Eitem ar yr agenda
PRESENOLDEB MEWN CYFARFODYDD
Nodi presenoldeb
aelodau'r Pwyllgor Safonau yng nghyfarfodydd Cynghorau Sir, Tref a Chymuned a
derbyn eu hadroddiadau.
Cofnodion:
Adroddodd Aelodau'r Pwyllgor
Safonau am eu presenoldeb mewn cyfarfodydd fel a ganlyn –
Ni adroddodd y Cynghorydd
Barry Mellor unrhyw broblemau gyda chyfarfodydd y Cyngor Sir a’r Pwyllgor
Cynllunio roedd wedi mynd iddynt yn ddiweddar. Fodd bynnag, roedd presenoldeb gwael yn bryder yn rhai o gyfarfodydd y
Pwyllgor Archwilio a oedd yn fater anodd i'w ddatrys. Roedd cofnodion presenoldeb Cynghorwyr wedi eu dosbarthu’n ddiweddar i
Arweinwyr y Grwpiau a’u rhannu gyda'u grwpiau ond wrth i ddiwedd tymor y Cyngor
nesáu ac i’r uno symud ymlaen teimlai y gallai presenoldeb barhau i fod yn
broblem.
Cyfeiriodd y Cynghorydd David Jones at ei
bresenoldeb yng Nghyngor Cymuned Derwen yng Nghlawdd Newydd ar 16 Medi 2015.
Roedd wedi derbyn y gwaith papur perthnasol ar gyfer y cyfarfod ar ôl cyrraedd
ac roedd nifer dda yn bresennol yn y cyfarfod ac roedd cefnogaeth dda gan y
Cynghorydd Sir lleol, Eryl Williams. Cafwyd trafodaethau da trwy gydol y cyfarfod ar ystod o bynciau lleol ac
roedd y clerc yn fedrus ac yn brofiadol iawn ac roedd y cyfarfod wedi rhedeg yn
dda.
Darparodd yr Aelod Annibynnol
Julia Hughes drosolwg manwl o saith cyfarfod unigol yr oedd wedi bod iddynt, a
dyma grynodeb ohonynt -
Cyngor Cymuned Bryneglwys (1
Chwefror 2016) - roedd gan y Cadeirydd ffordd dda o gadeirio, gan sicrhau bod y
cyfarfod yn rhedeg yn esmwyth a bod eitemau’n cael sylw trylwyr. Roedd y Clerc yn barod iawn i helpu, yn effeithiol
ac yn effeithlon ac yn cynorthwyo pawb a oedd yn bresennol. Roedd pob aelod yn parchu ei gilydd ac yn cymryd
rhan yn y cyfarfod fel y bo'n briodol ac wedi helpu i sicrhau bod pob maes yn
cael sylw.
Cyngor Cymuned Llandrillo (5
Chwefror 2016) - roedd y Cadeirydd, gyda chymorth y Clerc, wedi sicrhau bod y
cyfarfod yn rhedeg yn esmwyth a bod eitemau’n cael sylw trylwyr. Roedd y Clerc yn barod iawn i helpu, yn effeithiol
ac yn effeithlon ac yn cynorthwyo pawb a oedd yn bresennol. Roedd pob aelod yn parchu ei gilydd ac yn cymryd rhan fel y bo'n briodol
ac wedi helpu i sicrhau bod pob maes yn cael sylw ac wedi helpu cytuno ar gamau
i'w cymryd ac yn cytuno i gymryd cyfrifoldeb am rai o'r camau hynny yn ôl yr
angen.
Cyngor Tref Corwen (10
Chwefror 2016) - Cafwyd cyfraniad ardderchog gan y Cynghorydd Sir lleol Huw
Jones ar nifer o eitemau. Sicrhaodd y Cadeirydd, gyda chymorth y Clerc, bod y cyfarfod yn rhedeg yn
esmwyth a bod eitemau’n cael sylw trylwyr ac roedd y Clerc yn effeithlon iawn. Roedd pob aelod yn parchu ei gilydd ac yn cymryd rhan fel y bo'n briodol
ac wedi helpu i sicrhau bod pob maes yn cael sylw ac wedi helpu cytuno ar gamau
i'w cymryd ac yn cytuno i gymryd cyfrifoldeb am rai o'r camau hynny yn ôl yr
angen.
Cyngor Cymuned Gwyddelwern
(15 Chwefror 2016) – Roedd cyfarfodydd fel arfer yn cael eu cynnal yn Gymraeg a
darllenwyd nodiadau'r cyfarfod blaenorol, fel y nodwyd yn y llyfr cofnodion,
heb fod unrhyw gopïau caled ar gael. Yn dilyn y cyfarfod, eglurwyd bod eu gwefan yn cael ei datblygu. Cafwyd trafodaeth am yr hyn y gallai'r cyhoedd
edrych amdano yn ymwneud â chynghorau cymuned a chael safle dwyieithog a oedd
yn hygyrch i bobl yn Gymraeg neu Saesneg. Nid oedd yn glir a oedd hysbysfwrdd y pentref yn cael ei ddefnyddio i roi
rhybudd o gyfarfodydd a’r rhaglen. Amlygwyd pwysigrwydd hygyrchedd a thryloywder. Cynhaliwyd cyfarfodydd yn y Gymraeg ac nid oeddent eisiau mynd drwy'r un
materion â Chyngor Cymuned Cynwyd a byddent yn gwerthfawrogi rhywfaint o
arweiniad pellach.
Cadarnhaodd Ms Hughes
ei bod wedi e-bostio’r Swyddog Monitro a'r Dirprwy Swyddog Monitro mewn
perthynas â hynny.
Cyngor Tref Llangollen (16 Chwefror 2016) - Roedd
yn gyfarfod ffurfiol a phroffesiynol iawn gyda nifer o eitemau’n cael eu trafod
a chytundebau trwy gynigion, eilio a phleidleisio. Roedd y rhaglen ar PowerPoint ar y sgrin ac roedd adroddiad ysgrifenedig ar
y sgrin ar gyfer pob eitem a lluniau fel y bo'n briodol. Roedd rhaglen gyhoeddus a ffeil bapurau wedi’i
argraffu ac yng nghefn yr ystafell.
Pwyllgor Cynllunio - Cyngor
Sir Ddinbych (17 Chwefror 2016) - Roedd y cyfarfod i’w weld trwy'r ddolen
gwe-ddarlledu byw ac roedd yn broffesiynol iawn ac wedi’i reoli'n dda gyda
rheolaeth dda gan y Cadeirydd. Roedd rhai problemau gyda'r llif yn dilyn y cyfieithiad Cymraeg ac o bryd
i’w gilydd nid oedd y llif sain ar gyfer y Saesneg yn dychwelyd am gyfnod hir. Adroddodd y Swyddog Monitro fod arddull tŷ’r cofnodion yn destun
adolygiad gan y Pwyllgor Gwasanaethau Democrataidd a gallai hynny arwain at
newidiadau. Adroddodd hefyd ar gynlluniau i ymestyn a
buddsoddi yng nghyfleusterau gwe-ddarlledu’r Cyngor a ddylai wella perfformiad.
Cyngor Cymuned Cynwyd (1
Mawrth 2016) - Iaith y cyngor oedd Cymraeg ond gallai'r Clerc neu unrhyw aelod
o'r cyngor gyfieithu os oedd angen. Canolbwyntiodd y rhan fwyaf o'r cyfarfod ar ddatblygu gwefan y cyngor. Trafodwyd yr anawsterau o ran argraffu’r cofnodion
yn y papur newydd cymunedol a'r gobaith y byddai modd ei ddatrys cyn gynted â phosibl. Cyfeiriwyd hefyd at y gŵyn ac adroddiad
dilynol yr Ombwdsmon y dylai'r cyngor hefyd ddarparu dogfennau yn Saesneg. Roedd rhai materion yn parhau o ran datblygu
gwefan y cyngor a hygyrchedd gwybodaeth.
Diolchodd y Cadeirydd i'r
aelodau am eu hadborth a oedd wedi bod yn gadarnhaol ar y cyfan.
PENDERFYNWYD y dylid derbyn a chofnodi’r adroddiadau
llafar oddi wrth aelodau a fu yn y cyfarfodydd.