Eitem ar yr agenda
ADRODDIAD PERFFORMIAD Y CYNLLUN CORFFORAETHOL - CHWARTER 2 2013/14
Ystyried
adroddiad gan y Pennaeth Busnes, Cynllunio a Pherfformiad (copi ynghlwm) a oedd
yn rhoi diweddariad ar y gwaith o gyflawni Cynllun Corfforaethol 2012-17 ar
ddiwedd Chwarter 2 2013/14.
11.30 a.m
Cofnodion:
Roedd copi
o’r adroddiad gan y Pennaeth Busnes, Cynllunio a Pherfformiad, a oedd yn rhoi
diweddariad ar y gwaith o gyflawni Cynllun Corfforaethol 2012-17 ar ddiwedd
Chwarter 2 2013/14, wedi’i ddosbarthu gyda phapurau’r cyfarfod.
Cyflwynodd y Swyddog Gwella
Corfforaethol (SGC) a Rheolwr Swyddfa’r Rhaglen Gorfforaethol (RhSRhG) yr
adroddiad a dywedodd fod adroddiadau rheolaidd yn un o ofynion monitro
angenrheidiol y Cynllun Corfforaethol er mwyn sicrhau bod y Cyngor yn arfer ei
ddyletswydd i wella. Mae’r Atodiad
i’r adroddiad yn cyflwyno crynodeb o bob canlyniad yn y Cynllun Corfforaethol. Yn gyffredinol, roedd yr adroddiad yn
nodi fod cynnydd derbyniol wedi’i wneud wrth gyflwyno’r Cynllun Corfforaethol. Cydnabuwyd y byddai’n cymryd hirach i
wella rhai meysydd nag eraill.
Fodd bynnag,
byddai’n bwysig deall sut y dylai’r daith tuag at welliant edrych ac roedd hyn
wedi’i gynnwys yn y dadansoddiad yn yr adroddiad.
Roedd yr
adroddiad yn cynnwys crynodeb o agweddau perfformiad allweddol y Cynllun
Corfforaethol yn chwarter 2, a darparodd y SGC grynodeb manwl o bob un o’r
canlyniadau yn yr Adroddiad Perfformiad.
Cydnabu’r Pwyllgor ei bod yn
dal yn gynnar yn oes y Cynllun Corfforaethol i gyflawni cynnydd sylweddol o ran
cyflawni elfennau o rai o'r blaenoriaethau. Fodd
bynnag, amlygodd yr Aelodau'r pryderon canlynol yn ymwneud â phedwar o’r
blaenoriaethau canlynol: -
Datblygu’r
Economi Leol
· Canlyniad
5, ‘Trefi a Chymunedau Llewyrchus’, awgrymodd y Pwyllgor y dylid ystyried
defnyddio’r data diweddaraf sydd ar gael fel dangosyddion ar gyfer mesur ein
llwyddiant i ‘Fynd i’r afael ag Amddifadedd a Thlodi, yn enwedig mewn rhannau
o’r Rhyl a Dinbych Uchaf’. I sicrhau cywirdeb efallai y byddai
felly’n ddefnyddiol i ddefnyddio’r ffigyrau incwm canolrif 2012 ar gyfer y
dangosyddion hyn.
· Canlyniad
6, ‘Sir Ddinbych wedi’i hyrwyddo’n dda’:
gan ystyried nifer y tai
newydd a gwblhawyd yn ystod hanner cyntaf 2013/14, roedd y Pwyllgor yn bryderus
ynglŷn â gallu’r Cyngor i gyflawni ei CDLl o fewn yr amserlen
ddisgwyliedig
Gwella
Perfformiad mewn Addysg ac Ansawdd Adeiladau ein Hysgolion
· roedd
gan y Pwyllgor nifer o bryderon ynglŷn â’r defnydd o ystafelloedd dosbarth
symudol ar draws y Sir. O ganlyniad, gofynnwyd i adroddiad
cynhwysfawr gael ei gyflwyno i’w ystyried ym mis Ionawr ar nifer, lleoliad, oed
a chyflwr yr ystafelloedd dosbarth symudol yn ogystal ag ar gyflwr adeiladau
ysgol yn gyffredinol ac ar ragolygon niferoedd disgyblion a lleoedd i ddelio
â’r nifer o ddisgyblion a ragwelwyd yn ysgolion y sir.
Strydoedd Glân
a Thaclus
· Canlyniad
11: roedd perfformiad yn erbyn y dangosydd ar glirio achosion o dipio
anghyfreithlon wedi bod yn achos pryder i’r Pwyllgor ers mis Medi 2013. Roedd
gan y Pwyllgor bryderon hefyd ynglŷn â chywirdeb adroddiadau ystadegol yr
Awdurdod ar y DP hwn ac wedi gofyn i adroddiad gael ei gyflwyno i’r aelodau ar
y mater hwn yng nghyfarfod mis Ionawr ac y dylai’r adroddiad hefyd gynnwys
diffiniad o ran sut y byddai “rhagoriaeth mewn perthynas â lleihau tipio
anghyfreithlon” yn edrych.
· Mynegodd
yr Aelodau bryderon hefyd ynglŷn â’r nifer o Rybuddion Cosb Benodol (RhCB) a roddwyd a’r
camau gorfodi a gymerwyd mewn perthynas â baw cŵn ar draws y sir, yn
enwedig o’u cymharu â’r camau a’r nifer o RhCB a roddwyd am achosi ysbwriel. Codwyd
pryderon tebyg gan y Pwyllgor Archwilio Cymunedau wrth ystyried yr adroddiad
cynnydd ar y Strategaeth Atal Baw Cŵn yn ei gyfarfod ar 25 Tachwedd.
Sicrhau
Mynediad at Dai o Ansawdd Da
· Cwestiynodd
y Pwyllgor berfformiad y Cyngor yn erbyn y mesur perfformiad yn ymwneud â % y
ceisiadau cynllunio gan ddeiliaid tai a benderfynwyd o fewn 8 wythnos. Roedd
Swyddogion eisoes wedi adrodd ar y mater i'r Pwyllgor ym mis Hydref ac er bod
yr aelodau yn fodlon â’r wybodaeth a roddwyd, cadarnhaodd y Cadeirydd y
byddai’n trefnu i gwrdd â'r Pennaeth Gwasanaeth i drafod y mater hwn ymhellach
a gweld a ellid cymryd unrhyw gamau i wella perfformiad yn y maes hwn.
Moderneiddio’r
cyngor i fod yn effeithlon a gwella gwasanaethau i gwsmeriaid”
· Canlyniad
14: roedd gan y Pwyllgor bryderon ynglŷn â % y gwerthusiadau perfformiad a
gwblhawyd a oedd yn llawer is na’r lefel dderbyniol o 95%. Er
yn cydnabod y gallai fod gwallau yn y data, mynegodd yr Aelodau ddiddordeb mewn
monitro’r sefyllfa yn y dyfodol.
Roedd yr adroddiad
yn cynnwys manylion ar yr agweddau ariannol, ymgynghoriadau a gynhaliwyd,
Datganiad y Prif Swyddog Cyllid a’r risgiau a’r camau a gymerwyd i’w lliniaru.
Yn dilyn
trafodaethau pellach a derbyn yr ymatebion a ddarparwyd i gwestiynau gan
Aelodau:-
PENDERFYNWYD - bod y Pwyllgor Archwilio
Perfformiad:-
(a)
yn derbyn
yr adroddiad, ac yn
(b)
Nodi’r
pryderon a amlygwyd gan Aelodau ynglŷn â phump o’r blaenoriaethau
corfforaethol.
Dogfennau ategol: