Eitem ar yr agenda
AILSTRWYTHURO’R GWASANAETHAU ADFYWIO, CYMORTH I FUSNESAU A THWRISTIAETH
Ystyried
adroddiad gan Bennaeth Gwasanaethau Tai a Chymunedau (mae copi ynghlwm) sy’n
amlinellu’r rhesymeg a’r broses ar gyfer ailstrwythuro’r Gwasanaethau. Mae’r adroddiad yn gofyn am farn yr aelodau
am eu disgwyliadau a’u dyheadau ar gyfer y Gwasanaeth a’i waith wrth gefnogi’r
broses o wireddu blaenoriaethau’r Cyngor o ran yr economi a thai.
10.10am
Cofnodion:
Cyflwynodd y Cynghorydd Hugh Evans, Aelod
Arweiniol Datblygu Economaidd yr adroddiad (a gylchredwyd yn flaenorol) yn
amlinellu’r rhesymeg a’r broses ar gyfer ailstrwythuro’r gwasanaethau er mwyn
cyflawni blaenoriaethau economaidd a rhai’r Cyngor. Yn dilyn pryderon yr aelodau ynglŷn ag
effaith y cynigion ar unigolion a chymunedau, rhoddwyd sicrwydd yw gweithredu’r
broses gyda chefnogaeth a chyngor gan Adnoddau Dynol a byddai’n symud yn nes at
gymunedau drwy gynnig strwythur lleol.
Cyfeiriodd hefyd at ei weledigaeth ar gyfer y gwasanaeth gan nodi y
byddai’r strwythur newydd yn cyflawni’r disgwyliadau oedd wedi’u cynnwys yn y
Strategaeth Uchelgais Economaidd a oedd yn cael ei datblygu.
Manylodd y Pennaeth Tai a Gwasanaethau Cymunedol (PTGC) ar y broses
adolygu gwasanaeth a gynhaliwyd mewn cydweithrediad â’r Pennaeth Cyfathrebu,
Marchnata a Hamdden (PCMH) lle rhannwyd canlyniad gwasanaeth. Daeth yr adolygiad gwasanaeth i’r casgliad
nad oedd y strwythur presennol, y sail sgiliau a’r dyraniad adnoddau yn addas
i’w pwrpas ar sawl lefel ac na fyddai’n gallu cyflawni’r rhaglen uchelgeisiol o
Adfywio a Datblygiad Busnes oedd wedi’i gynnwys yn y Cynllun Corfforaethol a’r
Strategaeth Uchelgais Economaidd. Datblygwyd
strwythur newydd (Atodiad 1 yr adroddiad) yn cynnig ymagwedd gytûn, gadarn a
strategol gydag adnoddau wedi’u halinio i gyflawni blaenoriaethau Uchelgais
Economaidd y Cyngor. Byddai
ailstrwythuro’r Uwch Dîm Rheoli yn cael ei gwblhau ym mis Mehefin, a byddai’r
holl benodiadau wedi’u cwblhau erbyn diwedd mis Medi. Rhoddodd y PCMH adroddiad ar gam nesaf y
broses o safbwynt Gwasanaethau Cyfathrebu a Marchnata ac integreiddio’r
swyddogaeth dwristiaeth i sicrhau strwythur addas i’w bwrpas i ymateb i flaenoriaethau
corfforaethol. Amlygodd rinweddau’r
ailstrwythuro hwnnw a chroesawodd y cyfle i gynnig adroddiad manwl i’r aelodau
ym mis Medi.
Atgoffodd y Cadeirydd yr aelodau i ganolbwyntio ar
gynigion i ddarparu gwasanaeth yn hytrach na materion gweithredol yn ymwneud â
swyddi unigol yn y gwasanaeth. Mewn
ymateb i bryderon aelodau yn y cyswllt hwnnw, rhoddwyd sicrwydd y byddai pob
ymdrech yn cael ei gwneud i gadw staff a oedd yn dymuno aros gyda’r awdurdod ac
roedd y broses briodol ar gyfer rheoli newid gweithredol yn cael ei dilyn.
Cydnabu’r pwyllgor yr angen am ailstrwythuro yn y
gwasanaeth er mwyn cyflwyno gwelliannau a diwallu anghenion busnes a rhoddwyd
cydnabyddiaeth i’r gwaith a wnaed ar yr adolygiad cynhwysfawr. Gofynnodd Aelodau am sicrwydd ynglŷn ag
arbedion yn y dyfodol; datblygiad cynigion ariannol ar gyfer grwpiau a
gwasanaethau cymunedol, ac eglurhad ar ganlyniadau ac effaith y strwythur
newydd ar ddarpariaeth gwasanaeth.
Codwyd cwestiynau hefyd ynglŷn â’r rhyngweithiad a’r rhan a chwaraewyd
gydag asiantaethau eraill fel Asiantaeth Fenter Sir Ddinbych a gwaith
partneriaeth i gyflawni amcanion a gwella’r economi leol. [Datganodd yr
Arweinydd gysylltiad personol mewn perthynas ag Asiantaeth Fenter Sir Ddinbych] Amlygwyd hefyd yr angen am well cyfathrebu
gydag aelodau a strategaeth dwristiaeth glir.
Roedd y Cadeirydd hefyd yn awyddus i ddefnyddio cyfryngau cymdeithasol
fel arf hyrwyddo a marchnata. Cafwyd yr
ymatebion a ganlyn –
·
ni
fyddai cost ychwanegol i’r ailstrwythuro gyda’r gostyngiad mewn rheolwyr yn
creu arbedion a gaiff eu hail fuddsoddi mewn gwasanaethau rheng flaen
·
byddai’r
strwythur newydd yn hwyluso darpariaeth gwasanaeth rhagorol a fyddai’n
canolbwyntio ar ardaloedd lleol i’w gwneud yn haws i aelodau, busnesau a
chyfranogion dderbyn cyngor, cymorth a chefnogaeth o ansawdd
·
cydnabuwyd
mai’r brif risg yn gysylltiedig ag ailstrwythuro oedd methiant i gyflenwi
canlyniadau ond lliniarwyd y risg hon oherwydd yr ymagwedd strategol a gymerwyd
·
esboniwyd
mwy am y nodau o ddod yn nes at fusnesau a gweithio’n agos gydag asiantaethau
eraill i ddarparu cefnogaeth a chyngor i fusnesau
·
roedd
gweithrediad pennawd o’r Strategaeth Uchelgais Economaidd oedd yn cael eu
datblygu yn ceisio archwilio’r posibilrwydd o greu partneriaeth o asiantaethau
cefnogi busnes
·
rhoddwyd
sicrwydd y byddai’r gwasanaeth newydd yn cynnig arweiniad clir i staff gyda
llywodraethu ac atebolrwydd da
·
nodwyd
y byddai ffynonellau ariannol a chyfleoedd yn cael eu trafod ymhellach unwaith
y byddai’r Uwch Dim Rheoli wedi’i sefydlu a rhoddwyd sicrwydd y byddai
ceisiadau am arian yn cael eu datblygu mewn modd cydgysylltiedig
·
roedd
cynlluniau ar gyfer cyfryngau cymdeithasol wedi’u cynnwys fel rhan o farchnata
digidol
·
cadarnhawyd
y byddai’r ailstrwythuro yn cynyddu cyfleoedd twristiaeth a chynnig swyddogaeth
gryfach ar gyfer Twristiaeth, Marchnata a Digwyddiadau
·
byddai’r
Strategaeth Uchelgais Economaidd orffenedig yn helpu siapio darpariaeth
gwasanaeth gan arwain at ddatblygu canlyniadau mesuradwy ymhellach a chytunwyd
i dderbyn adroddiad gwybodaeth ar y Strategaeth ym mis Hydref.
Cyfeiriodd y Cynghorydd Meirick Davies at faterion
iaith Gymraeg ac absenoldeb swyddi Cymraeg hanfodol yn y strwythur. Dywedodd y PCMH fod cyfeiriad at y Polisi
Iaith Gymraeg yn strwythur y Gwasanaethau Cyfathrebu a Marchnata a chytunodd i
gylchredeg y polisi ynglŷn â swyddi dynodedig Cymraeg hanfodol / dymunol i
gynghorwyr er mwyn rhoi eglurder.
Ychwanegodd y PTGC y byddai’r agwedd hon yn cael ei hystyried ymhellach
wrth ystyried gofynion adnoddau ar gyfer pob ardal. Mewn ymateb i’r pryderon a godwyd gan y
Cynghorydd Gwyneth Kensler, cytunodd y PCMH gynnig eglurder ar swyddogaeth y
Cynllun Datblygu Gwledig mewn perthynas â’r Strategaeth Uchelgais Economaidd a
rôl Aelodau etholedig. Yn olaf,
cyfeiriwyd at erthygl ddiweddar yn y Daily Post yn amlygu’r ffaith fod dwywaith
cymaint o ymwelwyr tramor wedi ymweld â’r Rhyl y llynedd tra bu gostyngiad yn
ffigyrau trefi gwyliau traddodiadol eraill.
Llongyfarchodd y Cynghorydd Brian Blakeley y Cyngor ar y llwyddiant
hwnnw a chanmolodd waith swyddogion yn y cyswllt hwnnw.
[JG i gylchredeg copi o swyddi Cymraeg hanfodol / dymunol i aelodau a rhoi
eglurhad ynglŷn â’r CDG]
PENDERFYNWYD –
(a) yn
amodol ar y sylwadau uchod gan aelodau, dylid nodi’r adroddiad ar ailstrwythuro’r
Gwasanaethau Adfywio, Cefnogi Busnes a Thwristiaeth;
(b) derbyn
adroddiad gwybodaeth ar ailstrwythuro’r Gwasanaethau Cyfathrebu a Marchnata ym
mis Medi, a
(c) derbyn
adroddiad gwybodaeth ar y Strategaeth Uchelgais Economaidd gan gynnwys canlyniadau;
amseroldeb, statws hyder cyflenwi a mesurau perfformiad ym mis Hydref.
[argymhellion (b) & (c) – RE i’w cynnwys yn y rhaglen waith i’r
dyfodol]
Dogfennau ategol:
- Restructure Report 230513W, Eitem 7. PDF 100 KB
- Restructure Report 230513 - App 1a, Eitem 7. PDF 166 KB
- Restructure Report 230513 - App 1b, Eitem 7. PDF 221 KB
- Restructure Report 230513 - App 2, Eitem 7. PDF 133 KB