Eitem ar yr agenda

DARPARIAETH YMCD YN Y SECTOR ADDYSG BELLACH (AB)

Meeting of Cyngor Ymgynghorol Sefydlog ar Addysg Grefyddol (CYSAG), Dydd Llun, 10 Mehefin 2013 10.00 am (Item 5.)

Derbyn cyflwyniad gan Toni Coulton ar ddarpariaeth YMCD yn y sector addysg bellach a thrafod sut gal CYSAG gefnogi Chweched Dosbarth a Choleg Addysg Bellach y Rhyl.

Cofnodion:

Roedd yr angen am gaplaniaeth yn y sector addysg bellach wedi’i godi o’r blaen mewn cyfarfod CCYSAGC. Cyflwynodd yr Arweinydd Systemau ar gyfer GwE (AS) Toni Coulton a oedd wedi ei gwahodd i’r cyfarfod i roi cyflwyniad ar ddarpariaeth YMCD ac er mwyn i CYSAG drafod sut y gallai gefnogi Coleg Chweched Dosbarth ac AB y Rhyl. Roedd Ms Coulton yn gweithio gyda FESTIVE (Menter AB a Chweched Dosbarth), cynllun Cristnogol i gefnogi’r rhai oedd yn gweithio yn y sector addysg bellach.

Rhoddodd Ms. Coulton gyflwyniad PowerPoint i CYSAG dan y teitl ‘Addysg Bellach a Lles’. Amlygodd y ffaith fod darpariaeth AG ac Addoli ar y Cyd yn ofyniad statudol yn chweched dosbarth ysgolion ond nid mewn colegau AB. Er ei bod yn cydnabod ei bod yn annhebygol y byddai darpariaeth AG yn cael ei wneud yn bwnc statudol ar gyfer pob person ifanc 16 – 19 oed, credai ei bod yn bosibl gwneud achos da dros AG anstatudol mewn addysg bellach. Trafododd y cyflwyniad –

· anghysonderau mewn darpariaeth AG ac Addoli ar y Cyd statudol ac anstatudol

· y nifer o bobl ifanc 16 – 18 oed yn astudio mewn ysgolion a cholegau ynghyd â dadansoddiad pellach o'r rhai mewn addysg a chyflogaeth neu’r tu allan i addysg a chyflogaeth

· sefydliadau sy’n cyfrannu at gefnogi gwaith cenedlaethol a chynhyrchu adnoddau gan gynnwys y Cyngor Cenedlaethol ar gyfer Ffydd a Chred mewn Addysg Bellach; Dare 2 Engage, Tiwtorialau Ffydd ac AFAN (All Faiths and None)

· gwahaniaethau yn y canllawiau a gynhyrchir gan Ofsted yn Lloegr ac Estyn yng Nghymru gyda chyfeiriad penodol at YMCD yn Lloegr ond dim ond cyffredinoliad a diffyg arweiniad clir yng Nghymru

· cyfeiriad at nifer o adnoddau a chyhoeddiadau, gyda rhai ohonynt ar gael yn y cyfarfod i fwrw golwg drostynt, gan gynnwys ‘Making Space for Faith’ a ‘Challenging Voices’

· dyfyniadau o ddangosyddion ansawdd Estyn sy’n dangos fod canolbwyntio ar ganlyniadau ar gyfer Lles yn lle’r pwyslais ar ddarpariaeth.

Wrth ystyried y ffordd ymlaen, awgrymodd Ms. Coulton –

· rhywfaint o ymchwil – efallai gyda chaplaniaid colegau AB Cymru

· ategu at ‘Challenging Voices’ (sut i gynnig caplaniaeth mewn coleg)

· gofyn am ddisodli gwaith AB i fod yn rhan o’r CYSAG lleol

· dangos i Estyn y gall ac y dylai ffydd / cred fod yn y canllawiau fel yn Lloegr

Yn olaf, tynnwyd sylw aelodau at waith Joseph George, Gweithiwr Prosiect (cylchredwyd y manylion yn y cyfarfod) a oedd wedi’i benodi i uno gwaith presennol yn seiliedig ar ffydd a chyflwyno gwaith newydd i ardaloedd mewn colegau lle nad oedd unrhyw Grwpiau Cristnogol ar hyn o bryd. Roedd Joseph yn gweithio 16 awr yr wythnos: 8 yn Rhos, 4 yn Chweched y Rhyl a 4 ar bob safle arall. Roedd y cyfleoedd a ddarparwyd yn Chweched y Rhyl yn cynnwys tiwtorialau, ystafell ffydd a chyfarfodydd staff a myfyrwyr.

Mae aelodau’n cefnogi’r ddarpariaeth yn y sector addysg bellach ac ymatebodd Ms. Coulton i gwestiynau a sylwadau fel a ganlyn –

· roedd ystafell ffydd wedi’i darparu yn Chweched y Rhyl ond roedd angen rhagor o waith i fewnoli ei ddefnydd yn y coleg

· cydnabuwyd pwysigrwydd gwaith wedi’i gydgysylltu ac amlygwyd y perthnasau a ffurfiwyd gyda cholegau addysg bellach a chlerigwyr yn yr ardal

· roedd angen codi ymwybyddiaeth am y ddarpariaeth / cefnogaeth sydd ar gael a rhoi cyfle i’r rhai oedd yn dymuno ymgysylltu mewn lleoliad addysgol

· dywedodd er bod Coleg Llysfasi yn Sir Ddinbych roedd yn rhan o Goleg Glannau Dyfrdwy yn Sir y Fflint lle'r oedd darpariaeth yn gyfyngedig iawn

· cydnabuwyd pwysigrwydd darparu gwybodaeth a darpariaeth drwy gyfrwng y Gymraeg ac roedd cynnydd yn digwydd i’r perwyl hwnnw; yn enwedig gwefan FESTIVE a oedd yn darparu gwybodaeth ddwyieithog ac roedd gan golegau Cymru fynediad i’r wybodaeth honno

· er gwaethaf yr ymdrechion, nid oedd unrhyw wybodaeth wedi’i chynnwys ar brosbectws y coleg ynglŷn â darpariaeth a byddai’n croesawu cymorth gan CYSAG i gyflawni hynny.

Dywedodd y Cynghorydd Margaret McCarroll fod caplan rhan amser wedi bod yng Ngholeg Chweched y Rhyl pan gafodd ei sefydlu a chytunodd wneud ymholiadau i weld a oedd y ddarpariaeth honno yn dal ar gael. Amlygodd Ms. Ali Ballantyne hefyd yr angen i gynnwys Coleg Pengwern wrth ystyried cynlluniau ar gyfer darpariaeth addysg bellach. Awgrymodd Ms. Coulton efallai y byddai CYSAG yn dymuno cysylltu’n uniongyrchol â Choleg Pengwern mewn perthynas â hyn.

Trafododd CYSAG y camau nesaf a –

PENDERFYNWYD anfon llythyr at Goleg Chweched y Rhyl –

(i) yn manylu pryderon CYSAG o safbwynt y diffyg darpariaeth ar gyfer AG ac Addoli ar y Cyd a chyfleoedd i fyfyrwyr astudio AG ar gyfer Lefel A;

(ii) amlygu gwaith CYSAG a’r gefnogaeth y gallai ei gynnig ynghyd â’r ystod o adnoddau oedd ar gael, a

(iii) gwahodd y Coleg i gyfethol aelod o CYSAG.

Cytunodd Aelodau y dylid cynnwys manylion y sefydliadau, cyhoeddiadau ac adnoddau a gyfeiriwyd atynt yn y cyflwyniad ynghyd â dolenni i’w gwefannau fel a ganlyn–

Y Cyngor Cenedlaethol ar gyfer Ffydd a Chred mewn Addysg www.fbfe.org.uk

Challenging Voices - delio gyda materion dadleuol; cyhoeddiad ar y cyd gyda Chyngor AG Cymru a Lloegr

http://www.fbfe.org.uk/wp-content/uploads/2012/11/REsilience_FE_booklet_Challenging_Voices_PDF_final.pdf

Adroddiad YMCD

http://www.fbfe.org.uk/wp-content/uploads/2012/12/lsis_YMCD-Report-Guidance-for-learning.pdf

Making Space for Faith – Arolwg o lais dysgwyr a barn staff o 41 Coleg AB

http://www.fbfe.org.uk/wp-content/uploads/2012/09/Making-space-for-faith1.pdf

Pecyn Aml-ffydd yr NUS - rhai syniadau gwych i’w defnyddio yn y cwricwlwm

http://www.nusconnect.org.uk/asset/News/6105/NUS-Inter-Faith-Toolkit_Web-Version.pdf

Adnoddau ar gyfer y Cwricwlwm gan:

Dare 2 Engage www.dare2engage.org

Tiwtorialau Ffydd http://www.faithtutorials.co.uk/faithtutorials.co.uk/Home.html