Eitem ar yr agenda
ADRODDIAD BLYNYDDOL AR AMDDIFFYN OEDOLION YN SIR DDINBYCH 1 EBRILL 2013 I'R 31 MAWRTH 2014
I ystyried adroddiad gan y Cydlynydd Amddiffyn Oedolion Diamddiffyn ynghyd â’r Adroddiad Blynyddol ar Amddiffyn Oedolion Diamddiffyn yn Sir Ddinbych ar gyfer y flwyddyn 1af Ebrill 2013 i’r 31ain Mawrth 2014 (copi yn amgaëdig) sydd yn amlinellu effeithiau’r mesurau amddiffyn ac yn gofyn i’r Pwyllgor adolygu’r cynnydd a wnaed yn y maes allweddol hwn ynghyd â chydnabod ei bwysigrwydd.
10:15am – 11am
Cofnodion:
Cyflwynodd yr
Aelod Arweiniol ar gyfer Gofal Cymdeithasol a Gwasanaethau Plant yr Adroddiad
Blynyddol ar Amddiffyn Oedolion yn Sir Ddinbych ar gyfer y cyfnod 1 Ebrill 2013
hyd 31 Mawrth 2014 (dosbarthwyd yn flaenorol).
Cynghorwyd y
Cyngor bod cyflwyniad y Ddeddf Gwasanaethau Cymdeithasol a Llesiant (Cymru)
2014 yn gwneud amddiffyn oedolion yn ofyniad statudol am y tro cyntaf. Byddai’r
broses amddiffyn oedolion yn debyg i’r un sy'n cael ei dilyn mewn achos plant.
Roedd proses newydd o ran adolygiadau achosion difrifol yn cael ei gweithredu,
ond roedd y cyngor yn dal i aros am ganllawiau terfynol ynghylch gweithdrefnau
oedolion.
Tynnwyd sylw at
nifer cynyddol yr atgyfeiriadau amddiffyn oedolion yn y sir (tudalen 2) ac
eglurwyd nad oedd hyn o reidrwydd yn golygu cynydd yn nifer yr achosion ond ei
fod o bosib yn ganlyniad o ymwybyddiaeth well o fodolaeth y broses atgyfeirio a
sut i gael mynediad ati.
Clywodd y Pwyllgor bod nifer yr atgyfeiriadau Amddiffyn Oedolion Agored i
Niwed (POVA) a phroffil y dioddefwyr honedig yn Sir Ddinbych yn debyg ac
oeddynt yn Sir y Fflint a Wrecsam ill dau (merched oedrannus gan amlaf). Yn
genedlaethol roedd hyn yn golygu bod Sir Ddinbych ar ganol y gynghrair o ran
ystadegau Llywodraeth Cymru.
Ynghylch cwynion, fe bwysleisiwyd nad oedd canlyniad ‘amhendant’ yn golygu
na fyddai unrhyw weithredu’n digwydd. Fe eir i’r afael ag
unrhyw fylchau posib neu ddiffygion a adnabuwyd yn ystod y broses ymchwilio fel
mater o drefn. Mae canlyniad ymchwiliad yn dilyn atgyfeiriad POVA
yn seiliedig ar y tebygolrwydd bod trosedd wedi digwydd, gall hyn fod yn anodd
iawn mewn achosion lle na fu unrhyw dystion, lle bod hi'n gair un yn erbyn y
llall. Mi fyddai rhai achosion fodd bynnag lle byddai tystiolaeth feddygol yn
effeithio'r tebygolrwydd y naill ffordd neu'r llall.
Proses oedd POVA
y byddai asiantaethau amrywiol yn ei defnyddio er mwyn casglu tystiolaeth, gyda’r bwriad o
benderfynu os ddigwyddodd
unrhyw gamdriniaeth. Y penderfyniad cychwynnol fyddai: a yw’r
unigolyn diamddiffyn mewn perygl niwed enbyd? Os oedd, byddai’n cael ei symud i
le diogel cyn unrhyw ymchwiliad manwl i’r drosedd honedig.
Esboniwyd i’r
Pwyllgor bod rhai sefyllfaoedd lle’r oedd ffigyrau'n dangos bod canran uchel o
'breswylwyr' wedi'u heffeithio neu fod canran uchel o staff wedi cyflawni
trosedd honedig. Yn fwy aml na pheidio, roedd y rhain yn sefydliadau mawr lle
bu cwyn dienw yn erbyn aelod staff dienw, ac felly’n golygu yr ystyrir bod y
preswylwyr i gyd wedi’u heffeithio a’r staff i gyd yn droseddwyr honedig –
roedd gan hyn y potensial i effeithio ar y ffigyrau. O
ganlyniad, gofynnodd aelodau i droednodyn gael ei gynnwys at y perwyl hwn mewn
adroddiadau blynyddol yn y dyfodol.
RoeddRoedd
Dyfarniad gan y Goruchaf Lys ynghylch y prawf ar gyfer ‘amddifadu o ryddid' at
bwrpas Erthygl 5 y Confensiwn Ewropeaidd ar Hawliau Dynol wedi arwain at gynydd
sylweddol yn niferoedd y ceisiadau adolygu yn genedlaethol ac yn lleol. Roedd y
broses asesu hir ar gyfer adolygiadau amddifadu o ryddid a’r gost oedd ynghlwm
wrth bob adolygiad unigol wedi rhoi pwysau cynyddol ar staff a chyllideb yr
Adran Gwasanaethau Cymdeithasol. Hyd yn hyn roedd 11 o aseswyr lles gorau
wedi eu hyfforddi i gynyddu nifer y staff oedd ar gael i gyflawni gwaith yn
ymwneud â’r adolygiadau hyn. Fodd
bynnag, nid oedd hyn yn ddigon o hyd i fynd i’r afael â’r cynydd amcangyfrifedig mewn ceisiadau adolygu.
Adnabuwyd hefyd bod angen i gynyddu gallu staff ‘Ardaloedd’ i fynd i’r afael ag ymholiadau
POVA, o ganlyniad byddai trafodaethau’n dechrau â hyfforddwr allanol yn gynnar
yn y flwyddyn newydd i weld sut y gellid hwyluso hyn.
Cadarnhawyd nad
oedd unrhyw swyddi wedi’u colli fel rhan o’r broses pennu cyllideb ar gyfer
2015/16, a disgwyliwyd y byddai’r adolygiad gweinyddu cyfredol yn helpu
cryfhau’r Gwasanaeth wrth fynd i’r afael â’r cynydd yn nifer yr atgyfeiriadau o flwyddyn i flwyddyn ac â’r gwaith ychwanegol yn dilyn dyfarniad y
Goruchaf Lys ar y prawf Amddifadu o Ryddid.
Yn dilyn
trafodaeth fanwl:
PENDERFYNWYD
:
(i) yn amodol ar y
sylwadau uchod, derbyn yr adroddiad a chydnabod pwysigrwydd agwedd
gorfforaethol tuag at Amddiffyn Oedolion Agored i Niwed a chyfrifoldeb y
Cyngor i drin hyn fel maes blaenoriaeth
allweddol a’i osod ochr yn ochr â’r ymrwymiad a
phwysigrwydd a roddir gan Sir Ddinbych i Amddiffyn Plant; a
(ii) bod yr Adroddiad Blynyddol ar Amddiffyn Oedolion yn Sir Ddinbych ar
gyfer y cyfnod Ebrill 2014 hyd Mawrth 2015 i’w gyflwyno i’r Cyngor ymhen
deuddeg mis, a bod yr adroddiad i gynnwys gwerthusiad o effaith Dyfarniad y
Goruchaf Lys ynghylch Amddifadu o Ryddid o ran cyllideb ac adnoddau’r
Gwasanaeth a’i waith.
Dogfennau ategol: