Eitem ar yr agenda
RHAGLEN AILWAMPIO STOC TAI'R CYNGOR
- Meeting of Pwyllgor Craffu Cymunedau, Dydd Iau, 15 Mai 2014 9.30 am (Item 7.)
- View the declarations of interest for item 7.
Ystyried
adroddiad gan y Pennaeth Tai a Datblygu Cymunedol (copi ynghlwm) yn manylu’r
dull i ddod â'r Stoc Tai hyd at Safon Ansawdd Tai Cymru, ac yn amlinellu
materion a wynebwyd a'r gwersi a ddysgwyd o'r profiad.
10.05 a.m. – 10.35 a.m.
Cofnodion:
Cyflwynodd y Cynghorydd Hugh Irving, Aelod
Arweiniol Cwsmeriaid a Chymunedau, yr adroddiad (a gylchredwyd yn flaenorol) a
fanylai ar yr hyn a wnaed er mwyn gwella'r Stoc Tai hyd at Safon Ansawdd Tai
Cymru (SATC), ac amlinellodd y problemau a gafwyd a'r gwersi a ddysgwyd yn sgil
y profiad hwnnw.
Eglurodd y Pennaeth Tai a Datblygu Cymunedol
(PTDC) fod y mwyafrif o stoc tai'r Cyngor bellach wedi'i adnewyddu er mwyn
cyrraedd SATC. Dechreuwyd y rhaglen
ailwampio tai yn 2005 a rhoddwyd wyth o gontractau tai ar dendr. Roedd contractau 1-7 wedi'u cwblhau'n
llwyddiannus, ond roedd problemau sylweddol wedi codi gyda Chontract 8, ac
roedd y rhain wedi'u nodi yn yr adroddiad ynghyd â'r gwersi a ddysgwyd wrth
sefydlu contractau cyfalaf tai yn y dyfodol.
Adroddodd y Cynghorwyr Cefyn Williams, Rhys
Hughes, Hugh Evans a Stuart Davies yr amrywiaeth o broblemau a gafwyd gan
denantiaid yn eu hardaloedd yn ystod y rhaglen ailwampio. Soniodd y Cynghorydd
Cheryl Williams am ei phrofiad hi ei hun fel tenant Cyngor, a phrofiadau
aelodau ei ward yn 2010, yn enwedig y diffyg parch tuag at denantiaid a'u
heiddo. Cynigiodd sawl awgrym er mwyn
gwella arferion, gan gynnwys dwyn contractwyr i gyfrif pan fyddai eiddo
personol yn cael ei ddifrodi, hap-wiriadau ar ansawdd y gwaith, atgyweirio
gwaith diffygiol yn gyflym, a threfniadau gwell ar gyfer fetio darpar
gontractwyr.
Holwyd y swyddogion gan yr aelodau ynglŷn â'r
problemau a gafwyd er mwyn iddynt fod yn fodlon bod mesurau digonol yn cael eu
cyflwyno i sicrhau na fyddai yr un problemau'n codi eto yn y dyfodol. Roedd y pwyllgor o'r farn y dylid dilyn
proses gaffael gref a chlir yn y dyfodol ar gyfer prosiectau mawr tebyg i'r
prosiect hwn, a oedd yn cynnwys nifer o wasanaethau, ac i gefnogi hynny y dylid
sefydlu trefniadau cadarn ar gyfer monitro a rheoli contractau. Cyfeiriwyd yn arbennig at rôl bwysig Clerc
Gwaith a chanddo ddigon o awdurdod i weithredu a digon o gefnogaeth. Yn ogystal â hyn, dylid cyfarwyddo
contractwyr i barchu urddas tenantiaid a'u hawl i breifatrwydd yn eu cartrefi
eu hunain, ac i ymddwyn mewn modd cwrtais, parchus ac urddasol yn eu
gŵydd.
Derbyniodd y PTDC y materion a godwyd ac ymddiheurodd am y problemau a
gafwyd. Aeth y swyddogion ati i
ymhelaethu ar yr arferion a'r trefnau a fabwysiadwyd yn ystod y rhaglen, ynghyd
â ffactorau a gyfrannodd at y perfformiad gwael, gan gynnwys ansawdd
isgontractwyr a gyflogwyd o du hwnt i ffiniau'r ardal. Manylwyd ar y mesurau fyddai'n cael eu
cyflwyno i liniaru pryderon yr aelodau ac i sicrhau na fyddai'r problemau a
gafwyd yn codi eto, yn enwedig -
·
cymalau
mewn contractau'n gysylltiedig â defnyddio cadwynau cyflenwi a gweithwyr lleol
·
rhoi
mwy o bwys ar ansawdd yn hytrach na chost wrth sgorio ceisiadau yn y dyfodol
·
defnyddio
cymalau cwblhau adrannol mewn contractau yn y dyfodol er mwyn rhoi mwy o
reolaeth i'r cleient dros y rhaglen (bydd hyn o gymorth er mwyn tarfu cyn
lleied â phosib ar denantiaid)
·
cadarnhau
rolau a chyfrifoldebau a gwerthuso a monitro'r gwaith wrth iddo fynd rhagddo
·
sicrhau
bod gwaith diffygiol yn cael ei unioni o fewn cyfnod rhesymol o amser.
PENDERFYNWYD yn achos pob contract ailwampio tai yn
y dyfodol -
(a) yn amodol ar y sylwadau uchod, y dylid
nodi'r gwersi a ddysgwyd yn sgil Rhaglen Safonau Ansawdd Tai Cymru;
(b) y dylid gwneud gwaith i gryfhau trefnau
caffael mewn perthynas â rhaglenni buddsoddi cyfalaf mawr, ac y dylai'r gwaith
hwnnw gynnwys cryfhau'r rheolaeth ar gontractau, ansawdd contractau a threfnau
monitro contractau;
(c) y dylid cynnwys gofyniad mewn contractau
yn y dyfodol i gontractwyr barchu eiddo a phreifatrwydd tenantiaid;
(d) y dylai'r drefn ddiwygiedig ddiffinio’n
glir beth yw rolau a chyfrifoldebau'r partïon;
(e) y dylai pob gwahoddiad yn y dyfodol i
dendro am gontractau gynnwys, lle bo modd, gofyniad i gyflogi contractwyr neu
isgontractwyr lleol gyda golwg ar ddatblygu'r economi leol;
(f) y dylid paratoi nodyn briffio i'r
aelodau sy'n amlinellu'r broses gaffael bresennol, ac sy'n hysbysu sut y bydd y
broses honno'n cael ei chryfhau yn y dyfodol, a
(g) y dylid cyflwyno'r drefn ddiwygiedig a
gynigir ar gyfer monitro a rheoli contractau gerbron y Pwyllgor er mwyn cael
arsylwadau maes o law.
Yn y fan hon (11:20am) cafwyd egwyl am luniaeth.
Dogfennau ategol:
- WHQS W, Eitem 7. PDF 87 KB
- WHQS - APP 1, Eitem 7. PDF 39 KB
- WHQS - APP 2.doc, Eitem 7. PDF 71 KB
- WHQS - APP 3.docx, Eitem 7. PDF 979 KB
- WHQS - APP 4.docx, Eitem 7. PDF 902 KB