Eitem ar yr agenda
DIWEDDARIAD AR BROSIECT RHEOLEIDDIO MEYSYDD CARAFANAU YN WELL
Ystyried
adroddiad gan yr Hyfforddai Graddedig, Gwella Busnes a Moderneiddio (copi
ynghlwm) i roi gwybodaeth am y gwaith a wnaed hyd yn hyn a’r camau nesaf a
drefnwyd ar gyfer y Prosiect.
Cofnodion:
Cyflwynodd Aelod
Arweiniol y Parth Cyhoeddus, y Cynghorydd David Smith, adroddiad (a
ddosbarthwyd yn flaenorol) i ddarparu gwybodaeth ynglŷn â chynnydd y
prosiect hwn ers adroddiad blaenorol y Pwyllgor Archwilio.
Roedd y Pwyllgor
wedi ystyried yr adroddiad a chytunwyd y dylai’r cyfarfod symud i Ran II
RHAN II
Gwahardd y Wasg a'r Cyhoedd
PENDERFYNWYD- dan ddarpariaethau Adran 100a(4) Deddf Llywodraeth
Leol 1972 i wahardd y Wasg a’r Cyhoedd o’r cyfarfod ar gyfer yr eitemau a
ganlyn, ar y sail ei bod yn debygol y bydd gwybodaeth eithriedig yn cael ei
datgelu, fel y'i diffinnir ym mharagraff 13 Rhan 4 Atodlen 12a Deddf
Llywodraeth Leol 1972.
Tynnodd y
Swyddogion sylw'r Aelodau at yr ystadegau oedd yn dangos yr amrywiaeth o
wasanaethau a ddefnyddir gan bobl sy'n byw ar safleoedd carafanau
"gwyliau" a phwysleisiodd bod:
·
Llawer
o waith cefndirol manwl wedi ei wneud gyda’r nod o ganfod maint y broblem o ran
pobl sy'n byw mewn carafanau “gwyliau” yn barhaol ac yn cael mynediad at
wasanaethau’r cyngor er nad ydynt wedi cyfrannu tuag at y gwasanaethau hynny
drwy’r system Treth y Cyngor
·
Mae’n
bosibl hefyd bod pobl eraill sy'n byw mewn carafanau "gwyliau" na
fyddai'r Awdurdod Lleol yn ymwybodol ohonynt gan nad oeddent wedi'u cofrestru
ar y gofrestr etholiadol neu wedi ceisio cael mynediad i wasanaethau. Gallai
rhai hyd yn oed fod mewn swyddi llawn-amser
·
O'r ymchwil a wnaed hyd yma, amcangyfrifwyd y byddai'r
Cyngor yn colli lleiafswm o tua £300,000 y flwyddyn mewn arian Treth y Cyngor a
thaliadau Grant Cynnal Refeniw (RSG) gan fod tua 175 o unigolion yn y sir yn
byw drwy gydol y flwyddyn mewn carafanau "gwyliau"
·
Roedd
y rhan fwyaf o'r unigolion yn byw yn safleoedd carafanau mawr y sir, ac roedd
gan y safleoedd hyn eu gwasanaethau eu hunain fel siopau a golchdai ar y safle
·
Roedd
gwaith yn cael ei wneud ar hyn o bryd gyda Chymdeithas Parciau Gwyliau a
Chartrefi Prydain (BH&HPA) gyda'r bwriad o ddefnyddio aelodaeth y
Gymdeithas fel modd o hyrwyddo arfer da a rheoli a chanfod camymddwyn a
chamreoli
·
Mae
gwaith yn mynd rhagddo ar ddatblygu Llawlyfr Gweithdrefnau Rheoleiddio a
rhagwelwyd y byddai’r llawlyfr hwn yn cael ei lansio yn ystod gwanwyn 2016 mewn
cynhadledd ar y cyd gan Gyngor Sir Ddinbych a'r BH&HPA.
Yn ystod y
drafodaeth, cododd yr Aelodau bryderon mewn perthynas â:
·
Ceisiadau
diweddar i Bwyllgor Cynllunio'r Cyngor yn gofyn i ymestyn amodau trwydded
gweithredwr o 10 mis i 12 mis.
·
Mae
cost y "boblogaeth cudd" sy'n byw yn safleoedd carafanau’r sir i’r
Cyngor, yn enwedig y rhai nad oedd ganddynt "gartrefi" mewn mannau
eraill ac yn aros yn eu carafanau am 10 mis, yn mynd dramor am y 2 mis sy'n
weddill cyn dychwelyd i’w carafanau "gwyliau" yn Sir Ddinbych. Roedd
nifer o’r bobl hyn yn oedrannus a byddent, ar ryw adeg, yn defnyddio
gwasanaethau cyhoeddus yn yr ardal.
·
Roedd
posibilrwydd y gallai rhai o'r rhai a oedd â chartrefi mewn mannau eraill hefyd
fod ar y gofrestr etholiadol mewn dwy ardal wahanol.
Cafodd Aelodau a
swyddogion drafodaeth eithaf trylwyr am fanteision a chyfyngiadau cyflwyno
"treth carafán" fel ffordd o sicrhau rhywfaint o incwm gan
berchnogion y carafanau am y gwasanaethau y maent yn eu derbyn. Cododd
yr Aelodau bryderon mewn perthynas â'r meini prawf cymhwysedd ar gyfer tai
cyngor a godwyd yn Atodiad 5 yr adroddiad (tudalen 56), a oedd yn amlinellu
mynediad i dai cyngor a sut y gallai preswylydd gyda phroblemau meddygol mewn
carafán ennill pwyntiau ychwanegol o gymharu â phreswylydd tŷ wrth wneud
cais am dŷ cyngor. Gofynnwyd i’r Swyddog Arweiniol - Cartrefi
Cymunedol ymchwilio i'r mater hwn yn fanwl.
Yn dilyn
trafodaeth fanwl, ymatebodd Aelod Arweiniol y Parth Cyhoeddus a swyddogion i
gwestiynau'r Aelodau a gan ddweud:
·
Gellid
priodoli’r nifer isel o ymatebion hyd yma mewn perthynas â'r ymarfer mapio
safleoedd carafanau yn rhannol i amseriad yr ymarferiad, a gynhaliwyd ar
ddiwedd y tymor gwyliau. Fodd bynnag, ni
ddylai hyn achosi oedi cyn cychwyn y gwaith i lenwi’r Rhestr Tir ac Eiddo Lleol
gyda'r wybodaeth a gafwyd hyd yma.
·
Nid
yw pob gweithredwr safleoedd carafanau yn aelodau o BH&HPA, roedd tua 75% o
weithredwyr safleoedd carafanau’r sir yn aelodau. Yn
anffodus, y safleoedd mwy oedd y rhai a oedd yn tueddu i beidio â bod yn
aelodau o'r Gymdeithas.
·
Nid oedd
rhai safleoedd carafanau yn caniatáu blychau post unigol ar y safle, roedd yn
rhaid dosbarthu’r holl bost i'r swyddfa safle. Roedd
hyn yn cynorthwyo perchnogion safleoedd i blismona'r anheddau’n well. Ni
fyddai rhai perchnogion safleoedd yn gwerthu carafán i rywun heb brawf dilys o
gyfeiriad yn rhywle arall.
·
Roedd
cofrestrau GIG hefyd yn ffynhonnell ddefnyddiol o ddata ar bobl a oedd yn byw
ar safleoedd carafanau.
·
Er
bod y cyngor yn cefnogi'r cysyniad o fasnach ymwelwyr drwy gydol y flwyddyn,
nid oedd hyn yn golygu cael yr un unigolion yn byw mewn carafanau am 12 mis. Nid
yw pobl sy’n byw yn barhaol yn eu carafanau yn cyfrannu cymaint at yr economi
leol ag y rhai sy’n ymweld am gyfnod byr, gan y bydden nhw’n ymweld â gwahanol
leoliadau ac yn gwario arian yn y lleoedd hynny. Mae'r
preswylwyr parhaol yn fwy tebygol o wneud mwy o ddefnydd o'r cyfleusterau ar y
safle fel siopau, bariau a bwytai.
·
Roedd
bythynnod gwyliau hefyd yn cael eu rheoli gan ddeddfwriaeth i osgoi iddynt gael
eu hystyried yn anheddau parhaol.
Byddai'r drwydded ar gyfer
bythynnod gwyliau yn nodi'r amodau a osodwyd arnynt.
·
Er
nad oedd unrhyw gymhellion ar gyfer safleoedd a "reolwyd yn wael" i
gadw at y rheolau, y gobaith oedd y byddai cael “enw drwg" yn newid eu
hymagwedd. Os na fyddai hyn yn gweithio, byddai angen i'r
cyngor ddilyn y trywydd gorfodi.
·
Pe
bai unigolyn wedi prynu carafán ar safle 10 mis, gan feddwl ei fod yn holl
safle drwy gydol y flwyddyn, gallai ef/hi gysylltu â'r Adran Safonau Masnach am
ganllawiau yn ymwneud â chael cynnyrch wedi’i gam-werthu. Hefyd,
aeth Swyddogion ati i godi'r mater hwn gyda'r BH&HPA.
·
Ni
fyddai'n ddefnyddiol i chwilio trwy ddata hanesyddol ar feddiannaeth safleoedd
carafanau, byddai’n canolbwyntio ein hymdrechion ar ddata o’r deuddeg mis
diwethaf ac yn y dyfodol yn ddefnydd llawer mwy defnyddiol o adnoddau.
Apeliodd Aelod
Arweiniol y Parth Cyhoeddus i gynghorwyr roi gwybod i’r swyddogion os oedd
ganddynt unrhyw garafanau o fewn eu wardiau y maent yn amau sy’n cael eu meddiannu’n
barhaol heb y caniatâd preswylio gofynnol.
Cytunodd yr Aelodau na allai'r Cyngor fforddio colli tua £300,000 y
flwyddyn. Roedd yna, felly,
angen i sefydlu faint o gamau gorfodi y gallai fforddio eu cymryd yn y dyfodol. Dylai
polisi rheoleiddio safonol a chyson wedi’i gyfuno â gwaith partneriaeth gyda
chymdeithas y BH&HPA a gweithredwyr meysydd carafanau lleol wireddu
manteision i bawb dan sylw yn y tymor hir a helpu'r cyngor i ddarparu nifer o'i
flaenoriaethau corfforaethol. Ar ddiwedd y drafodaeth, mynegodd yr
Aelodau eu gwerthfawrogiad i'r swyddogion am eu gwaith a:
PENDERFYNODD y
Pwyllgor i gytuno yn amodol ar yr uchod:
(i)
Bod y gronfa ddata gyfeiriadau
corfforaethol a'r drefn fonitro newydd yn cael eu defnyddio i fynd i'r afael
â’r posibilrwydd fod carafanau gwyliau yn cael eu meddiannu’n breswyl heb
awdurdod yn y dyfodol trwy reolaeth cynllunio a thrwyddedu ar y cyd
(ii)
Datblygu gweithdrefnau a dogfennau ar y
cyd ar gyfer monitro, ymchwilio a gorfodi safleoedd
(iii)
Datblygu strategaeth ragweithiol ar gyfer
mynd i'r afael â safleoedd "problemus" mwy o faint yn y sir lle mae
tystiolaeth o feddiannaeth breswyl heb awdurdod yn fwyaf cyffredin, ac y bydd
angen i’r strategaeth hon sefydlu cyfnodau amser priodol lle na ellir ystyried
bod camau gweithredu yn briodol wedi’r cyfnod hwnnw.
(iv)
Sefydlu cysylltiadau pellach gyda
Chymdeithas Parciau Gwyliau a Chartrefi Prydain (BH&HPA) i greu
gweithdrefnau rheoli parciau ar gyfer pob safle, a
(v)
Bod llawlyfr y Weithdrefn Rheoleiddio drafft yn
cael ei gyflwyno i'r Pwyllgor yn ystod gwanwyn 2016 (Mawrth o bosibl) i gael
sylwadau'r aelodau.
Dogfennau ategol:
- 5.11.15 Comm SC Caravan Project, Eitem 6. PDF 116 KB
- Restricted enclosure Gweler y rhesymau pam fod dogfen 6./2 yn gyfyngedig
- Appendix 2 - Table of site types and allowances, Eitem 6. PDF 216 KB
- Appendix 3 - Letters to site owners, Eitem 6. PDF 216 KB
- Restricted enclosure Gweler y rhesymau pam fod dogfen 6./5 yn gyfyngedig
- Appendix 5 - Service Eligibility Guidance, Eitem 6. PDF 196 KB
- Appendix 6 - Caravan Address Input Guidelines v2, Eitem 6. PDF 165 KB
- Appendix 7 - EqIA Caravan Project, Eitem 6. PDF 102 KB
- Appendix 8 - Project Risk Register, Eitem 6. PDF 1 MB