Eitem ar yr agenda
PWYNT MYNEDIAD SENGL
Ystyried
adroddiad gan y Rheolwr Gwasanaeth: Ardal y Gogledd (copi’n amgaeedig) i
ddiweddaru Aelodau ar gynnydd Pwynt Mynediad Sengl Sir Ddinbych ar gyfer Gofal
Cymdeithasol i Oedolion a Gwasanaethau Iechyd Cymunedol
10.20 a.m. – 10.55 a.m.
Cofnodion:
Cyflwynodd yr
Aelod Arweiniol Gofal Cymdeithasol (Gwasanaethau Plant ac Oedolion) yr adroddiad
(a ddosbarthwyd yn flaenorol) i ddarparu gwybodaeth gyfredol i'r aelodau am y
Pwynt Mynediad Sengl yn Sir Ddinbych.
Cadarnhaodd yr
Aelod Arweiniol fod yr un rhif ffôn ar gyfer mynediad i Wasanaethau Iechyd a
Gofal Cymdeithasol wedi bod yn weithredol ers 2014.
Roedd Gweinidog
Iechyd a Gwasanaethau Cymdeithasol Llywodraeth Cymru wedi sôn yn benodol am
wasanaeth Pwynt Mynediad Sengl Sir Ddinbych yn ddiweddar yn ystod lansiad y
Ddeddf Gwasanaethau Cymdeithasol a Llesiant (Cymru) yn y Senedd.
Dywedodd yr Aelod
Arweiniol a Swyddogion:
·
mewn
cyfarfod y diwrnod cynt gyda chynrychiolwyr o Fwrdd Iechyd Prifysgol Betsi
Cadwaladr (BIPBC) derbyniwyd cadarnhad bod arian bellach yn ei le ar gyfer y
Gwasanaeth am y flwyddyn ariannol 2016/17
·
roedd
cost y Gwasanaeth oddeutu £660k y flwyddyn, y rhan fwyaf wedi’i ariannu drwy'r
Grant o'r Gronfa Gofal Canolraddol a ddyfarnwyd yn flynyddol
·
nawr
bod y strwythurau ardal newydd yn eu lle o fewn y Bwrdd Iechyd, byddai
cynrychiolwyr perthnasol yn bresennol mewn cyfarfodydd yn trafod cydweithio er
mwyn galluogi'r gwaith i symud ymlaen a datblygu ymhellach
Erbyn hyn ystyrir bod y dull Pwynt Mynediad
Sengl yn fusnes o ddydd i ddydd yn ardal Sir Ddinbych ac roedd y sir ar y blaen
i ardaloedd Awdurdodau Lleol eraill â'r dull hwn, a oedd yn cydymffurfio â
gofynion y Ddeddf Gwasanaethau Cymdeithasol a Llesiant (Cymru). Serch hynny, roedd yna bob amser le i wella
ac, felly, roedd gwaith yn mynd rhagddo ar hyn o bryd mewn ymgais i atgyfnerthu
a gwella'r gwasanaeth. Roedd angen gwneud rhagor o waith er mwyn
integreiddio holl wasanaethau iechyd a gofal cymdeithasol sydd ar gael drwy
Bwynt Mynediad Sengl.
Roedd y gwasanaeth yn gweithredu ar strwythur un Arweinydd Tîm, a gefnogir gan 9 o weithredwyr Pwynt Mynediad Sengl (4 ohonynt yn siarad Cymraeg, a 4 arall oedd yn dysgu’r iaith). Roedd y tîm bellach yn gallu cynnig gwasanaeth saith diwrnod dwyieithog. Roedd yna hefyd gydlynydd trydydd sector a chydlynwyr oedd yn arbenigo mewn meysydd penodol e.e. cwympiadau, gofalwyr, Pwyntiau Siarad, addasiadau ac ati
tra bod y gwasanaeth Pwynt Mynediad Sengl yn gweithredu ar sail saith diwrnod, nid oedd penwythnosau mor brysur ag yn ystod yr wythnos, felly, roedd staff ar y penwythnos fel arfer yn cynnwys un gweithredwr Pwynt Mynediad Sengl a gefnogir gan Nyrs Ardal. O ganlyniad i'r nifer llai o ymholiadau dros y ffôn ar y penwythnos, roedd staff yn gallu prosesu unrhyw geisiadau gwasanaeth a dderbyniwyd o ysbytai i osgoi unrhyw ôl-groniad gwaith
·ar hyn o bryd Pwynt
Mynediad Sengl Sir Ddinbych oedd yr unig un yng Ngogledd Cymru oedd yn cynnig
mynediad at y Gwasanaeth Nyrsio Cymunedol
·
roedd
y Gwasanaeth yn fwy na pharod i edrych ar ymarferoldeb gweithio gydag unrhyw
wasanaeth sy'n mynegi diddordeb mewn gweithio gydag ef
Roedd y Gwasanaeth wedi'i leoli yn swyddfeydd Ffordd Brighton y Cyngor yn y Rhyl ond arhosir am gadarnhad ynghylch lle byddai'r Gwasanaeth yn cael ei leoli pan fydd swyddfeydd Ffordd Brighton yn wag. Fodd bynnag, y cynllun tymor hir oedd y byddai'r Gwasanaeth yn y pen draw yn cael ei leoli yn barhaol ar safle Ysbyty Brenhinol Alexandra sydd wedi’i ail-ddatblygu yn Y Rhyl.
Mewn ymateb i
gwestiynau gan yr Aelodau, dywedodd y swyddogion:-
bod pob meddygfa wedi cael ymweliad o leiaf ddwywaith a chael gwybod am y gwasanaeth Pwynt Mynediad Sengl ac roedd gwybodaeth wedi ei gadael yn y meddygfeydd at sylw aelodau o'r cyhoedd. Gellid ymweld â meddygfeydd eto i'w hatgoffa am y Gwasanaeth a hefyd gofynnwyd i'r Aelodau etholedig i atgoffa meddygfeydd yn eu hardaloedd am fodolaeth y Gwasanaeth a'r hyn y gellid ei gynnig i gleifion
·byddai'r Ganolfan
Prestatyn Iach, maes o law, yn "ganolfan iechyd" a allai helpu i
hyrwyddo'r Gwasanaeth Pwynt Mynediad Sengl
·
o ran
ynysu cymdeithasol ac unigrwydd, gall y trydydd sector a'r gwasanaeth ail-alluogi
hefyd gynghori defnyddwyr gwasanaethau am grwpiau neu unigolion a allai eu
helpu a'u cefnogi
·
ymholiadau
gan neu ynghylch pobl ag anableddau dysgu yn cael eu cynnwys ar hyn o bryd o
dan "llwybr atgyfeirio - Gofal Cymdeithasol", fodd bynnag, yn y
dyfodol, gallai’r atgyfeiriadau hynny gael eu cynnwys mewn categori anableddau
dysgu ar wahân
·
tra
bod y rhan fwyaf o waith y Pwynt Mynediad Sengl yn cael ei ariannu gan grant y
Gronfa Gofal Canolraddol, byddai unrhyw wariant sydd dros ben yn cael ei ariannu
gan y Bwrdd Iechyd a'r Cyngor ar sail gyfartal.
Cyn ymweld â'r
Gwasanaeth Pwynt Mynediad Sengl, llongyfarchodd yr Aelodau y Gwasanaeth ar y
cynnydd a wnaed hyd yma wrth ddarparu'r gwasanaethau ar y cyd.
PENDERFYNWYD:
(i)
yn amodol ar y sylwadau uchod, parhau i
gefnogi a hyrwyddo datblygiad Pwynt Mynediad Sengl fel ffordd o hyrwyddo
annibyniaeth dinasyddion a chwrdd â'r ddyletswydd statudol i ddarparu
Gwasanaethau Gwybodaeth, Cyngor a Chymorth yn ôl gofynion y Ddeddf Gwasanaethau
Cymdeithasol a Llesiant (Cymru) 2014, a
(ii)
bod adroddiad cynnydd ar ddatblygiad y
Gwasanaeth yn cael ei gyflwyno i'r Pwyllgor ymhen 12 mis, neu'n gynt os bydd
yna bryder ynglŷn â chyllid ar gyfer y Gwasanaeth.
Dogfennau ategol: