Eitem ar yr agenda
CYNLLUN CORFFORAETHOL 2012/17 - Chwarter 3
Ystyried
adroddiad gan y Cynghorydd Barbara Smith (mae copi ynghlwm) sy’n cyflwyno
diweddariad trydydd chwarter ar waith cyflwyno Cynllun Corfforaethol 2012-17.
Penderfyniad:
PENDERFYNIAD
- y Cabinet i dderbyn yr adroddiad a nodi
sylwadau’r Aelodau yn ymwneud â’r materion perfformiad a godwyd.
Cofnodion:
Cyflwynodd y
Cynghorydd B.A. Smith yr adroddiad, a ddosbarthwyd eisoes, fel yr oedd ar
ddiwedd Rhagfyr 2012, yn rho
Byddai
adrodd yn rheolaidd yn ofyniad monitro hanfodol o’r Cynllun Corfforaethol i
sicrhau bod y cyngor yn gweithredu e
·
Datblygu'r
economi leol
·
Gwella
perfformiad mewn addysg ac ansawdd adeiladau ein hysgolion
·
Gwella
ein ffyrdd
·
Mae pobl ddiamddiffyn yn cael eu gwarchod ac yn gallu byw mor annibynnol
â phosibl
·
Strydoedd
glân a thaclus
·
Sicrhau
mynediad at dai o ansawdd da
·
Moderneiddio’r
cyngor i sicrhau arbedion a gwella gwasanaethau ar gyfer ein cwsmeriaid
Ymatebodd y Rheolwr Tîm Gwella
Corfforaethol (RhTGC) i gwestiynau oddi wrth Aelodau a chyfeiriodd at y
diffiniad statws codau lliw ar dudalen 57. Roedd pob dangosydd a mesur
perfformiad wedi cael statws yn disgrifio'r sefyllfa bresennol ac roedd y lliw
yn rhoi disgrifiad o’r statws.
Eglurwyd bod hwn yn Gynllun
Corfforaethol pum mlynedd a bod statws y dangosyddion unigol a’r mesurau
perfformiad yn cael eu cefnogi gan ddata ac yn seiliedig ar dystiolaeth. Roedd
y meysydd canlynol lle efallai bod angen gwaith pellach wedi eu hamlygu yn yr
adroddiad:-
- Nid
yw’r gwaith i ffurfioli cynlluniau ar gyfer cyrbau is wedi symud ymlaen ac
roedd wedi’i gynnwys yng Nghynllun Cydraddoldeb Strategol y Cyngor a’r Cynllun
Corfforaethol. Cytunodd y Cynghorydd D.I. Smith fynd ar drywydd pryderon a godwyd gan y Cynghorydd J.R. Bartley mewn perthynas â ffyrdd heb eu
mabwysiadu a materion cynllunio yn ymwneud â darparu cyrbau is yn ardal
datblygiadau ar gyfer pobl anabl.
-
Roedd canran y disgyblion sy’n
gadael yr ysgol heb gymhwyster cymeradwy yn “flaenoriaeth ar gyfer gwella” ac
angen ymdrechion parhaus i wella hyn i statws “derbyniol”. Cadarnhaodd y RhTGC y bydda
- Roedd cyflwyno’r holl rybuddion cosb
benodol wedi bod yn fwy na’r disgwyl, ond roedd cyflwyno rhybuddion cosb
benodol ar gyfer baw cŵn wedi cael ei amlygu fel “blaenoriaeth ar gyfer
gwella” gyda data yn awgrymu mai 2% yn unig o’r holl rybuddion cosb benodol a
gyflwynwyd oedd yn ymwneud â baw cŵn. Mewn ymateb i bryderon a godwyd gan
y Cynghorydd D. Simmons bod ardal Y Rhyl wedi cael ei thargedu, eglurodd y PW
bod adnoddau wedi cael eu canolbwyntio ar ardaloedd lle nodwyd bod problemau
gwrthgymdeithasol. Cadarnhaodd nad oedd ganddo unrhyw bryderon ynghylch
rhybuddion cosb benodol a bod y fframwaith perfformiad wedi bod yn dda. Roedd
Heddlu Gogledd Cymru wedi datgan eu bod yn fodlon ar y gwaith a wnaed ac wedi
mynegi eu cefnogaeth i'r fenter a gyflwynwyd. Bu gostyngiad sylweddol mewn
ymddygiad gwrthgymdeithasol a gwelliant cyffredinol yn yr amgylchedd, a
bwysleisiodd arwyddocâd a phwysigrwydd y prosiect.
-
Wedi’i nodi fel
"blaenoriaeth ar gyfer gwella" oedd canran y cyfarfodydd grŵp
craidd cychwynnol a gynhaliwyd o fewn 10 diwrnod i’r gynhadledd amddiffyn plant
cychwynnol, a oedd yn bwysig gan ei fod yn amlygu diogelu plant drwy brydlondeb
cyfarfodydd grŵp craidd. Roedd perfformiad wedi bod yn gwella drwy gydol y
flwyddyn ond roedd angen iddo barhau i wella o tua 10% i sicrhau statws
"derbyniol".
-
Roedd penderfynu ar geisiadau
cynllunio deiliad tai ar amser wedi gwaethygu gan ddangos bod angen parhau i
ganolbwyntio ar benderfynu ar geisiadau cynllunio’n brydlon.
Amlygodd yr
ymdrechion cydlynu i ddwyn ynghyd yr wybodaeth a oedd ei hangen i baratoi
adroddiad o’r fath fylchau mewn data, ac yn bwysicach, fylchau yn strwythur y
blaenoriaethau ynghylch economi, moderneiddio a thai. Byddai angen darn
cyffredinol o waith i hyrwyddo data a mynegi’n glir uchelgais y cyngor ar gyfer
y Cynllun Corfforaethol. Deallwyd y sefyllfa gyfredol ar gyfer y mwyafrif o’r
dangosyddion a’r mesurau perfformiad yn y Cynllun Corfforaethol. Fodd bynnag,
byddai angen gwell dealltwriaeth o uchelgais y Cyngor ar gyfer y dyfodol.
Byddai hyn yn helpu’r Cyngor
Roedd yr Arweinydd yn
teimlo bod y Cynllun Corfforaethol wedi chwarae rhan sylweddol mewn llwyddiant
a chyflawniadau'r Cyngor a phwysleisiodd bwysigrwydd sicrhau bod pawb yn deall
eu rolau penodol o fewn y broses. Cyfeiriodd at bryderon a godwyd yn y Pwyllgor
Archwilio Perfformiad yn ddiweddar ynglŷn â dilysrwydd yr wybodaeth yn yr
adroddiad ac eglurodd fod yr Aelodau Arweiniol priodol a Phenaethiaid
Gwasanaeth wedi cytuno ar yr Amcanion Allweddol a’u bod yn ymwybodol o'r
Dangosyddion Perfformiad fel y cawsant eu cyflwyno. Tynnodd sylw at rôl
sylweddol y Pwyllgor Archwilio yn y broses a chadarnhaodd y dylai unrhyw
feysydd sy'n peri pryder gael eu herio a'u monitro drwy'r sianelau priodol.
Cyfeiriodd y Cynghorydd B.A. Smith at bryderon a godwyd yn y Pwyllgor Archwilio
Perfformiad a rhoddodd grynodeb manwl o gefndir y Cynllun a ddatblygwyd gan
Aelodau a swyddogion. Cyfeiriodd at y dangosydd yn y Cynllun a oedd yn dangos y
llwyddiant a'r mesurau a oedd yn asesu gweithgareddau. Roedd y ddwy elfen hon
yn seiliedig ar ddata nid barn oddrychol. Cadarnhaodd y Cynghorydd Smith byddai'r Cynllun Corfforaethol yn cael ei adolygu'n
flynyddol gan Swyddfa Archwilio Cymru (SAC) a oedd wedi cytuno’n wreiddiol ar y
Cynllun. Cadarnhaodd y HBPP bod y Cynllun wedi cael ei ddilysu gan SAC a
chytunodd i gynnal trafodaethau pellach gyda Chadeirydd y Pwyllgor Archwilio i
egluro'r pryderon a'r materion a godwyd. Eglurodd y byddai cyfle pellach i
herio a thrafod trwy’r Adroddiad Gwella Blynyddol, a fyddai'n cael ei gyflwyno
i'r Pwyllgor Llywodraethu Corfforaethol ym mis Mai, a'r broses Herio
Gwasanaethau. Eglurodd y Cynghorydd D.I. Smith y byddai'r Cynllun
Corfforaethol yn cael ei ddefnyddio i helpu i nodi a mynd i'r afael â materion
a allai fod angen sylw.
Dywedodd y PW wrth y Cabinet bod yr
adroddiad wedi trosglwyddo negeseuon clir. Cyfeiriodd at yr angen am eglurhad
ynghylch y diffyg cynnydd o ran cyrbau is a'r angen i osod targedau ar gyfer
gwella, ac i ystyried y posibilrwydd o gyflwyno strategaethau i fynd i'r afael
â'r mater annerbyniol o ddisgyblion yn gadael yr ysgol heb gymhwyster
cymeradwy.
Yn dilyn trafodaeth bellach:-
PENDERFYNWYD – bod y Cabinet yn derbyn yr adroddiad a nodi sylwadau’r
Aelodau yn ymwneud â’r materion perfformiad a godwyd.
Dogfennau ategol: