Eitem ar yr agenda

Ystyried adroddiad cyfrinachol gan Bennaeth Cynllunio, Gwarchod y Cyhoedd a Gwasanaethau Cefn Gwlad (copi ynghlwm) yn gofyn i aelodau wneud penderfyniad ynglŷn â chais gan Ymgeisydd Rhif 578447 am drwydded i yrru cerbyd hacni a cherbydau hurio preifat.

 

 

 

PENDERFYNWYD bod Ymgeisydd Rhif 578447 yn unigolyn cymwys ac addas i feddu at Drwydded Yrru Cerbyd Hacni a Cherbydau Hurio Preifat a chymeradwyo’r cais ar yr amod bod yr awdurdod lleol yn derbyn Tystysgrif GDG gyfredol a boddhaol.

 

Cyflwynwyd adroddiad cyfrinachol gan y Pennaeth Cynllunio, Gwarchod y Cyhoedd a Gwasanaethau Cefn Gwlad (a ddosbarthwyd ymlaen llaw) ynglŷn â’r canlynol –

 

(i)             cais a dderbyniwyd am drwydded i yrru cerbyd hacni a cherbydau hurio preifat gan Ymgeisydd Rhif 578447;

 

(ii)            penderfyniad swyddogion i atgyfeirio'r cais at y Pwyllgor Trwyddedu i benderfynu arno oherwydd amgylchiadau penodol yr achos;

 

(iii)          mae’r Ymgeisydd wedi derbyn euogfarn ym mis Hydref 2019 ar gyfer ymosodiad cyffredin a heb ddatgan trosedd yrru fechan ar ei gais (bod yna ddim pwyntiau cosb ar ei drwydded yrru gan y DVLA);

 

(iv)          darparwyd gwybodaeth gefndir a dogfennau cysylltiedig yn ymwneud â’r achos yn cynnwys manylion yr euogfarnau a gafwyd ac eglurhad yr Ymgeisydd o’r digwyddiadau, datganiad personol, a geirda o ran cymeriad gan ei gyflogwr presennol; 

 

(v)           polisi’r Cyngor mewn perthynas â pherthnasedd euogfarnau ac addasrwydd yr ymgeiswyr a thrwyddedau; a

 

(vi)          gwahoddwyd yr Ymgeisydd i fynychu’r cyfarfod i gefnogi’r cais ac i ateb cwestiynau’r Aelodau wedi hynny.

 

Roedd yr ymgeisydd yn bresennol er mwyn cefnogi ei gais.

 

Cyflwynodd y Swyddog Gorfodi Trwyddedu (NS) yr adroddiad a ffeithiau’r achos.

 

Cynghorwyd Aelodau o’r gofyniad i’r Ymgeisydd gyflwyno Tystysgrif Gwasanaeth Datgelu a Gwahardd diweddar (o ystyried fod y ddogfen wreiddiol yn fwy na thri mis oed) a disgwylir y dystysgrif yn fuan.  Mae’r Ymgeisydd wedi sicrhau fod yna ddim newidiadau i’r Dystysgrif y Gwasanaeth Datgelu a Gwahardd.

 

Mae’r Ymgeisydd wedi egluro’r amgylchiadau ynghylch yr euogfarn, heb unrhyw drais neu fwriad, ac wedi mynegi edifeirwch am y digwyddiad.   Mynegodd ei fod yn ddyn teulu a ddim o natur dreisgar.

 

Gofynnwyd am eglurhad ar y dolenni polisi i droseddau yn cynnwys trais yn yr achos hwn ac fe eglurodd y Swyddog Gorfodi Trwyddedu y diffiniad cyfreithiol a graddfa symudol gydag ymosodiad cyffredinol ar y lefel isaf heb achosi unrhyw anafiadau yn yr achos penodol hwn.  Darparodd polisi’r Cyngor grynodeb cyffredinol o droseddau o’r fath ac roedd gwaith yn cael ei wneud yn genedlaethol er mwyn adlewyrchu’r natur fanwl o droseddau o’r fath mewn polisi’r dyfodol wrth symud ymlaen.  Wrth ymateb i gwestiynau fe eglurodd yr Ymgeisydd sut yr oedd y llysoedd wedi cael gwared ar y drosedd a chynghorodd nad oedd wedi cael unrhyw euogfarnau eraill cyn nac ar ôl y drosedd.   Cadarnhaodd ei alwedigaeth bresennol a oedd yn cynnwys gyrru a dyma’r rheswm y tu ôl i’w gais a’i fwriad am gyflogaeth yn y dyfodol.   Darparodd eglurhad ynghylch y drosedd yrru fychan a’i fethiant i’w ddatgelu ar y cais.

 

O ran datganiad terfynol yr Ymgeisydd fe gadarnhaodd nad oedd ganddo unrhyw beth i’w ychwanegu.

 

Gohiriwyd y Pwyllgor er mwyn ystyried y cais a –

 

PENDERFYNWYD bod Ymgeisydd Rhif 578447 yn unigolyn cymwys ac addas i feddu at Drwydded Yrru Cerbyd Hacni a Cherbydau Hurio Preifat a chymeradwyo’r cais ar yr amod bod yr awdurdod lleol yn derbyn Tystysgrif GDG gyfredol a boddhaol.

 

[Ni bleidleisiodd y Cynghorydd Paul Keddie ar y mater am nad oedd yn bresennol ar gyfer yr holl eitem.]

 

Dyma resymau’r Pwyllgor Trwyddedu dros y penderfyniad –

 

Roedd yr aelodau wedi ystyried y dystiolaeth yn ofalus wrth wneud eu penderfyniad.

 

Ystyriodd y Pwyllgor bod yr Ymgeisydd wedi ei gael yn euog am drosedd yn ymwneud â thrais, a rhoddwyd cryn bwysau i’r euogfarn honno gan mai nod cyffredinol yr awdurdod trwyddedu wrth wneud ei waith yn ymwneud â thrwyddedu gyrwyr oedd gwarchod y cyhoedd.   Gwelodd hefyd ei fod yn fater difrifol yn unol â’u canllawiau polisi ynghylch troseddau yn ymwneud  â thrais.

 

Ystyriodd yr aelodau’r canllawiau polisi oedd yn nodi na ddylid rhoi trwydded am 10 mlynedd wedi i’r ddedfryd am drosedd yn ymwneud â thrais ddod i ben.   Fodd bynnag fe benderfynodd aelodau i wyro oddi wrth y canllawiau ar yr agwedd hon gan ei fod y lefel isaf o ymosodiad cyffredin a gan fod cyfnod hir o amser wedi bod ers yr euogfarn a’r ddedfryd, a bod yr Ymgeisydd wedi egluro’r amgylchiadau ynghylch y drosedd ac oherwydd hynny roedd yr aelodau’n fodlon.  Cafodd aelodau hefyd eu hannog bod yr Ymgeisydd heb gyflawni unrhyw droseddau eraill cyn nac ar ôl hynny.  Felly, ystyriwyd nad oedd yr Ymgeisydd yn debygol o droseddu yn yr un ffordd eto a rhoddwyd pwysau i’r ffactorau hyn wrth benderfynu bod yr Ymgeisydd yn unigolyn cymwys ac addas i feddu ar Drwydded Gyrrwr Cerbydau Hacni a Cherbydau Hurio Preifat.  Gan gadw hynny yn y cof fe benderfynodd yr aelodau i gymeradwyo’r cais yn amodol ar ddim euogfarnau pellach yn cael eu datgelu ar Dystysgrif y Gwasanaeth Datgelu a Gwahardd mwyaf diweddar.   Yn yr achos bod Tystysgrif y Gwasanaeth Datgelu a Gwahardd mwyaf diweddar yn dangos euogfarnau pellach bydd yr achos yn dod ger bron y Pwyllgor am adolygiad pellach.

 

Hefyd mynegodd y Pwyllgor bryder am fethiant yr Ymgeisydd i ddatgelu’r drosedd yrru fechan ond derbyniwyd yr eglurhad a gafwyd gan Swyddog Gorfodi Trwyddedu a’r Ymgeisydd mewn perthynas â pheidio â’i datgelu.

 

Yn gyffredinol, ystyriodd y Pwyllgor bod cymeriad yr Ymgeisydd a’r holl amgylchiadau yn ddigon i fod yn drech na’u pryderon wrth benderfynu bod yr Ymgeisydd yn unigolyn cymwys ac addas i feddu ar Drwydded Yrru Cerbyd Hacni a Cherbydau Hurio Preifat.

 

Felly, cafodd penderfyniad a rhesymau’r Pwyllgor eu cyfleu i’r Ymgeisydd.

 

Daeth y cyfarfod i ben am 10.20am.