Eitem ar yr agenda
ADRODDIAD BLYNYDDOL Y CYFARWYDDWR GWASANAETHAU CYMDEITHASOL 2014/15
Ystyried adroddiad gan y Prif Reolwr: Cefnogi Busnes (amgaeir copi) sy'n cyflwyno drafft o Adroddiad Blynyddol y Cyfarwyddwr Gwasanaethau Cymdeithasol 2014/15 ar gyfer sylwadau’r Pwyllgor cyn ei gyflwyno i Arolygiaeth Gofal a Gwasanaethau Cymdeithasol Cymru (AGGCC)
Cofnodion:
Cyflwynodd yr
Aelod Arweiniol ar gyfer Gofal Cymdeithasol, Oedolion a Gwasanaethau Plant, y
Cynghorydd Bobby Feeley, Adroddiad Blynyddol Cyfarwyddwr y Gwasanaethau
Cymdeithasol (eisoes wedi'i ddosbarthu).
Dywedodd
Cyfarwyddwr y Gwasanaethau Cymdeithasol er bod gwasanaethau gofal cymdeithasol
y Sir yn gwella roedd yna bob amser le i wella ymhellach. Ymhlith
yr heriau sydd o'n blaen oedd Deddf Gwasanaethau Cymdeithasol a Llesiant
(Cymru) 2014, a fyddai'n dod i rym yn llawn yn Ebrill 2016.
Mewn ymateb i gwestiynau
aelodau, dywedodd Cyfarwyddwr y Gwasanaethau Cymdeithasol:
·
Bod
yr heriau ar gyfer y flwyddyn i ddod wedi eu manylu o fewn yr adroddiad.
·
Amlinellodd
ymrwymiad y Gwasanaeth i drigolion a defnyddwyr gwasanaeth sy'n dymuno
cyfathrebu drwy gyfrwng y Gymraeg.
Mynychodd deilydd portffolio
iaith Gymraeg y Cyngor, y Cynghorydd Huw Ll Jones Grŵp Monitro Iaith
Gymraeg y Gwasanaeth a byddai’r Cynghorydd Arwel Roberts yn bresennol yn y
dyfodol agos. Roedd y Grŵp yn monitro cydymffurfiaeth y
Gwasanaeth gyda'r cynllun gweithredu "Mwy Na Geiriau".
·
Rhoddodd
fanylion y broses i sicrhau bod y gwasanaethau a gomisiynir yn ateb anghenion
defnyddwyr y gwasanaeth a’r Cyngor, a’r newidiadau i’r broses gwynion a anelwyd
at hwyluso datrys cwynion.
·
Eglurodd
y talwyd taliadau uniongyrchol i gyfrif o ddewis y defnyddiwr gwasanaeth i
ganiatáu iddynt dalu am eu gofal.
Gall y cyfrif fod yn un
swyddfa bost, banc, cymdeithas adeiladu neu gyfrif undeb credyd.
·
Roedd
Sir Ddinbych yn perfformio'n dda o ran y dangosydd "oedi wrth drosglwyddo
gofal". Bu rhai problemau o ran oedi wrth drosglwyddo
gofal yn ne’r sir, a oedd yn bennaf oherwydd natur wledig yr ardal. Roedd
y problemau’n fwy cyffredin pan oedd angen dau ofalwr yn bresennol ar yr un
pryd. Roedd y Cyngor a'r Gwasanaeth Iechyd yn
cydweithio'n agos i ddatrys y mater hwn.
·
Roedd
risgiau sy'n gysylltiedig â chyfuno Gwasanaethau Addysg a Phlant o dan un
Pennaeth Gwasanaeth yn cael eu rheoli'n dda, ac roedd aelodau etholedig yn cael
eu briffio’n rheolaidd ar gynnydd y prosiect.
·
Roedd
y posibilrwydd o gau cartrefi gofal preswyl wedi'i nodi fel her yng nghynllun y
llynedd, roedd gwaith yn cael ei wneud ar y rhain ar hyn o bryd. Roedd
yr Aelod Arweiniol ar gyfer Gofal Cymdeithasol wedi pwysleisio'r angen i
aelodau etholedig gyfathrebu'n glir i drigolion y rhesymau tu ôl i'r cynigion i
leddfu eu pryderon o ran newidiadau arfaethedig yn y dyfodol i ddarparu
gwasanaethau.
·
Eglurodd
beth oedd yn cael ei ystyried fel "symud" ar gyfer plentyn mewn
gofal. Roedd y rhain wedi cynnwys symudiadau cadarnhaol
e.e. yn ôl i rieni, rhyddhau o'r ysbyty neu fabwysiadu. O
ganlyniad roedd gan yr ystadegau sy'n ymwneud â’r dangosydd perfformiad penodol
hwn y potensial o beidio â rhoi’r darlun llawn. Roedd
y Cyngor wedi'i ddewis fel un o'r awdurdodau peilot ar gyfer treialu mesurau
"canlyniad" ar gyfer plant sy'n derbyn gofal. Diben
y cynllun peilot hwn oedd dyfeisio set ddata ystyrlon ar gyfer plant sy’n
derbyn gofal a fyddai'n cynorthwyo awdurdodau i wella gwasanaethau ar eu cyfer.
·
Er
gwaethaf cofrestru cyfradd uchel o absenoldeb oherwydd salwch o'i gymharu â
gwasanaethau eraill y cyngor, roedd perfformiad yr adran Gwasanaethau
Cymdeithasol yn gwella ac yn cymharu’n dda yn erbyn cyfartaledd Cymru a'r DU ar
gyfer Gwasanaethau Cymdeithasol.
·
Briffio'r
Aelodau am ddatblygiadau sy'n ymwneud â Bwrdd Iechyd Prifysgol Betsi Cadwaladr
(BIPBC) yn dilyn cyhoeddiad diweddar y Gweinidog dros Iechyd a Gwasanaethau
Cymdeithasol y byddai’r Bwrdd yn destun mesurau arbennig. Byddai'r
Aelod Arweiniol ar gyfer Gofal Cymdeithasol yn mynychu cyfarfod y prynhawn
hwnnw gyda'r Swyddog Atebol sydd newydd ei benodi ar y Bwrdd, Mr Simon Dean. Byddai
Cyfarwyddwr y Gwasanaethau Cymdeithasol a'r Prif Weithredwr yn cyfarfod y
Swyddog Atebol yr wythnos ganlynol.
Roedd Cadeirydd BIPBC wedi
rhoi sicrwydd y byddai'n "fusnes fel arfer" ac, o ganlyniad, roedd y
Cyngor yn hyderus y byddai cynlluniau eisoes ar y gweill yn cael eu cyflawni. Byddai’r
Aelod Arweiniol a swyddogion yn ceisio sicrwydd bod rhaglenni cyfalaf eisoes
wedi eu cyhoeddi h.y. prosiect Ysbyty Brenhinol Alexandra, yn cael eu cyflawni
ac y byddai'r ffrydiau ariannu parhaus eraill a phrosiectau a’r Gronfa Gofal
Canolraddol yn parhau.
Yn dilyn
trafodaeth:
PENDERFYNODD y
Pwyllgor yn amodol ar y sylwadau uchod:
(a) I
dderbyn yr adroddiad a’i gymeradwyo fel darlun clir o berfformiad yn 2014/15.
(b) Bod
perfformiad y gwasanaethau wrth ddarparu eu gwasanaethau a mynd i'r afael â
heriau a nodwyd ar gyfer 2015 yn cael ei fonitro'n agos drwy broses herio
gwasanaeth, gydag unrhyw feysydd pryder yn cael eu codi gyda’r Pwyllgor, a
(c) Bod
yr Aelod Arweiniol ar gyfer Gofal Cymdeithasol a Chyfarwyddwr y Gwasanaethau
Cymdeithasol yn hysbysu aelodau'n llawn am y datblygiadau sy'n ymwneud â Bwrdd
Iechyd Prifysgol Betsi Cadwaladr a'u heffaith ar drigolion a gwasanaethau’r
Cyngor.
Dogfennau ategol:
- Director of SS Annual Report cover report 110615, Eitem 6. PDF 87 KB
- Director of SS Report - App, Eitem 6. PDF 705 KB