Eitem ar yr agenda
STRATEGAETH GWYBODAETH AC YMGYNGHORI GOFALWYR GOGLEDD CYMRU
I ystyried adroddiad gan y Cynghorydd Bobby Feeley, yr Aelod
Arweiniol dros Ofal Cymdeithasol a Gwasanaethau Plant (copi’n amgaeedig) ar
weithrediad y Mesur Strategaethau Gofalwyr (Cymru) 2010 newydd fel y’i mynegir yn Strategaeth Gwybodaeth ac Ymgynghori
Gofalwyr 2012 – 2015.
Penderfyniad:
Cyflwynodd y Cynghorydd R.L. Feeley yr adroddiad a
oedd yn manylu ar weithrediad Mesur newydd y Strategaethau Gofalwyr (Cymru)
2010 (y Mesur Gofalwyr) fel y’i mynegir yn y Strategaeth Gwybodaeth ac
Ymgynghori ar gyfer Gofalwyr Gogledd Cymru 2012 – 2015.
PENDERFYNWYD:- bod y Cabinet yn cymeradwyo Strategaeth
Gwybodaeth ac Ymgynghori ar gyfer Gofalwyr, 2012-2015, a’r dull partneriaeth â
Bwrdd Iechyd Prifysgol Betsi Cadwaladr a’r trydydd sector o ran ei gweithrediad.
Cofnodion:
Cyflwynodd y Cynghorydd
R.L. Feeley yr adroddiad a oedd yn nodi gweithrediad Mesur newydd Strategaethau
Gofalwyr (Cymru) 2010 (y Mesur Gofalwyr) fel y’i mynegir yn Strategaeth
Gwybodaeth ac Ymgynghori Gofalwyr Gogledd Cymru 2012 - 2015. Mae copi o’r Strategaeth Ranbarthol wedi ei
gynnwys fel Atodiad 1 i’r adroddiad.
Roedd y Strategaeth Ranbarthol wedi ei chymeradwyo gan
Lywodraeth Cymru ac roedd angen i bob un o’r chwe Awdurdod Lleol yng Ngogledd
Cymru graffu a chymeradwyo’r Strategaeth Ranbarthol. Fe amlinellodd yr adroddiad y ffordd y
byddai’r Strategaeth Ranbarthol yn delio â gofynion y Mesur Gofalwyr ac roedd y
Pwyllgor Craffu Partneriaethau wedi mynegi eu cefnogaeth i weithrediad y
Strategaeth.
Roedd y Mesur, y Rheoliadau a’r Cyfarwyddyd ar weithredu’r
Mesur wedi eu rhoi i bob Bwrdd Iechyd Lleol a phob Ymddiriedolaeth, ac i’r
Gwasanaethau Cymdeithasol (yr ‘awdurdodau dynodedig’) yn Ionawr 2012, a dyma’r
tro cyntaf i ddyletswyddau statudol gael eu rhoi ar Awdurdodau Iechyd yng
Nghymru.
Roedd y Pwyllgor Craffu Partneriaethau wedi ystyried
adroddiad a oedd yn amlinellu gofynion Mesur Strategaethau Gofalwyr (Cymru)
2010, a’r gofyniad yn arbennig i gyhoeddi a gweithredu Strategaeth Wybodaeth ac
Ymgynghori ranbarthol i Ofalwyr.
Fe esboniodd y Pennaeth Gwasanaethau Oedolion a Busnes bod y
Byrddau Iechyd Lleol wedi eu dynodi’n ‘awdurdod arweiniol’ yng ngweithrediad
Rheoliadau’r Mesur Gofalwyr a bod Grŵp Strategol Arweinwyr Gofalwyr
Gogledd Cymru wedi ei sefydlu yn 2011 i ddatblygu’r Strategaeth
Ranbarthol. Yn ogystal, roedd BIPBC wedi
sefydlu Bwrdd Prosiect Mesur Strategaethau Gofalwyr (Cymru) i graffu gwaith
Grŵp Strategol Arweinwyr Gofalwyr Gogledd Cymru a darparu cyngor a
sicrwydd i’r Bwrdd Iechyd ei fod yn cyfarfod â’i gyfrifoldebau o ran y Mesur
Gofalwyr.
Roedd Llywodraeth Cymru wedi casglu bod y Strategaeth yn
rhagweithiol ac yn arddangos gweithio cryf mewn partneriaeth rhwng y Bwrdd
Iechyd, y chwe Awdurdod Lleol a sefydliadau’r Trydydd Sector. Roedd rhai meysydd i’w gwella wedi eu nodi ac
roedd y rhain yn cynnwys yr angen am bennod ar wahân ar ofalwyr ifanc, cryfhau
rhai o’r Camau Allweddol ar gyfer Blwyddyn 3, yn enwedig y rheiny ar
hyfforddiant staff a gofalwyr, a mynegi sut y byddai’r Strategaeth yn
berthnasol i gymunedau Pobl Dduon a Lleiafrifoedd Ethnig a grwpiau eraill sydd
â nodweddion a ddiogelir. Roedd angen
cryfhau elfen iechyd meddwl y Strategaeth hefyd ac roedd Llywodraeth Cymru’n
edrych ar ffyrdd o ddarparu cymorth i’r Byrddau Iechyd.
Roedd amcanion allweddol y Strategaeth Ranbarthol yn
cynnwys:-
o
Bydd holl weithwyr proffesiynol y GIG a’r
awdurdod lleol yn cael eu hysbysu o’u cyfrifoldebau o ran y Mesur Gofalwyr drwy
godi ymwybyddiaeth oportiwnistig a hyfforddiant staff.
o
Fe
gaiff gofalwyr eu nodi gyn gynted ag sydd bosib.
o
Fe roddir gwybodaeth amserol ddigonol i ofalwyr
yn ôl eu hanghenion.
o
Pan
fydd cydsyniad claf yn cael ei atal, fe ddarperir gofalwyr â chymaint o
wybodaeth ag sy’n bosib ei rhannu heb dorri cyfrinachedd y claf, i’w galluogi i
ymgymryd â’u rôl o ofalu’n ddiogel.
o
Fe hysbysir pob gofalwr o’u hawl i asesiad
annibynnol o’u hanghenion cymorth fel gofalwr
o
Bydd gofalwyr yn cael eu cynnwys yn naturiol yn
yr holl brosesau penderfynu ynghylch rheolaeth gofal.
o
Mae staff y GIG yn gallu cyfeirio gofalwyr a
fydd wedi eu nodi at sefydliadau cymorth i ofalwyr.
Er mwyn bodloni’r amcanion hyn, mae’r Strategaeth Ranbarthol
yn mynegi’r camau allweddol o ran:
o
Nodi a Chyfeirio Gofalwyr
o
Asesiadau o Anghenion Gofalwyr
o
Darpariaeth gwybodaeth
o
Cyfathrebu ac ymgynghori â Gofalwyr
o
Hyfforddiant Staff a Hyfforddiant Gofalwyr
o
Monitro
effaith y Mesur Gofalwyr
Roedd yr adroddiad
yn cynnwys manylion y ffordd yr oedd y penderfyniad yn cyfrannu tuag at y
Blaenoriaethau Corfforaethol, effaith y costau ar wasanaethau eraill, y costau
sy’n codi o weithgareddau cyfathrebu, ymgynghoriadau a gafwyd a risgiau posib
a’r ffordd i’w lleihau.
Esboniodd Pennaeth y Gwasanaethau Oedolion a Busnes bod y
dyletswyddau statudol yr oedd y Mesur Gofalwyr yn eu rhoi ar y Bwrdd Iechyd yn
delio â materion demograffig o ran niferoedd cynyddol yr unigolion a oedd yn
ymgymryd â swyddogaeth o ofalu, a byddai mwy o gymorth i Ofalwyr Ifanc yn helpu
i ddelio ag anghenion a fynegwyd yn Strategaeth Gofalwyr Ifanc Sir Ddinbych,
gydag ymglymiad Addysg yn bartner allweddol.
Roedd Cynllun Mawr Sir Ddinbych yn cefnogi datblygiad y Strategaeth Ranbarthol,
a gweithrediad camau’r Strategaeth.
Byddai datblygiad y Strategaeth Ranbarthol hefyd yn cefnogi’r mesurau
perfformiad sydd wedi eu cynnwys yn y Cynllun Mawr o ran nifer y Gofalwyr a
nodwyd ac a aseswyd.
Roedd manylion y dyraniadau
i’w rhoi ar gael i BIPBC i gynorthwyo gweithrediad y strategaeth ranbarthol
ledled Gogledd Cymru wedi eu nodi yn yr adroddiad. Cadarnhaodd y Pennaeth Gwasanaethau Oedolion
a Busnes y byddai’r cyfrifoldeb am asesu’n aros â’r Awdurdod Lleol ac y
byddai’r potensial ar gyfer cynnydd yn nifer yr atgyfeiriadau’n cael ei fonitro
i ystyried problemau capasiti ac oblygiadau i wasanaethau yn y dyfodol. Fe amlinellodd y prosesau a fabwysiadwyd ar
gyfer nodi gofalwyr, yn enwedig yn y cyfnod cynnar, ac ar gyfer cydnabod lefel
a pha fath o gymorth yr oedd ei angen.
Yn ateb i gwestiwn gan y
Cynghorydd J. Thompson-Hill rhoddodd y Cydlynydd Gofalwyr fanylion yr ystod o
wasanaethau a gomisiynwyd i roi cymorth i ofalwyr, a oedd yn cynnwys
darpariaeth gofal seibiant. Ar gais yr
Arweinydd cytunodd y Swyddog Comisiynu y gellid cylchredeg gwybodaeth ar y
gwasanaethau cymorth a oedd ar gael i ofalwyr yn y Sir i Aelodau Gweithredol.
Cafwyd yr ymateb canlynol gan y swyddogion i
faterion a godwyd gan Aelodau:-
-
Darparwyd manylion y
broses ariannu a thaliadau ar gyfer darpariaeth gwasanaethau i ddefnyddwyr
gwasanaeth.
-
Esboniodd y
Pennaeth Gwasanaethau Oedolion a Busnes y byddai materion ariannu a godwyd o
ran darpariaeth gwasanaethau gofalwyr yn cael eu cynnwys yn y broses o
gynllunio cyllideb ar gyfer y flwyddyn ariannol nesaf. Esboniodd y Cynghorydd R.L. Feeley fod yr
oblygiadau cost yn aneglur a byddid yn eu monitro’n agos. Cyfeiriodd Cyfarwyddwr Corfforaethol:
Moderneiddio a Lles at oblygiadau darparu cyllid ac adnoddau a allai effeithio
ar lefel ac ystod darpariaeth gwasanaeth a dylanwadu ar hynny.
-
Crynhowyd
swyddogaeth a chylch gwaith Pencampwr Gofalwyr Sir Ddinbych, y Cynghorydd J.A.
Davies. Esboniwyd ei bod yn aelod
sefydlog o Grŵp Strategaeth Gofalwyr Sir Ddinbych ac felly’n derbyn
diweddariadau rheolaidd ar gynnydd a gwybodaeth.
-
Mewn ymateb i bryderon a godwyd gan y Cynghorydd B.A. Smith, esboniodd y
Cydlynydd Gofalwyr y byddai cynllunio rhyddhau’n elfen bwysig o sefydliad a datblygiad
llwybr cyfeirio ffurfiol drwy’r siwrnai iechyd.
Roedd y strategaeth a oedd yn cael ei datblygu ar hyn o bryd i wella’r
broses yn cwmpasu cynllun gofal a byddai gwelliant arfaethedig y strategaeth yn
sicrhau y byddai’r broses yn gadarnach.
Cadarnhaodd bwysigrwydd swyddogaeth Meddygon Teulu yn y broses o
gyfeirio a chadarnhaodd eu cynhwysiad yn y broses hyfforddi. Cytunai’r Cydlynydd Gofalwyr y gellid
cylchredeg taflen wybodaeth i ofalwyr a ddyluniwyd gan Grŵp Gogledd Cymru
i’w dosbarthu mewn sesiynau hyfforddi staff, i Aelodau pan fyddai wedi ei
chwblhau.
-
Dywedodd y Cyfarwyddwr Corfforaethol:Moderneiddio a Lles wrth Aelodau
bod y strategaeth hefyd yn cwmpasu gofalwyr ifanc ac esboniodd bod y pwynt
mynediad i wasanaethau i ofalwyr ifanc yn wahanol i’r rheiny ar gyfer
oedolion. Amlinellodd y gwaith sy’n cael
ei wneud yn Ysgolion Sir Ddinbych a Gwasanaethau Plant i nodi gofalwyr ifanc a
sicrhau ymwybyddiaeth o lefel uwch a chadarnhaodd y byddid yn ymgymryd â gwaith
pellach drwy gomisiynu gwasanaethau’n rhanbarthol.
Mynegodd y Prif Weithredwr
ei gefnogaeth i’r Strategaeth ac amlygodd y gydberthynas weithio mewn
partneriaeth dda sy’n bod rhwng BIPBC a Sir Ddinbych. Amlinellodd y gofynion cyfreithiol ac fe
amlygodd bwysigrwydd gwneud penderfyniadau a fyddai’n cynyddu ac yn cryfhau
lefel y gweithio mewn partneriaeth a oedd eisoes wedi ei sefydlu.
Yn dilyn trafodaeth
bellach:-
PENDERFYNWYD:-
bod y Cabinet yn cymeradwyo Strategaeth Gwybodaeth ac Ymgynghori Gofalwyr
Gogledd Cymru, 2012-2015, a’r dull partneriaeth â Bwrdd Iechyd Prifysgol Betsi
Cadwaladr a’r trydydd sector o ran ei gweithrediad.
Dogfennau ategol: