Eitem ar yr agenda
RHAGLEN MODERNEIDDIO ADDYSG
- Meeting of Cabinet, Dydd Mawrth, 29 Gorffennaf 2014 10.00 am (Item 5.)
- View the declarations of interest for item 5.
Ystyried adroddiad
gan y Cynghorydd
Eryl Williams, Aelod
Arweiniol Addysg (copi’n
amgaeedig) yn darparu
diweddariad o Raglen
Moderneiddio Addysg ac
yn ceisio cymeradwyaeth
y Cabinet ar gyfer y prosiectau
yn y Rhaglen.
Penderfyniad:
PENDERFYNWYD bod y Cabinet -
(a) yn
awdurdodi
cychwyn astudiaethau dichonoldeb mewn perthynas â'r prosiectau a nodir yn
Atodiad 2 i'r adroddiad, bydd eu cwblhau yn destun penderfyniadau’r gyllideb yn
y dyfodol;
(b) yn
nodi
y bydd yr awdurdod yn parhau i gynnal y ddarpariaeth yn Ysgol Borthyn;
(c) yn
nodi'r
gofyniad i ymgynghori ar ddyfodol Ysgol Rhewl yn dilyn yr astudiaeth
dichonoldeb ar safle Glasdir, ac
(d) yn cymeradwyo symud ymlaen i ymgynghori ffurfiol ar gyfer y newid
arfaethedig i ysgol sydd â dynodiad crefyddol ar gyfer Ysgol Esgob Morgan trwy
ei chau fel ysgol gymunedol a'i hail-agor fel ysgol Wirfoddol a Reolir yr
Eglwys yng Nghymru o 1 Medi 2015.
Cofnodion:
[Datganodd y Cynghorydd Huw Hilditch-Roberts
gysylltiad personol yn yr eitem hon.]
Cyflwynodd y Cynghorydd Eryl Williams yr adroddiad
gan roi diweddariad ynglŷn â’r Rhaglen Moderneiddio Addysg a cheisio
cymeradwyaeth y Cabinet ar gyfer prosiectau o fewn y Rhaglen.
Amlygwyd llwyddiant y Cyngor wrth weithredu prosiectau Rhaglen Ysgolion yr
21ain Ganrif a thynnwyd sylw'r aelodau at statws ac ymrwymiadau
ariannol presennol y prosiectau hynny. Darparwyd trosolwg hefyd o
brosiectau posibl i'w ariannu fel rhan o'r Cynllun Corfforaethol a cheisiwyd
cymeradwyaeth i ariannu astudiaeth ddichonoldeb i ddatblygu'r prif ddewisiadau
gogyfer â buddsoddiad cyfalaf sy'n deillio o adolygiad ardal Rhuthun. Cyfeiriwyd hefyd at adolygiadau ardal sydd
i’w cynnal yn y dyfodol yn Ninbych, Llanelwy, y Rhyl a Bodelwyddan ac at y
cynnig i newid dynodiad Ysgol Esgob Morgan i fod yn un o ysgolion yr Eglwys yng
Nghymru.
Trafododd y Cabinet y rhaglen uchelgeisiol ar
gyfer buddsoddi mewn ysgolion yn wyneb y toriadau sylweddol yn y gyllideb sy'n
wynebu'r awdurdod a bu i'r Cynghorydd Eryl Williams annog y Cabinet i beidio â
gwyro oddi wrth y dull gweithredu a gynlluniwyd er mwyn sicrhau darpariaeth o
ansawdd mewn ysgolion ledled Sir Ddinbych.
Ymhelaethodd y Cynghorydd Julian Thompson-Hill ynglŷn â’r cyllid
sydd ei angen a'r dyraniadau dros dro sydd wedi eu gwneud ac roedd yn hyderus y
gellid cyflawni’r rhaglen. Cafodd y
prosiectau eu dadansoddi’n fanwl gan y Grŵp Buddsoddi Strategol a cheir
sicrwydd pellach yn sgil cyflawni gwaith dichonolrwydd. Cytunodd y Cynghorydd Hugh Evans ei bod yn
bwysig parhau â'r rhaglen gyfalaf, ond nododd y dylid bod yn ymwybodol o
faterion eraill a allai effeithio ar argaeledd cyllid Llywodraeth Cymru, megis
ffordd liniarol yr M4 sydd yn yr arfaeth.
Ystyriodd y Cabinet y cynigion yn ofalus fel rhan
o adolygiad ardal Rhuthun gan gynnwys ystyried rhinweddau’r cynigion hynny a’r
canlyniadau posibl i’r rhai dan sylw. Er
gwaethaf pryderon blaenorol ynglŷn â’r adolygiad, roedd y Cynghorydd Bobby
Feeley wedi ei fodloni â’r sicrwydd a gafwyd gan yr Aelod Arweiniol dros Addysg
a chan Bennaeth Cefnogi Addysg a Chwsmeriaid y byddai'r ysgol newydd yn Rhuthun
yn mynd yn ei blaen. Roedd y prif
bwyntiau trafod yn cynnwys -
·
Ysgol
Llanbedr - roedd disgwyl penderfyniad gan y Gweinidog ynglŷn â chau'r
ysgol fis Medi a bu i’r Cynghorydd Eryl Williams gadarnhau ei ymrwymiad i symud
ymlaen â'r cynigion sy'n weddill ar gyfer Rhuthun
·
Ysgol
Rhewl - pwysleisiodd y Pennaeth Cefnogi Addysg a Chwsmeriaid y cynhelir
ymgynghoriad llawn ynglŷn â dyfodol Ysgol Rhewl yn dilyn cynnal astudiaeth
o ddichonoldeb safle Glasdir. Dywedodd y
Cynghorydd Merfyn Parry bod staff a llywodraethwyr Ysgol Rhewl yn frwdfrydig
ynglŷn â chael eu cynnwys yn y broses adolygu gan ddweud y byddent yn
croesawu cael mewnbwn i'r dewisiadau yn y dyfodol. Roedd amseru cyhoeddi’r adroddiad yn ystod
gwyliau'r ysgol yn anffodus a rhoddodd y Pennaeth Cefnogi Addysg a Chwsmeriaid
sicrwydd y byddai’r rhieni a gysylltodd â'r Tîm Derbyniadau yn cael eglurhad o
sefyllfa’r adolygiad
·
Ysgolion
Tref Rhuthun a Safle Glasdir – darparwyd y terfynau amser disgwyliedig ar gyfer
datblygu cynigion. Pe caiff ei
gymeradwyo, mae disgwyl y byddai'r astudiaeth o ddichonoldeb lleoliad yr
ysgolion posibl a'u nifer yn cael ei chwblhau yn yr hydref ac yn dilyn hynny
gellid asesu pa effaith fyddai ar Ysgol Rhewl.
Y cam nesaf yw ymgynghori ynglŷn â dyfodol Ysgol Rhewl a chaiff
hynny ei wneud ar yr un pryd a llunio cynllun manwl ar gyfer ysgol newydd y
dref .
Nododd yr Aelodau rai meysydd o’r ddarpariaeth
gynradd y dylid eu hadolygu yn y dyfodol a nodi pa faterion y dylid mynd i’r
afael â nhw. Teimlai'r Cynghorydd
Meirick Davies bod y cynnig i newid dynodiad Ysgol Esgob Morgan yn fater y
dylid craffu arno. Adroddodd y Pennaeth
Cefnogi Addysg a Chwsmeriaid fod y Rhaglen Moderneiddio Addysg wedi bod drwy'r
broses graffu ac y byddai hi’n barod i ddarparu adroddiadau ynglŷn â
phrosiectau unigol yn ôl y gofyn. Cafwyd
adroddiad gan y Cynghorydd Davies hefyd ynglŷn â chyfarfod o Fforwm Busnes
Llanelwy lle cwestiynwyd cyflogadwyedd pobl ifanc Sir Ddinbych. Cafwyd sicrwydd gan y Pennaeth Addysg ynglŷn
â lefelau cyrhaeddiad disgyblion Sir Ddinbych a dywedodd fod sgiliau
cyflogadwyedd yn broblem genedlaethol.
Cytunodd gwrdd â'r Cynghorydd Davies wedi'r cyfarfod i drafod y mater
ymhellach. Ychwanegodd y Cynghorydd Eryl
Williams ei bod yn ofynnol i ysgolion ddilyn agenda llwybrau dysgu 14 - 19 fel
y mae wedi ei gosod gan Lywodraeth Cymru.
Bu i’r Cabinet ailddatgan eu hymrwymiad i’r
flaenoriaeth gorfforaethol o wella perfformiad mewn addysg a gwella ansawdd
adeiladau ysgolion ledled y sir.
PENDERFYNWYD bod y Cabinet yn:-
(a) awdurdodi cychwyn ar astudiaethau
dichonoldeb mewn perthynas â'r prosiectau a nodir yn Atodiad 2 yr adroddiad, ac
y byddai eu cwblhâd yn destun dod i benderfyniad ynglŷn â’r gyllideb yn y
dyfodol;
(b) nodi y bydd yr awdurdod yn parhau i
gynnal y ddarpariaeth yn Ysgol Borthyn;
(c) nodi'r gofyniad i ymgynghori ynglŷn
â dyfodol Ysgol Rhewl yn dilyn cynnal astudiaeth o ddichonoldeb safle Glasdir,
ac yn
(d) cymeradwyo symud ymlaen i ymgynghori’n ffurfiol
ynglŷn â’r bwriad i newid Ysgol Esgob Morgan yn ysgol â dynodiad crefyddol trwy gau’r ysgol
gymunedol bresennol a'i hail-agor fel ysgol Wirfoddol yr Eglwys yng Nghymru a
Reolir o 1 Medi 2015.
Dogfennau ategol:
- MEP W, Eitem 5. PDF 144 KB
- MEP - APP 1, Eitem 5. PDF 39 KB
- MEP - APP 2, Eitem 5. PDF 39 KB
- MEP - APP 3, Eitem 5. PDF 182 KB
- MEP - APP 4, Eitem 5. PDF 2 MB
- MEP - APP 5, Eitem 5. PDF 100 KB