Eitem ar yr agenda
CASGLIADAU AC ARGYMHELLION Y GRWP TASG A GORFFEN TAI FFORDDIADWY
I ystyried adroddiad gan y Rheolowr Cynllunio Strategol a Thai (copi yn amgaeëdig) sy’n gofyn i’r Pwyllgor ystyried a chynnig sylwadau ar ganfyddiadau ac argymhellion y Grŵp Tasg a Gorffen Tai Fforddiadwy
9:40am – 10:30am
Cofnodion:
Cyflwynodd yr
Aelod Arweiniol dros Barth y Cyhoedd yr adroddiad a oedd yn cynnwys casgliadau
ac argymhellion y Grŵp Tasg a Gorffen. Eglurodd
fod y Grŵp Tasg a Gorffen wedi cael ei sefydlu i fynd i'r afael â'r
pryderon a godwyd gan Swyddfa Archwilio Cymru (SAC) yn Adroddiad Gwella
Blynyddol y Cyngor Mai 2014 ar yr angen i'r Awdurdod i egluro ei ymagwedd tuag
at ddarparu tai fforddiadwy.
Rhoddwyd
gwybod i'r Pwyllgor fod y Grŵp Tasg a Gorffen wedi gwneud cyfanswm o 20 o argymhellion,
roedd manylion pob un ohonynt yn yr adroddiad. Roedd
materion a godwyd gan aelodau mewn sesiwn Briffio'r Cyngor yn ddiweddar lle
trafodwyd adroddiad y Grŵp Tasg a Gorffen (TaG) wedi eu rhestru yn Atodiad
II, ynghyd â'r argymhellion perthnasol yn yr adroddiad a fyddai'n mynd i'r
afael â'r materion hyn. Er byddai'r
argymhellion gan waith y Grŵp Tasg a Gorffen yn cael eu defnyddio i
lywio'r strategaeth dai ddrafft newydd, a byddai'n ffurfio rhan o'r cynllun
darparu ar gyfer y strategaeth honno, roedd rhai camau gweithredu eisoes wedi
eu cychwyn gyda'r bwriad o fynd i'r afael â phroblemau a nodwyd e.e.
deddfwriaeth oedd gan Lywodraeth Cymru
ar y gweill a chanllawiau o ran caniatáu adolygiadau rhannol o Gynlluniau
Datblygu Lleol (CDLl), roedd Canllawiau Cynllunio Atodol (CCA) wedi cael eu
cyflwyno a'u cymeradwyo gan Bwyllgor Cynllunio'r Cyngor o ran caniatáu trosi
adeiladau gwledig segur ar gyfer tai ar y farchnad.
Mewn ymateb i
gwestiynau’r aelodau cadarnhaodd yr Aelod Arweiniol dros Barth y Cyhoedd a’r
Swyddogion:
·
roedd
yn rhaid i'r Cyngor gynnal adolygiad cynhwysfawr o'i CDLl bedair blynedd ar ôl
ei fabwysiadu. Byddai angen gwneud adolygiad Sir Ddinbych yn
2017;
·
Roedd
yr arwyddion diweddaraf gan LlC yn awgrymu dylai'r ddeddfwriaeth sydd ei angen
i ganiatáu adolygiadau rhannol fod yn ei lle rywbryd yn ystod haf 2015, ac y
byddai'r canllawiau cysylltiedig ar gael ar yr un pryd. Byddai
hyn, gobeithio, yn galluogi'r Cyngor i weithredu rhai o argymhellion y
Grŵp Tasg a Gorffen;
·
Roedd
y broses sy'n ymwneud â gwneud cais a chaniatáu ceisiadau cynllunio mewn
pentrefannau yn hynod feichus, fodd bynnag, efallai gellir adolygu’r broses hon
fel rhan o'r adolygiad rhannol - yn amodol ar ddarpariaethau'r ddeddfwriaeth
newydd;
·
byddai'r
Strategaeth Dai newydd, a fyddai'n cael ei chyflwyno i'r pwyllgor archwilio ym
mis Medi a'r Cyngor llawn ym mis Hydref 2015, â phum prif thema. Tai
Fforddiadwy fyddai ail thema’r Strategaeth, ond byddai materion yn ymwneud â
thai fforddiadwy hefyd yn ymddangos yn y rhan fwyaf o'r chwe thema;
·
mewn
perthynas â bancio tir, ni ellid newid terfynau amser ar gyfer datblygu safle
yn dilyn caniatâd cynllunio yn lleol.
Roedd y rheolau mewn
perthynas â hyn yn destun deddfwriaeth LlC. Byddai'n
rhy hwyr nawr i wneud sylwadau mewn perthynas â diwygio'r terfynau amser fel
rhan o'r ymgynghoriad ar y Mesur Cynllunio newydd. Fodd
bynnag, byddai'r Cyngor yn parhau i lobïo Llywodraeth Cymru mewn perthynas â'r
mater;
·
byddai'r
Pennaeth Cyllid ac Asedau Dros Dro newydd yn edrych ar yr opsiynau ar gyfer
gwireddu'r gwerth gorau posibl i'r Cyngor ar gyfer ail-fuddsoddi'r £500K a
amcangyfrifwyd i gael ei wireddu ar ôl ymadawiad y Cyngor o’r system
Cymhorthdal Cyfrif Refeniw Tai (HRAS) – byddai’r opsiynau a fyddai'n cael eu
hystyried yn cynnwys adeiladu tai cyngor newydd (o bosibl mewn partneriaeth
gyda thrydydd parti); gwneud gwaith gwella pellach ar stoc tai presennol y
Cyngor (e.e. gwaith allanol neu amgylcheddol - gwaith nad oedd yn dod o dan y
cynllun Safon Ansawdd Tai Cymru (SATC), gan ddefnyddio'r arian a arbedwyd at y
diben o dynnu i lawr arian allanol ac ati);
·
Roedd
gwaith wedi dechrau ar adolygiad o ddaliadau tir y Cyngor i asesu a oedd unrhyw
daliadau wedi eu lleoli mewn ardaloedd lle mae'r angen mwyaf am dai
fforddiadwy. Yn y dyfodol byddai angen
gwneud gwaith mewn partneriaeth â chyrff eraill yn y sector cyhoeddus i nodi a
oedd ganddynt unrhyw daliadau tir a fyddai'n addas ar gyfer datblygu tai
fforddiadwy. Byddai angen trafodaeth fanwl ac adeiladol gyda
phob parti pe bai tir i’w sicrhau ar gyfer tai fforddiadwy, gan yn y mwyafrif o
achosion, ni fyddai tir a glustnodwyd ar gyfer y math yma o dai yn gwireddu ei
werth llawn ar y farchnad agored;
·
Byddai’r
Cynllun Gweithredu Tai Fforddiadwy, a ddatblygwyd gyda’r bwriad o gyflawni
argymhellion y Grŵp Tasg a Gorffen, a oedd yn cynnwys dyddiadau targed ar
gyfer cyflawni pob argymhelliad, yn ffurfio rhan o Strategaeth Tai cyffredinol
y Cyngor maes o law
Pwysleisiodd
y Cynghorwyr:
§
Dylai’r
ddarpariaeth tai fforddiadwy yn y dyfodol gynnwys cymysgedd o anheddau dwy a
thair ystafell wely i deuluoedd a fyddai'n darparu cyfleoedd i deuluoedd i
symud i fyny'r ysgol dai a galluogi deiliaid tai tro cyntaf i gael troed ar yr
ysgol dai, boed yn denantiaid, yn rhannu perchnogaeth neu yn berchnogion
preswyl;
§
yr
angen am unrhyw dai cymdeithasol sy'n cael ei hadeiladu yn y dyfodol i gynnwys
cafeat eu bod wedi'u heithrio rhag unrhyw gynllun 'hawl i brynu' er mwyn
lleihau'r risg o brinder tai o'r fath yn y tymor canolig i'r tymor hir;
§
yr
angen i ganolbwyntio ar anghenion tai trigolion a'r agwedd gwerth am arian i
drethdalwyr - byddai buddsoddi mewn tai fforddiadwy o ansawdd da ar gyfer rhai
o drigolion mwyaf diamddiffyn y Sir yn y tymor hir yn dod â manteision ariannol
i'r Cyngor, gan y byddai llai o arian trethdalwyr yn cael ei ddefnyddio i
ychwanegu at renti gormodol yn y sector preifat drwy Fudd-dal Tai;
§
yr
angen i godi ymwybyddiaeth o'r gofrestr tai fforddiadwy a'r broses ar gyfer
cofrestru heb godi disgwyliadau pobl.
Dywedodd y swyddogion eu bod
ar hyn o bryd yn gweithio gyda gwerthwyr tai ac awdurdodau lleol eraill yng
Ngogledd Cymru i ddatblygu dull mwy syml i'r broses hon, gyda golwg ar osgoi
dyblygu a'r angen i lenwi ffurflenni cofrestru hir tan yn llawer hwyrach yn y
broses ddyrannu
Dywedodd
Cynghorwyr a oedd wedi bod yn aelodau o’r Grŵp Tasg a Gorffen pa mor dda
roedd yr aelodau a'r swyddogion wedi gweithio gyda'i gilydd yn ystod yr
adolygiad hwn, roedd wedi bod yn broses wirioneddol gwerth chweil ac adeiladol.
Maent yn awr yn gobeithio y gellid cadw’r momentwm ac y
gellid darparu’r argymhellion cyn gynted â phosibl er budd y trigolion.
Cytunodd y swyddogion i anfon nodyn briffio i’r aelodau
yn eu diweddaru ar y cynnydd hyd yma gyda chyflawni'r Cynllun Gweithredu Tai
Fforddiadwy, a chytunodd yr aelodau dylai’r Strategaeth Tai ddrafft gael ei
chyflwyno i'r Pwyllgor i'w archwilio ym mis Medi 2015. Felly:
Penderfynwyd:
(i) yn
amodol ar y sylwadau uchod, derbyn y casgliadau a'r argymhellion a gyflwynwyd
gan y Grŵp Tasg a Gorffen Tai Fforddiadwy; a
(ii)
cyflwyno Strategaeth Tai ddrafft y Cyngor i'r Pwyllgor i'w archwilio yn ei
gyfarfod ym mis Medi 2015, cyn ei gyflwyno i'r Cyngor Sir i'w gymeradwyo a’i
fabwysiadu ym mis Hydref 2015
Dogfennau ategol:
- Affordable Housing T & F Group Report 280515, Eitem 6. PDF 94 KB
- Affordable Housing T & F Group Report - App 1 280515, Eitem 6. PDF 872 KB
- Affordable Housing T & F Group Report - App 2 280515, Eitem 6. PDF 189 KB