Eitem ar yr agenda
CYFLAWNI CYNLLUNIAU TREF AC ARDAL SIR DDINBYCH
Ystyried cyd-adroddiad gan y Cynghorwyr Hugh Evans,
Arweinydd ac Aelod Arweiniol Datblygiad Economaidd a Huw Jones, Aelod Arweiniol
Twristiaeth, Hamdden ac Ieuenctid (copi’n amgaeëdig) yn gofyn i’r Cabinet
gadarnhau’r broses ar gyfer atgyfnerthu ac ehangu’r Cynlluniau Tref a
chymeradwyo dyraniad rhagarweiniol cyllid ar gyfer blaenoriaethau a adnabuwyd
yn 2012/13 a 2013/14.
Penderfyniad:
PENDERFYNWYD –
(a) datblygu’r
trefniadau a sefydlwyd i gyfnerthu’r Cynlluniau Trefol i’w ehangu yn Gynlluniau
Ardal ehangach yn ymgorffori Hyrwyddwyr Cynlluniau Tref, Grŵp Cydgysylltu
Cynlluniau Tref a chefnogaeth swyddogion cysylltiedig;
(b) cadarnhau’r
cyllid sydd ar gael i weithredu’r blaenoriaethau yn y Cynlluniau Tref a
Chynlluniau Ardal ehangach sy’n dod o’r ffynonellau canlynol:
·
cyllid blaenoriaeth gorfforaethol ar gyfer
‘gwella’r economi lleol’
·
cyllideb refeniw cyllid cymunedol
·
dyraniad cyfalaf cymunedol a chyfalaf cyfatebol
(c) cymeradwyo’r argymhellion gan y Tîm
Cydgysylltu Cynlluniau Tref ar ddyraniad rhagarweiniol yn 2012/13 a 2013/14.
Cofnodion:
Cyflwynodd y Cynghorydd Hugh Evans, yr
Arweinydd a’r Aelod Arwain dros Ddatblygu Economaidd, a’r Cynghorydd Huw Jones,
yr Aelod Arwain dros Dwristiaeth, Hamdden ac Ieuenctid, yr adroddiad ar y cyd
yn gofyn i’r Cabinet gadarnhau’r broses ar gyfer cyfuno ac ehangu’r Cynlluniau
Tref a chymeradwyo dyraniad cychwynnol cyllid i flaenoriaethau a nodwyd yn
2012/13 a 2013/14.
Roedd yr
adroddiad yn nodi mesurau a gyflwynwyd i
fynd i’r afael ag anghenion a blaenoriaethau cymunedau llai o faint a mwy
gwledig, gan gynnwys ehangu’r Cynlluniau Tref yn Gynlluniau Ardal ehangach (gan
gynnwys penodi Hyrwyddwyr Tref a chymorth swyddog a sefydlu Grŵp Cydlynu
Tref). Bu’r Cynghorydd Huw Jones hefyd yn ymhelaethu ar ei rôl yn gofalu am yr
agwedd datblygu gwledig i sicrhau bod yr anghenion yn yr ardaloedd gwledig
hefyd yn cael sylw, ac ar y gwaith a wnaethpwyd hyd yma er mwyn nodi ardaloedd
â blaenoriaeth yn y cymunedau hynny.
Tynnwyd sylw’r Aelodau i’r cynigion cyllid i weithredu blaenoriaethau a
nodwyd, ynghyd ag argymhellion y Grŵp Cydlynu Cynllun Tref ar ddyraniad
cychwynnol y cyllid fel y’i disgrifir yn yr adroddiad.
Wrth ystyried yr adroddiad, pwysleisiodd y
Cabinet mor bwysig oedd cyflwyno dull effeithiol o fynd i’r afael ag anghenion
y cymunedau gwledig a thrafododd y trefniadau llywodraethu wrth ddatblygu’r
cynlluniau tref yn gynlluniau ardal ehangach, gan amlygu buddion y trefniadau
hynny i drefi a chymunedau fel ei gilydd. Soniodd yr Aelodau hefyd am y cynnydd
sy’n cael ei wneud o ran cyflenwi’r cynlluniau tref i’w hardaloedd unigol
drwy’r Grwpiau Ardal Aelod a’u perthynas â’r cymunedau o’u cwmpas. Trafodwyd y
materion canlynol yn fanylach –
-
bu’r aelodau’n ystyried a ddylid
categoreiddio Bodelwyddan fel tref yng ngoleuni’r cynigion a nodwyd yn y
Cynllun Datblygu Lleol (CDLl) a’r niferoedd mawr a gyflogir yno. Cydsyniwyd y
dylid ystyried y peth ymhellach ar ôl gwneud penderfyniad terfynol ar
fabwysiadu’r CDLl
-
cytunodd y
Cyfarwyddwr Corfforaethol: Uchelgais Economaidd a Chymunedol i gylchredeg
rhestr o gymunedau a’r trefi y byddent yn gysylltiedig â hwy
-
i roi
sicrhad ynglŷn â chynnydd, dywedodd y Cyfarwyddwr Corfforaethol: Uchelgais
Economaidd a Chymunedol y byddai adroddiadau cynnydd am bob tref yn cael eu
llunio
-
byddai’r
Arweinydd a’r Cyfarwyddwr Corfforaethol: Uchelgais Economaidd a Chymunedol yn
mynd i bob Grŵp Aelod Ardal i drafod cyflenwi’r cynlluniau
-
roedd y
Prif Weithredwr yn teimlo bod angen i’r strwythur cynllun tref cyfredol
esblygu’n ardaloedd mwy rhesymegol i ymdrin â’r sir gyfan ac awgrymodd y dylid
amlygu’r rhain yn y penderfyniad
-
roedd y Cynghorydd Eryl Williams yn teimlo y
byddai’n fuddiol sefydlu Grŵp Ardal Wledig, yn ogystal â chynnwys
cymunedau gwledig mewn Cynlluniau Ardal ehangach, er mwyn cynhyrchu syniadau,
arfer da a dysgu am yr hyn sy’n digwydd mewn ardaloedd eraill. Awgrymodd yr
Arweinydd ailsefydlu’r Grŵp Gwledig blaenorol a gofynnodd i’r Cynghorydd
Huw Jones fynd â’r mater yn ei flaen
-
nodwyd y
byddai ardaloedd ward penodol sy’n cynnwys cymunedau gwledig yn debygol o gael
eu cysylltu â gwahanol drefi, a allai achosi anhawster ac a amlygwyd yn faes
pryder. Cadarnhaodd y Cyfarwyddwr Corfforaethol: Uchelgais Economaidd a
Chymunedol fod angen ystyried ffiniau sefydliadol y Cyngor a’r rheini a wneir
gan y cymunedau i sicrhau’r pontio mwyaf priodol o Gynlluniau Tref i Gynlluniau
Ardal
-
cytunodd y
Cabinet y bydd adroddiad cynnydd am weithredu’r trefniadau a ddisgrifiwyd yn yr
adroddiad yn cael ei gyflwyno i’w gyfarfod ym mis Mai
Cymeradwyodd y Cabinet y cynigion cyllid i
weithredu blaenoriaethau ac roedd yn falch o nodi bod cyllid wedi’i atal i fynd
i’r afael â blaenoriaethau a nodwyd wedyn yn y cymunedau gwledig. Ychwanegodd y
Cynghorydd Joan Butterfield y byddai cyllid yn cael ei geisio hefyd am
brosiectau a nodir yng Nghynllun Cyflenwi’r Rhyl yn Symud Ymlaen pan fydd
wedi’i gwblhau. Ar y cyfan, sicrhawyd y Cabinet fod y trefniadau i ehangu’r
Cynlluniau Tref yn Gynlluniau Ardal fel y disgrifiwyd yn yr adroddiad yn
darparu dull priodol o integreiddio anghenion y cymunedau llai o faint a
gwnaethpwyd gwelliant i’r argymhelliad i egluro’r trefniadau hynny. Ar fwrw
pleidlais -
PENDERFYNWYD
–
(a) datblygu’r
trefniadau a sefydlwyd i gyfuno Cynlluniau Tref i’w hehangu’n Gynlluniau Ardal
ehangach sy’n ymgorffori Hyrwyddwyr Cynllun Tref, y Grŵp Cydlynu Cynllun
Tref a’r cymorth swyddog cysylltiedig
(b) cadarnhau’r
cyllid sydd ar gael i weithredu’r blaenoriaethau yn y Cynlluniau Tref a’r
Cynlluniau Ardal ehangach yn dod o’r ffynonellau canlynol:
·
Cyllid blaenoriaeth gorfforaethol ar gyfer
‘Gwella’r economi leol’
·
Cyllideb refeniw cyllid cymunedol
·
Dyraniad cyfalaf arian cyfatebol a chyfalaf
cymunedol
(c) cymeradwyo’r argymhellion gan Grŵp Cydlynu Cynllun Tref ar ddyraniad cychwynnol o gyllid yn 2012/13 a 2013/14.
Dogfennau ategol: