Eitem ar yr agenda
RHAGLEN TRAWSNEWID CAFFAEL
Ystyried
adroddiad gan y Rheolwr Rhaglen Caffael (copi'n amgaeedig) ar y Rhaglen
Trawsnewid Caffael.
Cofnodion:
Roedd adroddiad gan y Pennaeth Cyllid ac Asedau wedi’i gylchredeg o'r
blaen.
Cyflwynodd y Cynghorydd J. Thompson-Hill yr adroddiad ac eglurodd fod y
Pennaeth Cyllid, Asedau a Thai Dros Dro wedi cyflwyno diweddariad llafar ar
gaffael ym mis Mai 2015, ac amlinellodd y bydd angen, er mwyn mynd i’r afael
â'r rhain a diffygion eraill a nodwyd yn ein gweithgarwch caffael, rhaglen
ehangach o drawsnewid.
Roedd yr adroddiad yn amlinellu strwythur a chynnwys y rhaglen drawsnewid i
roi sicrwydd y bydd materion yn cael sylw a bydd strwythurau a phrosesau newydd
yn cael eu rhoi ar waith i wella perfformiad mewn perthynas â chaffael. Eglurodd mai
prif ysgogydd y Rhaglen Trawsnewid Caffael fyddai datblygu a chyflawni’r
Strategaeth Gaffael ddiwygiedig.
Gyda chymorth cyflwyniad PowerPoint
rhoddodd Rheolwr y Rhaglen Gaffael wybodaeth gefndir i'r Aelodau yn ymwneud â:
-
-
phwysigrwydd caffael.
-
gweld y darlun mawr.
-
nodi heriau mewnol ac allanol.
-
rhesymau dros fod angen newid.
-
trawsnewid Caffael a Thrawsnewid: -
·
Y Strategaeth Gaffael
·
Defnydd effeithiol o Dechnoleg.
·
Datblygu Cyflenwyr Lleol
·
Gweithlu gyda Sgiliau uwch.
·
Penawdau o’r arolwg MMT.
·
Strwythur Sefydliadol.
-
Blaenoriaethau ar gyfer Gweithredu – tymor canolig.
-
Gwasanaeth Caffael Cenedlaethol: Penawdau.
Fel y gofynnodd y Pwyllgor ym mis Mai, darparodd y Pennaeth Cyllid ac
Asedau wybodaeth ac ystadegau am y Gwasanaeth Caffael Cenedlaethol a sefydlwyd
gan Lywodraeth Cymru, a manylion y contractau a gafodd eu caffael drwy’r
Gwasanaeth.
Eglurodd y Pennaeth Cyllid ac Asedau fod materion a diffygion a nodwyd yn
flaenorol yn cael sylw a’u cywiro drwy gyflawni’r Rhaglen Trawsnewid Caffael. Roedd
trefniadau newydd, mwy cadarn, wedi cael eu cyflwyno i sicrhau bod y Rhaglen
Trawsnewid Caffael yn cael ei chyflawni’n effeithiol. Roedd yn cynnwys penodi Rheolwr Rhaglen
ymroddedig i gyfeirio'r trawsnewid sydd ei angen yn y ffordd y mae'r Cyngor yn
caffael nwyddau, gwasanaethau a gwaith. Disgwylir i'r dull hwn
gael y canlyniadau allweddol canlynol:-
·
arbed
arian drwy gaffael yn fwy effeithiol ac effeithlon;
·
cyflawni
mwy o fudd, a gwell budd i'r gymuned trwy'r broses gaffael;
·
darparu
mwy o gymorth a gwell cymorth i fusnesau lleol wella ansawdd eu cynigion a
gwella’u siawns o ennill contractau’r Cyngor.
Byddai'r rhaglen yn cael ei threfnu'n 5 prosiect ar wahân a fyddai'n
cynnwys Dogfen Strategaeth, Defnyddio Technoleg, Datblygu Cyflenwyr Lleol,
Gwella sgiliau'r gweithlu a Strwythur Trefniadol. Byddai'n cael ei gyfarwyddo gan fwrdd trawsnewid lefel uchel a fyddai'n
monitro ac yn cyfeirio cyflawniad y rhaglen, a nodwyd y swyddogaethau allweddol
a’r aelodau. Ymgorfforwyd manylion mwy cynhwysfawr o
strwythurau rhaglenni a llywodraethu yn Atodiad 1, ac amlygwyd cerrig milltir
allweddol.
Rhoddwyd cadarnhad nad oedd y wybodaeth am gaffael o fewn yr Awdurdod wedi
cwrdd â disgwyliadau o'r blaen, a mynegodd y Cynghorydd P.C. Duffy y farn y
gallai gweithgareddau a pholisïau caffael blaenorol fod wedi arwain at
oblygiadau ariannol sylweddol ar yr Awdurdod.
Yn ystod y drafodaeth a ddilynodd, codwyd y materion canlynol a chafwyd
ymatebion iddynt a darparwyd gwybodaeth:-
-
Darparwyd manylion gan Gynrychiolwyr Swyddfa Archwilio
Cymru mewn perthynas â'r astudiaeth genedlaethol ar gaffael sy'n cael ei
chynnal gan Swyddfa Archwilio Cymru.
-
Pwysigrwydd llinellau adrodd cywir ac agored.
-
Yr angen i gynnwys Datblygu Economaidd yn y broses ac
arwyddocâd hynny.
-
Amlinelliad o'r angen i gynnwys busnesau bach yn y broses
a'r dulliau i'w mabwysiadu er mwyn cyflawni’r gofyniad hwn. Cyfeiriodd y
Pennaeth Cyllid ac Asedau at gofrestru categorïau a ymgorfforwyd yn y system
newydd, a fyddai'n cynorthwyo gydag ymgysylltu â busnesau bach yn lleol.
-
Dyletswydd y Cyngor i gyflawni gwerth gorau, nad oedd o
reidrwydd yn cyd-fynd â’r pris gorau.
-
Cynnydd yn yr angen am ymwybyddiaeth o'r broses gaffael,
a darparu hyfforddiant ar gyfer swyddogion mewn perthynas â rheolau’r weithdrefn
gontract.
Cyfeiriodd Mr P. Whitham at ystadegau ac effaith y terfynau amser sy'n
ymwneud â niferoedd staff a darparu hyfforddiant, a gwnaed cyfeiriad penodol at
ddarparu hyfforddiant mewn perthynas â'r CPRs diwygiedig. Awgrymodd hefyd
y gellid rhoi ystyriaeth i ddarparu hyfforddiant gwybodus i Aelodau Etholedig i
gynnig dealltwriaeth a gwybodaeth am y broses. Mewn ymateb i gwestiwn
gan Mr Whitham, amlinellodd y PMP yr heriau sy'n ymwneud â chyflwyno technoleg,
a chadarnhaodd fod ystyriaeth wedi'i rhoi i ddarparu copïau caled o ddogfennau
wrth gefn.
Yn ystod y drafodaeth a ddilynodd, cadarnhaodd y Cadeirydd ei fod yn aelod
o'r Bwrdd Trawsnewid, a chytunodd i gysylltu gyda Phennaeth y Gwasanaethau
Cyfreithiol, AD a Democratiaeth ynglŷn â chynnwys adroddiad cynnydd yn y
dyfodol ar raglen waith y Pwyllgor.
PENDERFYNWYD - yn amodol
ar y sylwadau uchod, bod y Pwyllgor Llywodraethu Corfforaethol:
(a)
yn derbyn yr adroddiad ac
yn ardystio'r argymhellion a wnaed, ac
(b)
yn
cytuno bod y Cadeirydd a Phennaeth y Gwasanaethau Cyfreithiol a Democrataidd yn
cysylltu ynglŷn â chynnwys adroddiad cynnydd ar raglen waith i’r dyfodol y
Pwyllgor.
(JG, TB, a GW i Weithredu)
Dogfennau ategol:
- Procurement Report, Eitem 6. PDF 102 KB
- Procurement App 1, Eitem 6. PDF 414 KB
- Procurement EQI, Eitem 6. PDF 98 KB