Eitem ar yr agenda
BIPBC YNG NGHONWY A SIR DDINBYCH
- Meeting of Pwyllgor Craffu Partneriaethau, Dydd Iau, 17 Medi 2015 9.30 am (Item 6.)
- View the declarations of interest for item 6.
Ystyried
cyflwyniad gan Gyfarwyddwr Ardal Ganol Bwrdd Iechyd Prifysgol Betsi Cadwaladr
ar y cynnydd a wnaed ar ddatblygu strwythur ardal ar gyfer y Bwrdd Iechyd yn
ardaloedd Conwy a Sir Ddinbych.
11.00 am – 11:30 am
Cofnodion:
Cyflwynodd Gyfarwyddwr Ardal Bwrdd Iechyd Prifysgol
Betsi Cadwaladr (BIPBC) ar gyfer Conwy a Sir Ddinbych, Bethan Jones, gyflwyniad
BIPBC yng Nghonwy a Sir Ddinbych.
Croesawyd y
Cyfarwyddwr Ardal i'r cyfarfod ac aeth ymlaen i roi cyflwyniad ar y cynnydd a
wnaed hyd yn hyn i ddatblygu strwythur ardal is-ranbarthol ar gyfer gwaith y
Bwrdd Iechyd yng Nghonwy a Sir Ddinbych. Eglurodd
y Cyfarwyddwr Ardal sut y byddai'r strwythur newydd yn ymgysylltu a
rhyngweithio gyda phartneriaid a budd-ddeiliaid. Yn
ystod ei chyflwyniad rhoddodd y Cyfarwyddwr Ardal drosolwg o'r Tîm
Arweinyddiaeth a’r Strwythur Ardal a oedd yn gweithredu oddi tano. Amlinellodd y Gwasanaethau
Cymorth Corfforaethol sydd ar gael iddynt, egwyddorion gweithredu'r Strwythur
Ardal a'u blaenoriaethau allweddol ar gyfer y tair blynedd nesaf.
Mewn ymateb i
gwestiynau’r aelodau:
·
Cadarnhaodd
bod y Bwrdd Iechyd wedi sefydlu tri strwythur “ardal newydd” ar gyfer Gogledd
Cymru, yn seiliedig yn ardaloedd awdurdodau lleol:
Ø
Ynys Môn a Gwynedd
Ø
Conwy
a Sir Ddinbych, a
Ø
Sir y Fflint a Wrecsam
Y safle ar gyfer Conwy a Sir Ddinbych oedd Ysbyty Llandudno.
·
Cytunodd
bod cyfathrebu effeithiol ac amserol yn allweddol i ddarparu gwasanaethau o
ansawdd ac i ddatblygu ymddiriedaeth a hyder ar lefel uchel ymhlith y
trigolion. Roedd angen gwella’r diffygion o ran cyfathrebu
effeithiol ac amserol rhwng personél y gwasanaeth iechyd gan ei fod yn peri
risg i’r Bwrdd, yn achosi oedi gormodol yn nhriniaethau cleifion ar adegau ac
yn achosi costau ychwanegol ar gyfer y gwasanaeth iechyd.
·
Cadarnhaodd
y byddai cryn dipyn o waith yn cael ei gyflawni mewn perthynas â Gwasanaeth y
Tu Hwnt i Oriau Arferol ar draws Gogledd Cymru. Roedd
pryderon bod cleifion sy’n methu â chael apwyntiadau gyda’u Meddygon Teulu eu
hunain yn defnyddio’r Gwasanaeth y Tu Hwnt i Oriau Arferol ar y penwythnosau.
·
Cadarnhaodd
bod cytundebau Meddygon Teulu yn nodi nad oedd yn ofynnol iddynt weithio ar
benwythnosau ar hyn o bryd.
·
Hysbysodd
y Pwyllgor bod angen hyrwyddo argaeledd Unedau Mân Anafiadau yn yr ysbytai
cymunedol i breswylwyr, ynghyd â’r gwasanaethau y maent yn eu cynnig er mwyn
lleihau’r pwysau ar Adrannau Argyfwng a Damweiniau yr ysbytai cyffredinol. Awgrymodd
yr Aelodau y gallai fod yn fanteisiol pe bai enw’r Unedau Mân Anafiadau’n newid
i Adrannau Mân Anafiadau ac Anhwylderau
·
Cadarnhaodd
bod angen cynorthwyo pobl i ddychwelyd i’w cartrefi yn gynt ar ôl cyfnod yn yr
ysbyty, yn enwedig pan mai dim ond mân addasiadau sydd eu hangen e.e. gosod
rheiliau ac ati. Byddai’r gwaith hwn yn cael ei ddatblygu trwy’r prosiect “Beth
sy’n bwysig”.
·
Cadarnhaodd
bod enghreifftiau o ymarfer da a drwg o ran cynlluniau gadael yr ysbyty ynghyd
â darparu offer arbenigol.
·
Cadarnhaodd
yn y blynyddoedd diwethaf, bod gofal sylfaenol wedi’i drefnu fesul clwstwr
gyda’r nod o gynyddu gwydnwch, yn enwedig mewn meysydd megis TG a chefnogaeth
ar gyfer meddygfeydd ag un meddyg teulu.
·
Cydnabod
nad oedd materion iechyd meddwl lefel isel wedi cael sylw gan Feddygon Teulu yn
flaenorol, roedd hyn wedi arwain at ymyrraeth lefel uwch wedi hynny.
·
Cynghorodd
bod materion iechyd meddwl yn rhan o’r sector gofal iechyd eilaidd ar hyn o
bryd. Fodd bynnag, roedd y Cyfarwyddwr Ardal o’r farn y
dylai ffurfio rhan o’r gwaith “ardal” yn y dyfodol, yn enwedig o ystyried y
dystiolaeth y byddai dementia yn ffurfio cyfran fawr o waith y gwasanaeth
iechyd lleol yn y dyfodol.
·
Agwedd
arall a oedd angen ei wella oedd gofal lliniarol a’r angen i wella sgiliau’r
sector gofal i ddarparu gofal lliniarol yn hytrach nag achosi gofid diangen i’r
claf a’u teulu trwy eu symud i amgylchedd ysbyty cyffredinol i dderbyn gofal
diwedd oes.
Cytunodd yr
Aelodau â’r mater o ran gofal lliniarol a gofyn i’r Bwrdd ystyried cyflogi
ymgynghorydd cymunedol a fferyllydd gyda’r nod o gefnogi teuluoedd ac ati, gyda
gofal lliniarol. Gofynnwyd hefyd bod arferion gweithio’n hyblyg yn
cael eu harchwilio yn y gwasanaeth iechyd i nodi a oedd rhai ohonynt yn peri
risg i gleifion.
Cadarnhaodd
Gyfarwyddwr Corfforaethol Cymunedau rôl bwysig y Gwasanaeth Pwynt Mynediad Sengl o ran darparu
gwasanaethau gofal cymdeithasol ac iechyd cydlynol i bobl sydd angen cymorth i
dderbyn y gwasanaethau cywir ar yr adeg gywir.
Cytunodd
Cyfarwyddwr Ardal BIPBC ar gyfer Conwy a Sir Ddinbych y byddai’n ymchwilio'r
ymholiadau canlynol ac yn adrodd yn ôl i’r aelodau maes o law:
·
A
oedd unrhyw gynlluniau ar waith i ddefnyddio’r hen glinig plant ger meddygfa
Rhuddlan at ddefnydd iechyd, gofal cymdeithasol neu ddefnydd cymunedol.
·
Pam
nad oedd cleifion sy’n mynychu gwasanaethau Tu Hwnt i Oriau Arferol Morfa Doc
yn cael hawl i gasglu presgripsiynau o'r Fferyllfa yn Ysbyty Glan Clwyd ac yn
cael eu cynghori i fynychu’r fferyllfa ddyletswydd agosaf i gasglu
presgripsiynau.
·
A oes
modd darparu gwasanaethau fflebotomi o feddygfa meddyg teulu a
·
Trefnu
dynodi aelod o staff o strwythur Ardal Conwy a Sir Ddinbych i bob Grŵp
Ardal Aelodau Cyngor Sir Ddinbych fel pwynt cyswllt ar gyfer aelodau ar
faterion y Bwrdd Iechyd ac i fynychu cyfarfodydd y GAA o bryd i’w gilydd i
ddarparu manylion ar ddatblygiadau ardal a gwrando ar safbwyntiau aelodau lleol
ar faterion.
Mynegodd y
Pwyllgor eu diolch i Gyfarwyddwr Ardal Conwy a Sir Ddinbych am fynychu’r
cyfarfod Pwyllgor a’u briffio’n briodol. Felly:
PENDERFYNWYD, yn
amodol ar ddarparu’r wybodaeth uchod, ac archwilio’r pwyntiau a godwyd, i
dderbyn yr adroddiad.