Eitem ar yr agenda
ADRODDIAD GWELLA BLYNYDDOL SWYDDFA ARCHWILIO CYMRU
Ystyried
adroddiad gan y Pennaeth Gwella Busnes a Moderneiddio (copi'n amgaeedig) i
ddarparu gwybodaeth i Aelodau am Adroddiad Gwella Blynyddol y Cyngor.
Cofnodion:
Cyflwynodd Gwilym
Bury o Swyddfa Archwilio Cymru Adroddiad Gwella Blynyddol 2013/14 (a
ddosbarthwyd yn flaenorol) ynghyd â chyflwyniad i ddarparu gwybodaeth i'r
Aelodau.
O dan y Mesur
Llywodraeth Leol, mae Swyddfa Archwilio Cymru yn adolygu cynnydd y Cyngor bob
blwyddyn tuag at gyflawni ei amcanion a'i ragolygon ar gyfer parhau i wella yn
ystod y flwyddyn i ddod.
Yn gyffredinol,
roedd hwn wedi bod yn adroddiad cadarnhaol iawn. Roedd
yr adroddiad wedi tynnu sylw at feysydd lle y gellid gwneud gwelliannau
pellach, ond nid oedd unrhyw argymhellion pellach yn yr adroddiad.
Eglurodd Gwilym
Bury fod yr adroddiad mewn tair prif adran:
·
Asesiad
o berfformiad y Cyngor ar gyfer 2012/13;
·
Trefniadau'r
Cyngor ar gyfer hunan-arfarnu perfformiad 2012-13;
·
Trefniadau'r
Cyngor ar gyfer cynllunio gwelliant 2013/14.
Cafwyd trafodaeth
bellach a chodwyd y pwyntiau canlynol:
·
Roedd
y Cyngor wedi helpu llawer o bobl rhag bod yn ddigartref ond roedd ei waith er
mwyn sicrhau mynediad at dai fforddiadwy wedi bod yn llai effeithiol. Nid
oedd perfformiad yn y ddwy flynedd flaenorol wedi cyrraedd y targedau a
osodwyd. Roedd y ganran o dai fforddiadwy wedi ei gosod gan
y sir ar 30%, ond roedd yr Arolygydd Cynllunio wedi lleihau’r swm i 10%. Fodd
bynnag, roedd yr Arolygydd Cynllunio wedi datgan os byddai prisiau tai wedi
cynyddu o fwy na 10% o 2009, gallai’r Awdurdod Lleol wneud cais i ganran uwch o
adeiladau newydd i fod yn dai fforddiadwy;
·
Roedd
holl stoc tai Sir Ddinbych yn awr yn cwrdd â Safon Ansawdd Tai Cymru;
·
Roedd
cyflwr y rhan fwyaf o ffyrdd “A” a “B” o fewn Sir Ddinbych wedi gwella, ond ni
fu llawer o gynnydd gyda ffyrdd “C” ac roedd 13.9% mewn cyflwr gwael o hyd;
·
Parhaodd
y Cyngor i wella lles ei ddinasyddion mwyaf diamddiffyn. Amlygodd
AGGCC newidiadau cadarnhaol ar draws y gwasanaethau i oedolion a gwasanaethau i
blant, a oedd wedi bod yn gadarnhaol iawn. Yr
un maes sy'n peri pryder oedd y gwasanaeth ar gyfer Plant sy'n Derbyn Gofal. Roedd
asesiadau iechyd a gwiriadau deintyddol yn un o'r rhai isaf yng Nghymru, ond
mae hyn wedi ei gydnabod fel maes i'w wella.
·
Roedd
y Cyngor yn gweithio’n effeithiol gyda'i bartneriaid busnes i ddarparu mentrau
sy'n cefnogi'r economi leol. Mae hefyd wedi gwneud cynnydd wrth
ddatblygu cynlluniau cynaliadwy ar gyfer ariannu prosiectau yn y dyfodol yn
dilyn y cais aflwyddiannus am gyllid gan Lywodraeth Cymru o'r Gronfa Llefydd
Llewyrchus Llawn Addewid i gefnogi mentrau yn y Rhyl.
·
Roedd
perfformiad disgyblion mewn ysgolion uwchradd yn 2013 wedi bod yn gymysg. Yng Nghyfnod
Allweddol 3, roedd cyfran y disgyblion 14 oed sy’n ennill y dangosydd pwnc
craidd, fel a fesurwyd gan asesiadau athrawon, wedi bod yn is na chyfartaledd
Cymru ym mhedair o'r pum mlynedd flaenorol. Roedd
mater Addysg Cyfnod Allweddol 3 yn un yr oedd y Prif Weithredwr ac aelodau yn
gofyn iddo fod yn hysbys nad oeddent yn cytuno arno. Cytunwyd,
fodd bynnag, bod angen cynnydd pellach yng Nghyfnod Allweddol 3.
·
Roedd
y Cyngor wedi gweithio'n effeithiol i gadw amgylchedd Sir Ddinbych yn
ddeniadol, ond roedd wedi bod yn ofynnol gwneud gwaith pellach i leihau
achosion o dipio anghyfreithlon a gwella boddhad preswylwyr. Roedd
camau cadarnhaol wedi bod yn digwydd i wella'r materion hyn.
·
Roedd
effeithlonrwydd wedi ei ddarparu i foderneiddio gwasanaethau, ond bu diffyg
cynnydd gan y gwasanaeth Adnoddau Dynol Corfforaethol wrth gyflawni ei dargedau
mewnol allweddol yn ystod 2012/2013.
Nododd arolygon staff fod
morâl ymhlith y Gwasanaeth AD Corfforaethol yn isel. Nododd
adroddiad archwilio mewnol diweddar fod cynnydd yn cael ei wneud wrth fynd i'r
afael â meysydd allweddol ar gyfer gwella.
·
Roedd
y Cyngor wedi cymryd camau i asesu ei ddarpariaeth yn Gymraeg drwy gyfrwng
ymarfer siopwr cudd. Byddai angen i'r Cyngor fuddsoddi mwy mewn
hyfforddiant iaith Gymraeg ac iddo gael ei gynllunio'n effeithiol.
Ar gyfer y
flwyddyn 2013/14 daeth Swyddfa Archwilio Cymru i'r casgliad:
·
Bod
Sir Ddinbych wedi gwneud cynnydd da wrth gyflwyno gwelliannau yn ei holl
amcanion blaenoriaethol ar gyfer 2012/13, ond roedd angen gwelliannau pellach
mewn rhai meysydd allweddol;
·
Bod
adolygiadau herio gwasanaeth y Cyngor a mesurau eraill i hunan-arfarnu ei
berfformiad yn gadarn;
·
Bod y
cynllunio y mae’r Cyngor yn ei wneud er mwyn gwella, a’i drefniadau i gefnogi
gwelliant yn gadarn.
·
Bod y
Cyngor yn debygol o wneud trefniadau i sicrhau gwelliant parhaus ar gyfer
2014/15.
Diolchodd yr
Arweinydd, y Cynghorydd Hugh Evans, i gynrychiolydd Swyddfa Archwilio Cymru am
yr adroddiad. Rhoddwyd diolch hefyd gan fod cynrychiolydd
Swyddfa Archwilio Cymru wedi mynychu’r rhan fwyaf o'r Heriau Gwasanaeth ac
roedd ei gyngor wedi bod yn ddefnyddiol iawn.
Mynegodd yr
Arweinydd bryder ynghylch trefniadau cyllido i Lywodraeth Leol a gofynnodd am
ymateb gan yr Archwilydd Cyffredinol ynghylch y trefniadau hynny, yn enwedig
gan y byddai cyllid y gyllideb yn cael effaith enfawr ar Lywodraeth Leol.
Cytunodd
cynrychiolydd Swyddfa Archwilio Cymru i fynd â'r mater yn ôl at yr Archwilydd
Cyffredinol, gan y byddai’n fater difrifol ar gyfer y mwyafrif o Gynghorau.
Diolchodd y Prif
Weithredwr i gynrychiolydd Swyddfa Archwilio Cymru am yr adroddiad teg a
chytbwys. Unwaith eto, rhoddwyd diolch am gefnogaeth
cynrychiolwyr Swyddfa Archwilio Cymru i'r Cyngor.
PENDERFYNWYD yn
amodol ar yr uchod, bod y Cyngor yn nodi ac yn derbyn yr Adroddiad Gwella
Blynyddol gan Swyddfa Archwilio Cymru.
Dogfennau ategol:
- WAO Welsh Annual Improvement Report, Eitem 8. PDF 91 KB
- 272A2014_Denbighshire_AIR_CYM, Eitem 8. PDF 1 MB