Eitem ar yr agenda

Ystyried adroddiad cyfrinachol gan y Pennaeth Cynllunio, Gwarchod y Cyhoedd a Gwasanaethau Rheoleiddio (copi ynghlwm) yn gofyn i aelodau adolygu trwydded cerbyd hacni a cherbyd hurio preifat mewn perthynas â rhif Gyrrwr 550166.

 

PENDERFYNWYD gohirio trwydded gyrrwr cerbyd hacni a cherbyd hurio preifat Gyrrwr Rhif 550166 am gyfnod o fis neu nes y bydd darparwr allanol cymwys yn rhoi canlyniad prawf cyffuriau negyddol i'r Adran Drwyddedu fel y cytunwyd rhwng y Swyddogion Trwyddedu a'r Gyrrwr. Yn ogystal, bydd amod yn cael ei osod ar drwydded y Gyrrwr i sicrhau bod profion cyffuriau’n cael eu cynnal yn rheolaidd bob mis wedi hynny, am gyfnod o ddeuddeng mis.

 

[Datganodd y Cynghorydd Brian Jones gysylltiad personol sy’n rhagfarnu yn yr eitem hon oherwydd iddo ddod yn ymwybodol ei fod yn adnabod y Gyrrwr. Wedi hynny, gadawodd y cyfarfod cyn y cam penderfynu heb gymryd unrhyw ran yn y trafodaethau.]

 

Cyflwynwyd adroddiad cyfrinachol gan y Pennaeth Cynllunio, Gwarchod y Cyhoedd a Gwasanaethau Cefn Gwlad (a ddosbarthwyd ymlaen llaw) ynglŷn â’r canlynol –

 

(i)             addasrwydd Gyrrwr Rhif 550166 i ddal trwydded i yrru cerbydau hacni a cherbydau hurio preifat, yn dilyn cwyn ynghylch defnydd cyffuriau a phrawf cyffuriau ochr ffordd positif a gynhaliwyd gan Heddlu Gogledd Cymru ym mis Hydref 2023;

 

(ii)            penderfyniad swyddogion i atgyfeirio'r mater at y Pwyllgor Trwyddedu i benderfynu arno oherwydd amgylchiadau penodol yr achos;

 

(iii)          gwybodaeth gefndir a ddarparwyd gan gynnwys manylion y gŵyn a datgeliad ysgrifenedig gan Heddlu Gogledd Cymru, ynghyd â nodiadau disgrifiadol o gyfweliad gyda Gyrrwr Rhif 550166;

 

(iv)          ystyried polisi’r Cyngor ynghlwm â pherthnasedd euogfarnau a pha mor addas yw ymgeiswyr; ac

 

(v)           gwahoddwyd y Gyrrwr i fynychu’r cyfarfod i gefnogi’r cais ac i ateb cwestiynau’r Aelodau wedi hynny.

 

Roedd y Gyrrwr yn bresennol, ynghyd â pherthynas iddo, a chadarnhaodd ei fod wedi cael yr adroddiad a gweithdrefnau’r pwyllgor.

 

Cyflwynodd y Swyddog Gorfodi (KB) yr adroddiad a ffeithiau’r achos.

 

Dywedodd y Gyrrwr nad oedd ganddo ddim byd arall i'w ychwanegu at fanylion yr adroddiad ond rhoddodd sicrwydd nad oedd wedi defnyddio cyffuriau ers mis Mehefin 2022 ac na allai roi cyfrif am ffynhonnell y gŵyn.  Mewn ymateb i gwestiynau’r aelodau, eglurodd y Gyrrwr eto yr amgylchiadau yn ymwneud â’r prawf cyffuriau positif ar ochr y ffordd, ac ymdrechion aflwyddiannus i gael prawf gwaed tra’r oedd yn y ddalfa gan arwain at absenoldeb sampl gwaed; parhaodd i wadu ei fod wedi cymryd unrhyw gyffuriau y diwrnod hwnnw, gan ddisgrifio dull y prawf cyffuriau ymyl ffordd. Esboniodd fod canlyniad y prawf wedi bod yn bositif oherwydd bod gweddillion wedi’i drosglwyddo gydag arian, bwyd neu wrth ysmygu; ymhelaethodd ar ei amgylchiadau personol yn ystod mis Mehefin 2022 a defnydd blaenorol o gyffuriau ynghyd â'i gyfnod adsefydlu. Gwadodd unrhyw gaethiwed i gyffuriau; esboniodd yr amgylchiadau pan y’i rhyddhawyd o'r ddalfa a chadarnhaodd nad oedd wedi clywed gan yr Heddlu ers iddo gael ei arestio a'i fod wedi cael gwybod na fyddai unrhyw gamau pellach yn cael eu cymryd.  Ymatebodd y Swyddog Gorfodaeth hefyd i gwestiynau’r aelodau ynglŷn â sail cynnal prawf cyffuriau ymyl ffordd, gan gynnwys ar gyfer trosedd traffig moduro yn unig, heb unrhyw ddangosyddion eraill yn angenrheidiol.

 

Gohiriwyd y Pwyllgor i ystyried yr achos a chododd yr aelodau gwestiynau pellach.  O ganlyniad, galwyd pawb yn ôl er mwyn gallu gofyn eu cwestiynau.  Mewn ymateb, eglurodd y Swyddog Gorfodaeth sail ei gwestiynau yn ystod y cyfweliad o ran y tebygolrwydd o drosglwyddo gweddillion cyffuriau; cadarnhaodd nad oedd y prawf cyffuriau ymyl ffordd yn rhoi unrhyw arwydd o'r union lefelau a ganfuwyd; nid oedd unrhyw awgrym bod y Gyrrwr wedi gwrthod cymryd prawf gwaed; cadarnhawyd y byddai Nyrs Cyffuriau yn y ddalfa yn cymryd y sampl gwaed ac y gallai benderfynu peidio â bwrw ymlaen ar ôl ymdrechion aflwyddiannus mewn amgylchiadau penodol; gofynnwyd am fwy o wybodaeth gan yr Heddlu ynglŷn â'r achos a dywedasant na ellid ei darparu am resymau gweithredol.  Cadarnhaodd y Gyrrwr ei fod yn parhau i yrru cerbydau trwyddedig. 

 

Gohiriwyd y Pwyllgor eto ac, ar ôl trafodaethau pellach, galwyd pawb yn ôl eto i ofyn cwestiwn pellach ynghylch argymhellion yr adroddiad mewn perthynas â gosod amodau ar y drwydded.  Cadarnhaodd Rheolwr Busnes Gwarchod y Cyhoedd y gellid gosod amod ar gyfer cynnal prawf cyffuriau cyn gyrru ac i barhau am gyfnod o amser ar adegau priodol.  Cadarnhaodd y Gyrrwr ei fod yn barod i wneud profion cyffuriau rheolaidd yn ôl yr angen.

 

Gohiriwyd y Pwyllgor eto i ystyried yr achos ymhellach. 

 

Yn ystod y trafodaethau, roedd safbwyntiau cymysg ynghylch y gosb fwyaf addas yn yr achos hwn, a chynigiodd yr aelodau ei ddirymu a'i atal gydag amodau.  O'i roi i bleidlais, COLLWYD y cynnig ar gyfer dirymu a DERBYNIWYD pleidlais arall dros atal gydag amodau.  O ganlyniad -

 

PENDERFYNWYD gohirio trwydded gyrrwr cerbyd hacni a cherbyd hurio preifat Gyrrwr Rhif 550166 am gyfnod o fis neu nes y bydd darparwr allanol cymwys yn rhoi canlyniad prawf cyffuriau negyddol i'r Adran Drwyddedu fel y cytunwyd rhwng y Swyddogion Trwyddedu a'r Gyrrwr. Yn ogystal, bydd amod yn cael ei osod ar drwydded y Gyrrwr i sicrhau bod profion cyffuriau’n cael eu cynnal yn rheolaidd bob mis wedi hynny, am gyfnod o ddeuddeng mis.

 

Dyma resymau’r Pwyllgor Trwyddedu dros y penderfyniad –

 

Roedd yr aelodau wedi ystyried amgylchiadau penodol yr achos yn ofalus, fel yr oeddent i'w gweld yn yr adroddiad, ynghyd â chyflwyniadau’r Gyrrwr, ei atebion i gwestiynau a mewnbwn Swyddogion Trwyddedu sydd â phrofiad perthnasol yn y maes hwn.  Roedd yr aelodau hefyd wedi ystyried yr adrannau perthnasol yn Natganiad Polisi’r Cyngor ynghylch addasrwydd deiliaid trwydded yn y masnachau cerbydau hacni a cherbydau hurio preifat, a’r prawf unigolyn cymwys ac addas.

 

Daeth y Pwyllgor i benderfyniad ar sail y rhesymau canlynol -

 

·       y gŵyn ategol o natur debyg a gyflwynwyd ychydig cyn y prawf cyffuriau ymyl ffordd a fethwyd

·       nid oeddent yn dystiolaethol fodlon gyda’r diffyg prawf gwaed gan Heddlu Gogledd Cymru

·       codwyd pryderon gan aelodau ynghylch yr anghysondebau yn yr adroddiad, a oedd yn gwrth-ddweud rhywfaint o'r wybodaeth a roddwyd yn y cyfweliad ac yn y Pwyllgor.

 

Cafodd penderfyniad y Pwyllgor a'r rhesymau eu cyfleu felly i'r Gyrrwr a chafodd wybod am ei hawl i apelio yn erbyn y penderfyniad i Lys yr Ynadon o fewn 21 diwrnod.

 

Daeth y cyfarfod i ben am 12.55pm.