Eitem ar yr agenda
ADRODDIAD BLYNYDDOL Y BARTNERIAETH DIOGELWCH CYMUNEDOL 2014 - 2015
Ystyried adroddiad
gan yr Aelod Arweiniol Parth Cyhoeddus (copi ynghlwm) i roi gwybod i'r Pwyllgor
Archwilio Partneriaethau o weithgaredd y Bartneriaeth Diogelwch Cymunedol ar y
Cyd yn 2014-2015.
11.00 a.m. – 11.30 a.m.
Cofnodion:
Cyflwynodd Aelod
Arweiniol y Parth Cyhoeddus, y Cynghorydd David Smith yr adroddiad (a
ddosbarthwyd yn flaenorol) i hysbysu’r Pwyllgor Archwilio Partneriaethau am
berfformiad a gweithgarwch y Bartneriaeth Diogelwch Cymunedol ar y Cyd yn
2014/15.
Manylodd y
Rheolwr Partneriaeth Diogelwch Cymunedol gynnwys yr adroddiad a thynnodd sylw'r
Aelodau at y prif uchafbwyntiau, a nodwyd yn yr adroddiad a'i atodiadau, o dan
bob un o'r pedwar maes blaenoriaeth a oedd wedi eu dewis ar gyfer 2014/15. Y
blaenoriaethau oedd:
·
Lleihau
trosedd ac effaith trosedd
·
Lleihau
aildroseddu
·
Mynd
i'r afael yn effeithiol ag ymddygiad gwrthgymdeithasol, a
·
Mynd
i'r afael â cham-drin domestig yn effeithiol.
Dywedodd y
Rheolwr Partneriaeth Diogelwch Cymunedol:
·
Er y
bu cynnydd mewn troseddau treisgar, roedd y niferoedd yn eithaf isel.
·
Roedd
y cynnydd mewn troseddau rhywiol a gofrestrwyd yn ystod y flwyddyn yn droseddau
"newydd" yn hytrach na throseddau hanesyddol. Roedd
nifer o'r troseddau yn ymwneud â materion a oedd wedi eu cynnwys ar safleoedd
cyfryngau cymdeithasol a honiadau o dreisio. O
ganlyniad, roedd Bwrdd Cymunedau Mwy Diogel Gogledd Cymru wedi nodi hyn fel un
o'i feysydd blaenoriaeth. Roedd Prosiect Theatr The Cat’s Paw hefyd
wedi bod yn hynod lwyddiannus wrth amlygu ymddygiad amhriodol i blant a phobl
ifanc.
·
Roedd
atal troseddau ieuenctid wedi bod yn faes hynod gadarnhaol yn ystod 2014/15, yn
enwedig y fenter Rhwystro ac Atal (PAD).
·
Maes
arall oedd yn talu ar ei ganfed oedd adsefydlu troseddwyr trwy waith, yn
enwedig lle roedd troseddwyr ifanc yn cael eu defnyddio i wneud gwaith adferol
lle roeddent wedi cyflawni eu trosedd(au). Roedd
y math hwn o adsefydlu angen un goruchwylydd i oruchwylio dau droseddwr ar y
tro. Roedd yna bellach weithdrefnau llym ar waith i
sicrhau y cydymffurfir ag unrhyw delerau ac amodau unrhyw orchmynion
ailsefydlu/cymunedol.
Cafwyd trafodaeth
a rhoddwyd yr ymatebion canlynol i gwestiynau Aelodau gan y Rheolwr
Partneriaeth Diogelwch Cymunedol:
·
Roedd
Bwrdd Cymunedau Mwy Diogel Gogledd Cymru newydd ddechrau mesur achosion o
sgamiau ffôn ac ati, ac roedd Heddlu Gogledd Cymru wedi sefydlu tîm i ymdrin
â'r math hwn o drosedd.
·
Roedd
troseddau amgylcheddol, a oedd o fewn rheolaeth y Cyngor trwy gyhoeddi
Rhybuddion Cosb Benodedig hefyd wedi bod yn faes llwyddiannus yn y flwyddyn
ddiwethaf.
·
Roedd
achosion o ddifrod troseddol cysylltiedig ag alcohol wedi gostwng. Credwyd bod
y ffaith bod nifer o safleoedd trwyddedig bellach wedi gosod eu system teledu
cylch caeedig eu hunain wedi cyfrannu at y gostyngiad hwn.
Hefyd roedd y cynllun gwarchod tafarndai a'r ffaith bod llai o dafarndai a
bod mwy o bobl bellach yn yfed alcohol gartref hefyd wedi cyfrannu at y
gostyngiad yn nifer y digwyddiadau.
Fodd bynnag, roedd peth
pryder o ran y nifer o gardiau melyn ac alcohol wedi’i gymryd ymaith yn y Sir.
·
Roedd
penderfyniad wedi'i wneud yn ddiweddar i benodi Cadeirydd Pwyllgor Trwyddedu’r
Cyngor ar Grŵp Llywio Strategol Partneriaeth Diogelwch Cymunedol Conwy a
Sir Ddinbych gan y teimlwyd bod gwaith a chylch gwaith y Pwyllgor Trwyddedu yn
cysylltu’n agos iawn ag un y Bartneriaeth Diogelwch Cymunedol.
·
Byddai
clybiau nos yn Sir Ddinbych cyn bo hir yn mabwysiadu'r dull gweithredu a
gymerwyd yng Nghonwy ers peth amser, o roi anadlennydd i bobl ar eu ffordd i mewn
i glybiau nos a gwrthod mynediad i unigolion yr oeddent o'r farn eu bod wedi
meddwi.
·
Roeddent
yn ymwybodol o'r problemau cynyddol a achoswyd gan y defnydd anghyfreithlon o
gyffuriau mewn safleoedd trwyddedig ac mewn ardaloedd gwledig.
·
Roedd
nifer y tanau bwriadol a gofnodwyd gan Wasanaeth Tân ac Achub Gogledd Cymru
wedi gostwng, er bod nifer y digwyddiadau llosgi bwriadol a gofnodwyd gan
Heddlu Gogledd Cymru wedi cynyddu.
Roedd hyn yn ôl pob tebyg o
ganlyniad i gydgyfeirio cofnodi a gefnogwyd gan weithio mewn partneriaeth.
·
O ran
cam-drin domestig, er bod nifer y digwyddiadau a gofnodwyd wedi gostwng, roedd
nifer y digwyddiadau gwirioneddol yn isel, ac
·
Yn y
blynyddoedd diwethaf, roedd nifer yr achosion trais domestig a oedd wedi derbyn
sylw gan yr Ymgynghorydd Trais Domestig annibynnol (IDVA) wedi cael eu
heffeithio oherwydd prinder staff neu absenoldebau. Yn
2014/15, roedd cyllid y Comisiynydd Heddlu a Throsedd wedi ei sicrhau er mwyn
sicrhau nad oes unrhyw doriadau mewn gwasanaeth oherwydd problemau staffio gan
fod gan y Comisiynydd bryderon mewn perthynas ag achosion o drais domestig ar
draws rhanbarth Gogledd Cymru.
Mynegodd
Aelodau'r Pwyllgor eu gwerthfawrogiad i'r Rheolwr Partneriaeth Diogelwch
Cymunedol am ei gwaith diwyd a chanmolwyd ei brwdfrydedd dros waith y
Bartneriaeth.
PENDERFYNWYD yn
amodol ar y sylwadau uchod, derbyn a chymeradwyo Adroddiad Blynyddol y
Bartneriaeth Diogelwch Cymunedol ar gyfer 2014/15 a'i berfformiad a
gweithgareddau cysylltiedig.
Dogfennau ategol:
- CSP Report 300715, Eitem 8. PDF 103 KB
- APPENDIX 1, Eitem 8. PDF 379 KB
- APPENDIX 2, Eitem 8. PDF 55 KB
- APPENDIX 3, Eitem 8. PDF 65 KB
- CSP Report 300715 - App 4.docx, Eitem 8. PDF 39 KB
- CSP Report 300715 - App 5.docx, Eitem 8. PDF 332 KB