Eitem ar yr agenda
STRATEGAETH TAI DRAFFT
- Meeting of Pwyllgor Craffu Cymunedau, Dydd Iau, 5 Tachwedd 2015 9.30 am (Item 7.)
- View the declarations of interest for item 7.
Ystyried
adroddiad gan y Rheolwr Cynllunio a Thai Strategol (copi ynghlwm) i Aelodau'r
Pwyllgor Craffu Cymunedau adolygu'r Strategaeth Tai a darparu mewnbwn cyn iddo
gael ei adrodd i'r Cyngor llawn yn Rhagfyr 2015.
Cofnodion:
Cyflwynodd yr
Aelod Arweiniol dros Foderneiddio a Thai, y Cynghorydd Barbara Smith, yr adroddiad
(a ddosbarthwyd yn flaenorol) i gyflwyno Strategaeth Tai Drafft y Cyngor a'r
Cynllun Cyflawni cysylltiedig i gael sylwadau’r aelodau, cyn ei gyflwyno i
Grŵp Llywio’r Aelodau Arweiniol yr wythnos ganlynol.
Byddai'r
Strategaeth, a fyddai'n cefnogi'r gwaith o gyflawni nifer o Flaenoriaethau
Corfforaethol y Cyngor, yn cael ei gyflwyno i'r Cyngor Sir ym mis Rhagfyr, 2015
i’w cymeradwyo a’u mabwysiadu. Byddai'r cynnydd o ran cyflawni nifer o gamau gweithredu'r Strategaeth
hefyd yn debyg o fod yn nodwedd o Asesiad Corfforaethol Swyddfa Archwilio Cymru
ar Gyngor Sir Ddinbych, a fyddai'n digwydd yn hydref 2016.
Yn ystod y drafodaeth ar y Strategaeth a'r Cynllun Cyflenwi, cododd yr
aelodau'r pwyntiau canlynol:
·
Gallai gorfodi amodau cynllunio a thrwyddedu yn fwy llym
mewn perthynas â safleoedd carafanau gwyliau yn y sir, fel y cynigiwyd yn yr
adroddiad cynharach ar raglen fusnes y Pwyllgor ar y "Prosiect Gwell
Rheoleiddio Safleoedd Carafanau", gael effaith bosibl ar gynllun cyflenwi
arfaethedig y Strategaeth Dai
·
Gan
fod y Cyngor wedi tynnu'n ôl yn wirfoddol oddi wrth drefniadau Cyfrif Refeniw
Tai (CRT) Llywodraeth Cymru, byddai disgwyl iddo ddefnyddio o leiaf rhan o'r
hen arian CRT at ddiben adeiladu tai.
Er y byddai pwysau eraill ar
gyllideb y Cyfrif Refeniw Tai, roedd y trefniadau newydd yn darparu cyfleoedd
i’r Cyngor wneud y mwyaf o'r buddion o ddefnyddio arian yr hen HRA
·
Tynnwyd
sylw at gyfyngiadau’r Polisi Pentrefannau presennol h.y. y ffaith nad yw rhai
pentrefannau eisiau tai fforddiadwy gan nad oedd unrhyw ragolygon cyflogaeth
neu wasanaethau lleol ar gael i ddenu pobl oedd angen tai fforddiadwy yn yr
ardaloedd hynny - dim ysgolion lleol na gwasanaethau bysiau. Tanlinellwyd
hyn ymhellach gan y ffaith bod tair cymdeithas tai lleol yr oedd tirfeddiannwr
wedi cysylltu â nhw gyda'r bwriad o ddatblygu ar dir mewn ardal a oedd o fewn y
Cynllun Datblygu Lleol (CDLl) wedi gwrthod y cynnig ar y sail na fyddent yn
gallu darparu unrhyw ddatblygiad arno oherwydd cyfyngiadau'r Polisi
Pentrefannau
·
Roedd
angen cynnwys argaeledd a'r defnydd o dir y Cyngor yng nghynllun cyflenwi’r
Strategaeth
·
Yr
angen i sicrhau bod y rhestr aros am dai Cyngor yn gyfredol, a bod y nifer a
oedd yn aros am dai cyngor yn cael ei wirio yn rheolaidd. Roedd hefyd angen sicrhau bod cofrestr Tai
Fforddiadwy'r Cyngor yn gyfredol a'i hyrwyddo ar draws y sir
·
Gofynnwyd
i’r Swyddog Arweiniol – Cartrefi Cymunedol ystyried cadw'r 'teithiau cerdded'
tai lle’r oedd aelodau lleol yn ymweld ag ystadau tai ynghyd â swyddogion tai,
gan fod cynghorwyr yn teimlo bod y rhain yn fuddiol ac yn ddefnyddiol.
Wrth ymateb i bwyntiau'r aelodau amlinellodd yr
Aelod Arweiniol dros Foderneiddio a Thai a swyddogion amcanion pob un o bum
thema’r Strategaeth ac eglurodd y modd yr oedd pob thema’n ategu ei gilydd.
Gwnaethant nodi bod:
·
Cyfyngiadau'r Polisi Pentrefannau wedi cael eu
trafod gan y Grŵp Llywio a nodi gweithred 1.5 Cynllun Cyflenwi’r
Strategaeth ar gyfer 2015 - 2020 oedd mynd i'r afael â'r anawsterau a achoswyd
gan y Polisi Pentrefannau
·
Byddai
tir a oedd yn eiddo i’r Cyngor yn cael ei drafod fel rhan o'r camau gweithredu
i gyflawni'r Cynllun Cyflawni unwaith y byddai’r Strategaeth wedi cael ei
chymeradwyo a'i mabwysiadu gan y Cyngor Sir. Byddai camau gweithredu’r Cynllun Cyflenwi'n cael
eu hymgorffori yng nghynlluniau busnes pob Gwasanaeth
·
O ran
y rhestr Tai Cyngor, roedd tua 3,000 o ymgeiswyr ar y rhestr ar hyn o bryd,
gwiriwyd dilysrwydd presennol y ffigurau hyn yn rheolaidd, ond roedd yn broses
feichus a oedd yn cymryd llawer o amser gan fod yn rhaid ei gwneud â llaw
·
Roedd
yna hefyd bobl eraill yn y cymunedau na fyddent yn cofrestru ar gyfer tai
cyngor gan nad oedd unrhyw dai o'r fath ar gael iddynt yn yr ardaloedd yr
oeddent eisiau byw ynddynt. Roedd yr un peth yn wir am y rhestr Tai Fforddiadwy. Cyfeiriwyd at y gwaith a oedd ar y gweill
gyda Chyngor Cymuned Llandyrnog gyda'r bwriad o hyrwyddo rhestr Tai Fforddiadwy
yn yr ardal benodol honno. Roedd hyn hefyd yn broses â llaw a oedd yn cymryd llawer o amser.
Pwysleisiodd yr Aelod Arweiniol fod
gan aelodau etholedig lleol ran i'w chwarae wrth hyrwyddo argaeledd y rhestr
hon yn eu hardaloedd a'r manteision hyrwyddo bodolaeth y rhestr i bawb dan sylw
·
Amlinellwyd y synergedd rhwng y pum thema wahanol
yn y Strategaeth Dai yn yr un modd â’r angen am waith traws-wasanaeth a
thraws-sector effeithiol er mwyn gwireddu canlyniadau’r Strategaeth
·
Roedd
angen gwaith mewn ymgais i ddeall pam fod datblygwyr yn dal yn amharod i ddod
ymlaen i ddatblygu safleoedd sydd eisoes wedi'u nodi o dan y Cynllun Datblygu Lleol
- a oedd unrhyw ffactorau gwaelodol economaidd neu ffactorau eraill yn cyfrannu
at yr amharodrwydd hwn
·
Roedd
SAC yn awyddus i wybod a oedd y Cyngor yn rhoi digon o bwysau ar Landlordiaid
Cymdeithasol Cofrestredig i ddatblygu tai fforddiadwy. Mae hefyd yn holi ynghylch bwriadau'r
Cyngor ar gyfer ei arian CRT
·
Roedd
angen sicrhau bod tai priodol yn cael eu datblygu ar gyfer trigolion, er mwyn
diwallu anghenion pob unigolyn diamddiffyn
·
Roedd
y Fforwm Tenantiaid hen sefydledig yn dal i weithredu ac roedd lefel dda o
ymgysylltu rhwng y tenantiaid a'r Cyngor. Fodd bynnag, roedd bob amser lle i wella.
Yn gyffredinol, roedd yn ymddangos
fod anfodlonrwydd tenantiaid yn deillio o faterion lleol iawn
·
Efallai
y bydd angen adolygu Thema 5 y Strategaeth, ‘Cymunedau Cynaliadwy’, gyda'r
bwriad o’i gryfhau o ran ymdrin ag ymddygiad gwrthgymdeithasol
·
Roedd
Tîm Gweithredol Corfforaethol y Cyngor ar hyn o bryd yn edrych ar opsiynau
llywodraethu ar gyfer cyflwyno’r Strategaeth. Y dewis a ffafriwyd oedd peidio â chael Bwrdd i’w
oruchwylio. Yn sicr,
byddai swyddogaeth i archwilio o ran monitro darpariaeth y Strategaeth, yn
arbennig o ran y gwaith o gyflawni'r canlyniadau disgwyliedig.
Cydnabu'r Aelodau bod pob cynghorydd wedi cael
digon o gyfle i gyfrannu at y strategaeth ddrafft. Byddai hefyd ganddynt swyddogaeth bwysig o ran
sicrhau ei fod yn cael ei gyflwyno. Gyda’r bwriad o gychwyn
monitro canlyniadau'r Strategaeth unwaith y byddai wedi’i fabwysiadu, cytunodd
yr aelodau i ofyn am gyngor gan y Pennaeth Gwella Busnes a Moderneiddio ar yr
amser mwyaf priodol ar gyfer cychwyn y swyddogaeth fonitro, gan ystyried yr
Asesiad Corfforaethol sydd i ddod.
Byddai'r Strategaeth yn rhoi cyfle i ddatblygu
ystod lawn o gyfleoedd tai sy'n addas ar gyfer anghenion trigolion o'r crud i'r
bedd a gwella ansawdd bywyd ar draws y sir y Cyngor.
PENDERFYNODD y
pwyllgor, yn amodol ar y sylwadau uchod, a chwblhau camau gweithredu a restrir,
i
(i)
argymell bod y Cyngor Sir, yn ei gyfarfod ym mis
Rhagfyr 2015, yn cymeradwyo a mabwysiadu'r Strategaeth Dai Ddrafft a'r Cynllun
Cyflawni cysylltiedig ar gyfer y cyfnod 2015-2020; ac
(ii)
y dylai Archwilio fonitro cyflawniad canlyniadau’r
Strategaeth o dro i dro.
Dogfennau ategol:
- Scrutiny Report Hsg StrategyNov15, Eitem 7. PDF 102 KB
- Scrutiny Report Appx 1Oct15, Eitem 7. PDF 268 KB
- Appx 2 Draft Action Plan Nov 15, Eitem 7. PDF 340 KB