Eitem ar yr agenda
ADOLYGU TORRI GWAIR AR YMYLON PRIFFYRDD 2012
I ystyried adroddiad gan y Pennaeth Priffyrdd a Seilwaith ar
y Cyd (copi’n amgaeedig) a oedd yn adolygu’r rhaglen dorri gwaith ar gyfer
2012, ac yn asesu effeithiolrwydd yr argymhelliad a roddwyd ger bron gan y
Pwyllgor ar gyfer tymor 2012.
9.35
a.m.
Cofnodion:
Roedd
copi o adroddiad gan y Cyd-Bennaeth Priffyrdd a Seilwaith, a ddosbarthwyd
gyda’r rhaglen, yn adolygu rhaglen torri gwair 2012, asesu effeithiolrwydd yr
argymhellion a gyflwynwyd gan y pwyllgor ar gyfer 2012 ac yn galluogi llunio
argymgellion ar gyfer rhaglen y flwyddyn nesaf yn sicrhau bod cymunedau Sir
Ddinbych yn daclus a diogel ar gyfer trigolion, busnesau ac ymwelwyr.
Dosbarthwyd copi o “Life on the Edge”, Prosiect Ymylon
Ffyrdd, Amddiffyn Blodau Gwyllt Sir Ddinbych yn y cyfarfod.
Bu i’r Rheolwr Adran – Rheoli Rhwydwaith, grynhoi’r adroddiad ac
amlinellodd raglen torri gwair y Cyngor, yn amlinellu problemau torri gwaith yn
2012 ac yn rhoi manylion a oedd yn berthnasol i’r Contract. Ymatebodd i
gwestynau’r Aelodau ac esboniodd bod y drefn torri gwair wedi ei chytuno a’i
mabwysiadu, lle byddai’r toriad cyntaf yn driniaeth lai ar ffyrdd gwledig o
fewn yr AHNE i sicrhau lefelau diogelwch, ac mewn mannau eraill byddai toriad
unffurf o ddarn 1 medr o led gyda thriniaeth ehangach mewn mannau megis cyffyrdd,
ymlediadau gwelededd ac ati, i sicrhau nad yw gwelededd yn cael ei beryglu.
Roedd ardaloedd a oedd wedi cynrychioli sialens yn 2012, a manylion problemau
torri gwair, wedi eu crynhoi yn yr adroddiad.
Esboniwyd bod sylwadau yn
mynegi pryderon wedi eu derbyn gan Ymddiriedolaeth Bywyd Gwyllt Gogledd Cymru,
a'r angen i gydbwyso cydymffurfedd gyda gofynion deddfwriaethol a
disgwyliadau’r cyhoedd. Cadarnhawyd y byddai cyfarfod yn cael ei gynnal rhwng
yr Aelod Arweiniol, swyddogion ac Ymddiriedolaeth Bywyd Gwyllt Gogledd Cymru i
drafod y materion a godwyd.
Roedd contract 2010 wedi ei ymestyn i gynnwys ffyrdd nad oedd yn
brif ffyrdd am y ddwy flynedd ddiwethaf gyda’r gwaith yn cael ei wneud gan un
contractwr allanol. Oherwydd problemau a amlygwyd y llynedd, ymgymerwyd â
gwaith gyda’r Contractwr i wella pethau. Mewn ymateb i bryderon ynglŷn â
safon y torri, esboniwyd ar ôl toriad cyntaf llwyddiannus, bod safonau wedi
dirywio oherwydd yr haf gwlyb a’r cynnydd cysylltiedig yn nhwf y gwair, a bod
cwsmeriaid wedi eu hysbysu ynglŷn â’r cynnydd trwy’r adran Gwasanaethau
Cwsmeriaid, ond roedd hyn wedi dod yn anoddach wrth i'r rhaglen lithro.
Gan nad oedd y contract safonol yn cynnwys cymalau cosbau ariannol i
gwblhau gwaith y tu allan i amserlenni a
gytunwyd, ni ellid cymryd camau. Gellid hysbysu’r contractwr o fethiant a rhoi
cyfle iddo ddelio â’r problemau mewn cyfnod a gytunwyd yn hytrach na dioddef
colli incwm. Mynegodd Aelodau’r farn y dylid adolygu’r contract a’i ail-dendro
ar gyfer y flwyddyn nesaf, ond gallai hyn arwain at gynnydd mewn costau. Roedd
y Contractwr wedi ad-drefnu trefniadau rheoli a rhoddwyd sicrhad ynglŷn â
rheolaeth y contract yn y dyfodol. Nid oedd gwelliannau a gyflwynwyd ar ôl 2011
wedi gweithio cystal ag y rhagwelwyd, yn bennaf oherwydd y tywydd, ac
anawsterau pellach a gafodd y Contractwr yn cwrdd ag anghenion y Cyngor. Mewn
perthynas â’r angen i esbonio gofynion cyfreithiol y Cyngor a'r cyfyngiadau i
gydymffurfio â deddfwriaeth mewn perthynas â thorri gwair a gwrychoedd,
cytunodd y Cyd-Bennaeth Priffyrdd a Seilwaith bod dalen ffeithiau yn manylu
dyletswyddau’r Cyngor yn cael ei dosbarthu i’r Aelodau, a chyhoeddi’r wybodaeth
ar y mewnrwyd.
Mewn ymateb i gwestiynau gan y Cynghorydd H O Williams, cadarnhaodd
y Rheolwr Adran – Rheoli Rhwydwaith, ar ôl ymgynghori ag Aelodau Lleol a
Chymunedau lleol, bod rhaglen ar gyfer torri gwair ar ffyrdd yn yr AHNE wedi ei
chytuno. Amlinellwyd y cyfraddau codi tâl ar gyfer torri gwair a gwrychoedd, a
oedd yn cynnwys y cyfraddau gwahanol a godwyd ar gyfer ardaloedd megis cyffyrdd
lle gellid cael anawsterau. Cadarnhawyd bod y meini prawf ar gyfer torri gwair
mewn ardaloedd trefol y wahanol i ardaloedd gwledig ac yn y rhan fwyaf o
achosion yn cael ei wneud yn fewnol.
Rhoddwyd yr ymatebion canlynol i gwestiynau a materion a godwyd gan
yr Aelodau:-
- cytunodd y swyddogion â’r farn y gellid adolygu’r amserlenni
ymateb ar gyfer cwynion a gofnodwyd trwy system CRM.
- amlinellwyd mynegiannau o fuddiant yn y contract, a chadarnhawyd
bod y rhaglen a manylion y contract wedi eu pennu gan y Cyngor ac roeddynt yn y
bon yn seiliedig ar ac yn cael eu harwain at ansawdd.
- esboniwyd bod gan y Cyngor bwerau i gyflwyno Hysbysiadau Gorfodi i
berchnogion gwrychoedd nad oeddynt yn cael eu torri ac yn cynrychioli perygl
neu risg i’r cyhoedd. Cyfeiriwyd at Ddeddf Priffyrdd 1980 a’r Pwerau Gorfodi
perthnasol a oedd yn galluogi i’r Cyngor wneud y gwaith a chodi tâl ar y
tirfeddiannwr.
- y gellid ymgymryd â phroses ail-dendro. Fodd bynnag, gallai hyn
fod â goblygiadau ariannol i’r Cyngor pe byddai cyfraddau uwch yn cael eu
cyflwyno gan gontractwr.
- cafwyd problemau o ganlyniad i’r ffaith bod yr offer a
ddefnyddiwyd gan y Contractwr yn rhy fawr neu’n anaddas i’w ddefnyddio ar
lonydd a ffyrdd culion. Rhoddwyd sicrhad y byddai’r gwaith yn cael ei wneud yn
y dyfodol, mewn achosion lle na wnaed y gwaith oherwydd offer anaddas.
- ymatebodd y swyddogion i gwestiynau gan yr Aelodau a chytuno
darparu adroddiad gwybodaeth ar y drefn o dorri gwair a gwrychoedd a
fabwysiadwyd yn nhrefi ac ardaloedd trefol y Sir.
- mynegwyd cefnogaeth i’r agwedd bioamrywiaeth gan y Cynghorydd M.L.
Holland, ond pwysleisiodd bwysigrwydd yr elfen ddiogelwch wrth benderfynu ar y
drefn o dorri gwair a gwrychoedd. Amlygodd hefyd bwysigrwydd ymgynghori â
Chynghorau Cymuned penodol a chael mewnbwn Aelodau, wrth ystyried trefniadau
contract yn y dyfodol.
Pwysleisiodd y Cadeirydd yr angen i adolygu’r contract a darparu
tystiolaeth ac esboniad ar ofynion presennol ac i’r dyfodol, disgwyliadau a
manylion y matrics. Cyfeiriwyd at bwysigrwydd sicrhau contract cadarn a
Chytundeb Lefel Gwasanaeth i sicrhau bod safonau perfformiad yn bodloni
disgwyliadau. Amlinellodd arwyddocad ymgynghori â’r gymuned a chynnwys Aelodau
wrth lunio’r contract, gyda chyfeiriad penodol yn cael ei wneud at yr angen i
esbonio materion mewn perthynas â’r AHNE a gofynion bioamrywiaeth.
Cyfeiriodd y Cyfarwyddwr Corfforaethol: Cwsmeriaid at y
penderfyniadau blaenorol a gymerwyd mewn perthynas â chaffael y contract
presennol, ac amlinellodd yr amserlenni ar gyfer sicrhau contract ar gyfer y
flwyddyn i ddod. Mynegodd y Rheolwr Adran – Rheoli Rhwydwaith ei gefnogaeth i’r
penderfyniadau a gymerwyd eisoes ac roedd yn hyderus y gellid datrys y materion
a godwyd gan Ymddiriedolaeth Bywyd Gwyllt Gogledd Cymru. Cytunodd y gellid rhoi
gwybodaeth bellach ar weithrediad a matrics y contract presennol ac y gellid
ymgymryd â gwaith i gaffael contract newydd gyda mewnbwn gan yr Aelodau.
Cefnogodd y Pwyllgor y farn bod y contract yn cael ei adolygu, a bod
y Cynghorwyr W. Mullen-James, J.S.
Welch a H.O. Williams, ynghyd â’r Aelod Arweiniol, yn rhoi mewnbwn Aelodau i’r
broses. Cytunodd yr Aelodau bod adroddiad cynnydd pellach yn cael ei gyflwyno i
gyfarfod mis Ionawr, 2013 y Pwyllgor.
Yn ystod y drafodaeth a
ddilynodd, fe:-
BENDERFYNWYD – bod y Pwyllgor Craffu Cymunedau:-
(a)
Yn derbyn yr adroddiad ac yn cydnabod cynnydd a llwyddiant y drefn
dorri gyffredinol a fodolai ar gyfer 2012.
(b)
Yn cytuno bod y swyddogion, yr Aelod Arweiniol a’r Aelodau a enwyd
yn cyfarfod i adolygu matrics y Contract presennol gan ddefnyddio’r dystiolaeth
a’r ystadegau a oedd ar gael, a
(c)
Bod adroddiad gwybodaeth pellach yn cael ei gyflwyno i gyfarfod mis
Ionawr, 2013, y Pwyllgor Craffu Cymunedau i hysbysu’r Pwyllgor o ganlyniad y
trafodaethau hyn.
Dogfennau ategol: