Eitem ar yr agenda

Ystyried adroddiad gan y Pennaeth Cyllid ac Asedau (copi ynghlwm) sy’n cynnwys Datganiad Strategaeth Rheoli'r Trysorlys 2014/15, Dangosyddion Darbodus 2015/16 a Diweddariad 2014/15.

 

 

Ystyried adroddiad gan y Pennaeth Cyllid ac Asedau (copi ynghlwm) sy’n ymgorffori Strategaeth Rheoli’r Trysorlys 2015/16, Dangosyddion Darbodus 2015/16 ac Adroddiad Diweddaru 2014/15.

 

Mae'r DSRhT (Atodiad 1) yn dangos sut y bydd y Cyngor yn rheoli ei fuddsoddiadau a'i fenthyciadau ar gyfer y flwyddyn i ddod ac yn sefydlu’r polisïau y mae'r swyddogaeth Rheoli’r Trysorlys yn gweithredu o fewn iddynt.  Mae'r adroddiad hefyd yn amlinellu effaith debygol y Cynllun Corfforaethol ar y strategaeth hon ac ar Ddangosyddion Darbodus.  Mae Adroddiad Diweddariad Rheoli’r Trysorlys (Atodiad 2) yn darparu manylion am weithgareddau Rheoli’r Trysorlys y Cyngor yn ystod 2014/15. Amlinellodd y Prif Gyfrifydd y newidiadau mewn polisi a oedd yn cynnwys y goblygiadau yn ymwneud â'r Ddeddf Diwygio Bancio a’r diwedd yn genedlaethol i system gymhorthdal ​​y Cyfrif Refeniw Tai yng Nghymru.

 

Dywedwyd wrth aelodau mai drafft yw’r ffigurau a gynhwysir yn y DSRhT a byddant yn cael eu diweddaru cyn eu cymeradwyo gan y Cyngor yn seiliedig ar y Cynllun Cyfalaf diweddaraf ym mis Chwefror 2015. 

 

Mae Rheoli’r Trysorlys yn golygu edrych ar ôl arian y Cyngor sy'n rhan hanfodol o waith y Cyngor gan fod oddeutu £0.5 biliwn yn mynd drwy gyfrif banc y Cyngor bob blwyddyn.  Ar unrhyw adeg, mae gan y Cyngor o leiaf £20miliwn mewn arian parod, felly mae angen i ni wneud yn siŵr ein bod yn cyflawni'r gyfradd ddychwelyd gorau posibl heb roi’r arian mewn perygl a dyna pam ein bod yn buddsoddi arian gyda nifer o sefydliadau ariannol.          Wrth fuddsoddi, blaenoriaethau'r Cyngor yw: -

 

·                 cadw arian yn ddiogel (diogelwch);

·                 gwneud yn siŵr ein bod yn cael yr arian yn ôl pan fyddwn ei angen (hylifedd);

·                 gwneud yn siŵr ein bod yn cael cyfradd dychwelyd da (arenillion).

 

Mae’r DSRhT ar gyfer 2015/16 wedi'i nodi yn Atodiad 1. Mae'r adroddiad hwn yn cynnwys Dangosyddion Darbodus sy'n gosod cyfyngiadau ar weithgaredd Rheoli’r Trysorlys y Cyngor ac yn dangos bod y broses fenthyca'r Cyngor yn fforddiadwy.  Mae crynodeb o'r manylion yn Atodiad 1 wedi’i ddarparu gan y Prif Gyfrifydd.

 

Mae dangosyddion Cronfa'r Cyngor yn seiliedig ar y bidiau cyfalaf arfaethedig diweddaraf a’r dyraniadau mewn bloc, a bydd y rhain yn cael eu diweddaru cyn i'r adroddiad gael ei gyflwyno i'r Cyngor i'w gymeradwyo ar 24 Chwefror 2015.                                                                                                              

Mae'r dangosyddion Cyfrif Refeniw Tai wedi’u cyfrifo’n seiliedig ar y Cynllun Busnes Stoc Tai diweddaraf.  Mae'r Dangosyddion Darbodus unigol a argymhellwyd i'w cymeradwyo wedi'u nodi yn Atodiad 1 - Ychwanegiad A.

 

MMae LlC wedi dod â’r trafodaethau i ben â Thrysorlys EM ynglŷn â diwygio system gymhorthdal ​​y Cyfrif Refeniw Tai yng Nghymru.  Byddai angen benthyca rhwng £39 miliwn a £55 miliwn ar 2 Ebrill 2015 i brynu allan o'r cynllun cymhorthdal ​​i allu hunan-ariannu.  Mae effaith hyn wedi cael ei gynnwys yn nangosyddion darbodus y Cyfrif Refeniw Tai ac mae manylion pellach am brynu allan wedi ei gynnwys yn Adran 8 Atodiad 1. Mae Atodiad 3 yn cynnwys dadansoddiad risg a sensitifrwydd yn ymwneud â phrynu allan yn y Cyfrif Refeniw Tai.

         

Mae'r adroddiad diweddaru ar Reoli’r Trysorlys (Atodiad 2) yn tynnu sylw at y newidiadau a weithredwyd i'r strategaeth fuddsoddi (Atodiad 1 Adran 3) o ganlyniad i risg mechnïaeth-i-mewn a fyddai'n golygu na fyddai banciau yn gallu dibynnu ar gefnogaeth y llywodraeth os ydynt yn mynd i drafferth a byddai'n ofynnol i fechnïo eu hunain drwy gymryd cyfran o adneuon buddsoddwyr i adeiladu eu cyfalaf.  Mae'r newidiadau dan sylw yn symud i ffwrdd o adneuon banc confensiynol i fuddsoddiadau diogel megis cytundebau ailbrynu wrth gefn (REPOs) a bondiau wedi'u gwarchod.

 

Mae manylion y broses ymgynghori wedi’i gynnwys yn yr adroddiad, a chadarnhawyd bod  Cod Ymarfer Sefydliad Siartredig Cyllid Cyhoeddus a Chyfrifyddiaeth (CIPFA) diwygiedig ar Reoli’r Trysorlys wedi’i fabwysiadu ar 28 Chwefror, 2012. Esboniwyd ei bod yn un o ofynion Cod y Cyngor i gymeradwyo’r DSRhT bob blwyddyn ariannol.

 

Yn y fan hon o’r cyfarfod fe benderfynodd y Pwyllgor i symud i Ran II i ystyried Atodiad 3 o’r adroddiad - Dadansoddiad o Gytundeb Risg a Sensitifrwydd Gwirfoddol Cymhorthdal Cyfrif Refeniw Tai (HRAS).

 

RHAN II

 

GWAHARDD Y WASG A'R CYHOEDD

 

PENDERFYNWYD dan ddarpariaethau Adran 100A Deddf Llywodraeth Leol 1972, gwahardd y Wasg a’r Cyhoedd o’r cyfarfod ar gyfer yr eitemau canlynol ar y sail y byddai gwybodaeth eithriedig yn debygol o gael ei datgelu fel y’i diffinnir ym Mharagraffau 14 ac 15 Rhan 4 Atodlen 12A Ddeddf Llywodraeth Leol 1972.

 

Darparodd y Prif Gyfrifydd grynodeb manwl o Atodiad 3 a oedd yn amlinellu ac yn mesur rhai o'r peryglon amlwg ac effeithiau posibl sy'n deillio o'r cytundeb cenedlaethol arfaethedig i roi terfyn ar y system Cymhorthdal ​​Tai yng Nghymru.  Mae’r crynodeb hefyd yn tynnu sylw at rai o'r risgiau ariannol allweddol sy'n gysylltiedig â'r cytundeb arfaethedig a'r effeithiau posibl ar gynaliadwyedd y Cynllun Busnes Stoc Tai.  Amlinellodd y Prif Gyfrifydd yr argymhellion fel a gyflwynwyd i'r Pennaeth Cyllid ac Asedau, gan dynnu sylw at natur gymhleth y cytundeb arfaethedig, gyda chyfeiriad yn arbennig at y goblygiadau sy'n codi o hyblygrwydd y cyfraddau llog.

 

Eglurodd y Pennaeth Gwasanaethau’r Gyfraith, AD a Democratiaeth fod y Cyngor wedi cymeradwyo'r cytundeb mewn egwyddor gan roi’r awdurdod dirprwyedig i'r Aelod Arweiniol a Phennaeth Cyllid ac Asedau priodol i drafod y manylion terfynol.  Awgrymodd y Cadeirydd bod y sefyllfa yn cael ei nodi a’i gynnwys yn Rhaglen Waith i'r Dyfodol Pwyllgorau yn dilyn datblygiadau pellach. 

 

Mewn ymateb i gwestiwn oddi wrth y Cynghorydd S.A. Davies yn ymwneud â'r hawl i brynu, fe gadarnhaodd yr Prif Gyfrifydd bod nifer y trafodion dros y blynyddoedd diwethaf wedi bod yn fach iawn.

 

Ar ôl ystyried Atodiad 3 aeth y cyfarfod yn ei flaen i Ran I.

 

RHAN 1

 

Eglurodd y Cadeirydd gyda Chod Ymarfer CIPFA ar Reoli’r Trysorlys bod angen i Swyddog Adran 151 i sicrhau fod yr holl Aelodau sydd â chyfrifoldebau Rheoli’r Trysorlys, gan gynnwys craffu ar swyddogaeth Rheoli’r Trysorlys, yn cael hyfforddiant priodol sy'n berthnasol i'w hanghenion ac yn deall eu rolau a'u cyfrifoldebau.  Cytunodd y Prif Gyfrifydd y gellid rhoi hyfforddiant iddynt gan anfon manylion y ddarpariaeth hyfforddiant blaenorol ymlaen at y Cadeirydd.

 

PENDERFYNWYD - bod y Pwyllgor Llywodraethu Corfforaethol:-

 

(a)            yn derbyn y DSRhT ar gyfer 2015/16 a'r Dangosyddion Darbodus ar gyfer 2015/16, 2016/17 a 2017/18 (Atodiad 1).

(b)            nodi’r adroddiad diweddaru Rheoli’r Trysorlys (Atodiad 2), a

(c)            cytuno bod y Prif Gyfrifydd yn rhoi manylion i’r Cadeirydd ar y ddarpariaeth hyfforddiant blaenorol ar faterion Rheoli’r Trysorlys.

     (RW i Weithredu)