Eitem ar yr agenda
CYNNIG CAU YSGOL RHEWL O 31 AWST 2017 A THROSGLWYDDO'R DISGYBLION PRESENNOL I YSGOL PEN BARRAS, RHUTHUN NEU YSGOL STRYD Y RHOS, RHUTHUN, YN DIBYNNU AR DDEWIS Y RHIENI.
- Meeting of Cabinet, Dydd Mawrth, 29 Medi 2015 10.00 am (Item 5.)
- View the declarations of interest for item 5.
Ystyried
adroddiad gan y Cynghorydd Eryl Williams, Aelod Arweiniol dros Addysg (copi'n
amgaeedig) yn cyflwyno'r adroddiad
gwrthwynebiad i'w ystyried a gofyn i’r Cabinet gymeradwyo’r cynnig.
Penderfyniad:
PENDERFYNWYD bod y Cabinet yn -
(a) nodi canfyddiadau'r adroddiad gwrthwynebiad;
(b) ar ôl ystyried yr uchod, bod y Cabinet yn cymeradwyo'r penderfyniad i
weithredu’r cynnig i gau Ysgol Rhewl ar 31 Awst 2017 a throsglwyddo'r
disgyblion i adeilad newydd Ysgol Pen Barras, Rhuthun, neu Ysgol Stryd y Rhos,
Rhuthun yn dibynnu ar ddewis y rhieni, a
(c) bod ceisiadau am gludiant dewisol i'r ysgol categori 2 agosaf yn cael eu
hystyried ar sail achos wrth achos, gan ddisgyblion presennol Ysgol Rhewl a'u
brodyr a'u chwiorydd am weddill eu haddysg gynradd.
Cofnodion:
Cyflwynodd y Cynghorydd Eryl Williams yr adroddiad
yn manylu ar y gwrthwynebiadau a dderbyniwyd yn dilyn cyhoeddi'r Rhybudd
Statudol i gau Ysgol Rhewl gyda disgyblion yn trosglwyddo i Ysgol Pen Barras
neu Ysgol Stryd y Rhos yn amodol ar ddewis y rhieni, ynghyd â ffactorau i'w
hystyried cyn penderfynu ar y cynnig.
Mae'r cynnig ar gyfer Ysgol Rhewl wedi cael ei
wneud yng nghyd-destun yr adolygiad o ardal ehangach Rhuthun gan ystyried
addasrwydd a chyflwr safleoedd ysgolion a lleoedd dros ben a'r effaith ar
gynaliadwyedd tymor hir yr ysgol. Atgoffwyd y Cabinet bod y Pwyllgor Archwilio Perfformiad wedi argymell i
ragor o waith i gael ei wneud yn ystod y broses ymgynghori i ymdrin â phryderon
a godwyd yn ymwneud â'r safle Glasdir newydd a chynnig yr Iaith Gymraeg. Mae canfyddiadau'r gwaith hwnnw wedi ei
gynnwys yn Atodiad D ac E o'r adroddiad. Cododd y Cynghorydd Merfyn Parry (aelod lleol)
bryderon ynghylch pa mor ddigonol yw’r gwaith atodol o ran ymgynghori gan dynnu
sylw at y diffyg gwybodaeth a ddarparwyd gan swyddogion er mwyn llywio
trafodaeth ystyrlon mewn cyfarfodydd a'r anawsterau wrth alw cyfarfodydd
oherwydd argaeledd unigolion allweddol. Teimlai nad oedd ymgynghori priodol wedi'i gynnal,
gan ychwanegu na fu unrhyw drafodaeth o gwbl ar y cynnig diweddaraf i ddarparu
cludiant yn ôl disgresiwn i'r ysgol categori 2 agosaf. O ganlyniad, gofynnodd y Cynghorydd Parry
y dylid gohirio'r mater hyd nes ymgynghori pellach â rhanddeiliaid. Gofynnodd y Cabinet am sicrwydd
ynglŷn â'r gwaith atodol yn ôl cyfarwyddyd archwilio ac adroddodd y
swyddogion ar amserlen o gyfathrebu a arweiniodd at y canfyddiadau fel y
manylir yn Atodiad D ac E i'r adroddiad. Ystyriodd y Cabinet y broses o ymgysylltu i fod yn
gadarn a bod digon o wybodaeth wedi cael ei ddarparu er mwyn galluogi
penderfyniad gwbl wybodus.
Tynnodd y Cynghorydd Williams sylw'r aelodau at yr
adroddiad a'r prosesau statudol i'w dilyn. Ystyriodd y Cabinet y gwrthwynebiadau a nodwyd yn
yr adroddiad ynghyd â'r dadleuon dros y cynnig a'r ffactorau a nodir yn y Cod
Trefniadaeth Ysgolion. Talodd yr aelodau sylw arbennig i faterion a godwyd yn ymwneud â'r safle
Glasdir newydd a’r effaith ar y Iaith Gymraeg fel y prif achosion o bryder -
(1) Pryderon yn ymwneud â'r safle newydd yn Glasdir
Mynegwyd pryderon ynglŷn â diogelwch ar y
ffyrdd a dichonoldeb y datblygiad.
Mae dau asesiad diogelwch ar y ffyrdd wedi'u
cynnal ar 14/08/15 (gwyliau ysgol) a 15/09/15 (tymor ysgol) a ganfu nad oedd y
llwybr presennol ar gyfer disgyblion yn cerdded o Rhewl i Glasdir yn beryglus. Nid oedd yr asesiad yn cymryd i ystyriaeth
unrhyw ddatblygiad yn y dyfodol a gofynnodd y Cabinet am sicrwydd o ran
diogelwch y llwybr yn y dyfodol a sicrhau bod mesurau rheoli traffig priodol yn
eu lle cyn agor yr ysgolion newydd. Hefyd, codwyd yr angen i egluro y terfyn cyflymder 30 mya ar gyfer modurwyr
sy'n teithio i Ruthun. Darparodd Swyddogion sicrwydd bod diogelwch y llwybr yn brif flaenoriaeth a
fyddai'n cael eu cadw dan arolwg agos. Byddai asesiadau traffig a chludiant yn parhau
drwy gydol datblygiad y safle wrth i amgylchiadau newid er mwyn sicrhau fod
unrhyw faterion diogelwch yn cael eu nodi.
O ran dichonoldeb y datblygiad i ddarparu ar gyfer
disgyblion, darparwyd sicrwydd y byddai capasiti arfaethedig y ddwy ysgol
newydd yn caniatáu digon o le ar gyfer twf. Mae'r cynnig yn gysylltiedig â'r trosglwyddo
disgyblion o Ysgol Rhewl i'r ysgolion newydd yn Glasdir ac ni fyddai disgwyl i ddisgyblion i symud
ddwywaith mewn achos o unrhyw oedi yn y broses datblygu safle. Cytunodd y Cabinet fod y bwriad i
drosglwyddo disgyblion i'r ysgolion newydd yn cael ei wneud yn glir yn y
penderfyniad.
(2) Cynnig yn achosi pryderon yn ymwneud â’r effaith ar yr Iaith Gymraeg
Mynegwyd pryderon na allai'r cynnig Iaith Gymraeg
presennol gael ei ailadrodd os yw disgyblion yn symud i un o'r ysgolion newydd. Ailadroddodd y Cynghorydd Merfyn Parry y
pryderon hynny ac tra'n nodi y cynnig diweddaraf i ddarparu opsiwn i
drosglwyddo disgyblion i'r ysgol categori 2 agosaf roedd yn parhau i fod yn
bryderus am y diffyg ymgynghori a manylder a ddarperir i brofi a oedd yn ddewis
cadarn ac fe gododd gwestiynau ynglŷn â hynny. Ceisiodd y Cabinet gael sicrwydd bod y tri
cwricwlwm yn cynnig ar gyfer disgyblion y ffrwd cyfrwng Cymraeg, cyfrwng
Saesneg a dwyieithog sydd o leiaf yn gyfwerth safonau a chyfleoedd ar gyfer
dilyniant yn eu cyfrwng iaith ar hyn o bryd.
Ymatebodd y swyddogion i'r materion hynny fel a
ganlyn -
·
darparwyd
cyd-destun pellach i'r cynnig iaith presennol yn yr ardal a faint o Gymraeg a gyflwynir
mewn ystod o leoliadau sy'n dangos darpariaeth arall addas. Mae'r bwriad presennol yn caniatáu i rieni
ddewis tri math o sefydliad er mwyn i'r disgyblion gynnal eu cyfrwng iaith ar
hyn o bryd - drwy gyfrwng y Gymraeg (Pen Barras), cyfrwng Saesneg (Stryd y
Rhos) a dwyieithog (Llanfair Dyffryn Clwyd). O ganlyniad, ni fyddai disgyblion dan anfantais o
ran safonau a chyfleoedd ar gyfer dilyniant yn eu cyfrwng iaith presennol pe
bai'r cynnig yn cael ei weithredu
·
pe
bai Cabinet yn cymeradwyo’r cynigion byddai'r swyddogion yn trafod yr ysgolion
o ddewis gyda rhieni a byddai capasiti yn cael ei adeiladu i mewn i'r ysgolion
newydd ar safle Glasdir a'r cynigion ar gyfer yr ysgol ardal categori 2 newydd. Roedd swyddogion yn hyderus bod gan y dair
ysgol y capasiti i ddarparu ar gyfer dewisiadau rhieni i ddisgyblion sy'n
trosglwyddo o Ysgol Rhewl
·
o ran
yr elfen trafnidiaeth ar gyfer categori 2 fe eglurodd swyddogion ysgolion bod y
Polisi Cludiant Cartref i'r Ysgol wedi’i ganiatáu ar gyfer darparu cludiant dewisol
mewn achosion o gau ysgolion. Dywedwyd wrth y Cabinet y byddai'r Pennaeth Addysg yn edrych yn ffafriol ar
geisiadau a wnaed o ganlyniad i gau Ysgol Rhewl a chadarnhaodd y byddai’r
disgresiwn hwn yn cael ei ymestyn i frodyr a chwiorydd y disgyblion presennol -
cytunodd yr aelodau bod yr elfen hon yn cael ei egluro ymhellach fel y bo'n
briodol o fewn eu datrysiad.
Cynigiodd y Cynghorydd Williams yr argymhelliad
gyda newidiadau er mwyn egluro y byddai trosglwyddo disgyblion yn cyd-fynd ag
agor yr adeiladau ysgol newydd ac y byddai ceisiadau am gludiant dewisol i'r
ysgol categori 2 agosaf yn cael ei ystyried hefyd ar gyfer brodyr a chwiorydd
i’r disgyblion presennol. Roedd Cabinet yn fodlon bod y cynnig yn cyflwyno’r opsiwn gorau er mwyn
sicrhau safon uchel o ddarpariaeth yr ysgol ar gyfer y dyfodol.
PENDERFYNWYD bod y Cabinet -
(a) yn nodi canfyddiadau'r adroddiad gwrthwynebiad;
(b) ar ôl ystyried yr uchod, yn cymeradwyo'r
penderfyniad i weithredu’r cynnig i gau Ysgol Rhewl ar 31 Awst 2017 a throsglwyddo'r
disgyblion i adeilad newydd Ysgol Pen Barras, Rhuthun, neu Ysgol Stryd y Rhos,
Rhuthun yn dibynnu ar ddewis y rhieni, a
(c) bod ceisiadau am gludiant dewisol i'r ysgol
categori 2 agosaf yn cael eu hystyried ar sail achos wrth achos, i ddisgyblion
presennol Ysgol Rhewl a'u brodyr a'u chwiorydd am weddill eu haddysg gynradd.
Ar y pwynt hwn (10.55 a.m.) cafwyd egwyl ar gyfer lluniaeth.
Dogfennau ategol:
- YSGOL RHEWL, Eitem 5. PDF 124 KB
- YSGOL RHEWL - APP 1, Eitem 5. PDF 375 KB
- YSGOL RHEWL - APP 1(A), Eitem 5. PDF 1 MB
- YSGOL RHEWL - APP 1(B), Eitem 5. PDF 1 MB
- YSGOL RHEWL - APP 1(C), Eitem 5. PDF 223 KB
- YSGOL RHEWL - APP 1(D), Eitem 5. PDF 537 KB
- YSGOL RHEWL - APP 1(E), Eitem 5. PDF 295 KB
- YSGOL RHEWL - APP 2, Eitem 5. PDF 379 KB
- YSGOL RHEWL - APP 3, Eitem 5. PDF 121 KB
- YSGOL RHEWL - APP 4, Eitem 5. PDF 146 KB