Eitem ar yr agenda
PROSES GYLLIDEB 2015/16
Ystyried
adroddiad gan y Prif Swyddog Cyllid sy'n rhoi diweddariad ar y broses i
gyflawni'r gyllideb refeniw ar gyfer 2016/17 (copi’n amgaeedig).
Cofnodion:
Roedd
adroddiad gan y Prif Gyfrifydd, oedd yn rhoi diweddariad ar y broses i
ddarparu’r gyllideb refeniw ar gyfer 2016/17, wedi ei gylchredeg ymlaen llaw.
Gyda chymorth y
Prif Gyfrifydd, rhoddodd y Cynghorydd J. Thompson-Hill, grynodeb manwl o’r
adroddiad. Eglurwyd bod yr adroddiad blaenorol ym mis Ionawr wedi crynhoi'r
broses Rhyddid a Hyblygrwydd a lwyddodd i ddarparu cyllidebau cytbwys ar gyfer
2015/16 a 2016/17. Byddid yn parhau i lunio adroddiadau monitro perfformiad
cyllideb misol i'r cabinet ac mae’r Grŵp Tasg a Gorffen Torri’r Brethyn ar
waith i fonitro effaith penderfyniadau cyllidebol a gymerir fel rhan o'r
broses.
Ar ôl derbyn y
Setliad Terfynol ddechrau mis Mawrth roedd gwaith wedi dechrau ar ddiffinio
proses newydd y gyllideb i gyflwyno cyllideb 2017/18. Sut bynnag, roedd y
rhagdybiaethau a fyddai’n llywio manylion y Cynllun Ariannol Tymor Canolig
(CATC) a'r broses ei hun yn dal i gael eu datblygu. Roedd y Tybiaethau Allweddol oedd yn Llywio
Datblygiad y CATC wedi eu cynnwys yn yr adroddiad, ynghyd ag Egwyddorion Proses
Gyllideb 2017/18.
Rhoddwyd gwybod
i’r Aelodau bod amserlen ddrafft wedi cael ei datblygu a fyddai’n agored i
newidiadau pellach (gweler Atodiad 1). Roedd yr amserlen yn ymhelaethu ar
bedwar cam canlynol proses y gyllideb:-
1)
Diffinio
a datblygu’r broses
2)
Nodi
cynigion cychwynnol
3)
Ymgynghori
ar, a chwblhau, cynigion
4)
Y
camau cymeradwyo terfynol
Eglurodd y Prif Gyfrifydd
fod yr amserlen, Atodiad 1, wedi newid gan y cyflwynwyd y ffurflenni i’r UDRh
cyn y dyddiad oedd wedi ei drefnu, sef 7fed Ebrill, 2016.
Amlinellwyd manylion y newidiadau ar gyfer yr Aelodau a phwysleisiwyd y
byddai’r broses hon yn para am flwyddyn. Cadarnhawyd y byddai bob cam yn
caniatáu ar gyfer ymgynghori ac ymgysylltu â’r rhanddeiliaid perthnasol. Byddai
diweddariad pellach yn cael ei roi yn y cyfarfod nesaf, ac erbyn hynny byddwn
wedi ymgynghori ar broses y gyllideb a’r Cynllun Ariannol Tymor Canolig ac wedi
eu cymeradwyo. Yn seiliedig ar dybiaethau presennol o ran pwysau ariannu a
chost, rhagwelir y bydd bwlch o £4.4 miliwn yng nghyllideb 2017/18. Mae
adroddiadau blaenorol wedi tynnu sylw manwl at y broses ymgynghori sylweddol a
wnaed i gyflawni cyllidebau 2015/16 a 2016/17.
Roedd proses y
gyllideb arfaethedig ar gyfer 2017/18 wedi ei chrynhoi yn Atodiad1, ynghyd â
manylion y broses ymgynghori a fabwysiadwyd. Eglurwyd ei bod yn debygol y
byddai gostyngiadau cyllid i awdurdodau lleol yng Nghymru yn parhau yn y tymor
canolig, ac er y bydd y Cyngor bob amser yn ymdrechu i fod yn fwy effeithlon er
mwyn arbed arian, efallai na fydd hyn ynddo'i hun yn ddigonol yn y dyfodol.
Bydd penderfyniadau ar y gyllideb yn mynd yn galetach ac mae'n debyg y bydd angen
rhagor o amser i’w cyflawni.
Bydd proses y
gyllideb arfaethedig ar gyfer 2017/18 yn helpu i gyflwyno cyllideb gytbwys a
bydd yn galluogi'r Cyngor i ystyried rhagdybiaethau cyllid allweddol, pwysau
gwasanaeth, lefelau arian parod wrth gefn a lefelau ffioedd a thaliadau yn y
Cyngor.
Eglurodd y
Cadeirydd ei fod yn falch bod yr effaith ar wasanaethau wedi cael ystyriaeth.
Darparodd y Prif Swyddog Cyllid amlinelliad o sut y byddai’r effaith ar
wasanaethau’n cael rhannu’n ddwy elfen gyda golwg ar gyflawni targedau
effeithlonrwydd. Byddai’r rhain yn cael eu cynnig ac wedyn eu mabwysiadu gan y
gwasanaethau priodol.
Pwysleisiodd y
Cynghorydd S.A. Davies bwysigrwydd ymrwymo Aelodau ar gychwyn y broses, gyda
sylw penodol i gyfraniad Aelodau yng Ngweithdai’r Gyllideb. Mynegodd bryderon
am effaith penderfyniadau sy’n ymwneud â’r gyllideb ar y cyhoedd, ynghyd â
chanlyniadau yn sgil y cynnydd cyflym yn niferoedd y disgyblion yn ysgolion Sir
Ddinbych a’r cyfarwyddebau a dderbynnir mewn perthynas â’r lefelau arian parod
wrth gefn a ddalir gan Gynghorau. Cyfeiriodd y Cadeirydd at brosesau gosod y
gyllideb a phenderfyniadau a chymeradwyodd y barnau a fynegwyd gan y Cynghorydd
Davies mewn perthynas â’r angen am fwy o ymrwymiad gan Aelodau ar gychwyn
proses gosod y gyllideb. Amlinellodd y Cynghorydd J. Thompson-Hill anghysondeb
yn y codau lliw yn Atodiad 1, ac eglurodd y dylai’r cyfeiriad at 23ain
Mawrth, 2016 fod mewn melyn ac nid yn las.
Teimlodd y
Cynghorydd H.H. Evans bod proses gosod y gyllideb a fabwysiadwyd gan Sir Ddinbych
yr un mor dda ag unrhyw un yng Nghymru, ac amlygodd broblemau a brofwyd yn
flaenorol o ran annog Aelodau i ymrwymo i’r broses.
Ystyriodd y
Pwyllgor y barnau a fynegwyd gan y Pwyllgor mewn perthynas ag ymrwymo Aelodau
ar gychwyn proses y gyllideb, ac awgrymwyd y dylid ystyried y mater yn sesiwn
yr Uwch Dîm Rheoli ar 7fed Ebrill, 2016 ac yn Sesiwn Briffio’r
Cyngor ar 6ed Mehefin 2016.
Ystyriodd y Pwyllgor y barnau a fynegwyd
gan y Pwyllgor ynghylch ymrwymo Aelodau ar gychwyn proses y gyllideb, ac
awgrymwyd y dylid ystyried y mater yng Nghyfarfod yr Arweinyddion Grwpiau ar 4ydd
Ebrill, 2016 ac yn Sesiwn Briffio’r Cyngor ar 6ed Mehefin
2016.
Darparodd y Prif
Swyddog Cyllid a’r Prif Gyfrifydd amlinelliad o’r amserlenni sy’n ymwneud â
phroses y gyllideb a’r effaith o ran y rhaglen ar gyfer gwneud penderfyniadau
gweithredol.
Eglurodd y Prif
Swyddog Cyllid bod yr holl wybodaeth a gynhyrchwyd yn flaenorol ar gael yn
llyfrgell yr Aelodau ac nad oedd yr egwyddorion wedi newid. Fodd bynnag,
atgoffodd y Pwyllgor y byddai’r broses newydd yn dibynnu ar ganlyniad y Setliad
Terfynol, a theimlodd efallai bod y targed arbedion yn uwch nag oedd ei angen.
Yn ystod y
drafodaeth ddilynol, cytunodd y Cynghorydd H.H. Evans i godi’r mater yng
nghyfarfod yr Arweinyddion Grwpiau ar 4ydd Ebrill. Cadarnhaodd y
Cynghorydd J. Thompson-Hill y byddai’n mynychu’r cyfarfod i ddarparu trosolwg
ac i adrodd yn ôl i Aelodau.
PENDERFYNWYD – yn unol
â’r cynigion uchod, bod y Pwyllgor Llywodraethu Corfforaethol yn derbyn ac yn
nodi cynnwys yr adroddiad.
(RW, SG, Cynghorwyr HHE a JTH
i Weithredu)
Dogfennau ategol: