Eitem ar yr agenda
COLEG LLANDRILLO A DYSGWYR SIR DDINBYCH
I ystyried cyflwyniad gan gynrychiolydd Coleg Llandrillo
Cymru sy’n nodi perfformiad myfyrwyr 16-19 oed Sir Ddinbych sydd wedi eu
cofrestru yng Ngholeg Llandrillo Cymru.
9.35 a.m.
Cofnodion:
Derbyniodd y Pwyllgor gyflwyniad
PowerPoint gan Jackie Doodson, Pennaeth Coleg Llandrillo a Celia Jones,
Cyfarwyddwr Coleg Llandrillo – y Rhyl, yn manylu ar berfformiad myfyrwyr 16-19
Sir Ddinbych a oedd wedi eu cofrestru yng Ngholeg Llandrillo Cymru.
Amlygodd y cyflwyniad y pwyntiau perthnasol a’r meysydd canlynol:-
·
Strwythur
Grŵp – Coleg Menai, Coleg Meirion Dwyfor a Choleg Llandrillo.
·
Strwythur
Llandrillo – amlygwyd Campws y Rhyl a Chweched y Rhyl.
·
Ffeithiau
a Ffigurau Coleg Llandrillo – Amlygwyd amcangyfrifon.
·
Myfyrwyr
Sir Ddinbych (llawn-amser (FT): 16-19) - Yn Rhos, Campws Dinbych, Chweched y
Rhyl, Campws y Rhyl a Champws Abergele. Cynnydd yn y niferoedd yn y Rhyl a
gostyngiad yn Rhos.
·
Dewis
Pynciau – ar gampysau heb fod yn Sir Ddinbych.
·
Darpariaeth
14-16 (Sir Ddinbych) – Llwybrau Galwedigaethol 14-16 a 14-16 FT (EPIC) ar gyfer
2011/12 a 2012/13.
·
Llwyddiant
Myfyrwyr – Cyfanswm mewn perthynas â Choleg Dinbych, Coleg Abergele, Chweched y
Rhyl, Coleg y Rhyl a Llandrillo.
·
Y Rhyl
mewn Cyd-destun – lefelau cyrhaeddiad ar gyfer Ysgol Uwchradd y Rhyl, Bendigaid
Edward Jones, Abergele, Cyfartaledd Pwysedig Ysgolion y Rhyl a Chweched y Rhyl.
·
Partneriaeth
Chweched y Rhyl a Phrestatyn – Cyrsiau a gynigir ar y cyd ôl-16 a dewis
ehangach.
·
Sgiliau
Llythrennedd a Rhifedd – Myfyrwyr Sir Ddinbych FT 2011/2012.
·
Gwelliannau
parhaus – manylion gwella
Dros y 5 mlynedd ddiwethaf, roedd Coleg y Rhyl,
myfyrwyr a staff, wedi derbyn nifer o wobrau a llwyddiannau nodedig, gan
gynnwys:-
Ø
Prentis
Modurol Ifanc y Flwyddyn yn y DU (2009).
Ø
Terfynwr
DU Sefydliad Diwydiant Modurol Canolfan Peirianneg Fodurol y Flwyddyn (2009)
Ø
Academi
Genedlaethol Sgiliau Manwerthu yng Nghymru, yr Alban a Gogledd Iwerddon (2010)
Ø
Colegau
Cymru Athro AB y Flwyddyn (2012)
Ø
Partneriaeth
unigryw Ysgolion/Colegau Cymru gyfan – Uwchradd Prestatyn a Chweched y Rhyl –
yr unig bartneriaeth lle mae myfyrwyr coleg yn astudio mewn lleoliad ysgol
Ø
Terfynwyr
– Menter Ieuenctid (Subo Soux) ac enillwyr y categorïau stondin fasnach orau a
gwasanaeth cwsmeriaid gorau (2012)
Ymatebwyd fel a ganlyn i gwestiynau a materion
a godwyd gan Aelodau’r Pwyllgor:-
-
Mewn
ymateb i bryderon a fynegwyd gan Ms C. Burgess, esboniodd Cyfarwyddwr Coleg
Llandrillo y Rhyl (CLDR) bod amserlen mwy strwythuredig wedi ei chyflwyno a
bysus ychwanegol wedi eu darparu i ddelio â phroblemau cludiant a brofwyd gan
fyfyrwyr. Esboniodd y Cydgysylltydd Rhwydwaith Addysg 14-19 (ENC) bod dolen
wedi ei dodi ar Facebook y gellid ei defnyddio gan fyfyrwyr i gyflwyno manylion
problemau, megis materion cludiant, a oedd yn bodoli.
-
Mewn ateb
i gwestiwn gan y Cynghorydd A. Roberts ar gysylltiadau ag Ysgol Glan Clwyd,
esboniodd y CLDR eu bod yn gweithio’n agos â Phartneriaeth Dyffryn Clwyd, a
oedd yn cynnwys Ysgol Glan Clwyd, Ysgol Uwchradd Dinbych a Choleg Dinbych.
Amlygodd waith a oedd yn cael ei wneud gan Goleg y Rhyl mewn perthynas â’r
cwricwlwm 14-16 a oedd yn caniatáu
ymestyn y cwricwlwm, yn enwedig trwy gyfrwng y Gymraeg.
-
Ymatebodd
y CLDR fel a ganlyn i gwestiynau gan y Cynghorydd D. Owens:-
Ø
Darparwyd manylion materion ariannu yn ymwneud
â phryderon mewn perthynas â chyllid grant 14-19, cyllid Ewropeaidd a gwaith
partneriaeth mewn ysgolion, yn enwedig mewn perthynas â dirywiad mewn
cymwysterau galwedigaethol. Amlinellodd Pennaeth Coleg Llandrillo (PCL) y
gwaith a oedd yn cael ei wneud gan yr ENC i oresgyn a chwalu, trwy gyfathrebu
da a gwaith partneriaeth, unrhyw rwystrau a oedd yn codi.
Ø
Esboniwyd
bod diffyg cynrychiolaeth o Sir Ddinbych ar y Bwrdd wedi ei gydnabod ond y
byddai’n anodd delio â hynny nes byddai swydd wag yn codi. Darparwyd amlinelliad o’r broses o benodi
aelodau a chadarnhawyd bod llythyr wedi ei anfon at Sir Ddinbych ar y mater
hwn.
Ø
Rhoddwyd
manylion ffigurau sgiliau llythrennedd a rhifedd, mewn perthynas â Sir
Ddinbych, gan y PCL.
-
Ymatebodd
y PCL i gwestiynau gan y Cynghorydd G. Sandilands yn amlinellu’r dolennau
cyswllt gydag Ysgol Uwchradd Prestatyn. Rhoddodd fanylion y broses a
fabwysiadwyd ar gyfer cynnal perfformiad effeithiol mewn perthynas â’r ysgol a
chadarnhaodd bod gwelliannau arwyddocaol wedi eu cyflawni yn y maes hwn.
Cadarnhaodd y CLDR bod partneriaeth waith gadarn yn bodoli gyda’r ysgol.
-
Cyfeiriodd
y Cynghorydd G. Lloyd-Williams at uno Colegau yn y Grŵp yn ddiweddar ac
amlinellodd y CLDR y manteision a gafwyd. Fodd bynnag, esboniodd y byddai’n anodd
rhagweld neu ddarogan a fyddai unrhyw uno pellach yn digwydd.
-
Esboniodd
y Cynghorydd H. Hilditch-Roberts y byddai’n fuddiol i’r Pwyllgor dderbyn
manylion yn ymwneud â chofrestru myfyrwyr o flwyddyn i flwyddyn a ffigurau
cymwysterau a gafwyd. Gofynnodd hefyd bod manylion cost addysgu myfyriwr yn
cael ei ddarparu er gwybodaeth. Esboniodd y CLDR bod fframwaith o gostau yn
ymwneud ag unedau dysgu a oedd yn amrywio, yn dibynnu ar y pwnc unigol.
-
Ymatebodd
y CLDR i gwestiwn gan y Cynghorydd R.J. Davies a chadarnhau os oedd y gofyn am
gwrs penodol ar un campws yn cynyddu ac yn gostwng ar gampws arall, bod staff
yn hyblyg yn eu harferion gwaith er mwyn diwallu anghenion y defnyddwyr
gwasanaeth. Cadarnhaodd hefyd bod bodolaeth safle’r Rhyl wedi cael effaith fanteisiol
ar yr economi lleol.
Cyfeiriodd y Cynghorydd E W Williams at
fframwaith posibl strwythur y coleg yn y dyfodol, a theimlai y gallai wella
lefel y dewis a nifer yr opsiynau a oedd ar gael i fyfyrwyr yn Sir Ddinbych.
Teimlai y byddai’n bwysig cyfleu i Lywodraeth Cymru ac i Lywodraeth Ganolog
bwysigrwydd cynnig cyfle i fyfyrwyr i gael cyrsiau galwedigaethol a
thraddodiadol, y gellid ei wneud trwy waith partneriaeth. Pwysleisiodd y
Pennaeth Addysg bwysigrwydd cael cwricwlwm eang i’w gynnig i fyfyrwyr. Roedd
gwaith partneriaeth gyda’r colegau a chydgysylltiad yr holl randdeiliaid yn
hanfodol i sicrhau bod myfyrwyr Sir Ddinbych yn rhagori yn y meysydd roeddynt
yn dewis eu hastudio.
Diolchodd y Cadeirydd ac Aelodau’r Pwyllgor i
Bennaeth Coleg Llandrillo a Chyfarwyddwr Coleg
Llandrillo, y Rhyl, am eu cyflwyniad manwl, llawn gwybodaeth.
PENDERFYNWYD – bod
y Pwyllgor yn derbyn y cyflwyniad ac yn cydnabod y cynnwys.