Eitem ar yr agenda

Ystyried adroddiad gan y Cyfarwyddwr Corfforaethol: Cymunedau (copi’n amgaeëdig) yn amlinellu canfyddiadau’r Cyfnod Sylfaen a chanlyniadau darpariaethol arholiadau ac asesiadau athrawon.

                                                                                                          9.35 a.m.

 

Roedd copi o adroddiad gan y Cyfarwyddwr Corfforaethol: Cymunedau, a oedd yn aminellu canfyddiadau canlyniadau’r Cyfnod Sylfaen ac arholiadau darpariaethol ac asesiadau athrawon wedi eu dosbarthu gyda’r papurau ar gyfer y cyfarfod.

 

Manylodd yr adroddiad y perfformiad mewn ysgolion ym mhob cyfnod allweddol ac amlinellodd ganlyniadau arholiadau allanol darpariaethol yng Nghyfnod Allweddol 4 ac ôl-16. Byddai dadansoddiad o’r canlyniadau yn cael ei ddarparu pan fyddai wedi ei ddilysu a phan fyddai gwybodaeth a feincnodwyd ar gael ym mis Rhagfyr.

 

Bu i’r Swyddog Perfformiad Effeithiolrwydd Ysgolion: Cynradd, grynhoi’r meysydd canlynol yn yr adroddiad:-

 

Cyfnod Sylfaen – Roedd proses gadarnach ar gyfer Canlyniadau Cyfnod Sylfaen wedi ei mabwysiadu ym mhob ysgol i sicrhau bod trefniadau yn ddibynadwy ac yn gadarn. Roedd dulliau blaenorol o asesu cynnydd plant rhwng Canlyniadau Cyfnod Sylfaen ac Asesiadau CA1 wedi bod yn ddangosol ac nid yn ddiamod. Roedd Sir Ddinbych bellach yn 11eg yng Nghymru, o gymharu â 18fed yn y flwyddyn flaenorol, a oedd yn cymharu’n ffafriol gyda'r sefyllfa prydau bwyd ysgol. Cynhwyswyd canlyniadau manwl yn Atodiad 1.

 

Canlyniadau Asesiad Athrawon Cyfnod Allweddol 2 – Ar ddiwedd CA2, disgwyliwyd y byddai disgyblion blwyddyn 6 yn derbyn Lefel 4 Asesiad Athrawon. Er bod sefyllfa Sir Ddinbych yn 12fed wedi cymharu’n ffafriol gyda’r sefyllfa prydau bwyd ysgol, roedd wedi bod yn siomedig gan mai uchelgais yr Awdurdod oedd bod yn y deg Awdurdod a berfformiai orau yng Nghymru ar gyfer yr holl ddangosyddion allweddol. Cynhwyswyd canlyniadau manwl yn Atodiad 2.   

 

Bu i’r Swyddog Perfformiad Effeithiolrwydd Ysgolion: Uwchradd, grynhoi meysydd canlynol yr adroddiad:-

 

Canlyniadau Asesiad Athrawon Cyfnod Allweddol 3 – roedd perfformiad yn CA3 wedi gwella gyda’r holl bynciau craidd wedi gweld gwelliannau arwyddocaol. Roedd y raddfa wella yn is na llawer o Awdurdodau Lleol eraill. Fodd bynnag roedd Sir Ddinbych wedi symud o’r 13eg i’r 17eg yng Nghymru. Cynhwyswyd canlyniadau manwl yn Atodiad 3.

 

Arholiadau Allanol Cyfnod Allweddol 4 – Cynhwyswyd canlyniadau manwl yn Atodiad 3.

Roedd holl ysgolion uwchradd wedi gwella yn nhrothwy Lefel 1 a Lefel 2. Fodd bynnag, roedd dwy ysgol wedi gostwng mewn perfformiad. Roedd y duedd genedlaethol mewn Saesneg a Mathemateg wedi dirywio gyda chanlyniadau Ôl-16 wedi aros yr un fath. Roedd canlyniadau cyfnod allweddol 4 yn rhai darpariaethol a byddai Llywodraeth Cymru yn darparu data manwl gwerth ychwanegol i Awdyrdodau Lleol ac ysgolion. Cynhwyswyd manylion canran disgyblion yn cyflawni Lefel 2 gan gynnwys Cymraeg, Saesneg a Mathemateg a chynhwyswyd canlyniadau trothwy Lefel 3 yn Atodiad 3.

 

Canlyniadau trothwy Lefel 3 (Lefel A a chymwysterau galwedigaethol cyfatebol) – roedd canran ymgeiswyr yn cyflawni Trothwy Lefel 3 wedi gwella o 97% yn 2011 i 98% yn 2012. Cynhwyswyd canlyniadau manwl yn Atodiad 3.

 

Cadarnhawyd bod moderneiddio’r gwasanaeth addysg i gyflawni lefel perfformiad uchel yn un o flaenoriaethau Corfforaethol y Cyngor, ac roedd codi cyrhaeddiad ym mhob cyfnod allweddol, yn enwedig Cyfnod Allweddol 4, yn nod allweddol. 

 

Byddai cymorth i ysgolion mewn Llythrennedd a Rhifedd yn cael ei ddarparu’n rhanbarthol o fis Ebrill 2013. Byddai her a chymorth i Benaethiaid a rheolwyr mewn ysgolion yn cael eu darparu’n rhanbarthol o Ebrill 2013 gan Arweinwyr System. Byddai Swyddogion Addysg yn monitro ac asesu ansawdd y cymorth rhanbarthol pan fyddai’r systemau a’r strwythurau newydd yn bodoli erbyn Ebrill 2013. Byddai swyddogion yn gweithio yn y rhanbarth yn cryfhau’r broses gymedroli ar gyfer Asesiadau Athrawon CA3 a byddai hyn yn gwella ansawdd cymedroli allanol a sicrhau dilyniant a chydraddoldeb Asesiadau Athrawon ledled Gogledd Cymru. Hysbyswyd yr aelodau bod ansicrwydd yn parhau ynglŷn â Grant Llwybrau Dysgu 14-19 a chyllid ‘Potensial’ CGE ar ôl 2014.

 

Ymatebodd y Swyddog Perfformiad Effeithiolrwydd Ysgolion: Cynradd i gwestiynau gan Ms G. Greenland.  Esboniodd y byddai papur ymgynghorol yn cael ei ddosbarthu a fyddai’n cynnwys cynigion radical mewn perthynas â’r Cyfnod Sylfaen ac yn cynorthwyo gyda rhoi arweiniad cliriach i ysolion, Cadarnhawyd hefyd y byddai Gweithwyr Cyswllt Teulu yn cael ei defnyddio i ddelio â’r gostyngiad yn y nifer o Ymwelwyr Iechyd.

 

Mewn ymateb i gwestiynau gan y Cynghorydd J. Butterfield, cadarnhawyd y byddai’r papur ymgynghorol, a fyddai’n adolygiad radical o ddarpariaethau cymorth, yn cael ei ddosbarthu i’r holl randdeiliaid yn y Cyfnod Syflaen. Rhoddodd y Swyddog Perfformiad Effeithiolrwydd Ysgolion: Uwchradd, fanylion Asesiadau Athrawon CA3 a Chanlyniadau Arholiad Darpariaethol mewn perthynas ag Ysgol Uwchradd y Rhyl ac amlinellodd y camau a oedd yn cael eu cymryd i ddelio gyda, a gwella’r ffigurau. Esboniodd bod yr anghysonder mewn asesiadau lefel darllen rhwng ysgolion cynradd ac uwchradd yn ymwneud ag amrywiad mewn Asesiadau Athrawon, a chadarnhawyd bod cofnodion yn ymwneud â chyraeddiadau academaidd plant dan ambarél rhianta corfforaethol ar gael.

 

Mynegodd y Cynghorydd E.W. Williams bod angen pwyll mewn perthynas â Chanlyniadau Sylfaen a gyflwynwyd gan rai Awdurdodau Lleol a mynegi’r farn bod Sir Ddinbych wedi bod yn gadarn iawn wrth ddadansoddi ei chanlyniadau Cyfnod Sylfaen. Pwysleisiodd y Swyddog Perfformiad Effeithiolrwydd Ysgolion: Cynradd bwysigrwydd yr angen am asesu cadarn, unffurfiaeth a chymedroli rhanbarthol.       

 

Yn ystod y drafodaeth a ddilynol, rhoddodd y swyddogion yr ymatebion canlynol i gwestiynau a materion a godwyd gan yr Aelodau:

 

Roedd perfformiad i lawr oherwydd amrywiad

 

-  Cadarnhawyd bod perfformiad i lawr oherwydd amrywiad yn y canlyniadau yn Ysgolion Santes Ffraid, Dinbych ac Ysgol Dinas Bran ond nad oedd hyn wedi bod yn fater a achosodd bryder

-  Amlinellwyd manylion y broses ar gyfer asesu plant o ysgolion bwydo, a’r effaith ar asesiadau Ysgolion Uwchradd. Hysbyswyd yr aelodau bod proses drosglwyddo gadarn yn bodoli a strategaethau cysylltu rhwng ysgolion Cynradd ac Uwchradd.

-  Mynegodd Dr D. Marjoram ei gwerthfawrogiad i’r swyddogion am gynnwys Ysgolion Arbennig yn yr adroddiad.

-  Cadarnhawyd bod data ar gael i alluogi i Ysgolion Cynradd olrhain cynnydd disgyblion ar ôl iddynt drosglwyddo i’r Ysgol Uwchradd. Pwysleisiodd y Swyddog Perfformiad Effeithiolrwydd Ysgolion: Cynradd bwysigrwydd sicrhau troslwyddiad effeithiol disyblion a’r gallu i fonitro eu cynnydd.

-  Cyfeiriodd y Swyddog Perfformiad Effeithiolrwydd Ysgolion: Uwchradd at lwyddiant Ysgol Plas Bron Dyffryn, Dinbych a chadarnhaodd y byddai’r canlyniadau yn cael eu rhannu gydag Awdurdodau Lleol eraill.

-  Esboniwyd bod y mannau gwag dan bennawd Cymraeg yng Nghanlyniadau Asesiad Athrawon CA3 yn ymwneud ag ysgolion a oedd yn dysgu Cymraeg fel iaith gyntaf neu ail iaith. Amlinellwyd manylion opsiynau asesu gan y swyddogion.

-  Cyferiodd y Cadeirydd at ganlyniadau CA4 yn Ysgol Uwchradd Dinbych. Cadarhaodd y Swyddog Perfformiad Effeithiolrwydd Ysgolion: Uwchradd bod canlyniadau mewn Cymraeg a Saesneg wedi bod yn ffafriol.

-  Ymatebodd y Swyddog Perfformiad Effeithiolrwydd Ysgolion: Uwchradd i gwestiwn gan y Cadeirydd yn ymwneud â Bandiau. Esboniodd y rhagwelwyd y byddai Ysgolion Uwchradd Sir Ddinbych ym Mandiau 2 a 3 a dim un ym Mandiau 4 a 5.

 

Cyfeiriodd y Cynghorydd A. Roberts at y Pwyllgor Safonau Ysgolion a chadarnhaodd bod Ysgol Y Castell, Rhuddlan wedi dangos arwyddion o wella. Esboniodd bod Ysgol Gynradd Clocaenog wedi cael canlyniadau eithriadol. Fodd bynnag, mynegwyd pryderon bod disgyblion a oedd yn dysgu Cymraeg yn yr ysgol yn cael eu hanfanteisio wrth gael eu hasesu trwy gyfrwng y Gymraeg, yn enwedig plant o gefndir lle nad oeddynt yn siarad Cymraeg a bod hyn wedi ei adlewyrchu yn ffigurau cyrhaeddiad craidd yr Ysgol. Cymeradwyodd y Cynghorydd E W Williams y farn a fynegwyd a theimlai y dylid cymryd hyn o ystyriaeth.

 

PENDERFYNWYD:-

 

(a)   Bod y Pwyllgor Craffu Perfformiad yn derbyn yr adroddiad, a

(b)   Cydnabod barn a sylwadau’r Aelodau ar berfformiad ysgolion o gymharu â pherfformiad blaenorol a’r meincnodau allanol.