Eitem ar yr agenda
CYNLLUN CYFALAF
Ystyried adroddiad gan
y Pennaeth Cyllid ac Asedau (copi ynghlwm)
i ddarparu Cyngor llawn gyda'r diweddaraf
ynglŷn â'r Cynllun Cyfalaf, gan gynnwys prosiectau
mawr a'r Cynllun Corfforaethol.
Cofnodion:
Fe wnaeth yr
Aelod Arweiniol dros Gyllid ac Asedau, Y Cynghorydd Julian Thompson-Hill,
gyflwyno’r Cynllun Cyfalaf 2013/14 – 2016/17 ac argymhellion y Grŵp
Buddsoddi Strategol (a gafodd eu cylchredeg yn flaenorol).
Roedd
diweddariadau misol ar y Cynllun yn cael eu cyflwyno i’r Cabinet ac roedd y
Cynllun Cyfalaf amcangyfrifiedig yn £36.468 miliwn ar hyn o bryd. Roedd y
Cynllun wedi cael ei ddiweddaru ychydig ers cyflwyno adroddiad arno i’r Cabinet
ym mis Mawrth 2014.
Roedd y Grŵp
Buddsoddi Strategol wedi adolygu cynigion cyfalaf ac wedi gwneud argymhellion
ar gyfer cynnwys prosiectau yn y Cynllun Cyfalaf o 2014/15 ymlaen.
Roedd prosiectau
wedi cael eu hadolygu i sicrhau eu bod yn cyd-fynd ag amcanion Corfforaethol y
Cyngor.
Byddai angen
cwblhau ffurflen Achos Busnes ar gyfer pob prosiect newydd a byddai unrhyw
oblygiadau penodol yn cael eu trafod ar y cam hwnnw.
Nid oedd yr un
prosiect cyfalaf heb risg; serch hynny byddai’r holl gynlluniau’n cael eu
hadolygu gan y Grŵp Buddsoddi Strategol ac yn destun gweithgarwch monitro
ac adrodd misol parhaus.
Mewn ymateb i
gwestiynau a godwyd gan aelodau, cadarnhaodd y Cynghorydd Julian Thompson-Hill
yr isod:
·
Roedd
y Cyngor wedi gofyn am gyllid i atgyweirio pont Rhuddlan. Gan fod y bont yn
adeiledd rhestredig, byddai astudiaeth ddichonoldeb yn cael ei chynnal a
chyllid yn cael ei geisio gan Lywodraeth Cymru a CADW.
·
Byddai
angen sicrhau bod prosiectau cyfalaf newydd wedi’u diogelu at y dyfodol ac yn
gallu addasu i’r newid yn yr hinsawdd. Roedd y Pennaeth Archwilio Mewnol wedi
bod yn paratoi datganiad gan nad oedd Polisi Amgylcheddol gan Gyngor Sir
Ddinbych. Roedd cynlluniau mwy a oedd yn cael eu cyllido gan Lywodraeth Cymru
yn mynd i gynnwys elfennau amgylcheddol.
·
Roedd
gwaith ar Strategaeth Gaffael yn mynd rhagddo. Roedd model rhwng tair sir yn
cael ei archwilio gan Sir Ddinbych, Sir y Fflint a Gwynedd. Roedd llawer o
waith wedi cael ei wneud gyda’r tîm caffael dros y 12 mis blaenorol. Roedd gwaith
i ddatblygu tîm ar y cyd gyda Sir y Fflint, i wneud Sir Ddinbych yn fwy gwydn,
wedi bod yn digwydd. O fewn y 2 fis nesaf, byddai system gaffael newydd wedi’i
sefydlu. Wedi hynny, byddai’r holl gontractau’n mynd trwy un broses.
·
Roedd
Cam 3 o’r elfen amddiffynfeydd môr arfordirol yn y Rhyl bron yn barod i
ddechrau. Bu cais i ddod o hyd i fwy o gyllid i alluogi’r amddiffynfeydd môr i
fod yn fwy cain e.e. gyda goleuadau a mannau eistedd. Roedd yr Aelodau’n
cefnogi’r cynnig i wneud amddiffynfeydd môr yn flaenoriaeth.
·
Nid
oedd yr adroddiad yn manylu ar gynlluniau amrywiol a oedd yn costio llai na
£30,000. Dywedodd yr aelodau yr hoffent i fanylion yr holl gynlluniau gael eu
cylchredeg iddynt.
·
Roedd
Cefndy Enterprises wedi cael buddsoddiad i ddisodli peiriannau a oedd wedi
dyddio. Byddai’r cymhorthdal yr oedd Sir Ddinbych yn ei dalu i Cefndy
Enterprises yn cael ei ddirwyn i ben yn raddol ar gais Cefndy. O 2015/2016, ni
fyddai cymhorthdal yn cael ei dalu mwyach.
Symudodd yr Aelod
Arweiniol dros Gyllid ac Asedau ymlaen at y crynodeb o Argymhellion y Grŵp
Buddsoddi Strategol (Cynllun Cyfalaf 2014/15) a oedd wedi’u nodi yn Atodiadau
5, 6 a 7.
Roedd setliad
cyfalaf Llywodraeth Cymru ar gyfer 2014/15 £22,000 yn is nag ar gyfer 2013/14.
Gyda’r diffyg buddsoddiad cyfalaf gan Lywodraeth Cymru, nid oedd dewis gan y
Cyngor ond dibynnu ar ei adnoddau ei hun i fuddsoddi mewn prosiectau
allweddol.
Roedd y Grŵp
Buddsoddi Strategol wedi cytuno i wahodd cynigion gan adrannau yn unol â’r
dyraniadau bloc a oedd wedi’u cytuno’n flaenorol.
Cafwyd trafodaeth
fanwl ac mewn ymateb i gwestiynau pellach a ofynnwyd gan aelodau, cadarnhaodd y
Cynghorydd Julian Thompson-Hill yr isod
·
Roedd
gan y Cyngor dair blynedd i gyflawni derbyniadau gyda’r Cynllun Corfforaethol.
Cadarnhaodd y Pennaeth Cyllid ac Asedau, lle’r oedd adnoddau’n cael eu targedu,
fod y Cyngor ar y trywydd cywir i gyflawni’r hyn yr oedd gofyn ei gyflawni.
·
Roedd
arian wedi cael ei ddyrannu ar gyfer atalfa ddiogelwch rhwng y ddwy ffordd
gerbydau ar hyd yr A525 o Ruddlan i Lanelwy yn dilyn argymhelliad yn Adroddiad
y Crwner ar ddamwain angheuol ar y ffordd 10 mlynedd ynghynt. Roedd cynnig wedi
cael ei gyflwyno ond y teimlad cyffredinol oedd nad dyma fyddai’r ffordd
briodol o fynd ati. Nid aeth y cynllun yn ei flaen a’r penderfyniad a wnaed
oedd y byddai’r cyllid yn cael ei ailddyrannu ar gyfer cynnig diogelwch ar y
ffyrdd.
·
Cynigiodd
y Cynghorydd Alice Jones ddiwygiad a fyddai’n golygu bod £80,000 arall yn cael
ei ychwanegu at y swm a ddyrennir i Ystadau Amaethyddol. Cyflwynwyd eglurhad
i’r aelodau, pe bai swm uwch yn cael ei ddyrannu i gynllun, y byddai’n rhaid
wedyn didynnu swm cyfwerth o gynlluniau eraill i fantoli’r ffigyrau.
Argymhellodd y Cynghorydd Alice Jones fod £80,000 yn cael ei ddidynnu o’r
gronfa hapddigwyddiadau cyfalaf. Cafodd y cynnig ei eilio gan y Cynghorydd
Arwel Roberts. Cafwyd pleidlais, gydag 14 aelod yn pleidleisio o blaid y cynnig
a 29 yn erbyn y cynnig. Felly methodd y diwygiad.
Felly,
PENDERFYNWYD fod yr Aelodau:
·
Yn nodi’r sefyllfa ddiweddaraf gydag elfen
2013/14 o’r Cynllun Cyfalaf a’r diweddariad ar brosiectau mawr
·
Yn cefnogi argymhellion y Grŵp
Buddsoddi Strategol a oedd wedi’u nodi yn Atodiad 5 a’u crynhoi yn Atodiad 6.
Dogfennau ategol:
- Capital REPORT Council 8 April 14 Welsh, Eitem 9. PDF 97 KB
- App 1 Summary Capital Plan Funding, Eitem 9. PDF 15 KB
- App 2 Summary Capital Plan by Head of Service, Eitem 9. PDF 22 KB
- App 3 Details of scheme estimates, Eitem 9. PDF 48 KB
- App 4 Major Capital Project Updates, Eitem 9. PDF 262 KB
- App 5 Details of recommendations by SIG, Eitem 9. PDF 50 KB
- App 6 2014-15 Capital Bids, Eitem 9. PDF 17 KB
- App 7 Recommded funding to highways, Eitem 9. PDF 14 KB