Eitem ar yr agenda
GWYBODAETH DDIWEDDARAF Y RHYL YN SYMUD YMLAEN
Ystyried
adroddiad, sy’n cynnwys atodiad
cyfrinachol, gan Reolwr Rhaglen Y Rhyl yn Symud Ymlaen (copi wedi’i amgáu)
er mwyn darparu’r wybodaeth ddiweddaraf am Strategaeth Adfywio Y Rhyl yn Symud
Ymlaen.
10.10 a.m.
Cofnodion:
Cyflwynodd Rheolwr Y Rhyl yn
Symud Ymlaen (RGFM) adroddiad (oedd wedi ei gylchredeg yn flaenorol) yn rhoi’r
wybodaeth ddiweddaraf ar Strategaeth Adfywio Y Rhyl yn Symud Ymlaen (RGF). Roedd y strategaeth yn cynnwys y pedair ffrwd
waith a ganlyn -
·
Ardal
Adfywio Gorllewin Y Rhyl
·
Canol
y Dref
·
Glan
y Môr a Thwristiaeth
·
Byw a
Gweithio yn Y Rhyl
Rhoddodd yr RGFM esboniad pellach
ar bob un o’r ffrydiau gwaith gan roi crynodeb o’r prif nodau ac amcanion ar
gyfer y meysydd penodol; cynnydd i gyflawni’r targedau hynny, ac ystyriaeth i’r
dyfodol. Ymatebodd i nifer o faterion a
godwyd gan aelodau wrth drafod eu hadroddiad diweddaru diwethaf.
Holodd yr aelodau'r RGFM
ynglŷn â chynnydd mewn prosiectau unigol a gofynnwyd am sicrwydd
ynglŷn â chanlyniadau i’r dyfodol ar gyfer datblygiadau penodol. Ymatebodd fel a ganlyn -
·
eglurodd
y diffyg cynnydd wrth ddatblygu safle Ocean Plaza oherwydd materion yn ymwneud
â chyflenwad trydan a risg llifogydd
·
cadarnhaodd y bydd y gwaith o ddymchwel yr Honey Club yn digwydd yn fuan
iawn ar ôl cwblhau mater cytundebol sydd angen ei ddatrys
·
bydd yr ymchwiliad cyhoeddus i’r gorchymyn prynu gorfodol ar eiddo yng
Ngorllewin Y Rhyl yn dechrau ym mis Mai a gobeithiwyd y byddai ail gam o
ddymchwel i greu gofod gwyrdd yn cael ei gwblhau ddiwedd mis Mai
·
disgwyliwyd cynlluniau diwygiedig ar gyfer cam nesaf y gwaith amddiffyn
arfordirol er mwyn asesu'r posibilrwydd o adleoli’r Parc Sglefrio i’r ardal
honno
·
cadarnhawyd
fod gorchymyn pryniant gorfodol wedi ei wneud ar gyfer yr arcêd oedd wedi
llosgi i lawr ar y promenâd ac roedd ymchwiliad cyhoeddus wedi ei drefnu at fis
Mehefin ac roedd trafodaethau yn parhau i gaffael yr eiddo
·
rhoddwyd yr wybodaeth ddiweddaraf ar ddyfodol yr Heulfan a’i chyflwr
presennol a deialog rhwng y Cyngor a Clwyd Leisure Limited yn y cyswllt hwnnw;
gobeithiwyd y byddai'r Heulfan yn parhau i weithredu gyhyd â phosibl nes y bydd
cynigion newydd yn cael eu datblygu; roeddynt yn dal i aros am gadarnhad
ynglŷn â dyddiad agor diwygiedig tymor 2013.
Trafododd aelodau eu pryderon
ynglŷn â chanol y dref ac effaith gwerthu ar-lein; colli siopau yn
gyffredinol gan gynnwys dau fanwerthwr blaenllaw i ddatblygiad manwerthu newydd
Prestatyn, ac roeddynt yn pryderu nad oedd amcanion wedi'u datblygu a’u cytuno
arnynt i fynd i’r afael â’r materion hyn.
Gofynnodd y pwyllgor am sicrwydd fod cynlluniau’n cael eu datblygu i
gefnogi a denu busnes ac amlygu’r angen i ddenu'r math cywir o fusnes i wella'r
dref ac yn ychwanegu at y ddarpariaeth bresennol a sicrhau parhad a
chynaladwyedd y busnesau. Cadarnhaodd yr
RGFM yr angen i ddatblygu strategaeth adfywio gydlynol mor fuan â phosibl ac
adroddodd ar ystod o gynlluniau oedd yn cael eu hystyried gan gynnwys gostwng
trethi busnes, adolygu parcio a gwelliannau i Farchnad Y Rhyl. Cyfeiriodd at ariannu posibl yn y dyfodol o
Fframwaith Adfywio Newydd Llywodraeth Cymru i fynd i’r afael â materion o’r
fath yn y dref. Amlygodd y pwyllgor bod
y problemau sy’n wynebu canol tref Y Rhyl yn cael eu hailadrodd ar draws y sir
a chyfeiriodd y Cadeirydd at ei bresenoldeb mewn Gweithdy Uchelgais Economaidd
ar y diwrnod cynt pan drafodwyd yr un materion, a dywedodd fod gwaith hefyd yn
cael ei gyflawni yn y fforwm hwnnw i fynd i’r afael â nhw. Cyfeiriodd y Cynghorydd Bob Murray at effaith
niweidiol ar Stryd Fawr Prestatyn ers i’r parc manwerthu newydd agor a dywedodd
bod gwaith hefyd yn cael ei wneud i fynd i’r afael â’r broblem honno.
Amlygwyd hefyd bwysigrwydd addysg
fel rhan o’r strategaeth byw a gweithio a chyfeiriodd y Cyfarwyddwr
Corfforaethol Cwsmeriaid at effaith ysgolion da ac addysg o ansawdd ar yr
economi. Ymatebodd i gwestiynau ynglŷn
â chyflwr gwael hanesyddol adeilad Ysgol Uwchradd Y Rhyl a’r cynlluniau i
ddatblygu adeilad ysgol newydd a oedd yn symud yn eu blaen yn dda. Ychwanegodd fod ansawdd yr addysg uwchradd a
ddarparwyd yn ardal Y Rhyl wedi gwella.
Yn olaf, trafododd aelodau
fynediad ffyrdd i’r dref a chyfeiriodd yr RGFM at y mannau croesi cyfyngedig o
ganlyniad i’r rheilffordd. Roedd cost
creu ffordd fynediad newydd yn rhy uchel ond roedd dulliau eraill o reoli
traffig yn cael eu hystyried er mwyn lleddfu tagfeydd a chynorthwyo llif
traffig.
I gloi, teimlai’r Cadeirydd y
byddai rhinwedd i gynhyrchu un ddogfen strategol cyffredinol yn rhoi manylion
am weledigaeth ar gyfer y Rhyl a chytunwyd i dderbyn y ddogfen hon gyda’r
adroddiad cynnydd nesaf. Amlygodd hefyd
yr angen i ddatblygu amcanion ar gyfer Canol y Dref ac elfennau Byw a Gweithio
fel mater brys.
Canmolodd y pwyllgor yr RGFM ar ei waith a
llwyddiannau hyd yn hyn o ran gweithredu strategaeth adfywio’r Rhyl.
PENDERFYNWYD –
(a) dylid
derbyn a nodi’r adroddiad cynnydd ar gyflwyno Strategaeth Adfywio Y Rhyl yn
Symud Ymlaen, a
(b) dylai’r
Pwyllgor dderbyn adroddiad cynnydd pellach ym mis Gorffennaf a fyddai’n cynnwys
dogfen strategol gyffredinol yn rhoi manylion y weledigaeth tymor hir ar gyfer
Y Rhyl. [Tom Booty i weithredu]
Dogfennau ategol:
- Rhyl Going Forward Report W, Eitem 5. PDF 88 KB
- Restricted enclosure Gweler y rhesymau pam fod dogfen 5./2 yn gyfyngedig
- Rhyl Going Forward Report - App 1b, Eitem 5. PDF 122 KB
- Rhyl Going Forward Report - App 1c, Eitem 5. PDF 135 KB
- Rhyl Going Forward Report - App 1d, Eitem 5. PDF 207 KB
- Rhyl Going Forward Report - App 2, Eitem 5. PDF 320 KB
- Rhyl Going Forward Report - App 3, Eitem 5. PDF 94 KB