Eitem ar yr agenda
YR WYBODAETH DDIWEDDARAF AM YR ADRODDIAD ARIANNOL
Ystyried adroddiad gan y Cynghorydd Julian Thompson-Hill (copi wedi’i amgáu) sy’n rhoi’r sefyllfa ariannol ddiweddaraf, a chynnydd yn erbyn y strategaeth gyllidebol y cytunwyd arni
Penderfyniad:
Cyflwynodd y Cyng. Julian
Thompson-Hill yr adroddiad, a gylchredwyd yn flaenorol, a oedd yn rhoi'r
wybodaeth ddiweddaraf ar sefyllfa ariannol bresennol y Cyngor.
PENDERFYNWYD -
(a) bod
y Cabinet yn derbyn yr adroddiad ac yn nodi’r cynnydd yn erbyn y strategaeth
gyllidebol y cytunwyd arni, a
(b) cyflwyno
adroddiad diweddaru ar ddarpariaeth cludiant ôl 16 yng nghyfarfod nesaf y
Cabinet.
Cofnodion:
Cyflwynodd y Cyng. J. Thompson
Hill yr adroddiad, a gylchredwyd yn flaenorol, a oedd yn rhoi'r wybodaeth
ddiweddaraf ar sefyllfa ariannol bresennol y Cyngor.
Mae’r adroddiad
yn rhoi crynodeb o gyllideb refeniw ac arbedion y Cyngor ar gyfer 2013/14,
Atodiad 1, a’r gyllideb net yw £192m. Ar
ddiwedd mis Awst, rhagwelwyd tanwariant ar gyllidebau gwasanaeth a
chorfforaethol o £501k sy’n cynrychioli amrywiad o 0.55%. Mae sefyllfa cyllidebau
ysgolion yn rhagamcan symudiad cadarnhaol ar falansau o £190k, £352k y mis
diwethaf.
Roedd Atodiad 2
yn nodi’r cynnydd hyd yma yn erbyn yr arbedion a amlygwyd yn y Cynllun Ariannol
Tymor Canolig ar gyfer 2012/13. Cytunwyd ar darged arbedion o £3.061 miliwn ar
gyfer y flwyddyn ac mae 54% o’r targed £1.666, wedi ei gyrraedd.
Esboniwyd y
byddai angen rhagolygon gwasanaethau cefnogi fel y nodwyd yn yr adroddiad:-
Cyfathrebu, Marchnata a
Hamdden – y rhagolygon presennol yw y byddant yn adennill
costau ond mae gan y gwasanaeth sawl cyllideb cyfnewidiol sy’n ddibynnol ar
ddiwallu targedau incwm mawr. Yn seiliedig ar ffigurau presennol, roedd pob cyllideb
yn unol â’r targed.
Cwsmeriaid a Chefnogaeth Addysg – Bu rhagamcan tanwariant o
£110k, ac roedd £58k yn ymwneud ag oedi wrth weithredu’r ailstrwythuro
Gwasanaethau Cwsmer yn llawn.
Trawsnewid
Busnes/TGCh – y rhagolygon yw y bydd y gyllideb ychydig, £1k,
yn is na'r targed. Bydd unrhyw danwariant ar ddiwedd y flwyddyn o’r
gwasanaeth i helpu i ariannu unrhyw fylchau yng ngham nesaf strategaeth TGCh y
Cyngor, yn enwedig mewn perthynas â’r Cytundeb Menter Microsoft.
Gwasanaethau Priffyrdd ac Amgylchedd –
rhagamcan
gorwariant o £194k gyda’r mwyafrif yn ymwneud â’r Gwasanaeth Cludiant Ysgol. Mae hyn wedi’i ddylanwadu gan
nifer y diwrnodau ysgol ym mlwyddyn ariannol 2013/14 yn rhannol oherwydd
amseru’r gwyliau Pasg. Mae’r pwysau wedi lleihau yn dilyn adolygiad o gronfeydd
wrth gefn sy’n arwain at ryddhau £106k. Mae’r pwysau hwn wedi lleihau yn dilyn adolygiad o
gronfeydd wrth gefn sy’n arwain at rhyddhau £106k, yn bennaf y Gronfa Bws melyn
o £101k nad oes ei angen bellach.
Gwasanaethau Oedolion a Busnes
– rhagwelwyd y bydd £45k o danwariant yng nghanlyniad 2013/14. Mae’r gofyniad cenedlaethol i
ddiogelu cyllidebau gofal cymdeithasol wedi arwain at £905k ychwanegol yn ystod
y flwyddyn.
Gwasanaethau Plant a
Theuluoedd – y sefyllfa bresennol y rhoddwyd gwybod amdani yw
tanwariant o £539k, a £285k o hwnnw ar gyllidebau staffio, £94k o danwariant ar
leoliadau arbenigol, £61k wedi’i glustnodi ar gyfer lleoliad maethu nad oes ei
angen bellach a £99k o danwariant wedi cario drosodd o 12/13 ac sydd heb ei
ymrwymo eto.
Mae
arbedion wedi’u cynnig ar gyfer 2014/15 ar gyfer rhai o’r cyllidebau hyn ac mae
trafodaethau ar y gweill gyda’r Gwasanaethau Hamdden i ystyried modelau darparu
gwasanaeth i’r dyfodol i ddarparu rhaglenni egniol i Blant ag Anableddau. Cynnig y gwasanaeth oedd y
byddai £250k o unrhyw danwariant yn cael ei neilltuo mewn Cronfa Plant ag
Anableddau i’w ddefnyddio yn y dyfodol.
Ysgolion – ar ddiwedd mis Awst y rhagamcan ar
gyfer balansau ysgolion oedd £3.060 miliwn, sy’n symudiad positif o £190k ar
falansau a ddygwyd ymlaen o 2012/13, sef £2.870m. Roedd y canlyniad hwn yn
cynnwys diogelwch o £775k a ddarparwyd fel cymorth ariannol trosglwyddo ar
gyfer ysgolion sydd wedi'u heffeithio gan newidiadau mewn fformwlâu ariannu.
Rhagwelir y bydd
Cyllidebau Corfforaethol yn cynhyrchu tanwariant o £350k. Roedd
ansicrwydd ynglŷn â dyraniadau canolog ar gyfer ynni, pensiynau a chostau
eraill ond rhagdybiwyd argaeledd £350k, ond pe byddai angen cronfeydd wrth gefn
byddai’r rhagdybiaeth yn cael ei hadolygu.
Cariwyd cronfeydd
Cynllun Corfforaethol o £10.3m ymlaen i 2013/14, gan adael gofyniad arian o tua
£11.7m i ddarparu’r cynllun. Roedd cyllideb 2013/14 yn clustnodi
adnoddau cyllidebol newydd penodol o £600k i Gronfa’r Cynllun Corfforaethol ac
yn rhagdybio y byddai o leiaf £1.3m o’r adnoddau a ganfuwyd eisoes yn cael eu
trosglwyddo i ariannu’r Cynllun Corfforaethol os bydd amgylchiadau yn caniatáu.
Roedd cyllideb y
Cyfrif Refeniw Tai (CRT) hefyd wedi’i chynnwys yn Atodiad 1 er hwylustod, ond
mae’r rhain yn gronfeydd ar wahân, a gellir ond eu defnyddio i ddarparu
gwasanaethau tai cyngor. Roedd y sefyllfa refeniw ddiweddaraf yn
rhagdybio cynnydd o £5k yn y balansau ar ddiwedd y flwyddyn, sy’n welliant o
£107k ar y rhagdybiaeth cyllideb.
Roedd y Cynllun Cyfalaf Tai
ar y targed i wario 8.1m a chyflawni Safon Ansawdd Tai Cymru erbyn diwedd
2013/14. Mewn ymateb i gwestiwn gan yr Arweinydd, nododd y Cynghorydd
Thompson-Hill y newidiadau i’r Cyfrif Refeniw Tai ac esboniodd y rhagwelir y
bydd y System Cymhorthdal Tai yng Nghymru yn cael ei diddymu o fis Ebrill 2014,
a bod trafodaethau ar y gweill ynglŷn â phrynu allan.
Mae manylion y
Cynllun Cyfalaf wedi'i amgáu yn Atodiad 3. Roedd y Cynllun Cyfalaf cyffredinol
a gymeradwywyd yn £45.8 miliwn a’r gwariant hyd at ddiwedd mis Awst yn £7.6
miliwn. Mae’r Cynllun wedi cynyddu £5m o fis diwethaf
oherwydd bod grantiau ychwanegol wedi'u cadarnhau. Mae
Atodiad 3 yn nodi’r gwariant arfaethedig o £6.8m ar y Cynllun Corfforaethol ac
Atodiad 4 yn rhoi’r wybodaeth ddiweddaraf am brosiectau cyfalaf mawr yn y
Cynllun Cyfalaf.
Cyflwynwyd
crynodeb o’r Asesiad o Effaith ar Gydraddoldeb i’r Cyngor ym mis Chwefror 2013
ac mae manylion y broses ymgynghori, y risgiau posibl a’r mesurau a weithredwyd
i fynd i’r afael â nhw a’r Datganiad Prif Swyddog Cyllid wedi’u cynnwys yn yr
adroddiad.
Mewn ymateb i
gais gan yr Arweinydd, cytunodd y Pennaeth Cyllid a Chyfrifeg y gellir rhoi’r
wybodaeth ddiweddaraf yn y Gweithdy sydd i ddod mewn perthynas â’r gofyniad
ariannu a’r ymrwymiad i ddiwallu nodau ac amcanion y Cynllun Corfforaethol.
Ymatebodd y
Cynghorydd D.I. Smith i gwestiynau gan yr Aelodau ac esboniodd y byddai TAITH,
fel rhan o’r adolygiad i’w strwythur, yn archwilio darpariaeth teithio i’r
ysgol a cholegau ledled Gogledd Cymru ar y cyd. Cytunodd
yr Aelodau gyda’r awgrym gan y Prif Weithredwr y dylid gofyn am ragor o
wybodaeth gan TAITH, a bod adroddiad diweddaru ar ddarpariaeth cludiant ôl 16
yn cael ei gyflwyno yn ystod cyfarfod nesaf y Cabinet.
PENDERFYNWYD:-
(a) dylai’r
Cabinet dderbyn yr adroddiad a nodi’r cynnydd yn erbyn y strategaeth gyllidebol
y cytunwyd arni, a
(b) bod
adroddiad diweddaru ar ddarpariaeth cludiant ôl 16 yn cael ei gyflwyno yn ystod
cyfarfod nesaf y Cabinet.
Dogfennau ategol:
- ADRODDIAD CYLLID, Eitem 5. PDF 93 KB
- Finance Report App 1, Eitem 5. PDF 24 KB
- Finance Report App 2, Eitem 5. PDF 22 KB
- Finance Report App 3, Eitem 5. PDF 20 KB
- Finance Report App 4, Eitem 5. PDF 321 KB