Eitem ar yr agenda
CYSYLLTU GYDA’N CYMUNEDAU AC AILDDIFFINIO EIN HAGWEDD TUAG AT FOD YN ‘GYNGOR RHAGOROL YN AGOS AT Y GYMUNED’
Ystyried adroddiad (copi’n amgaeëdig) gan y Cyfarwyddwr
Corfforaethol: Cwsmeriaid sy’n gwahodd barn yr aelodau ar sut mae’r Cyngor yn
symud ymlaen ar thema Dod yn Agosach at y Gymuned a sut orau i ymgysylltu gyda
thrigolion.
Cofnodion:
Cyflwynodd y Cyng. Hugh Irving,
Aelod Arweiniol Cwsmeriaid a Chymunedau, adroddiad (a gafodd ei anfon at
yr Aelodau ymlaen llaw) ar y testun uchod gan ofyn i’r Pwyllgor roi sylwadau ar
sut mae’r Cyngor yn cysylltu â’r gymuned ac ar ailddiffinio agwedd y Cyngor
tuag at fod yn ‘Gyngor rhagorol sy’n agos at y gymuned’.
Eglurodd y Cyfarwyddwr Corfforaethol Cwsmeriaid
bod, yn y gorffennol, fforymau cymunedol wedi derbyn cyfle i fod yn rhan o
waith y Cyngor ond bod cyfranogaeth y cyhoedd wedi bod yn wan ac felly
daethpwyd â’r fforymau i ben heb sefydlu rhai newydd. Yn ddiweddar, fodd
bynnag, mae gwaith mwyaf llwyddiannus y Cyngor gyda chymunedau wedi digwydd
trwy gyfres o ymgynghoriadau cyhoeddus ar faterion penodol fel yr ymgynghoriad
ar addysg gynradd. Cafodd yr Aelodau gyfle i wneud awgrymiadau ar sut i wella’r
cysywllt â chymunedau. Dyma’r awgrymiadau:
·
Rhoi
dewis i drigolion gofrestru i dderbyn e-byst ‘Sir Ddinbych Heddiw’ sy’n cael eu
hanfon at aelodau.
·
Cynnal
cyfarfodydd Arbennig Grŵp Aelodau Ardal naill ai cyn neu ar ôl y cyfarfod
arferol er mwyn i aelodau o’r cyhoedd drafod materion gyda’u haelodau
lleol.
·
Credwyd
bod ‘Llyfr Coginio Democratiaeth’ Cyngor Sir y Fflint ar gyfer clybiau
ieuenctid, sy’n egluro i bobl ifanc sut mae democratiaeth a gwleidyddiaeth yn
gweithio, yn enghraifft dda o sut i gynnwys pobl ifanc yng ngwaith awdurdodau
lleol. Credwyd y byddai modd i Sir Ddinbych ddysgu o hyn.
·
Meithrin
gwell cysylltiad rhwng swyddogion ac aelodau lleol i sicrhau bod cynghorwyr yn
ymwybodol o’r hyn sy’n digwydd ac yn effeithio ar eu ward. Roedd rhywfaint o
bryder nad yw pobl, ar adegau, yn cysylltu â’u haelod lleol yn gyntaf pan fo
materion yn ymwneud â’u ward yn codi.
Dywedodd y Pennaeth Cyfathrebu, Marchnata a Hamdden bod y Cyngor wedi
mabwysiadu Strategaeth Cyfathrebu newydd a bod Camau Gweithredu’r Flwyddyn 1af yn edrych ar ffyrdd o’i
datblygu, yn arbennig o ran cyfryngau cymdeithasol a datganiadau i’r wasg.
Soniwyd hefyd bod fforwm ieuenctid wedi ei drefnu’n ddiweddar yn y Rhyl i
drafod y Cynllun MAWR. Roedd uwch arweinwyr y Cyngor a mudiadau eraill y Bwrdd
Gwasanaeth Lleol, fel yr Heddlu, hefyd yn bresennol. Roedd yr adborth yn
gadarnhaol iawn.
Arweiniodd Cyfarwyddwr Corfforaethol Cwsmeriaid y
pwyllgor drwy ail hanner ei adroddiad ac eglurodd bod y Cyngor yn bwriadu
adolygu ei ddiffiniad o fod yn Gyngor ‘sy’n agos at y gymuned’ i gyd-fynd â
blaenoriaethau'r Cynllun Corfforaethol newydd. Mae’r cynnydd yn y gwaith o roi
Cynllun Gweithredu ‘Dod yn Agosach at y Gymuned’ ar waith yn y 18 mis diwethaf
wedi ei grynhoi dan dri phennawd - ‘Cynrychioli a Chyswllt’, ‘Darparu
Gwasanaeth’ a ‘Datblygu Cymunedol’. I ddatblygu’r gwaith yma ymhellach, mae
pedwar maes newydd wedi ei gynnig ac mae cyfle i’r Pwyllgor hwn anfon sylwadau
arnyn nhw cyn i’r Cyngor benderfynu eu cymeradwyo. Dyma’r pedwar maes
arfaethedig:
1)
Cynnwys
Cymunedau a Democratiaeth
2)
Rhoi’r
flaenoriaeth i’n cwsmeriaid
3)
Mapio
anghenion a dyheadau cymunedau a gwella cynhwysedd
4)
Gwella
gwasanaethau
a)
Meithrin
y diwylliant cywir
b)
Cynllunio
gwasanaethau yn agos at gymunedau
Yn ystod y drafodaeth ddilynol, pwysleisiodd y
Cyng. Huw Williams bwysigrwydd dibynnu ar wybodaeth y Grwpiau Aelodau Ardal er
mwyn sicrhau bod cynghorwyr yn gwybod beth sy’n digwydd. Dywedodd y Cadeirydd y
gellir cytuno â’r meysydd ond ychwanegodd mai eu gweithredu fydd y gwaith
pwysicaf ac y byddai’n rhaid monitro hynny. Dywedodd y Cyfarwyddwr
Corfforaethol Cwsmeriaid y byddai’r ‘camau gweithredu’ yn cael eu hegluro ac y
byddai’r trefniadau ar gyfer monitro llwyddiant yn cael eu gosod unwaith mae’r
meysydd wedi eu cymeradwyo.
Ychwanegodd yr Aelod Arweiniol Cwsmeriaid a Chymunedau bod gweithdy ar
wasanaethau cwsmer ar 5 Mawrth i geisio canfod beth yw anghenion cwsmeriaid.
Mae croeso i bob cynghorydd ei fynychu. Cafwyd trafodaeth faith i ddilyn.
PENDERFYNIAD:
i)
Cefnogi’r dulliau a amlinellwyd yn yr
adroddiad, gan gynnwys cynyddu’r defnydd o’r cyfryngau cymdeithasol, er dibenion
gwella’r cyswllt rhwng cynghorwyr sir, trigolion a grwpiau â diddordeb;
ii)
Ystyried cynnal Cyfarfodydd Arbennig o’r
Grwpiau Aelodau Ardal pan fydd angen ymgynghori/cysylltu â chymunedau
ynglŷn â mater penodol;
iii)
Cefnogi’r diffiniad diwygiedig o fod yn
‘Cyngor Rhagorol sy’n Agos at y Gymuned’
a llunio cynllun gweithredu yn seiliedig ar ganlyniadau, sy’n cynnwys sut i fesur llwyddiant a cherrig milltir er
mwyn cyrraedd yr uchelgais, a monitro’r camau gweithredu’n ofalus.
Dogfennau ategol:
- An Excellent Council Close to the Community 280213, Eitem 6. PDF 69 KB
- An Excellent Council Close to the Community 280213 - Annex and Apps, Eitem 6. PDF 392 KB