Eitem ar yr agenda
CYNLLUN GWEITHREDU DIOGELU AR ÔL SIR BENFRO
- Meeting of Pwyllgor Craffu Partneriaethau, Dydd Iau, 8 Tachwedd 2012 9.30 am (Item 7.)
- Gweld y cefndir i eitem 7.
Ystyried adroddiad ar y cyd gan y Cyfarwyddwr Corfforaethol:
Moderneiddio a Lles a’r Cyfarwyddwr Corfforaethol: Cwsmeriaid (copi ynghlwm) a
oedd yn amlinellu Cynllun Gweithredu Diogelu Plant yn dilyn adroddiad Sir
Benfro.
10.55
a.m.
Cofnodion:
Roedd
copi o gyd-adroddiad gan y Cyfarwyddwr Corfforaethol: Moderneiddio a’r
Cyfarwyddwr Corfforaethol: Cwsmeriaid, yn amlinellu Cynllun Gweithredu ar ôl
Sir Benfro, wedi ei ddosbarthu gyda’r papurau ar gyfer y cyfarfod.
Cyfeiriodd y Cyfarwyddwr
Corfforaethol: Cwsmeriaid at fater diogelu plant a’r cyhoeddusrwydd arwyddocaol
yn ymwneud ag achosion Jimmy Savile a Bryn Estyn. Cyflwynodd yr adroddiad a oedd yn amlinellu
canfyddiadau cyd-archwiliad AGGCC ac Estyn mewn perthynas â thrin a rheoli
honiadau o gamdriniaeth broffesiynol a’r trefniadau ar gyfer diogelu ac
amddiffyn plant yn y gwasanaethau addysg yn Sir Benfro. Nododd yr adroddiad
fethiannau arwyddocaol gan yr Awdurdod o ran diogelu plant a chyflwynodd gyfres
o ofynion. Roedd Cyd-adolygiad wedi ei wneud i ystyried cynnydd a gwneud
argymhellion pellach. Roedd yr adroddiadau hyn yn nodi methiannau ac yn gwneud
argymhellion yn y meysydd canlynol:-
Recriwtio
Cadw cofnodion
Prosesau, polisïau a gweithdrefnau
Hyfforddiant
Adrodd a chraffu
Roedd materion penodol eraill wedi eu hamlygu wedyn a oedd yn
ymwneud ag ystafelloedd “seibiant” yn ysgolion Sir Benfro, ac esboniwyd bod gan
Sir Ddinbych bolisi cyffredin mewn ysgolion uwchradd ar ‘Ddefnyddio Grym
Rhesymol ac Ymyriad Corfforol Cyfyngol’. Mewn ymateb i bryderon a fynegwyd gan
y Cynghorydd E.A. Jones, esboniodd y Cyfarwyddwr Corfforaethol: Cwsmeriaid bod
y polisi wedi ei anfon at ysgolion uwchradd gyda’r nod bod y polisi, neu
fersiwn derbyniol ohono, yn cael ei fabwysiadu gan holl gyrff llywodraethol
ysgolion uwchradd erbyn y Pasg 2013. Cadarnhaodd mai cyfrifoldeb yr ysgolion
fyddai sicrhau bod ganddynt fersiwn derbyniol a gytunwyd o’r polisi. Rhoddodd y
Cyfarwyddwr Corfforaethol amlinelliad o bwrpas a defnydd ystafelloedd
“seibiant” yn ysgolion Sir Ddinbych a rhoddodd sicrhad bod disgyblion yn cael
eu goruchwylio wrth ddefnyddio
cyfleusterau’r ystafelloedd “seibiant”.
Roedd yr arfer yn Sir Ddinbych ac Awdurdodau eraill yng Nghymru wedi
eu harchwilio a’u hadolygu mewn perthynas â chanfyddiadau ac argymhellion y
ddau adroddiad, ac roedd camau i wella wedi eu hychwanegu at Gynllun Gweithredu
Diogelu, Atodiad 1 i alluogi monitro cynnydd yn gorfforaethol.
Roedd yr adroddiad yn manylu'r camau a gymerwyd gan Sir Ddinbych
mewn ymateb i ganfyddiadau’r Arolygiaeth yn Sir Benfro ac roedd yn rhoi
gwybodaeth ar weithredu camau yn y Cynllun Camau Diogelu Corfforaethol i
fonitro cynnydd. Roedd yn arfarnu trefniadau craffu Bwrdd Diogelu Plant Lleol
Conwy a Sir Ddinbych ac yn delio â materion mwy cyffredinol ynghyd â phwyntiau
polisi a gweithdrefn. Esboniodd bod rhai materion a godwyd yn y Cynllun
Gweithredu Diogelu yn well o gael eu trin gan y Bwrdd Diogelu Lleol, ac roedd y
strwythur ar gyfer craffu ar drefniadau diogelu wedi ei amlinellu.
Roedd Cynllun Gweithredu Diogelu Sir Ddinbych wedi ei ddatblygu wrth
i faterion eraill godi neu gael eu codi yn genedlaethol, gyda chynnydd yn cael
ei yrru trwy’r Tîm Rheoli Gwasanaethau Cymdeithasol ac Addysg. Nid oedd y
trefniadau wedi disodli rhai’r Bwrdd Diogelu Lleol ond roeddynt wedi eu dylunio
i sicrhau ffocws priodol ar Sir Ddinbych fel cyfundrefn gorfforaethol gymhleth
aml-swyddogaethol.
Roedd nifer o bwyntiau a meysydd
allweddol wedi eu hamlygu yn yr adroddiad a oedd yn ymwneud ag:
·
Archwiliadau CRB/geirda a Pholisïau AD ynghyd â chyrff Diogelu a Thrydydd
Sector.
·
Polisïau a Gweithdrefnau Diogelu.
·
Camau cyflogaeth.
·
Llywodraethwyr ysgol.
·
Adrodd i Fwrdd Lleol Diogelu Plant.
·
Rhestr Wirio Archwilio Diogelu Ysgolion.
·
Llywodraethwyr Ysgol gyda chyfrifoldeb am ddiogelu.
·
Ymyraethau Cyfyngol / Ystafelloedd Seibiant mewn Ysgolion / Sefydliadau.
Mewn perthynas ag Archwiliadau
CRB, Geirda a Pholisïau AD ynghyd â Diogelu a cyrff Trydydd Sector, cadarnhawyd
bod archwiliadau CRB yn cael eu gwneud yn gyson gan Sir Ddinbych, gan gynnwys
gwirfoddolwyr a oedd yn gweithio’n uniongyrchol â phlant, ac roedd cynnydd
manwl ar y gwaith hwn wedi ei gynnwys yn y Cynllun Gweithredu. Cyfeiriwyd at
effaith Deddf Amddiffyn Rhyddidau 2012, a oedd yn pennu newidiadau i’r broses archwilio
CRB gydag amharodrwydd y CRB i ymgymryd ag archwilad ar unigolion penodol. Cadarnhaodd y Cyfarwyddwr
Corfforaethol y byddai cyflwyniad y Ddeddf yn gwneud archwiliadau CRB yn y
dyfodol yn heriol iawn. Rhoddodd y Pennaeth Adnoddau Dynol Strategol fanylion
yr archwiliadau CRB a ymgymerwyd mewn perthynas â recriwtio staff o fewn yr
Awdurdod, a chadarnhaodd bod yr holl wybodaeth wedi ei chynnwys ar system TRENT
a bod cyfeiriadau yn cael eu harchwilio’n flynyddol.
Mewn ymateb i bryderon a fynegwyd
gan y Cynghorydd J A Davies, ar yr angen i gydnabod a delio â phroblemau a
wynebwyd gan ofalwyr ifanc, cadarnhaodd y Cyfarwyddwr Corfforaethol: Cwsmeriaid
bod ymdrechion yn cael eu gwneud, trwy Strategaeth Gofalwyr ifanc, i wella
ymwybyddiaeth mewn ysgolion a broblemau a allai godi i ofalwyr ifanc.
Cadarnhaodd bod hyfforddiant yn cael ei roddi i staff i’w cynorthwyo gydag
adnabod a delio â phroblemau a wynebwyd gan ofalwyr ifanc.
Mewn ymateb i gwestiwn gan y
Cynghorydd J. Butterfield, rhoddodd y Pennaeth Gwasanaethau Plant a Theuluoedd
fanylion Aelodaeth y Bwrdd Lleol Diogelu Plant, a oedd yn bartneriaeth statudol
aml-asiantaeth. Cytunodd y swyddogion bod copïau o’r adroddiad yn ymwneud â
‘Defnyddio Grym Rhesymol ac Ymyriad Corfforol Cyfyngol’ yn cael ei ddosbarthu i
Aelodau’r Pwyllgor i ddibenion gwybodaeth.
Ar ôl trafodaeth fer, fe:-
BENDERFYNWYD – bod y Pwyllgor Craffu
Partneriaethau:-
(a) Yn derbyn a chydnabod
cynnwys yr adroddiad a’r cynnydd o ran gweithredu’r Cynllun Gweithredu ar
Ddiogelu.
(b) Yn cydnabod rôl a
swyddogaethau craffu’r Bwrdd Lleol Diogelu Plant mewn perthynas â
gweithgareddau diogelu ledled Conwy a Sir Ddinbych a
(c) Yn gofyn bod copïau o’r polisi
‘Defnyddio Grym Rhesymol ac Ymyriad Corfforol Cyfyngol’ yn cael eu dosbarthu i
Aelodau’r Pwyllgor.
Gofynnodd y Cynghorydd J Butterfield bod ei phryderon bod
rhai Aelodau etholedig wedi cael mwy o amser nag eraill i fynegi eu barn wrth
ystyried eitemau busnes yn cael eu cofnodi. Esboniodd y Cadeirydd iddo wneud
pob ymdrech i fod yn deg a di-duedd wrth ddyrannu amser i Aelodau siarad.
Dogfennau ategol: