oedd yn mynd i’r afael â’r lleihad yn y galw am ofal preswyl a'r
angen i ddatblygu dewisiadau galluogi amgen i wasanaeth presennol. Ers mis Chwefror roedd y nifer o breswylwyr
parhaol yng nghartrefi gofal y Cyngor wedi lleihau eto yn gyffredinol [roedd un
preswylydd ychwanegol yng Nghysgod y Gaer].
Roedd manylion am
y dewisiadau ar gyfer y pedwar sefydliad gofal yn yr adroddiad a chawsant eu
hystyried ar wahân gyda’r drafodaeth yn canolbwyntio ar y canlynol -
Hafan Deg, (Y Rhyl)
Pwysleisiodd y
Cabinet bwysigrwydd y ganolfan gymunedol i’r gymuned ehangach, yn enwedig i
drigolion War Court Memorial ac roedd am gael sicrwydd o safbwynt hynny. Cynghorwyd y Cabinet bod pwysigrwydd y
ganolfan wedi ei chydnabod yn ystod y broses ymgynghori ac mai’r bwriad oedd
cynyddu defnydd yr adnoddau gyda’r gwasanaethau ar gael i’r gymuned ehangach,
gan gynnwys tenantiaid War Memorial Court, a fyddai’n gynwysedig mewn unrhyw
Gytundeb Lefel Gwasanaeth yn y dyfodol.
Amlinellodd y
Cynghorydd Joan Butterfield y gwasanaethau gwerthfawr a ddarperir gan Hafan Deg
ac roedd yn teimlo nad oedd y dewisiadau yn ddigon cynhwysfawr. Roedd yn credu y dylid costio'r elfen breswyl a’r
elfen gofal dydd ar wahân a'i fod yn angenrheidiol bod gwasanaethau gofal dydd
yn parhau. Roedd yn teimlo y dylai gwasanaethau
adsefydlu a gofal dydd weithio mewn partneriaeth ac y dylent gael eu harchwilio
ymhellach gydag opsiynau i gadw’r gwasanaeth yn fewnol. Bu iddi gwestiynu os oedd digon o ddiddordeb
gan ddarparwyr allanol i fynd ymlaen â’r broses, ac os oedd yr opsiwn hwnnw yn cael ei geisio, a ellid rhoi sicrwydd na
fyddai’r gwasanaeth yn cael ei ddileu yn y dyfodol. Cytunodd swyddogion bod gwasanaethau gofal
dydd yn bwysig ond nid oedd yn rhaid iddynt gael eu darparu gan y Cyngor. Roedd gan y Cyngor gyfrifoldeb cyfreithiol i
sicrhau bod gofynion unigol yn cael eu cwrdd petai gwasanaeth yn methu. Roedd yr argymhelliad yn cynnwys dadansoddiad
cost cymharol a fyddai’n golygu y gellid gwneud penderfyniad ar sail
costau. Byddai unrhyw adeiladu
a drosglwyddwyd o dan y cynigion yn debygol o fod ar brydles hir dymor gydag
amodau’n gysylltiedig, a byddai’r ddarpariaeth o wasanaethau yn ddarostyngedig
i gytundeb yn diogelu rhag dileu darpariaeth gwasanaeth. Pe na
gellid dod o hyd i bartner yna byddai’r broses adolygu yn ail ddechrau.
Dolwen (Dinbych)
Cydnabu’r Cabinet
bwysigrwydd y ganolfan gofal dydd a cheisiodd sicrwydd y byddai’r ddarpariaeth
yn cael ei hymestyn yn hytrach na’i dileu.
Cadarnhaodd swyddogion bod opsiynau’n cael eu harchwilio ar gyfer yr
elfen gofal dydd a’r elfen gofal preswyl er mwyn sicrhau y gallai gofal dydd
gefnogi pobl gydag anghenion iechyd meddwl.
Nid yw staff ar hyn o bryd wedi eu cofrestru i ddarparu gofal iechyd
meddwl na gofal nyrsio ac roedd angen mynd i’r afael â’r broblem hon yn yr ardal.
Nododd y
Cynghorydd Ray Bartley bod Dolwen wedi bod yn darparu gofal o safon uchel am
hanner canrif a thalodd deyrnged i’r staff am y gofal a geir yno. Wrth amlygu Dolwen fel adnodd gofal gwbl
angenrheidiol cefnogodd y cynnig ar gyfer darpariaeth iechyd meddwl ychwanegol
i’r henoed. Roedd y Cynghorydd
Arwel Roberts o’r farn bod cyllid yn gyrru’r newidiadau arfaethedig ac fe
amlinellodd bwysigrwydd darparu gofal drwy gyfrwng y Gymraeg dros yr holl
adnoddau gofal a cheisiodd sicrwydd pellach o safbwynt hynny.
Cadarnhaodd swyddogion bod darpariaeth cyfrwng Cymraeg yn hollbwysig i
ddarparu gwasanaethau gofal boed yn y cartref neu mewn lleoliadau preswyl a bod
dadansoddiad o ddarpariaeth Gymraeg wedi ei gynnwys o fewn yr opsiynau a
argymhellwyd. O safbwynt cyllid,
cynghorodd swyddogion mai’r prif yrrwr ar gyfer y newid oedd cynaliadwyedd neu
wasanaethau ar gyfer cenedlaethau’r presennol a chenedlaethau’r dyfodol drwy
ddarparu amrywiaeth ehangach o wasanaethau a chwrdd gofynion mewn ffyrdd mwy
amrywiol.
Awelon (Rhuthun)
Roedd yr
adroddiad yn argymell bod y tri opsiwn yn cael ei archwilio mewn mwy o
fanylder.
Cododd y
Cynghorydd David Smith y materion canlynol:-
·
o
safbwynt Opsiwn 3 ceisiwyd sicrwydd y byddai'r safleoedd ysgol presennol (Ysgol
Pen Barras / Stryd Rhos) yn cael eu hystyried ar gyfer y cynnig hwn yn ogystal â safleoedd posib eraill
·
cynghorwyd
bod hanesion celwyddog yn cylchredeg ac fod pobl o ganlyniad yn credu nad oedd
derbyniadau i Awelon yn bosib bellach, er nad oedd hyn yn wir. Mae angen neges
glir yn nodi bod opsiynau yn cael eu harchwilio ond bod gwasanaethau yn rhedeg
fel arfer yn y cyfamser.
·
nodwyd bod llawer iawn yn gwneud defnydd o Ganolfan
Awelon a cheisiwyd sicrwydd y byddai adnodd cyfwerth neu well yn cael ei
darparu pe byddai rhaid dileu/ail ddylunio'r ganolfan fel rhan o unrhyw
gynlluniau yn y dyfodol.
Rhoddwyd yr
ymatebion canlynol -
·
cynghorodd
swyddogion bod gwybodaeth am weithrediad Awelon wedi ei atgyfnerthu yn ystod y
broses ymgynghori a chadarnhawyd y byddent yn parhau i anfon neges glir allan o
safbwynt hynny.
·
cynhaliwyd
cyfarfod gyda chynrychiolwyr o Ganolfan Awelon fel rhan o’r broses ymgynghori a
rhoddwyd cydnabyddiaeth o’r gwasanaeth gwerthfawr yr oedd yn ei ddarparu i’r
henoed yn ogystal ag i’r gymuned ehangach – byddai’r Tîm Rheoli yn cael gwybod am unrhyw
ddatblygiadau. Rhoddwyd sicrwydd y
byddai’r sefydliad fyddai’n darparu gofal ychwanegol yn darparu gwasanaeth
cyfwerth, os nad gwell, na’r ddarpariaeth bresennol.
·
Soniodd
y Cynghorydd Eryl Williams bod y potensial o ddefnyddio’r safle ysgol ddeuol
bresennol ar gyfer darpariaeth gofal iechyd, unwaith y bydd yn wag, eisoes wedi
ei godi. Ychwanegodd swyddogion bod
cydweithwyr yn y Bwrdd Iechyd wedi cael gwybod am y cais gan aelodau am
wasanaeth iechyd dwysach yn ardal Rhuthun.
Roeddynt hefyd yn ymwybodol o sut roedd yr opsiynau a argymhellwyd wedi
eu datblygu a’r bwriad am wasanaethau mwy integredig yn y dyfodol.
Cysgod y Gaer (Corwen)
Roedd y
Cynghorydd Huw Jones yn falch o nodi’r cynnig i symud ymlaen gyda’r
argymhelliad ar gyfer Cysgod y Gaer, sef yr unig gartref gofal yn yr ardal i
wasanaethu anghenion Corwen a’r ardal gyfagos.
Roedd yn siomedig o weld yr ymateb isel i'r ymgynghoriad a byddai’n
pwysleisio o fewn y gymuned, y pwysigrwydd o fynegi barn a dewisiadau. Cymrodd y Cynghorydd Jones y cyfle hwn hefyd
i ategu pwysigrwydd darpariaeth cyfrwng Cymraeg ar draws y sir. Mewn ymateb i gwestiynau a godwyd, ymatebodd
swyddogion fel a ganlyn -
·
mae’r
nifer o drigolion wedi cynyddu o 16 i 17 ers mis Chwefror
·
nid
oedd cynlluniau cyfredol i drosglwyddo staff ond pe byddai angen gwneud hynny
rhoddwyd sicrhad y byddai’r undebau’n ymwneud â’r broses hynny.
Byddai trefniadau partneriaeth yn gwella’r gwasanaeth cyfredol ac yn
golygu y byddai staff o sefydliadau partner yn gweithio o'r safle.
·
cydnabuwyd
pwysigrwydd yr iaith Gymraeg ar draws y sir, oedd yn elfen hollbwysig o'r
cynigion.
Yn ystod y
drafodaeth codwyd cwestiynau am rôl y GIG yn y broses yn gyffredinol a’r angen
am gydweithredu gwell wrth ystyried prosiectau gofal cymdeithasol. Cadarnhaodd swyddogion bod y Cyngor yn
gweithio’n agos gyda Bwrdd Iechyd Prifysgol Betsi Cadwaladr ar lefel strategol
a gweithredol er mwyn gwella deilliannau.
Amlinellwyd gofynion y Ddeddf Gwasanaethau Cymdeithasol a Llesiant, gan
gynnwys sefydlu byrddau rhanbarthol er mwyn ystyried mathau gwahanol o
ddarpariaeth, integreiddio gwasanaethau ac anghenion deilliannau.
Cyn symud i’r
argymhellion ailadroddodd y Cynghorydd Bobby Feeley’r achos dros newid a’r
angen i drawsnewid gwasanaethau er mwyn creu gwasanaethau cynaliadwy er mwyn
cwrdd gofynion lleol a chyflawni’r deilliannau gorau posib. Nodwyd y byddai’r gwaith ar opsiynau amrywiol
yn dod i ben ar adegau gwahanol.
PENDERFYNWYD - bod y Cabinet yn cymeradwyo:-
(a) Hafan
Deg (Y Rhyl) – bod y cyngor yn archwilio partneriaeth bosib â sefydliad allanol
er mwyn trosglwyddo’r adeilad iddynt, gan gomisiynu gwasanaeth gofal dydd yn yr
adeilad ac, yn ogystal, galluogi asiantaethau’r trydydd sector i ddarparu
gweithgareddau ymyrraeth gynnar ar gyfer pobl hŷn a fydd yn lleihau
unigedd cymdeithasol, yn cefnogi annibyniaeth ac yn hybu gwytnwch. Dylai'r gwaith o ran yr opsiwn hwn gynnwys
dadansoddiad cymharu costau, safon gofal a darpariaeth iaith Gymraeg rhwng y
darparwr presennol ac unrhyw wasanaeth posib yn y dyfodol
(b) Dolwen
(Dinbych) – bod y cyngor yn archwilio partneriaeth bosib gyda sefydliad allanol
er mwyn trosglwyddo’r adeilad a’r holl wasanaeth iddynt, gan sicrhau bod Dolwen
yn gofrestredig i ddarparu gofal preswyl a gofal dydd iechyd meddwl yr henoed. Dylai'r gwaith o ran yr opsiwn hwn gynnwys
dadansoddiad cymharu costau, safon gofal a darpariaeth iaith Gymraeg rhwng y
darparwr presennol ac unrhyw wasanaeth posib yn y dyfodol
(c) Awelon
(Rhuthun) – bod y Cyngor yn archwilio’n fanwl y tri opsiwn sydd wedi eu
cyflwyno o safbwynt y sefydliad hwn a bod y gwaith o ran yr opsiynau hyn yn
cynnwys dadansoddiad cymharu costau, safon gofal a darpariaeth iaith Gymraeg
rhwng y gwasanaeth presennol a phob un o’r tri opsiwn.
Yr opsiynau yw -
·
Opsiwn
1 (y dewis a ffefrir gan y Cabinet): Bod y cyngor yn sefydlu partneriaeth gyda
pherchennog Llys Awelon er mwyn datblygu fflatiau Gofal Ychwanegol ar y safle,
gan ddisodli’r ddarpariaeth cymunedol a phreswyl presennol. Fodd bynnag, dylid nodi bod y Cabinet wedi cytuno
na fydd angen i neb adael os nad ydynt yn dymuno gwneud a bod dal modd i’w
hanghenion gael eu diwallu yno.
·
Opsiwn 2: Gweithio mewn
partneriaeth gyda landlord cymdeithasol cofrestredig, gwasanaethau iechyd a’r
trydydd sector er mwyn datblygu amrywiaeth o wasanaethau, gan drosglwyddo
hanner yr adeilad i ddatblygu fflatiau gofal ychwanegol, o bosib fel estyniad i
Lys Awelon, wrth ddefnyddio’r gweddill o bosib fel uned breswyl fechan a allai
gael ei defnyddio i gwrdd gofynion gofal seibiant a sicrhau nad oes raid i
unrhyw breswylydd symud oni bai eu bod yn dewis gwneud hynny.
·
Opsiwn
3: (Awgrym gan rai aelodau) Dylai’r cyngor ymgysylltu gyda Bwrdd Iechyd
Prifysgol Betsi Cadwaladr er mwyn archwilio’r posibilrwydd o ddatblygu capasiti
gofal nyrsio ychwanegol yn Rhuthun a fyddai wedyn yn gwella’r cynnig ar gyfer
pobl hŷn yn ardal Rhuthun.
(d) Cysgod
y Gaer (Corwen) – Bod y cyngor yn ffurfio partneriaeth gyda’r budd-ddeiliaid
perthnasol (gan gynnwys PBC a’r trydydd sector) i ddatblygu'r safle yn
‘ganolfan gefnogaeth’ gan gynnig cyfleusterau gofal preswyl a gofal ychwanegol
ynghyd â gofal yn y cartref a gwasanaeth cefnogaeth i denantiaid Cynlluniau Tai
Gwarchod lleol a phoblogaeth ehangach Corwen a’r ardal gyfagos.
(e) bod
dadansoddiad o bob opsiwn o ran pob sefydliad yn cael eu cyflwyno, wedi i’r
uchod gael eu cwblhau, yn i’r Pwyllgor Archwilio Perfformiad er mwyn eu
harchwilio cyn i’r Cabinet ddod i benderfyniad, gyda phob un yn cael ei
gyflwyno fel mae’n datblygu.
Ar y pwynt hwn
(11.50am) cafwyd egwyl ar gyfer lluniaeth.
Yn absenoldeb yr
Arweinydd, bu’r Dirprwy Arweinydd, y Cynghorydd Eryl Williams yn Cadeirio am
weddill y trafodion.
Dogfennau ategol:
- IN HOUSE CARE SERVICESv2, Eitem 5. PDF 347 KB
- IN HOUSE CARE SERVICES - APP A, Eitem 5. PDF 198 KB
- IN HOUSE CARE SERVICES - APP B, Eitem 5. PDF 227 KB
- IN HOUSE CARE SERVICES - APP C, Eitem 5. PDF 375 KB
- IN HOUSE CARE SERVICES - APP D, Eitem 5. PDF 149 KB
- IN HOUSE CARE SERVICES - APP E, Eitem 5. PDF 100 KB
- IN HOUSE CARE SERVICES - APP F, Eitem 5. PDF 264 KB
- IN HOUSE CARE SERVICES - APP G, Eitem 5. PDF 334 KB
- IN HOUSE CARE SERVICES - APP H, Eitem 5. PDF 324 KB
- IN HOUSE CARE SERVICES - APP I, Eitem 5. PDF 283 KB
- IN HOUSE CARE SERVICES - APP J, Eitem 5. PDF 467 KB
- IN HOUSE CARE SERVICES - APP K, Eitem 5. PDF 566 KB
- IN HOUSE CARE SERVICES - APP L, Eitem 5. PDF 175 KB
- IN HOUSE CARE SERVICES - APP M, Eitem 5. PDF 164 KB
- IN HOUSE CARE SERVICES - APP N, Eitem 5. PDF 60 KB
- IN HOUSE CARE SERVICES - APP O, Eitem 5. PDF 45 KB
- IN HOUSE CARE SERVICES - APP P, Eitem 5. PDF 143 KB
- IN HOUSE CARE SERVICES - APP Q, Eitem 5. PDF 155 KB
- IN HOUSE CARE SERVICES - APP R, Eitem 5. PDF 277 KB
- IN HOUSE CARE SERVICES - APP S, Eitem 5. PDF 400 KB
- IN HOUSE CARE SERVICES - APP T, Eitem 5. PDF 192 KB