Eitem ar yr agenda
FFRAMWAITH ADRODD BLYNYDDOL Y CYNGOR
Ystyried adroddiad gan y Cyfarwyddwr Corfforaethol: Moderneiddio a Lles (mae copi ynghlwm) a oedd yn nodi hunanasesiad drafft y Cyfarwyddwr Gwasanaethau Cymdeithasol o berfformiad y gwasanaeth yn 2012/13, a meysydd ar gyfer datblygiad a gwelliant.
12.00 – 12.30
Cofnodion:
Roedd copi o adroddiad gan y Cyfarwyddwr Corfforaethol: Moderneiddio a Lles oedd yn
darparu crynodeb o effeithiolrwydd gwasanaethau gofal cymdeithasol yr awdurdod
a blaenoriaethau gwelliant, wedi’u cylchredeg gyda phapurau’r cyfarfod.
Bwriad copi drafft o’r adroddiad blynyddol ar gyfer 2012/2013, yn Atodiad
1, oedd darparu darlun gonest o’r gwasanaethau yn Sir Ddinbych ac arddangos
dealltwriaeth glir o’r cryfderau a’r sialensiau a fu, a byddai’n amodol ar
ymgynghoriad pellach a gorffeniadau cyn ei gyflwyno i’r Cyngor Llawn erbyn mis
Gorffennaf, 2013.
Roedd crynodeb o bedair elfen y Fframwaith Adrodd Blynyddol y Cyngor wedi’u
hamlinellu yn yr adroddiad:-
-
Hunanasesiad
a dadansoddiad manwl o effeithiolrwydd
-
Trywydd
tystiolaeth
-
Integreiddio
gyda chynllunio busnes
-
Cyhoeddi
adroddiad blynyddol
Roedd yr adroddiad yn ffurfio rhan allweddol o werthusiad perfformiad yr
AGGCC Gwasanaethau Cymdeithasol Sir Ddinbych ac roedd y gwerthusiad yn rhoi
gwybodaeth i asesiad Swyddfa Archwilio Cymru o Sir Ddinbych fel rhan o’r
Adroddiad Gwelliant Blynyddol. Roedd yr asesiad cyffredinol yn nodi bod
Gwasanaethau Cymdeithasol Sir Ddinbych wedi llwyddo i wneud gwelliannau yn
nhermau perfformiad ac ansawdd yn ystod y flwyddyn ddiwethaf, ac roedd manylion
meysydd cynnydd wedi’u crynhoi yn yr adroddiad. Roedd sialensiau mawr o
flaen Gwasanaethau Oedolion a Busnes a Gwasanaethau Plant ac mae Atodiad 2 yn
darparu trosolwg o’r sialensiau a sut y mae’r Cyngor yn bwriadu ymateb iddynt. Hysbyswyd yr Aelodau bod y farn a’r sialensiau
ar ddrafft yr adroddiad wedi’u derbyn gan swyddogion Cyngor Sir y Fflint a
BIPBC.
Roedd blaenoriaethau gwelliant yn yr adroddiad blynyddol yn adnabod yr
angen i barhau i addasu a moderneiddio gwasanaethau er mwyn ymateb i
ddisgwyliadau a gofynion Bil Gwasanaethau Cymdeithasol a Lles Llywodraeth
Cymru. Roedd manylion nodweddion allweddol i ymagwedd y
Cyngor i ailfodelu a datblygu patrymau gwasanaeth newydd i wella gwasanaethau
lleol wedi’u cynnwys yn yr adroddiad. Amlygwyd y meysydd
gwelliant oedd yn cynnwys Gwasanaethau Plant, gweithio ar y cyd a sicrwydd
ansawdd.
Byddai ymrwymiad y Cyngor i foderneiddio yn cynnwys buddsoddiad mwy mewn
gwasanaethau ataliol ac ymyriad cynnar er mwyn galluogi dinasyddion i fod yn
annibynnol, yn wydn ac yn alluog. Bydd angen cefnogi’r
ymagwedd gydag amrywiaeth o wasanaethau, gweithgareddau a rhwydweithiau cefnogi
y gall pobl gael mynediad atynt yn eu cymunedau eu hunain, a byddai darparu’r
rhaglen yn gofyn am ddatrysiadau ar draws y cynghorau/gwasanaethau ac ar draws
sectorau gan gynnwys mentrau wedi’u harwain gan y cymunedau.
Hysbyswyd yr Aelodau mai canlyniad anochel ailfodelu a datblygu
gwasanaethau newydd ac ymagweddau fyddai newidiadau amhoblogaidd. Byddai canolbwynt ar wneud newidiadau sy’n
darparu gwasanaethau cost effeithiol a chynaliadwy i sicrhau bod pobl
ddiamddiffyn yn cael eu diogelu ac yn derbyn gwasanaethau o’r safon orau gan
ddarparu urddas mewn gofal a chanlyniadau da.
Roedd y blaenoriaethau a fanylwyd yn Fframwaith Adrodd Flynyddol y Cyngor
yn cyfrannu at flaenoriaeth 4 Blaenoriaethau Corfforaethol y Cyngor: mae pobl
ddiamddiffyn yn cael eu diogelu a gallant fyw mor annibynnol ag sy’n bosibl. Bydd gweithgarwch
sydd wedi’i amlygu yn yr adroddiad blynyddol yn parhau i gyfrannu’n
uniongyrchol, ac yn elwa o gyflawni’r Uchelgais Economaidd a Moderneiddio
rhaglenni’r Cyngor.
Ymatebodd y CC:MLl i
gwestiwn gan y Cynghorydd W.E. Cowie a darparu manylion
am y broses tâl am ddarpariaeth Gofal Cartref Preswyl fyddai’n cael ei gytuno’n
flynyddol ac yn amodol ar ofynion rheolaethol. Cyfeiriodd y Cynghorydd D. Owens
at y cynnydd o 58% o blant sydd o dan ofal yr Awdurdod ac eglurodd y Rheolwr
Gwasanaeth:
Ansawdd a Datblygu Systemau bod y cynnydd wedi
bod ar lefel genedlaethol, ac yn rhannol oherwydd y dulliau gweithredu newydd
oedd ar waith yn y llysoedd. Darparwyd amlinelliad o raglen ail sefydlu Sir Ddinbych
i’r Pwyllgor. Roedd manylion proses monitro’r Cyngor ar gyfer Cartrefi
Gofal, ynghyd â’r safonau cenedlaethol, wedi’u darparu mewn ymateb i gwestiwn
gan y Cynghorydd R. J. Davies.
Amlygwyd
darpariaeth dwyieithog y gwasanaethau gan y CC:MLl a chyfeiriwyd at fenter sydd
wedi’i chyflwyno gan Lywodraeth Cymru oedd yn cynnwys safonau gwaith a
fframwaith strategol yn ymwneud ag iechyd a gofal cymdeithasol. Eglurodd bod rhai meysydd ble y mae darparu gwasanaethau
dwyieithog yn heriol a chyfeiriwyd at y gwaith a wnaed gan Grŵp
Strategaeth yr Iaith Gymraeg.
Yn dilyn trafodaeth
fanwl:
PENDERFYNWYD – derbyn yr adroddiad a chefnogi:-
·
hunanasesiad y Cyfarwyddwr o ofal cymdeithasol yn
Sir Ddinbych.
·
blaenoriaethau gwelliant ar gyfer 2013/2014; a
·
bod yr adroddiad drafft yn darparu cofnod clir o
berfformiad.
[SE/CMcL i nodi’r penderfyniad uchod ac
adrodd i’r Cyngor]
Dogfennau ategol: