Eitem ar yr agenda
PERFFORMIAD SIR DDINBYCH AR FATERION TIPIO ANGHYFREITHLON
Ystyried
adroddiad gan y Pennaeth Gwasanaethau Priffyrdd ac Amgylcheddol (copi'n
amgaeedig) sy'n nodi sut y rhoddir gwybod am dipio anghyfreithlon ac ymdrin ag
o yn Sir Ddinbych.
11.25 a.m.
Cofnodion:
Roedd copi o
adroddiad gan y Pennaeth Gwasanaethau Priffyrdd ac Amgylcheddol (HHES), a oedd
yn nodi sut caiff tipio anghyfreithlon ei adrodd a'i drin yn Sir Ddinbych, wedi
ei ddosbarthu gyda'r papurau ar gyfer y cyfarfod.
Darparodd y Rheolwr Prosiect: Canolbwynt Gogledd Ddwyrain
(PMNEH) gyflwyniad ac esboniodd y rhesymau am yr adroddiad fel y nodwyd yn yr
adroddiad ei hun.
Cyfoeth Naturiol
Cymru (CNC) oedd yn gweinyddu’r gronfa ddata 'Flycapture' yr oedd holl
Gynghorau Cymru yn bwydo eu hystadegau tipio anghyfreithlon iddi. CNC oedd yn rhagnodi’r gweithdrefnau ar gyfer cyflwyno'r
data, gan gynnwys beth ddylid, ac na ddylid, gael ei gyfrif fel digwyddiad
tipio anghyfreithlon. Fodd
bynnag, roedd cynghorau unigol yn parhau i ddefnyddio gwahanol ddulliau i
gasglu a phrosesu eu hystadegau eu hunain, ac roedd hyn yn effeithio ar
gymaroldeb y data a gyhoeddwyd. Mae enghreifftiau o'r ffyrdd gwahanol y mae
cynghorau unigol yn cofnodi eu digwyddiadau tipio anghyfreithlon wedi eu
cynnwys yn yr adroddiad.
Ymatebodd yr Uwch Swyddog Troseddau Amgylcheddol (SECO) i
gwestiynau gan Aelodau ac eglurodd mai dim ond y gwahanol ddulliau casglu a
phrosesu data a ddefnyddir gan gynghorau allai egluro’r amrywiadau enfawr yn
nifer y digwyddiadau a gofnodwyd, fel y manylwyd yn yr adroddiad. Ni ellid egluro’r amrywiadau hyn gan wahaniaethau
demograffig na gwahaniaethau ymddygiad a arsylwyd. Cadarnhaodd fod y
Tîm Troseddau Amgylcheddol wedi cydnabod y ffenomenon ac wedi pwyso ar CNC am
drefn adrodd fwy cyson. Os nad yw
cynghorau yn casglu data mewn modd cyson, ni fyddai adroddiad blynyddol CNC yn
dangos cymariaethau tebyg, ac efallai byddai’r defnydd o ystadegau fel mesur
perfformiad yn ddiffygiol. Roedd
cymhariaeth â chynghorau eraill Gogledd Cymru wedi cael eu hymgorffori yn yr
adroddiad.
Roedd digwyddiadau Sir Ddinbych ar gyfartaledd
tua 2 i 2.5 gwaith yn uwch na'r niferoedd a oedd yn cael eu hadrodd gan
gynghorau eraill Gogledd Cymru gan fod Sir Ddinbych yn fwriadol ceisio nodi pob
un digwyddiad o wastraff sy’n cael ei dipio’n anghyfreithlon, bod hynny ar dir cyhoeddus neu breifat, a prun a’i pheidio
yr oedd yn cael ei adrodd gan aelod o'r cyhoedd. Roedd cyfraddau adrodd uchel yn cael ei ystyried fel
rhagofyniad ar gyfer lleihau gweithgaredd tipio anghyfreithlon gwirioneddol a
oedd yn egwyddor bwysig.
Roedd
manylion yn ymwneud â thueddiadau hanesyddol Sir Ddinbych wedi ei gynnwys yn yr
adroddiad. Eglurodd
y SECO byddai'r Tîm Gorfodaeth tipio anghyfreithlon yn hoffi symud o system CRM
y Cyngor i symud gofnodi ddaearyddol.
Byddai hyn yn symleiddio'r dulliau o brosesu’r holl faterion strydlun ac yn
helpu gyda'r dadansoddiad o ddigwyddiadau yn ôl lleoliad, a fyddai'n darparu ar
gyfer targedu gorfodaeth yn fwy effeithiol. Roedd CNC hefyd
wedi mynegi awydd i symud i system ddaearyddol ac ar hyn o bryd yn datblygu
'ap' i gynorthwyo gyda hyn.
Amlygodd
y SECO yr angen i wella categoreiddio digwyddiadau ac i ynysu achosion o dipio
anghyfreithlon gwirioneddol, a'r rhai yr oedd gan y Cyngor ddyletswydd i’w
glanhau. Roedd hyn ar hyn o bryd yn cael ei wneud drwy
ddadansoddiad eilaidd unigol, y teimlwyd y dylai fod yn rhan o brosesau CRM
arferol y Cyngor.
Amlinellwyd
pwysigrwydd Strategaeth Gorfodaeth Sir Ddinbych ac roedd yr ymchwiliadau a/ neu
erlyniadau dilynol wedi arwain at effaith ataliol sylweddol, a gafodd ei
ystyried i fod yn ffactor hollbwysig wrth wneud Sir Ddinbych yn sir lân a
dymunol.
Llongyfarchodd a
diolchodd y Cadeirydd ac Aelodau'r Pwyllgor i’r Tîm Amgylchedd am y gwaith a
wnaed ac yna:
PENDERFYNWYD
- yn amodol ar sylwadau’r
Aelodau, bod y Pwyllgor: -
(a) yn cefnogi dull
cyfredol y Cyngor o gofnodi digwyddiadau tipio anghyfreithlon;
(b) cefnogi parhau â
pholisi’r Cyngor o orfodaeth drylwyr ar faterion tipio anghyfreithlon:
(c) cefnogi’r cynnig
dylai Sir Ddinbych barhau i lobïo Cyfoeth naturiol Cymru ynglŷn ag ansawdd
y data 'Flycapture’ sy’n cael ei gasglu ar draws Cymru; a
(d) cytuno bod
Cadeirydd y Pwyllgor yn ysgrifennu at Gadeirydd Cyfoeth Naturiol Cymru yn
ailadrodd pryderon y Pwyllgor mewn perthynas ag ansawdd a dibynadwyedd data
'Flycapture', a bod y Pennaeth Archwilio Mewnol hefyd yn mynegi pryderon y
Pwyllgor gyda swyddogion perthnasol Cyfoeth Naturiol Cymru.
Dogfennau ategol:
- Flytipping Report, Eitem 8. PDF 153 KB
- Flytipping App 1, Eitem 8. PDF 94 KB
- Flytipping App 2, Eitem 8. PDF 242 KB